Community News & Updates

Stay informed with the latest happenings, achievements, and announcements from our community.

All News

calendar_today February 12, 2026

railway મુસાફરો સાવધાન! 1 માર્ચથી UTS એપ થઈ જશે બંધ, હવે આ નવી 'સુપર એપ' થી બુક થશે ટિકિટ

ભારતીય રેલવે દ્વારા મુસાફરોની સુવિધામાં વધારો કરવા અને ડિજિટલ સેવાઓને વધુ સરળ બનાવવા માટે એક ઐતિહાસિક નિર્ણય લેવામાં આવ્યો છે. રેલવેની વર્ષો જૂની UTS એપ આગામી ૧ માર્ચથી કાયમી ધોરણે બંધ કરી દેવામાં આવશે. તેના સ્થાને હવે નવી સુપર એપ 'RailOne' કાર્યરત થશે, જે મુસાફરો માટે "વન-સ્ટોપ ડિજિટલ સોલ્યુશન" સાબિત થશે. કેમ બંધ થઈ રહી છે UTS એપ? અત્યાર સુધી મુસાફરોને જનરલ ટિકિટ માટે UTS, રિઝર્વેશન માટે IRCTC અને ટ્રેન સ્ટેટસ જોવા માટે NTES જેવી અલગ-અલગ એપ ડાઉનલોડ કરવી પડતી હતી. રેલવેએ આ જટિલતા દૂર કરવા માટે તમામ સેવાઓને એક જ પ્લેટફોર્મ 'RailOne' પર સંકલિત કરી છે. ૧ માર્ચથી જનરલ અને પ્લેટફોર્મ ટિકિટ બુક કરવા માટે RailOne એપનો ઉપયોગ કરવો ફરજિયાત બનશે. RailOne એપની મુખ્ય વિશેષતાઓ આ નવી સુપર એપ માત્ર ટિકિટ બુકિંગ પૂરતી મર્યાદિત નથી,તેમાં આ દરેક સેવાઓ મળશે જનરલ, પ્લેટફોર્મ અને રિઝર્વ્ડ ટિકિટ બુકિંગ. ટ્રેનનું રનિંગ સ્ટેટસ, PNR સ્ટેટસ અને પ્લેટફોર્મની માહિતી. કોચ પોઝિશન જાણવી, 'રેલ મદદ' દ્વારા ફરિયાદ કરવી અને 'ફૂડ ઓન ટ્રેક' મારફતે જમવાનું મંગાવવું. તમારા R-Wallet બેલેન્સનું શું થશે? ઘણા મુસાફરોને ચિંતા છે કે UTS એપ બંધ થવાથી તેમના વોલેટમાં રહેલા પૈસાનું શું થશે? રેલવેએ સ્પષ્ટતા કરી છે કે મુસાફરોનું બેલેન્સ સુરક્ષિત છે. તમે જે લોગિન ID અને પાસવર્ડ UTS એપમાં વાપરતા હતા, તેનો જ ઉપયોગ કરીને RailOne એપમાં સાઇન-ઇન કરી શકશો. તમારું તમામ R-Wallet બેલેન્સ ઓટોમેટિક નવી એપમાં ટ્રાન્સફર થઈ જશે. જનરલ ટિકિટ પર ૩% ડિસ્કાઉન્ટની ઓફર રેલવેએ નવી એપના પ્રચાર માટે એક ખાસ ઓફર જાહેર કરી છે. જો તમે RailOne એપ દ્વારા ડિજિટલ પેમેન્ટ (UPI, કાર્ડ કે વોલેટ) કરીને જનરલ ટિકિટ બુક કરશો, તો તમને ૩% ડિસ્કાઉન્ટ મળશે. આ ઓફર ૧૪ જુલાઈ, ૨૦૨૬ સુધી માન્ય રહેશે. મુસાફરો માટે સૂચના છેલ્લી ઘડીની દોડધામથી બચવા માટે રેલવેએ સલાહ આપી છે કે મુસાફરો અત્યારથી જ પ્લે સ્ટોર કે એપ સ્ટોર પરથી RailOne એપ ડાઉનલોડ કરી લે અને પોતાની પ્રોફાઇલ સેટ કરી દે. ૧ માર્ચ પછી જૂની UTS એપ કામ કરવાનું બંધ કરી દેશે, તેથી અત્યારથી જ નવી સિસ્ટમ સાથે અનુકૂલન સાધવું હિતાવહ છે.આ પણ વાંચોઃ  UPSC CSE 2026: ફોર્મ ભરવામાં ભૂલ થઈ છે? ગભરાશો નહીં, કમિશન આપશે સુધારાની છેલ્લી તક, જાણો સમયગાળો

