Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Amreliમાં મેઘમહેર: ખાંભા ગીર અને સાવરકુંડલા પંથકમાં ધોધમાર વરસાદ

અમરેલી જિલ્લાના ખાંભા ગીર પંથકના ગ્રામ્ય વિસ્તારોમાં બપોર બાદ હવામાનમાં પલટો આવ્યો હતો અને ધોધમાર વરસાદ વરસ્યો હતો. ખાંભાના ઇંગોરાળા, અનિડા, કોટડા અને મોટા સમઢીયાળા સહિતના ગ્રામ્ય વિસ્તારોમાં મુસળધાર વરસાદ પડતાં ખેતરોના વોકળાઓ છલકાઈ ગયા હતા. આ ભારે વરસાદને કારણે અનિડા ગામની સ્થાનિક નદીમાં નવા નીરની આવક થઈ હતી, જેનાથી સમગ્ર પંથકમાં જળબંબાકારની સ્થિતિ સર્જાઈ હતી.સાવરકુંડલા પંથકમાં પણ મેઘાની ધમાકેદાર એન્ટ્રી ખાંભા ગીર બાદ સાવરકુંડલા પંથકમાં પણ મેઘરાજા મહેરબાન થયા હતા. સાવરકુંડલાના ગ્રામ્ય વિસ્તાર એવા શેલણા પાર્ટી, મોટા ભમોદરા, મેકડા અને બોરાળા સહિતના ગામોમાં બપોર પછી મુસળધાર વરસાદ વરસ્યો હતો. અમરેલી જિલ્લાના એકથી વધુ તાલુકાઓમાં એકસાથે વરસાદી માહોલ જામતાં સમગ્ર વાતાવરણમાં ઠંડક પ્રસરી ગઈ હતી અને ચોમાસુ માહોલ વધુ ગાઢ બન્યો હતો.મુરઝાતી મોલાતને મળ્યું નવું જીવનદાનઅમરેલી જિલ્લામાં લાંબા સમયથી ખેડૂતો વરસાદની કાગડોળે રાહ જોઈ રહ્યા હતા. આ સાર્વત્રિક વરસાદથી કપાસ, મગફળી, સોયાબીન અને ડુંગળી સહિતના પાકને મોટો ફાયદો થયો છે. સુકાઈ રહેલા પાકને આ વરસાદથી નવું જીવનદાન મળતાં ખેડૂતોના ચહેરા પર ખુશીની લહેર ફરી વળી છે. ખાંભા અને સાવરકુંડલામાં થયેલી આ મેઘમહેરથી સમગ્ર જિલ્લાના ખેડૂતોમાં સારા ઉત્પાદનની નવી આશા જાગી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Gujarat Assembly: પશુ આહાર બીલ સર્વાનુમતે પસાર, અધ્યક્ષ શંકર ચૌધરીએ રચ્યો ઇતિહાસ

ગુજરાત વિધાનસભા ગૃહમાં રજૂ કરવામાં આવેલું ‘ગુજરાત પશુધન આહાર, મરઘા ચણ અને ખનિજ મિશ્રણ વિધેયક’ સર્વાનુમતે પસાર થઈ ગયું છે. રાજ્યમાં પશુ આહારની ગુણવત્તા જાળવવા અને વેચાણ પર કાયદેસરનું નિયંત્રણ લાવવા માટેના આ બીલને વિપક્ષ કોંગ્રેસ અને આમ આદમી પાર્ટી બંનેનું પૂર્ણ સમર્થન મળ્યું હતું.ગુજરાત વિધાનસભાના ઇતિહાસમાં પ્રથમ ઘટનાઆ બીલની ચર્ચા દરમિયાન ગુજરાત વિધાનસભાના ઇતિહાસમાં પ્રથમવાર એવી ઘટના બની જ્યાં પોતે પીઠાસીન અધ્યક્ષ શંકર ચૌધરીએ ચર્ચામાં સક્રિય ભાગ લીધો હતો. પોતે પશુપાલન ક્ષેત્ર સાથે સીધા જોડાયેલા હોવાના કારણે તેમણે આ વિધેયક પર પોતાની વાત મૂકી હતી અને આવું ઉત્કૃષ્ટ બીલ લાવવા બદલ મુખ્યમંત્રીનો આભાર માન્યો હતો.લાઇટ મારતા જ ખબર પડશે ભેળસેળગૃહમાં વક્તવ્ય આપતા અધ્યક્ષ શંકર ચૌધરીએ દાવો કર્યો હતો કે, રાજ્યના યુવાનો દ્વારા એક વિશેષ મશીનનું સ્ટાર્ટઅપ કરવામાં આવ્યું છે. આ મશીનની મદદથી દૂધ, તેલ કે અન્ય ખાદ્ય ચીજોમાં કયા પ્રકારની ભેળસેળ કે વિટામિન છે તે માત્ર મશીનની લાઇટ મારતા જ તાત્કાલિક જાણી શકાશે. અત્યાર સુધી આવા કામ માટે વિદેશી કંપનીઓના કરોડો રૂપિયાના મશીનો આવતા હતા, પરંતુ સ્થાનિક યુવાનોએ બનાવેલા આ મશીનની કિંમત માત્ર રૂ. 40,000 ની આસપાસ હશે.ભવિષ્યમાં ખાદ્ય સુરક્ષા વધશેઆ નવા કાયદા અને ટેકનોલોજીના ઉપયોગથી આગામી દિવસોમાં ગુજરાતમાં દૂધ, તેલ કે અન્ય ખોરાકમાં રહેલા ઘટકો અને ગુણવત્તાની તપાસ અત્યંત સરળ બની જશે. તેનાથી પશુપાલકો અને સામાન્ય નાગરિકો બંનેને ભેળસેળયુક્ત ખાદ્ય સામગ્રીમાંથી મોટી રાહત મળશે.આ પણ વાંચો: Gujarat Assembly: પશુ આહારમાં ભેળસેળ કરનારા સામે થશે કડક કાર્યવાહી, 7 વર્ષ સુધીની જેલની જોગવાઈ

Read Full Story arrow_forward

calendar_today September 10, 2026

Navsari : ‘અહીં ચોરીઓ બહુ થાય છે’ કહી આધેડને રોક્યો, નકલી પોલીસ બની રૂ.3.57 લાખના દાગીના પડાવ્યા

નવસારી જિલ્લાના ગણદેવી તાલુકાના બીલીમોરા શહેરમાં ધોળા દિવસે નકલી પોલીસ બનીને આધેડને રોકી લાખોની છેતરપિંડી કરવામાં આવી હોવાની ઘટના સામે આવી છે. બીલીમોરા-અમલસાડ રોડ પર સ્મશાનભૂમિ સામે બનેલી ઘટનામાં ગઠિયાઓએ આધેડ પાસેથી રૂ.3.57 લાખની કિંમતના સોનાના દાગીના પડાવી લીધા હતા. જોકે, ઘટનાના ગણતરીના કલાકોમાં પોલીસે એક આરોપીને ઝડપી પાડ્યો છે.રસ્તા વચ્ચે રોક્યા અને પોલીસ હોવાનો રોફ જમાવ્યોફરિયાદી રસ્તા પરથી પસાર થઈ રહ્યા હતા ત્યારે આરોપીએ તેમને રોક્યા હતા. પોતે પોલીસ હોવાનો ભાસ કરાવી “અહીં ચોરીઓ ખૂબ થાય છે” તેમ કહી તેમને ડરાવવામાં આવ્યા હતા. ત્યારબાદ લાયસન્સ પણ માંગવામાં આવ્યું હતું. આ સમગ્ર પ્રક્રિયા દરમિયાન ફરિયાદીને વિશ્વાસમાં લઈને ગઠિયાઓએ તેમના સોનાના દાગીના કાગળમાં મૂકાવ્યા હતા.કાગળમાં દાગીના મૂકાવ્યા અને પછી થઈ એવી ચાલાકીફરિયાદીના આશરે રૂ.3.57 લાખના સોનાના દાગીના કાગળમાં મુકાવ્યા બાદ ગઠિયાઓએ ચાલાકીથી દાગીના કાઢી તેમાં કાંકરા મૂકી દીધા હતા. ત્યારબાદ કાગળ ફરિયાદીને પરત કરી આરોપીઓ ત્યાંથી ફરાર થઈ ગયા હતા.દાગીનાની જગ્યાએ કાંકરા નીકળ્યાથોડીવાર બાદ ફરિયાદીએ કાગળ ખોલીને જોયું તો અંદર સોનાના દાગીનાની જગ્યાએ કાંકરા નીકળ્યા હતા. ત્યારે જ પોતાની સાથે છેતરપિંડી થઈ હોવાનું તેમના ધ્યાનમાં આવ્યું હતું.રૂ.3.57 લાખની છેતરપિંડીનો ગુનો, પોલીસ એક્શનમાંઘટના અંગે બીલીમોરા પોલીસ સ્ટેશનમાં રૂ.3.57 લાખની છેતરપિંડીનો ગુનો નોંધવામાં આવ્યો હતો. ફરિયાદ મળતાં પોલીસે તપાસ શરૂ કરી હતી.ગણતરીના કલાકોમાં એક આરોપી ઝડપાયોપોલીસે ટેકનિકલ અને અન્ય તપાસના આધારે ગણતરીના કલાકોમાં એક આરોપીને ઝડપી પાડ્યો છે. હવે પોલીસે આ સમગ્ર ટોળકીમાં અન્ય કોણ-કોણ સામેલ છે અને અગાઉ આવી જ રીતે કેટલી ઘટનાઓને અંજામ આપવામાં આવ્યો છે તે દિશામાં વધુ તપાસ હાથ ધરી છે. ધોળા દિવસે રસ્તા વચ્ચે નકલી પોલીસ બનીને આ રીતે દાગીના પડાવવાની ઘટનાએ બીલીમોરા શહેરમાં પણ ચકચાર જગાવી છે. આ પણ વાંચો  :    Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward