Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

Surat News: કૃભકો કંપનીમાં પ્લાન્ટમાં ઇલેક્ટ્રીકનું કામ કરતા કામદારનું વીજ કરંટ લાગતા મોત

સુરત જિલ્લામાં આવેલી કૃભકો કંપનીમાં કામ દરમિયાન બનેલી દુર્ઘટનામાં એક યુવક કામદારનું કરુણ મોત થયું છે.પ્રાથમિક માહિતી મુજબ યુવક પ્લાન્ટમાં ઇલેક્ટ્રિકલ કામ કરી રહ્યો હતો ત્યારે અચાનક વીજ કરંટ લાગતા ગંભીર રીતે ઇજાગ્રસ્ત થયો હતો.સાથી કર્મચારીઓએ તરત જ તેને સારવાર માટે નજીકની હોસ્પિટલમાં ખસેડ્યો, પરંતુ સારવાર દરમિયાન ડોક્ટરોએ તેને મૃત જાહેર કર્યો હતો.આ ઘટનાથી કંપની અને આસપાસના વિસ્તારમાં શોકની લાગણી ફેલાઈ ગઈ છે. સુરતમાં કૃભકો કંપનીમાં કામદારનું મોત મૃત યુવક ઓલપાડ તાલુકાના મીંઢી ગામનો રહેવાસી હોવાનું જાણવા મળે છે.પરિવારના સભ્યોએ કંપની પર બેદરકારીનો આક્ષેપ કરતા યોગ્ય તપાસ, ન્યાય અને પૂરતું વળતર આપવા માંગણી કરી છે.પરિવારનું કહેવું છે કે કામ દરમિયાન સુરક્ષા સાધનો અને યોગ્ય વ્યવસ્થા હતી કે નહીં તેની પણ તપાસ થવી જોઈએ. હાલ પોલીસ દ્વારા અકસ્માત અંગે નોંધ લઈ તપાસ હાથ ધરવામાં આવી છે.આ ઘટના બાદ કામદારોમાં પણ રોષ જોવા મળી રહ્યો છે અને સુરક્ષા વ્યવસ્થાઓ અંગે સવાલો ઉઠી રહ્યા છે. આ પણ વાંચોઃ Vaghara: વછનાદ માર્ગ પરથી હાથપગ બાંધેલી હાલતમાં યુવકનો મૃતદેહ મળ્યો

Read Full Story arrow_forward

calendar_today February 11, 2026

Gujarat Board Exam : ધોરણ 10-12ની પરીક્ષા 26 ફેબ્રુઆરીથી થશે શરૂ, 15.27લાખ વિદ્યાર્થીઓ પરીક્ષા આપશે

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10 અને 12ની બોર્ડ પરીક્ષાઓ 26 ફેબ્રુઆરીથી શરૂ થશે. આ વર્ષે રાજ્યભરમાં કુલ 15,27,724 વિદ્યાર્થીઓ પરીક્ષા આપશે. બોર્ડ દ્વારા પરીક્ષા વ્યવસ્થા માટે વ્યાપક તૈયારીઓ હાથ ધરવામાં આવી છે. ધોરણ 10માં કુલ 9,07,175 વિદ્યાર્થીઓ પરીક્ષા આપશે. ધોરણ 12 સાયન્સ પ્રવાહમાં 1,19,263 વિદ્યાર્થીઓ અને સામાન્ય પ્રવાહમાં 5,01,286 વિદ્યાર્થીઓ પરીક્ષામાં બેસશે.દિવ્યાંગ વિદ્યાર્થીઓને વિશેષ રાહત ધોરણ 10ની પરીક્ષા માટે રાજ્યમાં 1,006 સેન્ટરો નિર્ધારિત કરવામાં આવ્યા છે, જ્યારે 3243 બિલ્ડિંગમાં પરીક્ષાનું આયોજન કરવામાં આવશે. દિવ્યાંગ વિદ્યાર્થીઓને વિશેષ રાહત આપવામાં આવી છે. દિવ્યાંગ પરીક્ષાર્થીઓને એક કલાકનો વધારાનો સમય આપવામાં આવશે. ઉપરાંત, પ્રથમવાર 3 કલાકના પેપર માટે 20 મિનિટનો વધારાનો સમય પણ અપાશે, જેથી તેઓ આરામથી અને યોગ્ય રીતે પ્રશ્નપત્ર પૂર્ણ કરી શકે. કોઈ વિદ્યાર્થી ગેરરીતિ કરતા ઝડપાશે તો તેના સામે કડક કાર્યવાહી કરાશે બોર્ડ દ્વારા નકલ અને ગેરરીતિ રોકવા કડક પગલાં લેવામાં આવ્યા છે. પરીક્ષા દરમિયાન જો કોઈ વિદ્યાર્થી ગેરરીતિ કરતા ઝડપાશે તો તેના સામે કડક કાર્યવાહી કરવામાં આવશે. પરીક્ષા કેન્દ્રોમાં સીસીટીવી, ફ્લાઈંગ સ્ક્વોડ અને નિરીક્ષકોની વ્યવસ્થા પણ ગોઠવવામાં આવી છે. વિદ્યાર્થીઓને સમયસર પરીક્ષા કેન્દ્ર પર પહોંચવા, જરૂરી દસ્તાવેજો સાથે રાખવા અને બોર્ડના નિયમોનું પાલન કરવા સૂચના આપવામાં આવી છે. રાજ્યભરમાં શાંતિપૂર્ણ અને પારદર્શક રીતે પરીક્ષા યોજાય તે માટે તંત્ર સજ્જ બન્યું છે.આ પણ વાંચો : AMCની કામગીરી સામે ગુજરાત હાઈકોર્ટે ટકોર કરતા કહ્યું 'એફિડેવિટ કરી કામનો સંતોષ ન સમજો'

