Community News & Updates

Stay informed with the latest happenings, achievements, and announcements from our community.

All News

calendar_today February 20, 2026

ટ્રકમાં લાકડાની આડમાં હરિયાણાથી ઘુસાડાયેલો રૂ. 39 લાખનો શરાબ પકડાયો

સુરેન્દ્રનગર LCB પીઆઇ તથા ટીમને ચોટીલા - લીંબડી હાઇવે પર રાત્રિ પેટ્રોલિંગ સમયે દારૂ ભરેલી ટ્રક પસાર થવાની બાતમી મળતા ઢેઢુકી ગામ પાસે વોચ ગોઠવવામાં આવી હતી. ટીમે સામતપર ટોલનાકાથી આગળ ગોઠવેલ વોચમાં મોડી રાતે એક ટ્રક રોકી તલાશી લેતા તેમાં પાછળના ભાગે લાકડાના જથ્થાની આડમાં છુપાવેલો વિદેશી દારૂની પેટીઓનો જથ્થો મળી આવ્યો હતો. પોલીસ દ્વારા આ સાથે ટ્રક ચાલક આરીફ્ મુસાભાઇ લાખા,રહે. ગડુ, જિ. જૂનાગઢની અટકાયત કરી હતી. આરીફ્ની પૂછપરછ દરમ્યાન તેને ટ્રક માલીક ઉમર જુસબભાઈ લાખાએ હરિયાણાથી જેતપુર ટોલનાકા સુધી માલ ભરેલો ટ્રક પહોંચાડવાના ચાલીસ હજાર નક્કી કર્યા હતા. જ્યારે માલ મંગાવનાર બુટલેગર ઉંમરને દોઢ લાખ આપવાનો હોવાનું જણાવ્યું હતું. ચંદીગઢ એક્સપ્રેસ વે પરથી લાકડાની આડમાં જેતપુર જતો બ્રાન્ડેડ વિદેશી શરાબનો રૂ. 39 લાખના જથ્થા સહિત કુલ રૂ. 49.19 લાખના મુદ્દામાલ સાથે ઝડપાયેલ આરોપી આરીફ્ લાખા, ટ્રક માલીક ઉમર લાખા તેમજ માલ મોકલનાર સપ્લાયર્સ, માલ મંગાવનાર બુટલેગર સહિત તપાસમાં ખુલે તે તમામ વિરુધ્ધ ગુનો નોંધી વધુ તપાસ આદરી છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today February 20, 2026

જામનગર-લાખાબાવળ વચ્ચે ડબલ ટ્રેકની કામગીરી, રેલવે વ્યવહાર પ્રભાવિત થશે

રાજકોટ રેલ ડીવીઝનમાં ડબલ ટ્રેકની કામગીરીને લઈને જામનગર-લાખાબાવળ વચ્ચે બ્લોક લેવામાં આવનાર છે. જેને લઈને ઝાલાવાડનો રેલ વ્યવહાર પ્રભાવીત થશે. રાજકોટ રેલ ડીવીઝનમાં આવેલ જામનગર-લાખાબાવળ સેકશનમાં ડબલ ટ્રેકની કામગીરીને લઈને રેલવે દ્વારા બ્લોક લેવામાં આવનાર છે. જેને લઈને તા. 21મીથી તા. 26મી ફેબ્રુઆરી સુધી ઝાલાવાડના રેલ વ્યવહારને અસર થનાર છે. વધુમાં મળતી માહિતી મુજબ રેલ વિભાગ દ્વારા ઝાલાવાડમાંથી પસાર થતી તા. 25-2-26ની ભાવનગર-ઓખા ટ્રેનને રાજકોટ સ્ટેશને શોર્ટ ટર્મીનસ કરી છે. આ ટ્રેન રાજકોટ-ઓખા વચ્ચે રદ્દ રહેશે. જયારે તા. 25મીની મુંબઈથી ઓખા જતી સૌરાષ્ટ્ર મેઈલ ટ્રેનને રાજકોટ સુધી શોર્ટ ટર્મીનેટ કરાઈ છે. જયારે તા. 24મીની શાલીમાર-ઓખા ટ્રેન અને તીરૂનલવેલી-જામનગર ટ્રેન હાપા સ્ટેશન સુધી જ ચાલશે. તા. 26મીની ઓખા-ભાવનગર ટ્રેન રાજકોટથી, તા. 26મીની ઓખા-મુંબઈ સૌરાષ્ટ્ર મેલ રાજકોટથી ચાલશે. બીજી તરફ તા. 24મીના રોજ ઓખાથી ભાવનગર જતી ટ્રેન ઓખા સ્ટેશનથી ર કલાક મોડી ઉપડશે. આ ઉપરાંત તા. 21મી, રરમી અને 23મી ફેબ્રુઆરીની ઓખા-ભાવનગર ટ્રેન માર્ગમાં રપ મીનીટ, તા.23મીની માતા વૈષ્ણોદેવી કટરા-જામનગર ટ્રેન માર્ગમાં 30 મીનીટ અને તા. 26મીની ઓખા-બનારસ ટ્રેન માર્ગમાં જરૂરિયાત મુજબ રેગ્યુલેટ થશે. મુસાફરોને ઉપરોકત ફેરફારોને ધ્યાને લઈ પોતાની યાત્રાનું આયોજન કરવા રેલવે વિભાગ દ્વારા જણાવાયુ છે.ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward

