Community News & Updates

Stay informed with the latest happenings, achievements, and announcements from our community.

All News

calendar_today February 11, 2026

Ahmedabad News: વેલેન્ટાઈન ડે પહેલા જ ખેલાયો ખૂની ખેલ, ફિયાન્સે જ ફિયાન્સીની હત્યા કરી

અમદાવાદ પોલીસની સબ સલામત હોવાની ગુલબાંગો વચ્ચે હત્યાના બનાવો હવે મર્યાદા બહાર વધી રહ્યાં છે. બોપલમાં વકીલ સાહેબ બ્રિજની નીચે હત્યાની ઘટના બહાર આવી હતી. ત્યારે હવે શહેરમાં ડબલ મર્ડરની ઘટના સામે આવી છે. અમદાવાદના મણીનગરમાં વેલેન્ટાઈન ડે પહેલા જ એક યુવકે તેની ફિયાન્સીની હત્યા કરી હોવાની ઘટના સામે આવી છે. અમદાવાદના મણિનગરમાં યુવકે કરી યુવતીની હત્યા અમદાવાદના મણીનગરમાં વેલેન્ટાઈન ડે પહેલા જ ખૂની ખેલ ખેલાયો છે. કાંકરિયા વિસ્તારમાં ઝુલેલાલ પાર્ક નજીક એક યુવકે તેની ફિયાન્સીની હત્યા કરી નાંખી હોવાની ઘટના સામે આવી છે. પોલીસ સુત્રોએ આ યુવક અને યુવતી ફિયાન્સ હોવાની હોવાનું જણાવ્યું હતું. યુવકે યુવતીને માથાના ભાગે બોથડ પદાર્થ મારી હત્યા કરી નાંખી છે. મણીનગર પોલીસે ઘટના સ્થળે પહોંચીને વધુ તપાસ હાથ ધરી છે. આ પણ વાંચોઃ AMCની કામગીરી સામે ગુજરાત હાઈકોર્ટે ટકોર કરતા કહ્યું 'એફિડેવિટ કરી કામનો સંતોષ ન સમજો'

Read Full Story arrow_forward

calendar_today February 11, 2026

AMCના બજેટમાં સોસાયટીમાં સીસીટીવી કેમેરા લગાવવા માટેની જોગવાઈ, વિપક્ષે કહ્યું 'રોડ પર લગાવેલા કેમેરા બંધ હાલતમાં છે તેનું શું'

અમદાવાદ શહેર માટે મહાનગર પાલિકાએ ફૂલ ગુલાબી ચિત્ર દર્શાવતું બજેટ રજૂ કર્યું છે. સુધારા સાથે રજૂ કરેલા બજેટમાં મહાનગર પાલિકા સીસીટીવી કેમેરા માટે જોગવાઈ લઈને આવ્યું છે. ફાયદો તો ચોક્કસ થશે અને સુરક્ષા પણ વધશે, પરંતુ શહેરમાં જાહેર માર્ગો પર લગાવેલા કેમેરાનું શું જે બંધ હાલતમાં છે વિપક્ષ તેને લઈને સવાલ ઉઠાવી રહ્યું છે.મનપાના કોર્પોરેટર આપશે સીસીટીવી માટે પણ ફંડ અમદાવાદ મહાનગર પાલિકા દ્વારા ચૂંટણી પહેલાં જે બજેટ રજૂ કર્યું છે તેમાં સૌથી લોકોને સ્પર્શતા મુદ્દા પર વધારે જોર આપવામાં આવ્યું છે. મહાનગર પાલિકા દ્વારા સામાન્ય રીતે સોસાયટી માટે પેવર બ્લોક કે RCC કે પછી પર્કોલેટિંગ વેલ બનાવવા કોર્પોરેટર બજેટ ફાળવતા હોય છે. પરંતુ નવું બજેટ જે મંજૂર કરવામાં આવ્યું છે તેમાં સોસાયટીમાં સીસીટીવી કેમેરા લગાવવા માટે પણ જોગવાઈ કરવામાં આવી છે, જેમાં સોસાયટીને 90 ટકા સુધીની રાહત આપવાનો નિર્ણય કરવામાં આવ્યો છે. આ સ્કીમ હેઠળ કોર્પોરેટર 10થી 20 ટકા સુધી રકમ ફાળવશે. આ યોજના અંગે સરકારમાં રજૂઆત કરવામાં આવી છે, મંજૂરી મળ્યા બાદ તુરંત યોજના અમલમાં મુકવામાં આવશે. યોજનાથી લોકોની સુરક્ષામાં વધારો થશે લોકો પણ આ યોજનાને સારી ગણાવી રહ્યા છે. લોકોનું માનવું છે કે આ યોજના અમલમાં આવશે તો સુરક્ષામાં વધારો થશે, સામાન્ય રીતે શિયાળા અને ચોમાસા દરમિયાન ચોરી ચેન સ્નેચ જેવા બનાવોમાં વધારો થતો હોય છે. ત્યારે જો સીસીટીવી કેમેરા લગાવેલા હશે તો ચોક્કસ તેનાથી ફાયદો થાય અને પ્રશાસનને પણ સરળતા રહેશે. સીસીટીવી કેમેરા હશે તો માત્ર ગુનાખોરી જ નહીં પણ લોકો ગંદકી કરતા પણ અટકશે. વિપક્ષે ઉઠવ્યા મોટા સવાલ બીજી તરફ વિપક્ષ દ્વારા આ મામલે અનેક સવાલો ઉઠાવવામાં આવ્યા છે. તેમનું કહેવું છે કે સોસાયટીમાં પછી કેમેરા લગાવો પહેલા રોડ પર લગાવેલા કેમેરા છે તેને ચાલુ કરાવો. રોડ પર કેમેરા લગાવેલા તો છે પરંતુ ક્યાંક તૂટી ગયેલા છે. એટલે તંત્ર પહેલા તેમાં ધ્યાન આપે સાથે જ જે રીતે પેવર બ્લોક અને RCC માટે વ્હાલા દવલાની નીતિ અપનાવવામાં આવે છે એ રીતે સીસીટીવી માટે ના કરવામાં આવે, ઘણા કિસ્સામાં મંજૂર થયેલું બજેટ સત્તાપક્ષના કોર્પોરેટરના વિસ્તારમાં ફાળવી દેવામાં આવે છે જે ના થવું જોઈએ. આમ, મનપા દ્વારા જાહેરાત તો કરી દેવામાં આવી છે, પરંતુ અમલી ક્યાં સુધીમાં થાય છે અને લોકોને તેનો લાભ ક્યારે મળે છે એ જોવાનું રહેશે. કારણ કે અત્યાર સુધી અનેક કિસ્સામાં એવું બન્યું છે કે યોજનાઓ જાહેર તો થાય છે પરંતુ તે માત્ર કાગળ પર જ રહે છે. આ પણ વાંચો : Banaskantha News: પાલનપુરની 2 કોલેજોમાં ઠગાઈના કેસમાં ઝડપેલા ભરત બાટિયાના પાંચ દિવસના રિમાન્ડ મંજૂર