Read Full Story arrow_forward

calendar_today February 12, 2026

RERA બંધ કરો, તે ફક્ત બિલ્ડરોને જ આપે છે ટેકોઃ સુપ્રીમ કોર્ટ

હિમાચલ પ્રદેશમાં RERA ઓફિસના સ્થાનાંતરણ કેસની સુનાવણીમાં SCએ પ્રશ્નો પૂછ્યા હતા. SCનું સુનાવણી દરમિયાન કડક વલણ એક કેસની સુનાવણી કરતી વખતે સુપ્રીમ કોર્ટે રિયલ એસ્ટેટ રેગ્યુલેટરી ઓથોરિટી એટલે કે, RERAની કામગીરી પર ખૂબ જ કઠોર ટિપ્પણી કરી હતી. કોર્ટે સ્પષ્ટપણે કહ્યું કે, RERA હવે ડિફોલ્ટર બિલ્ડરોને રક્ષણ આપવાનું સાધન બની ગયું છે અને તેથી, તેને નાબૂદ કરવું વધુ સારું રહેશે. ભારતના મુખ્ય ન્યાયાધીશ સૂર્યકાંત અને ન્યાયાધીશ જોયમાલિયા બાગચીની બનેલી બેન્ચે સુનાવણી દરમિયાન કડક વલણ અપનાવ્યું હતુ. RERAને સંપૂર્ણપણે નાબૂદ કરોઃ SC ન્યાયાધીશોએ કહ્યું કે, તમામ રાજ્ય સરકારોએ હવે ગંભીરતાથી વિચારવું જોઈએ કે, RERA નામની સંસ્થા શેના માટે બનાવવામાં આવી હતી. શું આ સામાન્ય લોકોના હિતોનું રક્ષણ કરવા માટે હતું કે બિલ્ડરોને સુવિધા આપવા માટે? CJI સૂર્યકાંતે ટિપ્પણી કરી હતી કે, આ સંસ્થા ડિફોલ્ટર બિલ્ડરોને સુવિધા આપવા સિવાય બીજું કંઈ કરી રહી નથી. આવી સ્થિતિમાં, આ સંસ્થાને સંપૂર્ણપણે નાબૂદ કરવી વધુ સારું રહેશે. શિમલાથી ધર્મશાળા ઓફિસ ખસેડવા અંગે વિવાદ હિમાચલ પ્રદેશમાં કેસની સુનાવણી દરમિયાન સુપ્રીમ કોર્ટની નારાજગી સામે આવી હતી. આ વિવાદ હિમાચલ પ્રદેશ સરકાર દ્વારા રાજ્ય RERA ઓફિસને શિમલાથી ધર્મશાળા ખસેડવા માટે જાહેરનામું બહાર પાડવાના નિર્ણય અંગે હતો. આ નિર્ણય સામે અપીલ દાખલ કરવામાં આવી હતી અને મામલો હિમાચલ પ્રદેશ હાઈકોર્ટમાં પહોંચ્યો હતો. ગયા વર્ષે, હાઈકોર્ટે આ જાહેરનામા પર સ્ટે મૂક્યો હતો. સરકારે વૈકલ્પિક સ્થાન ઓળખ્યા વિના ઓફિસ ખસેડવાનો નિર્ણય લીધો હતો. જાહેર અસુવિધાનો ઉકેલ આવ્યો નથી હાઈકોર્ટે તેના આદેશમાં એમ પણ જણાવ્યું હતું કે 18 આઉટસોર્સ કર્મચારીઓને અન્ય બોર્ડ અને કોર્પોરેશનોમાં સમાવિષ્ટ કરવામાં આવશે, જે RERAની કામગીરીને સંપૂર્ણપણે વિક્ષેપિત કરશે. આ દલીલોના આધારે, હાઈકોર્ટે 13 જૂન, 2025 ના જાહેરનામા પર સ્ટે મૂક્યો હતો. સુપ્રીમ કોર્ટે હાઈકોર્ટના નિર્ણયને ઉલટાવી દીધો હતો. જેનાથી રાજ્ય સરકારને નોંધપાત્ર રાહત મળી. સુપ્રીમ કોર્ટે રાજ્યને RERA ઓફિસને શિમલાથી ધર્મશાળા ખસેડવાની મંજૂરી આપી હતી. જોકે, કોર્ટે ખાતરી કરી હતી કે, આ પ્રક્રિયાથી સામાન્ય લોકો અથવા RERAના આદેશોથી પ્રભાવિત લોકોને કોઈ અસુવિધા ન થાય. આ પણ વાંચોઃ Imran Khanએ એક આંખની ગુમાવી દ્રષ્ટિ, સુપ્રીમ કોર્ટે તબીબી તપાસના આપ્યા આદેશ

Read Full Story arrow_forward

calendar_today February 12, 2026

Board exam rules : CBSE હોય કે GSBC, પરીક્ષા પહેલા બીમાર પડ્યા તો શું? જાણો નિયમો

બોર્ડ પરીક્ષાઓ વિદ્યાર્થીઓના ભવિષ્ય માટે ખૂબ જ મહત્વપૂર્ણ હોય છે. પરંતુ જો પરીક્ષાના દિવસે અચાનક તબિયત બગડે કે કોઈ કટોકટી સર્જાય તો શું કરવું? CBSE અને GSBC (GSHSEB) બોર્ડના નિયમો સમજવા જરૂરી છે. CBSE બોર્ડના નિયમો CBSE (ધોરણ 10 અને 12) બોર્ડ પરીક્ષાઓમાં ગેરહાજરી બાબતે નિયમો કડક છે. જો વિદ્યાર્થી બીમારી, અકસ્માત કે કૌટુંબિક કારણોસર પરીક્ષા આપી શકતો નથી, તો અલગથી “મેક-અપ પરીક્ષા” લેવામાં આવતી નથી. તબીબી પ્રમાણપત્ર હોવા છતાં સામાન્ય રીતે ફરી પરીક્ષા આપવાની તક મળતી નથી. બીમાર હોવા છતાં પરીક્ષા કેન્દ્ર પર પહોંચે જો વિદ્યાર્થી બીમાર હોવા છતાં પરીક્ષા કેન્દ્ર પર પહોંચે છે, તો તેને પરીક્ષા આપવા દેવામાં આવે છે. કેન્દ્ર પર પાણી, બેઠક જેવી મૂળભૂત સુવિધા આપવામાં આવે છે, પરંતુ વધારાનો સમય સામાન્ય રીતે આપવામાં આવતો નથી. એકવાર પ્રશ્નપત્ર ઉકેલવાનું શરૂ થાય એટલે વિદ્યાર્થી હાજર ગણાય છે. ગંભીર બીમારી હોય તો ગેરહાજર જો ગંભીર બીમારીના કારણે વિદ્યાર્થી હોસ્પિટલમાં દાખલ હોય અને પરીક્ષા આપી ન શકે, તો તેને ગેરહાજર ગણવામાં આવે છે. આવા કિસ્સામાં વિદ્યાર્થી પછી “કમ્પાર્ટમેન્ટ પરીક્ષા” આપી શકે છે. જો કોઈ મુખ્ય વિષયમાં નિષ્ફળતા મળે, તો અંતિમ પરિણામમાં પાસ જાહેર કરાતા નથી જ્યાં સુધી તે વિષય પાસ ન થાય. ગ્રેસ માર્ક્સ માત્ર હાજર રહીને પરીક્ષા આપનાર વિદ્યાર્થીઓને જ મળે છે. ગેરહાજર વિદ્યાર્થીઓ માટે આ લાગુ પડતું નથી. GSBC (GSHSEB) બોર્ડના નિયમો GSBC (ગુજરાત બોર્ડ)માં નિયમો થોડા અલગ છે. જો પરીક્ષા દરમિયાન તબિયત બગડે અથવા અકસ્માત થાય, તો તરત જ કેન્દ્ર સંચાલકને જાણ કરવી જરૂરી છે. જો વિદ્યાર્થી તબીબી કારણોસર મુખ્ય પરીક્ષામાં બેસી શકતો નથી, તો તે પૂરક પરીક્ષા (Supplementary Exam)માં “નિયમિત ઉમેદવાર” તરીકે બેસી શકે છે. આથી વિદ્યાર્થીનું એક વર્ષ બગડે નહીં. જો હાથમાં ઈજા હોય અથવા લેખિત પરીક્ષા આપી શકતા ન હોય, તો “રાઈટર” (Writer) માટે અગાઉથી જિલ્લા શિક્ષણાધિકારી (DEO)ને અરજી કરવી પડે છે. હંમેશા મેડિકલ સર્ટિફિકેટ, ડૉક્ટરની રિપોર્ટ અને જરૂરી દસ્તાવેજો સાચવી રાખવા. શાળા અને બોર્ડના નિયમોનું પાલન કરવું ખૂબ જરૂરી છે. આવી સ્થિતિમાં શું કરવું? ગભરાશો નહીં અને તાત્કાલિક શાળાને જાણ કરો. તમામ મેડિકલ દસ્તાવેજો એકત્રિત કરો. CBSEમાં કમ્પાર્ટમેન્ટ પરીક્ષા અને GSBCમાં પૂરક પરીક્ષા વિશે અગાઉથી માહિતી મેળવોન્દ્ર સંચાલક સાથે સતત સંપર્કમાં શાળાના આચાર્ય અને કેન્દ્ર સંચાલક સાથે સતત સંપર્કમાં રહો. CBSE હોય કે GSBC, બોર્ડના નિયમો સ્પષ્ટ અને નિશ્ચિત હોય છે. યોગ્ય માહિતી અને સમયસર પગલાં લીધા જાય તો વિદ્યાર્થીઓનું શૈક્ષણિક વર્ષ બચાવી શકાય છે. પરીક્ષા પહેલા નિયમો જાણવાથી અનાવશ્યક તણાવ ટાળી શકાય છેઆ પણ વાંચો : Space Debris : 2030 સુધી ફ્લાઇટ વિલંબ વધશે? અવકાશ કાટમાળથી ઊભો નવો ખતરો

Read Full Story arrow_forward