Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Fact Check: 2026નો રાષ્ટ્રીય ફિલ્મ પુરસ્કાર સમારોહ ગુજરાતમાં યોજાશે કે નહીં? થયો હવે મસમોટો ખુલાસો

2026નો રાષ્ટ્રીય ફિલ્મ પુરસ્કાર સમારોહ દિલ્હીને બદલે ગુજરાતમાં યોજાશે. રાજધાનીની બહાર આ કાર્યક્રમ યોજાઈ રહ્યો હોય તેવી ઘટના 72 વર્ષમાં આ પહેલીવાર નથી બની; અગાઉ 1971માં ચેન્નાઈ ખાતે સમારોહ યોજીને આ પરંપરા તોડવામાં આવી હતી. 2026નો કાર્યક્રમ ગુજરાતના કેવડિયા ખાતે યોજાવાનું નક્કી કરવામાં આવ્યું છે, જોકે, હવે આ મામલે PIBના ફેક્ટ ચેકમાં આ દાવાને ભ્રામક ગણાવ્યો છે. 17મો રાષ્ટ્રીય ફિલ્મ પુરસ્કાર સમારોહ 1971માં ચેન્નાઈ ખાતે યોજાયો હતો. પરંતુ આ તમામ ખબરો હવે ભ્રામક સાબિત થઈ છે. નોંધનીય છે કે, માહિતી અને પ્રસારણ મંત્રાલયે દેશના અન્ય ભાગોમાં પણ આ સમારોહ યોજવાનો નિર્ણય લીધો છે. પરંતુ ગુજરાતમાં યોજાવવાની વાત અંગે PIB એ સ્પષ્ટતા કરી કે આ દાવો તથ્યોથી વિપરીત છે.રાષ્ટ્રીય પુરસ્કાર વિજેતાઓની યાદીમળતી માહિતી અનુસાર રાષ્ટ્રીય ફિલ્મ પુરસ્કારોની 72મી આવૃત્તિ જેના વિજેતાઓની જાહેરાત જુલાઈમાં કરવામાં આવી હતી. ઉલ્લેખનીય છે કે રાષ્ટ્રીય પુરસ્કાર વિજેતાઓની યાદી પહેલેથી જ જાહેર કરવામાં આવી છે. 'આર્ટિકલ 370' (Article 370) ફિલ્મને શ્રેષ્ઠ ફીચર ફિલ્મ તરીકે પસંદ કરવામાં આવી છે, જ્યારે તેની મુખ્ય અભિનેત્રી યામી ગૌતમને શ્રેષ્ઠ અભિનેત્રીના પુરસ્કાર માટે પસંદ કરવામાં આવી છે. મલયાલમ સુપરસ્ટાર મમ્મૂટી અને બોલિવૂડ અભિનેતા કાર્તિક આર્યન અનુક્રમે 'બ્રહ્મયુગમ' (Bramayugam) અને 'ચંદુ ચેમ્પિયન' (Chandu Champion) માં તેમની ભૂમિકાઓ માટે સંયુક્ત રીતે શ્રેષ્ઠ અભિનેતાનો પુરસ્કાર મેળવશે.આ સિવાય વિનાયક દામોદર સાવરકરના જીવન પર આધારિત ફિલ્મ 'સ્વતંત્ર્ય વીર સાવરકર' (Swatantrya Veer Savarkar) માટે અભિનેતા-ફિલ્મ નિર્માતા રણદીપ હુડ્ડાની શ્રેષ્ઠ ડેબ્યૂ ડિરેક્ટર (પ્રથમ વખત દિગ્દર્શન કરનાર શ્રેષ્ઠ દિગ્દર્શક) તરીકે પસંદગી કરવામાં આવી છે. તેલુગુ ફિલ્મ 'કલ્કી 2898 એડી' (Kalki 2898 AD) ને સંપૂર્ણ મનોરંજન પૂરું પાડતી શ્રેષ્ઠ લોકપ્રિય ફિલ્મનો પુરસ્કાર મળશે. વધુમાં, અરુણ મથેશ્વરન દ્વારા નિર્દેશિત અને ધનુષ અભિનીત તમિલ ફિલ્મ 'કેપ્ટન મિલર' (Captain Miller) ને રાષ્ટ્રીય, સામાજિક અને પર્યાવરણીય મૂલ્યોને પ્રોત્સાહન આપતી શ્રેષ્ઠ ફીચર ફિલ્મ તરીકે પસંદ કરવામાં આવી છે.આ પણ વાંચો: પેટને અંદરથી ઠંડુ રાખવામાં કરે છે મદદ, પીઓ આ એક રસ

Read Full Story arrow_forward

calendar_today September 10, 2026

Ujjainના ખડે હનુમાન મંદિર હટાવવાની કાર્યવાહી વચ્ચે ઉમટ્યા હજારો ભક્તો, ભારે ભીડથી તંત્ર એલર્ટ

Ujjainના સતી ગેટ પાસે આવેલું પ્રસિદ્ધ ખડે હનુમાન મંદિર છેલ્લા કેટલાક દિવસોથી ચર્ચામાં છે. મંદિર હટાવવાની કાર્યવાહી સાથે જોડાયેલા વીડિયો સોશિયલ મીડિયા પર વાયરલ થયા બાદ અહીં ભક્તોની સંખ્યા સતત વધી રહી છે. હવે મંદિર નજીક અચાનક કેટલાક લંગૂર જોવા મળતાં ભક્તોમાં તેની પણ ચર્ચા શરૂ થઈ છે.સોશિયલ મીડિયા પર પ્રતિમા ન હટવાના વીડિયો વાયરલખડે હનુમાન મંદિરની પ્રતિમાને લઈને Instagram, YouTube સહિતના સોશિયલ મીડિયા પ્લેટફોર્મ પર અનેક વીડિયો અને રીલ વાયરલ થઈ રહી છે. કેટલાક વીડિયોમાં પ્રતિમા હટાવવાનો પ્રયાસ કરવામાં આવ્યો હોવા છતાં તે પોતાની જગ્યાએ જ ઊભી હોવાના દાવા કરવામાં આવી રહ્યા છે. આ વીડિયોના કારણે મંદિરને લઈને લોકોમાં વધુ ઉત્સુકતા જોવા મળી રહી છે.ચાર દિવસમાં 8 હજારથી વધુ ભક્તો દર્શને પહોંચ્યાવાયરલ વીડિયો અને રીલ્સની અસર મંદિર પર પણ જોવા મળી રહી છે. છેલ્લા ચાર દિવસમાં 8 હજારથી વધુ ભક્તો અહીં દર્શન માટે પહોંચી ચૂક્યા છે. મધ્ય પ્રદેશ ઉપરાંત ગુજરાત, મહારાષ્ટ્ર અને રાજસ્થાનથી પણ લોકો ઉજ્જૈન આવી રહ્યા છે. ઘણા ભક્તો દર્શન સાથે પ્રતિમાના વીડિયો બનાવીને સોશિયલ મીડિયા પર શેર કરી રહ્યા છે. ભક્તોની વધતી ભીડ વચ્ચે મંદિરની આસપાસ અચાનક કેટલાક લંગૂર જોવા મળ્યા છે. મંદિર પરિસર અને આસપાસ હાજર લોકોમાં લંગૂરોની હાજરી ચર્ચાનો વિષય બની છે. જોકે, લંગૂરો અહીં શા માટે આવ્યા અથવા તેના પાછળ કોઈ ખાસ કારણ છે તે અંગે વહીવટી તંત્ર તરફથી કોઈ સત્તાવાર દાવો કરવામાં આવ્યો નથી.ભક્તોની ભીડને કારણે પોલીસ બંદોબસ્ત વધારાયોખડે હનુમાન મંદિરની હાલની સ્થિતિ સામાન્ય દિવસોથી અલગ છે. મંદિરની આસપાસનો મોટાભાગનો વિસ્તાર છેલ્લા એક સપ્તાહમાં તોડી પાડવામાં આવ્યો છે. હનુમાનજીની પ્રતિમા હાલમાં ટેન્ટમાં રાખવામાં આવી છે. પ્રતિમા હટાવવાની કાર્યવાહી અંગે સોશિયલ મીડિયા પર અલગ-અલગ દાવા થઈ રહ્યા છે. મંદિરમાં વધતી ભીડને ધ્યાનમાં રાખીને આસપાસ બેરિકેડિંગ કરવામાં આવ્યું છે. મોટી સંખ્યામાં પોલીસ જવાનો પણ તૈનાત કરવામાં આવ્યા છે. સવારથી સાંજ સુધી ભક્તોની અવરજવર ચાલુ રહે છે. ખાસ વાત એ છે કે હાલમાં કોઈ મોટો તહેવાર ન હોવા છતાં મંદિર ખાતે મોટી સંખ્યામાં લોકો પહોંચી રહ્યા છે.કેટલાક ભક્તો મંદિરને ચમત્કારિક માને છેસામાન્ય રીતે મંદિરોમાં વાર અને તહેવાર પ્રમાણે ભક્તોની સંખ્યા વધતી જોવા મળે છે. સોમવારે શિવ મંદિરો, મંગળવારે હનુમાન મંદિરો અને બુધવારે ગણેશ મંદિરોમાં વધુ ભીડ જોવા મળે છે. જોકે, ઉજ્જૈનનું ખડા હનુમાન મંદિર હાલમાં કોઈ મોટા તહેવાર વિના જ લોકોમાં ચર્ચાનું કેન્દ્ર બન્યું છે. કેટલાક ભક્તો મંદિરને ચમત્કારિક માને છે અને અહીંથી મળતા તાવીજ તથા ઝાડણીથી વિવિધ રોગોમાં રાહત મળતી હોવાની માન્યતા ધરાવે છે. પુજારીનો આરોપ- વહીવટીતંત્રની ભૂલથી સ્થિતિ વણસીમંદિરના પુજારી મહેશ બૈરાગીના જણાવ્યા મુજબ, મંદિરને લગતું કામ સરળતાથી થઈ શકે તેમ હતું, પરંતુ વહીવટી તંત્ર તરફથી કેટલીક ભૂલો થતાં મામલો વધુ ચર્ચામાં આવ્યો છે. તેમણે જણાવ્યું કે મંદિર ખસેડવા અંગે અધિકારીઓ સાથે શરતો સાથે ચર્ચા કરવામાં આવી હતી, પરંતુ તેમની વાત સ્વીકારવામાં આવી નહોતી.સોશિયલ મીડિયાના પ્રચારથી બહારના રાજ્યોમાંથી ભક્તો આવ્યાપુજારીના જણાવ્યા મુજબ, મંદિરને લઈને સોશિયલ મીડિયા પર વીડિયો અને પોસ્ટ વાયરલ થયા બાદ દેશના અલગ-અલગ વિસ્તારોમાંથી ભક્તો અહીં પહોંચવા લાગ્યા છે. મહાકાલના દર્શન માટે ઉજ્જૈન આવતા ઘણા લોકો હવે ખડા હનુમાન મંદિરની મુલાકાત પણ લઈ રહ્યા છે. જેના કારણે મંદિર એક નવા ધાર્મિક સ્થળ તરીકે ચર્ચામાં આવ્યું છે. છેલ્લા ચાર દિવસથી મંદિરમાં સતત ભીડ વધી રહી છે. તેમના જણાવ્યા પ્રમાણે, હવે વહીવટી તંત્ર IIT મારફતે મંદિર અને પ્રતિમાની સ્કેનિંગ કરાવવાની તૈયારી કરી રહ્યું છે.ઉમા ભારતીનો CM મોહન યાદવને પત્રઆ સમગ્ર મામલા વચ્ચે મધ્ય પ્રદેશના પૂર્વ મુખ્યમંત્રી ઉમા ભારતીએ મુખ્યમંત્રી મોહન યાદવને પત્ર લખીને ઉજ્જૈનના ખડે હનુમાન મંદિરને ન હટાવવાની માંગ કરી છે. એક તરફ મંદિરને લઈને વહીવટી કાર્યવાહી ચાલી રહી છે, તો બીજી તરફ ભક્તોની વધતી ભીડ, સોશિયલ મીડિયા પર વાયરલ વીડિયો અને મંદિર પાસે દેખાયેલા લંગૂરોને કારણે આ સ્થળ સતત ચર્ચામાં રહ્યું છે.સિંહસ્થના કામ માટે રસ્તો પહોળો કરવાનો પ્રસ્તાવખડે હનુમાન મંદિર સાથે જોડાયેલો સમગ્ર મામલો સિંહસ્થ માટે ચાલી રહેલા બાંધકામ અને વિકાસના કામ સાથે સંબંધિત છે. કાંઠલથી છત્રી ચોક સુધીનો માર્ગ પહોળો કરવાનો પ્રસ્તાવ છે અને આ માર્ગમાં મંદિરનો વિસ્તાર આવી રહ્યો છે. થોડા દિવસો પહેલાં જિલ્લા વહીવટીતંત્રે મંદિરની દિવાલો હટાવી હતી, પરંતુ પ્રતિમા હજુ સુધી ત્યાંથી ખસેડી શકાઈ નથી.આ પણ વાંચો:  ખડે હનુમાન હલ્યા નહીંના દાવા વચ્ચે SDMનું મોટું નિવેદન, કહ્યું- અમે પ્રયાસ જ કર્યો નહોતો

Read Full Story arrow_forward

calendar_today September 10, 2026

Gandhinagar : કચ્છ રણોત્સવમાં પ્રવાસીઓનું ઘોડાપૂર,10.41 લાખથી વધુ સહેલાણીઓ પહોંચ્યા, ક્રાફ્ટ સ્ટોલની આવક 73% વધી

કચ્છનું વિશ્વપ્રસિદ્ધ સફેદ રણ ફરી એકવાર પ્રવાસીઓ માટે મોટું આકર્ષણ બન્યું છે. વર્ષ 2025-26ના રણોત્સવ દરમિયાન 10.41 લાખથી વધુ પ્રવાસીઓએ મુલાકાત લીધી હોવાનું પ્રવાસન રાજ્ય મંત્રી જયરામભાઈ ગામીતે વિધાનસભામાં જણાવ્યું છે. તેમાં 10.39 લાખથી વધુ સ્થાનિક પ્રવાસીઓ ઉપરાંત 2,178 વિદેશી પ્રવાસીઓનો પણ સમાવેશ થાય છે.10 લાખથી વધુ પ્રવાસીઓ, રણોત્સવનો ક્રેઝ યથાવતસરકારના જણાવ્યા મુજબ, વડાપ્રધાન નરેન્દ્ર મોદીના નેતૃત્વ હેઠળ વર્ષ 2005થી શરૂ થયેલો રણોત્સવ હવે માત્ર 3 દિવસનો કાર્યક્રમ ન રહેતા 4 મહિનાના વિશ્વના સૌથી લાંબા ઉત્સવોમાં સ્થાન પામ્યો છે. રણોત્સવના કારણે કચ્છનું સફેદ રણ દેશ-વિદેશના પ્રવાસીઓ માટે ખાસ આકર્ષણ બની રહ્યું છે.સ્થાનિક કલાકારો માટે પણ રણોત્સવ બન્યો કમાણીનું મોટું માધ્યમરણોત્સવની અસર માત્ર પ્રવાસન પૂરતી સીમિત રહી નથી. સ્થાનિક કલાકારો, સખી મંડળો અને હસ્તકલા સાથે સંકળાયેલા લોકોને પણ તેનો આર્થિક લાભ મળ્યો છે. વર્ષ 2025-26માં ક્રાફ્ટ સ્ટોલ તથા સખી શક્તિ દ્વારા સંચાલિત સ્ટોલની મુલાકાત લેનારા પ્રવાસીઓની સંખ્યા 4,12,423 રહી હતી, જે અગાઉના વર્ષની સરખામણીએ 77.96%નો વધારો છે.સ્ટોલ્સની આવક રૂ.6.99 કરોડથી વધીને રૂ.12.11 કરોડ થઈઆ સ્ટોલ્સની આવક રૂ.6.99 કરોડથી વધીને રૂ.12.11 કરોડ થઈ છે, એટલે કે આવકમાં 73.30%નો વધારો નોંધાયો છે. ફૂડ સ્ટોલ ધારકોની આવકમાં પણ 33.96%નો વધારો થયો છે.સાંસ્કૃતિક કાર્યક્રમો અને થીમ પેવેલિયને પણ ખેંચ્યા પ્રવાસીઓરણોત્સવ દરમિયાન વિવિધ આકર્ષણોમાં પણ મોટી સંખ્યામાં પ્રવાસીઓ પહોંચ્યા હતા. સાંસ્કૃતિક કાર્યક્રમોમાં 58,679 મુલાકાતીઓ, થીમ પેવેલિયનમાં 1,35,366, ફન ઝોન અને ચિલ્ડ્રન એક્ટિવિટીમાં 19,812, લાઈટ એન્ડ સાઉન્ડ શોમાં 1,08,315 અને ફૂડ સ્ટોલ પર 2,31,786 મુલાકાતીઓ નોંધાયા હતા.ધોરડોમાં પ્લાસ્ટિક ફ્રી ઝોન, પ્રવાસીઓ માટે નવી સુવિધાUNWTO દ્વારા શ્રેષ્ઠ ટુરિઝમ વિલેજ તરીકે ઓળખાયેલા ધોરડોમાં પ્રવાસીઓની સુવિધા અને પર્યાવરણ જાળવણી માટે પણ પગલાં લેવાયા છે. ટ્રાફિક અને પ્રદૂષણ ઘટાડવા સબરસ પાર્કિંગથી વોચ ટાવર સુધી ‘હોપ ઓન હોપ ઓફ’ બસ સેવા શરૂ કરવામાં આવી છે.ટેન્ટ સિટીને પ્લાસ્ટિક ફ્રી ઝોન જાહેર કરવામાં આવ્યુંટેન્ટ સિટીને પ્લાસ્ટિક ફ્રી ઝોન જાહેર કરવામાં આવ્યું છે. કાચની બોટલમાં પીવાનું પાણી ઉપલબ્ધ કરાવવા ઉપરાંત સફેદ રણની નિયમિત સ્વચ્છતા પર પણ ભાર મૂકવામાં આવી રહ્યો છે. આંકડા દર્શાવે છે કે રણોત્સવ હવે માત્ર પ્રવાસીઓના મનોરંજનનો ઉત્સવ નથી રહ્યો, પરંતુ કચ્છના સ્થાનિક અર્થતંત્ર અને હસ્તકલાને નવી ઓળખ આપતું મોટું પ્લેટફોર્મ બની રહ્યો છે.   આ પણ વાંચો   :    Statue of Unityમાં રાષ્ટ્રીય ફિલ્મ પુરસ્કાર યોજાતા ઉદ્ધવ ઠાકરેને લાગ્યું મરચું, એક નિવેદનથી રાજકારણ ગરમાયું

Read Full Story arrow_forward