Read Full Story arrow_forward

calendar_today February 11, 2026

Vaghara: વછનાદ માર્ગ પરથી હાથપગ બાંધેલી હાલતમાં યુવકનો મૃતદેહ મળ્યો

વાગરા તાલુકામાં કાયદો અને વ્યવસ્થાની સ્થિતિ સામે સવાલિયા નિશાન ઉભા કરતી એક હૃદયદ્રાવક ઘટના સામે આવી છે. વાગરાના રહાડ ગામથી વછનાદ તરફ જતા નિર્જન માર્ગ પરથી એક અજાણ્યા યુવકનો ક્ષત-વિક્ષત મૃતદેહ મળી આવતા સમગ્ર પંથકમાં ભારે ચકચાર મચી ગઈ છે. ઘટનાની જાણ થતા જ સ્થાનિકોના ટોળેટોળા ઘટનાસ્થળે ઉમટી પડ્યા હતા અને આ નિર્મમ હત્યાને પગલે પંથકમાં ભયનું લખલખું પસાર થઈ ગયું છે. સુનિયોજિત અને ક્રૂર હત્યા પ્રાપ્ત વિગતો અનુસાર મૃતક યુવકની હાલત જોતા આ એક સુનિયોજિત અને ક્રૂર હત્યા હોવાનું સ્પષ્ટપણે જણાઈ આવે છે. હત્યારાઓએ અત્યંત નિર્દયતા દાખવી યુવકના હાથ-પગ બાંધી દીધા હતા અને ત્યારબાદ ગળે ટૂંપો દઈ તેને મોતને ઘાટ ઉતાર્યો હોવાનું પ્રાથમિક અનુમાન લગાડવામાં આવી રહ્યું છે. હત્યા કર્યા બાદ પુરાવાનો નાશ કરવા અથવા લાશને અવાવરું જગ્યાએ ફેંકી દેવાના ઈરાદે હત્યારાઓએ આ માર્ગ પસંદ કર્યો હોવાની શક્યતા છે. હત્યારાઓમાં કાયદાનો કોઈ ખૌફ નહીં યુવકનો મૃતદેહ જોતા હત્યારાઓમાં કાયદાનો કોઈ ખૌફ ન હોય તેમ જણાય છે. ઘટનાની જાણ થતા જ વાગરા પોલીસનો કાફલો તાત્કાલિક ઘટના સ્થળે દોડી આવ્યો હતો. પોલીસે પંચનામું કરી મૃતદેહને પોસ્ટમોર્ટમ અર્થે એમ્બ્યુલન્સ મારફતે નજીકના સામૂહિક આરોગ્ય કેન્દ્ર ખાતે ખસેડ્યો છે. આ યુવક કોણ છે? તેની હત્યા પાછળનું કારણ શું છે? અને આ જઘન્ય અપરાધમાં કોનો હાથ છે? તે દિશામાં પોલીસે તપાસના ચક્રો ગતિમાન કર્યા છે. પોલીસે હાલ આજુબાજુના ગામોમાં ગુમ થયેલા વ્યક્તિઓની માહિતી એકત્રિત કરી મૃતકની ઓળખ વિધિ હાથ ધરી છે. આ પણ વાંચોઃ Agriculture News: રાજ્યમાં ચણા રાઈની ટેકાના ભાવે ખરીદી શરુ કરી

Read Full Story arrow_forward