Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

Ahmedabad: ત્રાગડ અંડરપાસમાં ફોર-વ્હીલરના પ્રવેશ પર બ્રેક, AUDA એ સુરક્ષાના કારણોસર હાઈટ બેરિયર લગાવવાનું શરૂ કર્યું

 અમદાવાદના ત્રાગડ વિસ્તારમાં આવેલા રેલવે અંડરપાસનો ઉપયોગ કરતા વાહનચાલકો માટે મહત્વના સમાચાર સામે આવ્યા છે. AUDA દ્વારા આ અંડરપાસમાં ફોર-વ્હીલર અને મોટા વાહનોના પ્રવેશ પર કાયમી પ્રતિબંધ મૂકવાની દિશામાં કામગીરી શરૂ કરવામાં આવી છે. હવેથી આ અંડરપાસનો ઉપયોગ માત્ર ટુ-વ્હીલર ચાલકો જ કરી શકશે.બેરિયર લગાવવાની કામગીરી ત્રાગડ અંડરપાસની ઊંચાઈ અને સાંકડા માર્ગને જોતા મોટા વાહનો વારંવાર ફસાઈ જવાની અથવા ટ્રાફિક જામ થવાની સમસ્યા સર્જાતી હતી. આ સમસ્યાના કાયમી નિકાલ માટે AUDA દ્વારા અંડરપાસના બંને છેડે લોખંડી હાઈટ બેરિયર લગાવવાની કામગીરી હાથ ધરવામાં આવી છે. આ બેરિયર લાગ્યા બાદ નિર્ધારિત ઊંચાઈ કરતા વધુ ઊંચાઈ ધરાવતા વાહનો અંડરપાસમાં પ્રવેશી શકશે નહીં.માત્ર ટુ-વ્હીલરને જ પ્રવેશનવા નિયમ મુજબ, ત્રાગડ અંડરપાસમાંથી હવે માત્ર ટુ-વ્હીલર (સાયકલ અને મોટરસાયકલ) જ પસાર થઈ શકશે. કાર, રિક્ષા કે અન્ય મોટા ફોર-વ્હીલર વાહનો માટે આ માર્ગ બંધ કરી દેવામાં આવ્યો છે. AUDA ની આ કામગીરીને પગલે સ્થાનિક ટ્રાફિક પોલીસ દ્વારા પણ વાહનચાલકોને ડાયવર્ઝન લેવા સૂચના આપવામાં આવી છે.આ પણ વાંચો: Surat: ડિંડોલી પોલીસે વાહન ચેકિંગ દરમિયાન ચોરીની રિક્ષા સાથે આરોપી ઝડપાયો, મુદ્દામાલ જપ્ત

Read Full Story arrow_forward

calendar_today February 12, 2026

Ahmedabad News : શહેરમાં વધી રહેલી ટ્રાફિકની સમસ્યાનો ઉકેલ જરૂરી: ઈન્ચાર્જ DGP ડો. કે.એલ.એન. રાવ

અમદાવાદમાં રાજ્યના ઈન્ચાર્જ DGP ડો. કે.એલ.એન. રાવની અધ્યક્ષતામાં રિજનલ ક્રાઈમ કોન્ફરન્સ યોજાઈ હતી. જેમાં અમદાવાદ અને ગાંધીનગર રેન્જના અધિકારીઓ હાજર રહ્યાં હતાં. ખાસ કરીને ATS, CID ક્રાઈમ અને સાયબર વિભાગના અધિકારીઓ હાજર રહ્યા હતાં. આ કોન્ફરન્સ બાદ પોલીસવડાએ પત્રકારો સાથે ચર્ચાઓ કરી હતી. ઇન્ચાર્જ DGPની અધ્યક્ષતામાં યોજાઇ કોન્ફરન્સ રાજ્યના ઈન્ચાર્જ DGP ડો. કે.એલ.એન.રાવે જણાવ્યું હતું કે, અમદાવાદમાં યોજાયેલી ક્રાઈમ રિજનલ ક્રાઈમ કોન્ફરન્સમાં શહેરમાં બનતા ગંભીર ગુનાઓ બાબતે ચર્ચાઓ કરવામાં આવી છે. શહેરમા વધી રહેલી ટ્રાફિકની સમસ્યાનો ઉકેલ લાવવાની જરૂર છે. આ ઉપરાંત સતત વધી રહેલા સાયબર ક્રાઈમને લગતા ગુનાઓ અંગે પણ ચર્ચાઓ કરવામાં આવી હતી. મ્યુલ એકાઉન્ટ અંગે પણ કાર્યવાહી કરવામાં આવી છે. ડ્રગ્સને લગતા ગુના પણ રોકવા માટે પોલીસને સૂચના આપવામાં આવી છે. ટ્રાફિકનો પ્રશ્ન હલ કરવા કાર્યવાહી કરાશે અમદાવાદમાં વર્ષ 2025માં નોંધાયેલા ક્રાઈમને સમજવા માટે કેટલાક એનાલિસિસ જોયા છે. પોલીસ અને કોર્પોરેશન સાથે મળીને ટ્રાફિકનો પ્રશ્ન હલ કરવા કાર્યવાહી કરશે. પીએસઆઈથી લઈને પીઆઈ સુધીના પ્રમોશન મેળવેલા અધિકારીને ઝડપથી પોસ્ટિંગ મળે તે માટે કાર્યવાહી કરવામાં આવી છે. આ પણ વાંચોઃ Surat News: યુપીથી કિશોરીને ભગાડી લાવનાર શખ્સની ધરપકડ

Read Full Story arrow_forward

calendar_today February 12, 2026

Ahmedabad Fire News : શિવાલિક હાઈ સ્ટ્રીટમાં લાગી આગ, 20 લોકોનું કરાયું રેસ્ક્યુ

અમદાવાદના શિવાલિક હાઈ સ્ટ્રીટ બિલ્ડિંગમાં ચોથા માળે અચાનક આગ લાગી જતા હાહાકાર મચી ગયો છે. આગ લાગ્યાની જાણકારી મળતા જ ફાયર બ્રિગેડને કોલ કરવામાં આવ્યો. પ્રાથમિક માહિતી મુજબ આગ બાદ સમગ્ર બિલ્ડિંગમાં ધુમાડો ફેલાઈ ગયો, જેના કારણે ઉપરના માળે રહેલા લોકો ફસાઈ ગયા હતા. ખાસ કરીને 8મા અને 9મા માળે કેટલાક લોકો ફસાયા હોવાની માહિતી સામે આવી છે.25થી વધુ ફાયર કર્મચારીઓએ રેસ્ક્યુ ઓપરેશન હાથ ધર્યું આગની ઘટનાને પગલે લોકો જીવ બચાવવા માટે બિલ્ડિંગના ધાબા પર ચડી ગયા. ઘટનાસ્થળે તરત જ નવરંગપુરા, બોડકદેવ, થલતેજ, પ્રહલાદનગર અને મણિનગર ફાયર સ્ટેશનની ટીમોને મોકલવામાં આવી. કુલ 3 ગજરાજ, 2 મીની ફાયર ફાઈટર અને 25થી વધુ ફાયર કર્મચારીઓ દ્વારા વિશાળ રેસ્ક્યુ ઓપરેશન હાથ ધરાયું હતું. અનેક લોકો જીવ બચાવવા ધાબા પર પહોંચી ગયા ફાયર વિભાગે તાત્કાલિક કાર્યવાહી કરતાં પ્રથમ તબક્કામાં 5 લોકોને સુરક્ષિત રીતે બહાર કાઢ્યા. ત્યારબાદ સતત ચાલી રહેલી કામગીરી દરમિયાન અત્યાર સુધીમાં 20થી વધુ લોકોને સલામત રીતે રેસ્ક્યુ કરવામાં આવ્યા હોવાનું અધિકારીઓએ જણાવ્યું છે. હજુ પણ કેટલાક લોકો ઉપરના માળે ફસાયેલા હોવાની આશંકા વ્યક્ત કરવામાં આવી રહી છે અને તેમને બહાર કાઢવા માટે સઘન પ્રયત્નો ચાલુ છે. ફાયર અધિકારીઓ દ્વારા આગ પર કાબૂ મેળવવા તેમજ બિલ્ડિંગમાં ફેલાયેલા ધુમાડાને નિયંત્રિત કરવા માટે કામગીરી કરવામાં આવી રહી છે. આગ લાગવાનું ચોક્કસ કારણ હજી સુધી જાણવા મળ્યું નથી. ઘટના અંગે વધુ તપાસ હાથ ધરવામાં આવી છે.આ પણ વાંચો : Junagadh : મહાશિવરાત્રીના મેળામાં સુરક્ષા વ્યવસ્થાને લઈને પોલીસ તંત્ર સજ્જ, 3475 જેટલા સુરક્ષાકર્મીઓ તૈનાત

Read Full Story arrow_forward