Rajkot: મોના થીબાએ 'વેશ્યાવૃતિ'ને સમાજ સેવા ગણાવતા વિવાદ સળગ્યો, ફિલ્મના પ્રમોશન વચ્ચે હલકી પ્રસિદ્ધી !
ગુજરાતી ફિલ્મોની અભિનેત્રી અને ભાજપના નેતા હિતુ કનોડિયાના પત્ની મોના થીબા ફરી એકવાર ચર્ચામાં આવ્યા છે, પરંતુ આ વખતે કોઈ ફિલ્મ માટે નહીં પણ તેમના વિવાદાસ્પદ નિવેદન માટે. પોતાની આગામી ફિલ્મના પ્રમોશનલ કાર્યક્રમમાં મોના થીબાએ વેશ્યાવૃત્તિને લઈને એવું નિવેદન આપ્યું છે જેણે વિવાદનું મધપૂડો છંછેડ્યો છે.શું કહ્યું મોના થીબાએ?મોના થીબાએ નિવેદન આપતા જણાવ્યું હતું કે, વેશ્યાવૃત્તિ એ એક પ્રકારની સમાજ સેવા જ છે. તેમના મતે, વેશ્યાવૃત્તિ ચાલતી હોવાને કારણે જ સમાજમાં દીકરીઓ સલામત છે અને તેનાથી બળાત્કાર જેવી ઘટનાઓ અટકે છે. ફિલ્મના પ્રમોશનમાં વ્યસ્ત અભિનેત્રીએ આ વ્યવસાયને સામાજિક સંતુલન જાળવવાનું માધ્યમ ગણાવ્યું હતું.કોંગ્રેસ નેતા જેની ઠુમ્મરનો વળતો પ્રહારમોના થીબાના આ નિવેદન પર કોંગ્રેસ નેતા જેની ઠુમ્મરે આકરી પ્રતિક્રિયા આપી છે. તેમણે જણાવ્યું હતું કે, "ભાજપ નેતાના પત્ની હોવાને નાતે અને એક જવાબદાર અભિનેત્રી તરીકે આવું નિવેદન આપવું તે અત્યંત દુર્ભાગ્યપૂર્ણ છે. વેશ્યાવૃત્તિને કોઈ પણ કાળે સમાજ સેવા ગણી શકાય નહીં. આ નિવેદન કોઈ પણ સંસ્કારી સમાજ માટે સ્વીકાર્ય નથી."રાજકીય રંગ પકડતો વિવાદજેની ઠુમ્મરે વધુમાં ઉમેર્યું હતું કે, સ્ત્રીની ગરિમાને ઠેસ પહોંચાડતા આવા વિચારો સમાજમાં ખોટો સંદેશ આપે છે. ભાજપના નેતાના પરિવારમાંથી આવતા વ્યક્તિ જ્યારે આવું બોલે છે, ત્યારે તે પક્ષની વિચારધારા સામે પણ સવાલો ઊભા કરે છે.આ પણ વાંચો: Ahmedabad: વેસ્ટર્ન ડિસ્ટર્બન્સના કારણે દાહોદ, પંચમહાલ અને છોટાઉદેપુરમાં વરસાદી ઝાપટાની શક્યતા
Read Full Story arrow_forward
