Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

Dahod News: અભલોડમાં તળાવમાં ડૂબી જવાથી કિશોરનું મોત, બે બાળકોનો આબાદ બચાવ

દાહોદ જિલ્લાના અભલોડ ગામે એક અત્યંત કરૂણ ઘટના સામે આવી છે. અભલોડ ગામના લીંબુ ફળિયામાં આવેલા તળાવમાં ન્હાવા ગયેલા પાંચ બાળકો પૈકી ત્રણ બાળકો પાણીમાં ડૂબ્યા હતા. આ દુર્ઘટનામાં 12 વર્ષીય કિશોરનું કરૂણ મોત નિપજતા પરિવાર સહિત સમગ્ર પંથકમાં ગમગીનીનો માહોલ છવાઈ ગયો છે.મિત્રને બચાવવા જતાં સર્જાઈ દુર્ઘટના ઘટનાની મળતી માહિતી અનુસાર, દાહોદ જિલ્લાના અભલોડ ગામના લીંબુ ફળિયાના તળાવમાં પાંચ બાળકો ન્હાવા માટે ગયા હતા. નાહતી વખતે અચાનક એક બાળક ઊંડા પાણીમાં ગરકાવ થવા લાગ્યો હતો. તેને ડૂબતો જોઈ બાકીના બે મિત્રો તેને બચાવવા માટે પાણીમાં કૂદ્યા હતા, પરંતુ પાણી ઊંડું હોવાને કારણે ત્રણેય બાળકો ડૂબવા લાગ્યા હતા. લોકોએ બાળકોને બહાર કાઢ્યા, પણ અક્ષયને ન બચાવી શકાયો બાળકોને ડૂબતા જોઈ આસપાસના ગ્રામજનો તાત્કાલિક મદદ માટે દોડી આવ્યા હતા. સ્થાનિકોએ ભારે જહેમત બાદ ત્રણેય બાળકોને પાણીમાંથી બહાર કાઢ્યા હતા. જેમાં 12 વર્ષીય અક્ષય પરમારની હાલત અત્યંત નાજુક હોવાથી તેને તાત્કાલિક હોસ્પિટલ ખસેડાયો હતો. જોકે, હોસ્પિટલ પહોંચતા જ ફરજ પરના તબીબોએ તેને મૃત જાહેર કર્યો હતો. ગામમાં શોકનું મોજું અન્ય બે બાળકોનો આબાદ બચાવ થયો છે, પરંતુ અક્ષયના મોતના સમાચાર મળતા જ તેના પરિવાર પર આભ તૂટી પડ્યું છે. રમત-રમતમાં જિગરના ટુકડા સમાન પુત્ર ગુમાવતા માતા-પિતાના આક્રંદથી હોસ્પિટલ પરિસર ગુંજી ઉઠ્યું હતું. પોલીસે આ મામલે અકસ્માતે મોતનો ગુનો નોંધી આગળની કાર્યવાહી હાથ ધરી છે. આ પણ વાંચો - Dahod : ગરબાડાના છરછોડામાં પ્રોહિબિશન રેડ દરમિયાન પોલીસ પર હુમલો કરાયો, શર્ટનું કોલર ફાડી નાખી મારી નાખવાની ધમકી આપી