Read Full Story arrow_forward

calendar_today February 11, 2026

Junagadh News: DYCM હર્ષ સંઘવી સામાન્ય નાગરિકની જેમ 2 KM ચાલીને ભવનાથ પહોંચ્યા

ગિરનારની તળેટીમાં ભવનાથના મિની કુંભ સમાન મહાશિવરાત્રીના મેળાનો રંગ જામ્યો છે. આ પવિત્ર અવસરે રાજ્યના નાયબ મુખ્યમંત્રી હર્ષ સંઘવીએ જૂનાગઢની મુલાકાત લીધી હતી. જોકે, તેમની આ મુલાકાત ચર્ચાનું કેન્દ્ર બની હતી. કારણ કે, તેમણે કોઈ પણ જાતના VIP કલ્ચર વગર સામાન્ય નાગરિકની જેમ મેળાનો આનંદ માણ્યો હતો.2 કિલોમીટર પદયાત્રા કરી આપ્યો સંદેશ નાયબ મુખ્યમંત્રી હર્ષ સંઘવી ભરડા વાવથી ભવનાથ સુધીના 2 કિલોમીટરથી વધુના રસ્તે ચાલીને પહોંચ્યા હતા. તેમની સાથે મેયર, ધારાસભ્ય અને અન્ય આગેવાનો પણ પદયાત્રામાં જોડાયા હતા. સામાન્ય રીતે મંત્રીઓ ગાડીઓના કાફલા સાથે આવતા હોય છે, પરંતુ હર્ષ સંઘવીએ લોકો વચ્ચે ચાલીને "VIP કલ્ચર" દૂર કરવાનો સ્પષ્ટ સંદેશ આપ્યો હતો. તેમણે શ્રદ્ધાળુઓ સાથે વાતચીત કરી મેળાની વ્યવસ્થાઓનું નિરીક્ષણ પણ કર્યું હતું. ડમરૂ યાત્રાથી ગુંજી ઉઠી ગિરનારની તળેટી ભવનાથમાં આ વખતે અમદાવાદના 'શિવ ગ્રુપ' દ્વારા ભવ્ય ડમરૂ યાત્રાનું આયોજન કરવામાં આવ્યું હતું. જેમાં 50 થી વધુ કલાકારોએ એકસાથે ડમરૂના નાદ વગાડી વાતાવરણને શિવમય બનાવી દીધું હતું. સનાતન ધર્મમાં ડમરૂનું અનેરું મહત્વ છે; કહેવાય છે કે ભગવાન શિવ જ્યારે તાંડવ નૃત્ય કરે છે ત્યારે ડમરૂનો નાદ ગુંજે છે. દેશના દુશ્મનોને ચેતવણી આ ડમરૂ યાત્રા માત્ર ભક્તિ જ નહીં પણ રાષ્ટ્રવાદના રંગે પણ રંગાયેલી જોવા મળી હતી. ડમરૂના પ્રચંડ નાદ સાથે દેશના દુશ્મનોને ચેતવણી આપવામાં આવી હતી કે, ભારતની સનાતન શક્તિ અજેય છે. મેળામાં ઉમટેલા લાખો શ્રદ્ધાળુઓ ડમરૂના નાદ અને ભજન-ભોજન-ભક્તિના ત્રિવેણી સંગમમાં તરબોળ થયા હતા. આ પણ વાંચો - જૂનાગઢમાં હર હર મહાદેવ...આજથી 5 દિવસ શિવરાત્રિના મેળાનો પ્રારંભ

Read Full Story arrow_forward