Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

તંત્રની ઢીલી નીતિ પર પ્રહાર, બમ્પર ભરતી, હવે બાયોમેટ્રિક વેરિફિકેશન ફરજિયાત

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર   Bhavnagar : સનફ્લાવર તેલના કારણે પરિવારના 2 સભ્યોની તબિયત લથડી? ભેળસેળની ફરિયાદ બાદ ખુલ્લા તેલના પેકિંગનો ખેલ સામે આવ્યોGST રજિસ્ટ્રેશન માટે હવે બાયોમેટ્રિક વેરિફિકેશન ફરજિયાત, દિલ્હી હાઈકોર્ટનો મોટો આદેશVande Mataram controversy: વંદે માતરમ્ વિવાદ વચ્ચે તુષાર ચૌધરીનું નિવેદન, કોંગ્રેસના સ્ટેન્ડ વિશે કહી મોટી વાતGujarat વિધાનસભામાં તંત્રની ઢીલી નીતિ પર પ્રહાર: 'ધારાસભ્યની આ સ્થિતિ, તો જનતાનું શું?' ઉમેશ મકવાણાBRICS Summit 2026: શું બ્રિક્સ દેશો વચ્ચે નવું સામાન્ય ચલણ બનાવાશે?, ઊર્જા અને સપ્લાય ચેઈન પર મોટો નિર્ણય શક્યSmartphone સેક્ટરમાં બમ્પર ભરતી, 39,600 નોકરીઓની શક્યતાBotad : 1 કરોડના કથિત ‘તોડકાંડ’ની તપાસ સ્થાનિક અધિકારીને સોંપાઇ, હવે તપાસ જ શંકાના ઘેરામાં, SITની માંગથી ખળભળાટGujarat Assembly: પશુ આહારમાં ભેળસેળ કરનારા સામે થશે કડક કાર્યવાહી, જાણો નવા બિલમાં શું છે જોગવાઈ?Rajkot : વિંછીયામાં ચોંકાવનારો બનાવ, પતિ ઘરે ન હતો અને અચાનક આવી ચઢ્યો વ્યાજખોર, મહિલાની ફરિયાદથી ખળભળાટSalboni Land Scam: અભિષેક બેનર્જીના PA સુમિત રૉયની ધરપકડ, CID એક્શનમાં

Read Full Story arrow_forward

calendar_today September 10, 2026

Gujarat Assembly: AAP ધારાસભ્ય ગોપાલ ઇટાલિયાનું નિવેદન, આહારમાં ભેળસેળ કરનારને રાષ્ટ્રીય અપરાધી જાહેર કરો

ગુજરાત વિધાનસભામાં રજૂ થયેલા પશુ આહાર બીલ અંગે આમ આદમી પાર્ટીના ધારાસભ્ય ગોપાલ ઇટાલિયાએ પોતાના વિચારો રજૂ કર્યા હતા. તેમણે પશુ આહારમાં ભેળસેળ કરનારાઓ સામે આકરા પ્રહારો કરતા જણાવ્યું હતું કે, પશુ આહારમાં ભેળસેળ કરનાર તત્વોને રાષ્ટ્રીય અપરાધી જાહેર કરવા જોઈએ. કોઈ વ્યક્તિને ચાકુ મારવામાં આવે તો ત્વરિત સજા થાય છે, પરંતુ આહારમાં ભેળસેળના નામે પશુઓને ધીમું ઝેર આપનારાઓ સામે પણ એટલી જ સખત સજા થવી જોઈએ.બીલમાં અશ્વના સમાવેશ અંગે ટાંકણગોપાલ ઇટાલિયાએ બીલની ક્ષતિઓ તરફ ધ્યાન દોરતા ગૃહમાં રજૂઆત કરી હતી કે, સરકાર દ્વારા લાવવામાં આવેલા આ બીલમાં પશુઓની વ્યાખ્યા કરવામાં આવી છે, પરંતુ તેમાં અશ્વ એટલે કે ઘોડાનો કોઈ ઉલ્લેખ જ કરવામાં આવ્યો નથી. તેમણે આ બીલમાં સુધારો કરીને તમામ પશુઓનો યોગ્ય સમાવેશ કરવાની રજૂઆત કરી હતી.દુષ્કાળની સ્થિતિ અને ઘાસચારાની સમસ્યા પર રજૂઆતબીલની સાથે સાથે તેમણે રાજ્યમાં પ્રવર્તતી દુષ્કાળની સ્થિતિ અને પશુપાલકોની મુશ્કેલીઓ પર પણ પ્રકાશ પાડ્યો હતો. તેમણે સરકાર પાસે માગ કરી હતી કે, પશુપાલકોને સસ્તા દરે ગુણવત્તાયુક્ત ઘાસચારો પૂરો પાડવા માટે સરકારે ગંભીરતાથી વિચારણા કરવી જોઈએ.વન વિસ્તારમાં ચરાણની મંજૂરી આપવા અપીલપશુપાલકોના હિતમાં વધુ એક મુદ્દો ઉઠાવતા ગોપાલ ઇટાલિયાએ માગ કરી હતી કે, પશુઓને વન વિસ્તારમાં ઘાસચારો ચરવા જવા માટે જરૂરી મંજૂરી આપવામાં આવે, જેથી મુશ્કેલ સમયમાં પશુપાલકો પોતાના માલઢોરનું યોગ્ય પોષણ કરી શકે.આ પણ વાંચો: Gujarat Assembly session Live: ગુજરાત પશુધન આહાર વિધેયક સર્વાનુમતે પસાર, ઈતિહાસમાં પ્રથમવાર અધ્યક્ષ શંકર ચૌધરીએ બીલ પર ચર્ચામાં ભાગ લીધો