calendar_today February 20, 2026

માંડલના 3 પરીક્ષા કેન્દ્ર પર તૈયારીઓનો ધમધમાટ

ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા રાજ્યભરમાં ધો.10 અને 12ની બોર્ડની પરીક્ષાનો પ્રારંભ તા.26મી ફેબ્રુઆરીથી થવા જઈ રહ્યો છે ત્યારે અમદાવાદ ગ્રામ્યમાં માંડલ અને તાલુકાના દાલોદ તથા ટ્રેન્ટ ગામે કેન્દ્ર ફાળવવામાં આવ્યાં છે. તાલુકાની તમામ શાળાઓ દ્વારા ધો.10/12ના વિદ્યાર્થીઓની બોર્ડની વેબસાઈટ ઉપરથી હોલટિકીટ ડાઉનલોડ કરી વિદ્યાર્થીઓને ફાળવવાની કામગીરી હાથ ધરવામાં આવી છે. જ્યારે ત્રણેય બોર્ડ કેન્દ્રના નિરીક્ષકો અને ટીમ દ્વારા પરીક્ષા ખંડમાં સીટ નંબરો લખવા, સીસીટીવી કેમેરા ગોઠવવા, બ્લોક સુપરવાઈઝર્સ, પરીક્ષા મદદનીશ સહિતના સ્ટાફ અને કેન્દ્ર ઉપર પોલીસનો બંદોબસ્ત, આરોગ્યની ટીમ સહિત ગોઠવાશે અને તેનું સુચારું આયોજન કરવામાં આવી રહ્યું છે.માંડલની શ્રી મહાત્મા ગાંધી શાળા બિલ્ડીંગમાં ધો.10ના કુલ 550 વિદ્યાર્થીઓ પરીક્ષા આપશે, દ્વિમાળીય બિલ્ડીંગમાં 19 બ્લોકનો ઉપયોગ કરવામાં આવશે. જ્યારે ધો.12(સામાન્ય પ્રવાહ)ના કુલ 473 વિદ્યાર્થીઓ પરીક્ષા આપશે. જેમાં 17 બ્લોકનો ઉપયોગ કરાશે અને કેન્દ્ર ઉપર પરીક્ષા દરમ્યાન સુપરવાઈઝર, પટ્ટાવાળા,મદદનીશ સહિત 30 વ્યક્તિનો સ્ટાફ કામગીરી કરશે અને શાંતિપુર્ણ માહોલમાં પરીક્ષા યોજાય અને કોઈ ગેરરીતિ ના થાય તેને લઈ પોલીસ બંદોબસ્ત, સીસીટીવી કેમેરા સહિતની વ્યવસ્થા પણ કેન્દ્ર ઉપર ઉભી કરવામાં આવી છે. આ વખતે માંડલની ઉમિયા મેઘમણી શાળાના બિલ્ડીંગને પેટા કેન્દ્ર તરીકે ઉપયોગ કરાશે. આ શાળામાં ધો.10માં 48 રીપીટર છાત્રો પરીક્ષા આપશ. માંડલ કેન્દ્રમાં આસપાસના આદરીયાણા, વડગામ, દસાડા, ફુલકી,વિંઝુવાડા, વિઠ્ઠલાપુર અને માંડલની તમામ શાળાઓના વિદ્યાર્થીઓ પરીક્ષા આપશે. ગ્રામ્ય વિસ્તારોમાંથી આવતાં વિદ્યાર્થીઓ માટે એસટી બસ સહિતના વાહનોની પણ વ્યવસ્થા કરાશે. તાલુકાના ટ્રેન્ટ ગામે પરીક્ષા કેન્દ્રમાં ધો.10ના 296 વિદ્યાર્થીઓ પરીક્ષા આપશે, 11 બ્લોકનો ઉપયોગ કરાશે અને સુપરવાઈઝર સહિતની 18 વ્યક્તિઓની ટીમ જોડાશે. દાલોદ કેન્દ્રમાં પણ ધો.10ના વિદ્યાર્થીઓ માટે 11 બ્લોકનો ઉપયોગ કરાશે, અહીં 265 વિદ્યાર્થી પરીક્ષા આપશે. તેમજ 11 સુપરવાઈઝર સહિતનો સ્ટાફ કેન્દ્ર ઉપર ફરજ બજાવશે. આમ તાલુકા મથક માંડલ કેન્દ્રની બહુમાળીય બિલ્ડીંગ હોવાથી ધો.12ના તાલુકાના તમામ વિદ્યાર્થીઓ પરીક્ષા આપશે, તેમજ નગરની શાળાઓ અને આસપાસના ગ્રામ્યની શાળાઓના ધો.10 ના વિદ્યાર્થીઓ પણ પરીક્ષા આપશે જ્યારે ગ્રામ્યના દાલોદ,ટ્રેન્ટ કેન્દ્રમાં ફક્ત ધો.10ના વિદ્યાર્થીઓ જ પરીક્ષા આપશે. ત્રણેય કેન્દ્રમાં મળીને કુલ 1600થી વધુ વિદ્યાર્થીઓ પરીક્ષા આપી પોતાની કારકિર્દીનું ભાવિ ઘડશે. ગુજરાતના વધુ સમાચાર વાંચવા માટે ક્લિક કરો https://sandesh.com/maru-saher-maru-gaam

Read Full Story arrow_forward