Read Full Story arrow_forward

calendar_today February 11, 2026

Valsad News: ડમ્પરના ટાયર નીચે બાઈક ફસાઈ છતાં ચાલકે બ્રેક ન મારી

વલસાડ જિલ્લાના સૌથી વ્યસ્ત ગણાતા વાપીના ગુંજન વિસ્તારમાં આજે એક હૃદયદ્રાવક અકસ્માત સર્જાયો હતો. એક બેફામ ડમ્પર ચાલકે બાઈક સવારને અડફેટે લીધા બાદ માનવતા નેવે મૂકી તેને અંદાજે 30 થી 40 મીટર સુધી રસ્તા પર ઘસેડ્યો હતો. આ ભયાનક અકસ્માતના સીસીટીવી ફૂટેજ પણ સામે આવ્યા છે, જે જોઈને કોઈપણ ધ્રૂજી ઉઠે તેમ છે.લોકોએ બૂમો પાડી ડમ્પર ઉભું રખાવ્યું ઘટનાની મળતી માહિતી અનુસાર, વલસાડ જિલ્લાના વાપી શહેરના ગુંજન વિસ્તારમાં ટ્રાફિક વચ્ચે એક ડમ્પર ચાલકે બાઈક સવારને જોરદાર ટક્કર મારી હતી. ટક્કર એટલી જોરદાર હતી કે બાઈક ડમ્પરના આગલા ટાયરમાં ફસાઈ ગયું હતું. ડમ્પર ચાલકે ગાડી ઉભી રાખવાને બદલે હંકારી મૂકી હતી અને યુવકને બાઈક સાથે 40 મીટર સુધી રોડ પર ઢસેડ્યો હતો. આ દ્રશ્ય જોઈ સ્થાનિક લોકોમાં ચીસાચીસ મચી ગઈ હતી. લોકોએ દોડીને ડમ્પરને અટકાવ્યું હતું. ટાયર નીચેથી બાઈક કાઢ્યું, યુવકની હાલત ગંભીર સ્થાનિક લોકોએ ડમ્પર ઉભું રખાવ્યા બાદ ભારે જહેમતથી ટાયર નીચે ફસાયેલા બાઈક અને લોહીલુહાણ હાલતમાં યુવકને બહાર કાઢ્યો હતો. અકસ્માતમાં યુવકને ગંભીર ઈજાઓ પહોંચી હોવાથી તેને તાત્કાલિક અસરથી નજીકની હોસ્પિટલમાં સારવાર માટે ખસેડવામાં આવ્યો છે. લોકોના સમયસૂચકતાને કારણે યુવકનો જીવ બચી ગયો હતો, અન્યથા મોટી દુર્ઘટના સર્જાઈ હોત. પોલીસે તપાસના ચક્રો ગતિમાન કર્યા સમગ્ર ઘટનાના CCTV ફૂટેજ સોશિયલ મીડિયા પર વાયરલ થયા છે. વાપી જીઆઈડીસી પોલીસે આ મામલે ગુનો નોંધી ડમ્પર ચાલકની અટકાયત કરી આગળની તપાસ હાથ ધરી છે. ભરચક ગુંજન વિસ્તારમાં આ રીતે બેફામ વાહન ચલાવનારા ચાલકો સામે કડક કાર્યવાહી કરવાની માગ ઉઠી રહી છે. આ પણ વાંચો - Valsad : મહિલા વ્યાજખોર નીલમની પોલીસે કરી ધરપકડ, 27 હજાર સામે 91 વસૂલવા છતાં વધુ પૈસા માગી ધમકી આપી હતી

Read Full Story arrow_forward

calendar_today February 11, 2026

Vadodara News: વિશ્વામિત્રી નદીને પહોળી કર્યા બાદ મગરની વસતી ગણતરી કરાઈ, 423થી વધુ મગરો જોવા મળ્યા

વડોદરા શહેરમાંથી પસાર થતી વિશ્વામિત્રી નદીમા વખતો વખત મગરની વસ્તી ગણતરી કરવામાં આવે છે. ત્યારે શહેરમાં પૂરની પરિસ્થિતિ બાદ મગરની ગણતરી કરવામાં આવી હતી. જેમાં 423થી વધુ મગરો જોવા મળ્યા હતા.હાલમાં વિશ્વામિત્રી નદીને પહોળી કર્યા બાદ ફરીથી મગરની ગણતરી કરવામાં આવી હતી. જેમાં વહેલી સવારથી અને રાત્રિના સમયે શાળા 17 કિ.મીના નદીના પટમાં ટીમોને ઉતારી મગરની ગણતરી હાથ ધરી હતી. વિશ્વામિત્રી નદીમાં મગરની વસતી ગણતરી જે ગણતરી દરમિયાન 417 જેટલા મગર મળી આવ્યા હતા. મગરોની ગણતરી દરમિયાન એકથી ત્રણ મીટર અને ત્રણ મીટરથી વધુ લંબાઈ ધરાવતા મગરોની પણ અલગ ગણતરી કરવામાં આવી હતી.નરહરી હોસ્પિટલથી કાલાઘોડા સુધીના નદીના પટમાં સૌથી વધુ 118 મગર જોવા મળ્યા હતા જેની સવિશેષ નોંધ કરવામાં આવી હતી.આવી જગ્યાઓ ઉપર મગર જોવા સહેલણીઓ માટે અલગ વ્યવસ્થા તંત્ર દ્વારા ગોઠવવામાં આવે તેવી એમએસ યુનિવર્સિટીના જીયોલોજિસ્ટ રણજીત દેવકરનું માનવું છે. આ પણ વાંચોઃ Gujarat News: અનાજ પણ પૈસાની જેમ ATMથી મળશે, સાબરમતીમાં અનાજ ATM શરૂ થશે

Read Full Story arrow_forward