Read Full Story arrow_forward

calendar_today September 10, 2026

Ahmedabad : એકા ક્લબના રૂ.20 કરોડના ટેક્સથી લઈને રોડ કોન્ટ્રાક્ટર સુધી, મનપાની સ્ટેન્ડિંગ કમિટીના 5 મોટા નિર્ણયો

અમદાવાદ મહાનગરપાલિકાની સ્ટેન્ડિંગ કમિટીની બેઠકમાં એકા ક્લબના બાકી ટેક્સથી લઈને રોડની કામગીરી, ફટાકડા વેચાણ, AMTSના ભાડા અને રોડ પર ઉભા રહેતા શાકભાજીના ફેરિયાઓને લઈને મહત્વના નિર્ણયો લેવામાં આવ્યા છે. ખાસ કરીને રૂ.20 કરોડના ટેક્સ વિવાદમાં મનપાની લીગલ ટીમની બેદરકારી સામે સવાલો ઉઠ્યા છે.એકા ક્લબના રૂ.20 કરોડના ટેક્સ મામલે મનપા ભીંસમાંએકા ક્લબને શૈક્ષણિકના બદલે કોમર્શિયલ ટેક્સ ભરવા અંગે મનપાએ વર્ષ 2019માં નોટિસ આપી હતી. જોકે, કોર્ટની કાર્યવાહી દરમિયાન મનપા જરૂરી દસ્તાવેજો રજૂ કરી શક્યું નહોતું. કોર્ટ દ્વારા નોટિસની નકલ માંગવામાં આવી હતી, પરંતુ મનપા તે પણ રજૂ કરી શક્યું ન હતું. આ સ્થિતિને કારણે કોર્ટ દ્વારા કાર્યવાહી પર સ્ટે આપવામાં આવ્યો હતો. હવે મનપાએ તમામ જરૂરી દસ્તાવેજી પુરાવા એકત્ર કર્યા છે અને આગામી મુદતમાં કોર્ટ સમક્ષ રજૂ કરવામાં આવશે. આ મામલે લીગલ ટીમના અધિકારીઓની બેદરકારીને કારણે મનપાને નુકસાન થયું હોવાના સવાલો ઉઠ્યા છે.ફટાકડા વેચનારને દિવાળી પહેલાં મોટી રાહતદિવાળી દરમિયાન ખુલ્લા પ્લોટમાં ફટાકડા વેચનારા વેપારીઓ માટે પણ મહત્વનો નિર્ણય લેવાયો છે. ખુલ્લા પ્લોટમાં ફટાકડા વેચાણ માટે BU પરમિશનની જરૂરિયાત નહીં રહે, પરંતુ ફાયર NOC ફરજિયાત રહેશે. આ અંગે ફાયર વિભાગ અને મ્યુનિસિપલ કમિશનરને જાણ કરવામાં આવી છે.5 રોડ અધૂરા છોડ્યા, હવે કોન્ટ્રાક્ટરને બ્લેકલિસ્ટ કરવા સૂચનાશ્રીજી ઇન્ફ્રાને મનપાએ અલગ-અલગ સ્થળે 5 રોડના કામ સોંપ્યા હતા. પરંતુ કામ અધૂરું છોડવામાં આવ્યું હોવાના આક્ષેપો છે. અગાઉ નોટિસ આપવામાં આવી હોવા છતાં જવાબ ન મળતા હવે કંપનીને બ્લેકલિસ્ટ કરવા સૂચના આપવામાં આવી છે.લગ્ન માટે AMTS ભાડે લેવાનું હવે સસ્તું બનશે?લગ્ન સહિતના પ્રસંગો માટે AMTS બસ ભાડે લેવા માટે હાલ આવવા-જવા માટે રૂ.8,000 સુધીનો ખર્ચ થતો હોવાના કારણે લોકોને પૂરતો લાભ મળતો ન હતો. હવે ગરીબ અને મધ્યમવર્ગના લોકો પણ તેનો લાભ લઈ શકે તે માટે ભાડામાં ઘટાડો કરવાની તૈયારી છે. નવી પોલિસી બનાવી નવા ભાડા નક્કી કરવામાં આવશે.રોડ પરના શાકભાજીના ફેરિયાઓ માટે પણ મોટો નિર્ણયશાક માર્કેટ બનાવવામાં આવ્યા બાદ થડા ફાળવવામાં આવ્યા હોવા છતાં કેટલાક ફેરિયાઓ રોડ પર જ ઊભા રહેતા હોવાના મુદ્દે મનપાએ કડક નિર્ણય લીધો છે. હવે થડા ધરાવતા શાકભાજી વેચનારને ફરજિયાત શાક માર્કેટમાં ખસેડવામાં આવશે અને રોડ પરના ગેરકાયદે ફેરિયાઓ સામે કાર્યવાહી કરવામાં આવશે. એક તરફ ટેક્સ વસૂલાતમાં થયેલી બેદરકારી સામે મનપા દસ્તાવેજો સાથે કોર્ટમાં જવાની તૈયારી કરી રહી છે, તો બીજી તરફ શહેરના રોડ, ટ્રાફિક અને વેપાર વ્યવસ્થાને લઈને પણ કડક વલણ અપનાવવામાં આવ્યું છે.   આ પણ વાંચો  :    Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward