Surat News: સાયણ વિસ્તારમાંથી બાઈક ચોર દિપક નિષાદ ઝડપાયો
સુરત ગ્રામ્ય જિલ્લામાં મિલકત વિરોધી ગુનાઓ અટકાવવા અને વણઉકેલાયેલા ગુનાઓનો ભેદ ઉકેલવા માટે જિલ્લા પોલીસ વડાની સૂચના મુજબ ઓલપાડ પોલીસની ટીમ સતર્ક છે. ત્યારે ઓલપાડ પોલીસ સ્ટેશનના સાયણ આઉટ પોસ્ટ વિસ્તારમાં થયેલી મોટરસાયકલ ચોરીના કેસમાં પોલીસને મોટી સફળતા મળી છે. પોલીસે ચોરીના મોટરસાયકલ સાથે એક રીઢા આરોપીને ઝડપી લીધો છે. પોલીસે આ મામલે કાયદેસરની કાર્યવાહી હાથ ધરી છે.તપાસની વિગત અને આરોપીની ધરપકડ સાયણ આઉટ પોસ્ટ વિસ્તારમાંથી મોટરસાયકલ ચોરી થયાની ફરિયાદ બાદ ઓલપાડ પોલીસની સર્વેલન્સ ટીમ સક્રિય બની હતી. બાતમીદારો અને ટેકનિકલ સર્વેલન્સની મદદથી પોલીસે શંકાસ્પદ હિલચાલ ધરાવતા દિપક મુલ્લા નિષાદ નામના શખ્સને અટકાવી પૂછપરછ હાથ ધરી હતી. પૂછપરછ દરમિયાન આરોપી સંતોષકારક જવાબ આપી શક્યો ન હતો, પરંતુ કડકાઈથી પૂછતા તેણે મોટરસાયકલ ચોરી કરી હોવાની કબૂલાત કરી હતી. મુદ્દામાલ કબ્જે પોલીસે આરોપી દિપક નિષાદ પાસેથી ચોરાયેલું મોટરસાયકલ કબ્જે કર્યું છે. જેની અંદાજિત કિંમત રૂપિયા 40,000 આંકવામાં આવી છે. પોલીસે તમામ મુદ્દામાલ જપ્ત કરી આરોપીની ધરપકડ કરી છે, અને તેની પૂછપરછ શરૂ કરી છે કે તેણે અગાઉ અન્ય કોઈ ચોરીની ઘટનાઓને અંજામ આપ્યો છે કે કેમ? સુરત ગ્રામ્ય પોલીસની આ કામગીરીને પગલે વાહન ચોરોમાં ફફડાટ ફેલાયો છે. આ પણ વાંચો - Surat News: 1053.65 ગ્રામ ડ્રગ્સ સાથે ત્રણ પેડલર ઝડપાયા, ત્રણ ફરાર
Read Full Story arrow_forward
