Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

Indian Railways : રેલ મુસાફરો માટે ચેતવણી! 1 માર્ચથી UTS એપ બંધ, હવે આ એપથી જ બુક થશે ટિકિટ

ભારતીય રેલ્વે દરરોજ લાખો મુસાફરોને સેવા આપે છે. ખાસ કરીને લોકલ ટ્રેન અને અનરિઝર્વ્ડ (જનરલ) ટિકિટ માટે ઘણા લોકો UTS on Mobile એપનો ઉપયોગ કરતા આવ્યા છે. પરંતુ હવે રેલ્વેએ એક મહત્વપૂર્ણ નિર્ણય લીધો છે. 1 માર્ચ 2026થી UTS એપ સંપૂર્ણપણે બંધ થઈ જશે. આ તારીખ પછી મુસાફરો UTS એપ દ્વારા ટિકિટ બુક કરી શકશે નહીં અને એપમાં ઉપલબ્ધ અન્ય સેવાઓનો પણ લાભ લઈ શકશે નહીં. RailOne એપ પર શિફ્ટ થવાની અપીલ રેલ્વેએ મુસાફરોને સમયસર નવી RailOne એપ પર શિફ્ટ થવાની અપીલ કરી છે. જો સમયસર એપ બદલવામાં નહીં આવે તો દૈનિક મુસાફરી દરમિયાન ટિકિટ બુકિંગમાં મુશ્કેલી આવી શકે છે. ખાસ કરીને રોજિંદા મુસાફરો માટે આ બદલાવ જાણવો ખૂબ જ જરૂરી છે. UTS એપ કેમ બંધ થઈ રહી છે? ભારતીય રેલ્વે તેની ડિજિટલ સેવાઓને વધુ સરળ અને એકીકૃત બનાવવા માંગે છે. હાલમાં ટિકિટ બુકિંગ અને અન્ય સેવાઓ માટે અલગ-અલગ એપનો ઉપયોગ કરવો પડે છે. હવે રેલ્વે એક જ “ઓલ-ઇન-વન” એપ લાવી રહી છે, જેમાં તમામ સુવિધાઓ એક જ જગ્યાએ ઉપલબ્ધ રહેશે. આ માટે UTS એપને બંધ કરીને RailOne એપ શરૂ કરવામાં આવી છે. RailOne એપ શું છે? RailOne ભારતીય રેલ્વેની નવી ડિજિટલ એપ છે. આ એપમાં મુસાફરોને વિવિધ સેવાઓ એક જ પ્લેટફોર્મ પર મળશે. RailOne એપ દ્વારા તમે અનરિઝર્વ્ડ (જનરલ) ટિકિટ બુક કરી શકશો. સાથે જ રિઝર્વ્ડ ટિકિટની માહિતી, PNR સ્ટેટસ, ટ્રેનની લાઇવ સ્થિતિ, ટ્રેન મોડું થવાની માહિતી અને રિફંડ ટ્રેકિંગ જેવી સુવિધાઓ પણ ઉપલબ્ધ રહેશે. આ ઉપરાંત, એપમાં સુરક્ષિત અને સરળ પેમેન્ટ વિકલ્પો પણ મળશે જેમ કે UPI, ડેબિટ કાર્ડ, ક્રેડિટ કાર્ડ, નેટ બેંકિંગ અને R-Wallet. એટલે હવે અલગ-અલગ એપ રાખવાની જરૂર નહીં રહે. R-Wallet બેલેન્સનું શું? રેલ્વેએ સ્પષ્ટ કર્યું છે કે UTS એપમાં રહેલું R-Wallet બેલેન્સ સંપૂર્ણપણે સુરક્ષિત રહેશે. બેલેન્સ ન તો ખોવાશે અને ન જ સમાપ્ત થશે. મુસાફરો RailOne એપમાં એ જ લોગિનથી સાઇન-ઇન કરીને પોતાનું બેલેન્સ ઉપયોગ કરી શકશે. RailOne એપ કેવી રીતે ડાઉનલોડ કરવી? RailOne એપ ડાઉનલોડ કરવી ખૂબ જ સરળ છે. એન્ડ્રોઇડ યુઝર્સ ગુગલ પ્લે સ્ટોરમાં જઈ “RailOne” સર્ચ કરીને એપ ઇન્સ્ટોલ કરી શકે છે. આઇફોન યુઝર્સ એપલ એપ સ્ટોર પરથી એપ ડાઉનલોડ કરી શકે છે. ડાઉનલોડ કર્યા પછી, તમારું મોબાઇલ નંબર અથવા IRCTC/UTS લોગિનથી સાઇન-ઇન કરો અને જરૂરી માહિતી ભરીને સેવા શરૂ કરો. મુસાફરો માટે મહત્વની સલાહ 1 માર્ચ 2026 સુધી રાહ ન જુઓ. શક્ય તેટલી વહેલી તકે RailOne એપ ડાઉનલોડ કરો અને તેનો ઉપયોગ શરૂ કરો. આ બદલાવ રેલ્વેની ડિજિટલ વ્યવસ્થાને વધુ સરળ અને ઝડપી બનાવવા માટે કરવામાં આવ્યો છે. યોગ્ય તૈયારીથી તમે ભવિષ્યમાં ટિકિટ બુકિંગની મુશ્કેલીઓથી બચી શકો છો. આ પણ વાંચો : 

Read Full Story arrow_forward

calendar_today February 12, 2026

Bharat Bandh દરમિયાન હિંસા થાય તો કેટલી સજા મળશે?

ખેડૂત સંગઠનો અને 10 મુખ્ય કેન્દ્રીય ટ્રેડ યુનિયનોએ ગુરુવારે ભારત બંધનું એલાન આપ્યું છે. આ યુનિયનો 2025માં લાગુ કરાયેલા 4 નવા શ્રમ કાયદાઓનો વિરોધ કરી રહ્યા છે. બેન્ક કર્મચારીઓ પણ ભારત બંધ હડતાળને સમર્થન આપી રહ્યા છે. સંગઠનોએ 5 દિવસ કામ કરવા સહિતની ઘણી માગ કરી છે.ભારત બંધની હડતાળ દેશમાં કોઈ નવી વાત નથી. ક્યારેક ટ્રેડ યુનિયનો તો ક્યારેક અન્ય સંગઠનો હડતાળની જાહેરાત કરે છે. હવે પ્રશ્ન એ છે કે શું કોઈ સંગઠન દેશમાં હડતાળની જાહેરાત કરી શકે છે? જો આ દરમયાન હિંસા થાય તો જવાબદાર કોણ રહેશે? કાયદો શું કહે છે? શું કોઈ ભારત બંધની જાહેરાત કરી શકે છે? સુપ્રીમ કોર્ટના વકીલના જણાવ્યા મુજબ "લોકશાહી દેશમાં દરેકને પોતાના વિચારો વ્યક્ત કરવાનો અધિકાર છે. ભારતમાં પણ આ વાત સાચી છે. ભારતીય બંધારણમાં સમાવિષ્ટ અધિકારો આની પુષ્ટિ કરે છે. બંધારણની કલમ 19(a) જણાવે છે કે દરેક ભારતીયને અભિવ્યક્તિની સ્વતંત્રતાનો અધિકાર છે." કલમ 19(b) જણાવે છે કે ભારતીયો હથિયારો વિના ગમે ત્યાં શાંતિપૂર્ણ રીતે ભેગા થઈ શકે છે. દેશવ્યાપી હડતાળની જાહેરાત કરી શકાય છે. દેશની અંદર શાંતિપૂર્ણ હડતાળ સામે કોઈ કાર્યવાહી કરવામાં આવતી નથી. કાર્યવાહી ક્યારે કરવામાં આવે છે? જો ભારત બંધ શાંતિપૂર્ણ રીતે યોજાય તો કોઈ કાર્યવાહી કરવામાં આવતી નથી પણ જ્યારે ભારત બંધ અથવા વિરોધ હિંસક બને છે ત્યારે કાર્યવાહી કરવામાં આવે છે. જો વિરોધીઓ હિંસક બને છે અને મિલકત, સરકારી મિલકતને નુકસાન પહોંચાડે છે, હડતાળમાં ભાગ ન લેતા લોકોને ડરાવે છે અથવા ધમકાવતા હોય છે, અથવા સામાન્ય નાગરિકોના અધિકારોનું ઉલ્લંઘન કરે છે તો તેમની સામે કાર્યવાહી થઈ શકે છે. વધુમાં જો તેઓ દુકાનદારોને તેમની દુકાનો બંધ કરવા દબાણ કરે છે અને હિંસાનો આશરો લે છે તો કાર્યવાહી થઈ શકે છે. હિંસક વિરોધ પ્રદર્શન સામે શું એક્શન લેવામાં આવી શકે છે? ભારતીય બંધારણ શાંતિપૂર્ણ વિરોધ પ્રદર્શનની મંજૂરી આપે છે, પરંતુ શસ્ત્રોના ઉપયોગની નહીં. હિંસાના કિસ્સાઓમાં કાર્યવાહી કરવામાં આવે છે. જો કે, આ હિંસાના સ્વરૂપ અને નુકસાનની હદ પર પણ આધાર રાખે છે. જો પ્રદર્શનકારીઓ મિલકતને નુકસાન પહોંચાડે છે તો તેમની સામે જાહેર સંપત્તિને નુકસાન નિવારણ અધિનિયમ, 1984 હેઠળ કાર્યવાહી થઈ શકે છે. સંપત્તિને નુકસાન પહોંચાડનારા પ્રદર્શનકારીઓને 5 વર્ષ સુધીની જેલ અને દંડ થઈ શકે છે.આ પણ વાંચો : Indian Railways : રેલ મુસાફરો માટે ચેતવણી! 1 માર્ચથી UTS એપ બંધ, હવે આ એપથી જ બુક થશે ટિકિટ

Read Full Story arrow_forward

calendar_today February 12, 2026

Gujarat Latest News Live : અમદાવાદનો ત્રાગડ અંડર પાસ ફોર વ્હીલર માટે બંધ, ટુ વ્હીલર સિવાય અન્ય વાહનો પ્રવેશ કરી શકશે નહીં

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 12 ફેબ્રુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

Read Full Story arrow_forward