Community News & Updates

Stay informed with the latest happenings, achievements, and announcements from our community.

All News

calendar_today February 4, 2026

PTC Collage : ખાનગી PTC કોલેજોની ઉઘાડી લૂંટ પર સકંજો કસાશે, કોલેજો પ્રવેશ પ્રક્રિયામાં જોડાઇ, જુઓ Video

ખાનગી PTC કોલેજોને પોતાની રીતે પ્રવેશની સત્તા અપાતા મનફાવે એટલી વિદ્યાર્થીઓ પાસેથી ફી વસૂલવામાં આવી હોવાની ફરિયાદો ઊઠી હતી. એટલું જ નહીં, છેલ્લા ઘણાં વર્ષથી માત્ર કાગળ પર ચાલતી ૭૫ જેટલી ખાનગી PTC કોલેજો ભરતી કેલેન્ડર જાહેર થતાં પ્રવેશ પ્રક્રિયામાં જોડાઈ ચૂકી હતી. એટલું જ નહીં, કેટલાક સંચાલકો તો શિક્ષણની ગરિમા નેવે મુકાય એવી કમાણીનો સમય આવ્યો હોવાના શબ્દો પણ બોલવા લાગ્યા હતા. આથી હવે કેન્દ્રીયકૃત પ્રવેશ પ્રક્રિયાના લીધે મનફાવે ત્યારે પ્રવેશ આપી શકાશે નહીં. શિક્ષણ વિભાગ દ્વારા જુલાઈ-2012માં PTCમાં પ્રવેશ અંગેના નિયમો જાહેર કરાયા હતા રાજ્યમાં PTC કોલેજોની સંખ્યા અને વિદ્યાર્થીઓ વધતા પ્રવેશ પ્રક્રિયા વિકેન્દ્રીત અને ઓનલાઇનના બદલે ઓફલાઈન કરી જે તે સંસ્થા સીધે-સીધો પ્રવેશ આપી પ્રાથમિક શિક્ષણ નિયામક કચેરીમાં પ્રમાણિત કરાવી લે એવી જોગવાઈ કરવામાં આવી હતી, પરંતુ છેલ્લા અંદાજે ૧૦-૧૧ વર્ષથી PTC કોલેજોના પાટિયાં પડવા લાગ્યાં હતા. કારણ કે, છેલ્લાં ૧૫ વર્ષથી PTC કોર્સમાં પ્રવેશ લેનારા વિદ્યાર્થીઓની સંખ્યામાં સતત ઘટાડો થયો હતો. RTE કાયદો લાગુ થતાં પ્રાથમિકના બે ભાગ પડી ગયા જેમાં ધોરણ.૧ થી પના શિક્ષક માટે PTC અને ધો.૬થી ૮માં બીએડ લાગુ કરી દેવાયું. એ વખતે અંદાજે ૨૦ હજાર જેટલા શિક્ષકો વધમાં પડયા હતા, જેના કારણે અંદાજે ૧૪-૧૫ વર્ષ સુધી PTC આધારિત શિક્ષકની ભરતી પર રોક લાગવા જેવી સ્થિતિ સર્જાઈ હતી. જોક હવે આગામી ૧૦ વર્ષમાં મોટી સંખ્યામાં પ્રાથમિક એટલે કે, ધો.૧થી ૫ના શિક્ષકો નિવૃત્ત થવાના છે અને તેની સામે મોટી સંખ્યામાં શિક્ષકોની ભરતી થવાની છે. જોકે ચાલુ વર્ષે ખાનગી કોલેજોએ મનફાવે એ રીતે વિદ્યાર્થીઓને પ્રવેશ આપી ઉઘાડી લૂંટ ચલાવી હોવાની ચર્ચાએ જોર પકડયું હતુ.આ પણ વાંચો : AMC Budget 2026-27: અમદાવાદ કોર્પોરેશને MJ લાયબ્રેરી અને VS હોસ્પિટલનું સુધારા બજેટ રજૂ કર્યુ, અગાઉના બજેટ કરતા 1.35 કરોડનો વધારો કરાયો

Read Full Story arrow_forward

calendar_today February 4, 2026

Gir Somnath : બેંગ્લોરમાં નર્સિંગ એડમિશનના નામે છેતરપિંડીનો પર્દાફાશ, પૈસા અને દસ્તાવેજો લઇ ફરાર થનાર આરોપી ઝડપાયો

ગીર સોમનાથ પોલીસ દ્વારા બેંગ્લોરમાં GNM નર્સિંગ કોર્સમાં એડમિશન અપાવવાની લાલચ આપી વિદ્યાર્થીઓ પાસેથી રૂપિયા અને અસલ દસ્તાવેજો લઈ ફરાર થયેલા આરોપી ઝડપાયો છે. આરોપી જયસુખગીરી જસમતગીરી અપારનાને વેરાવળ સિટી પોલીસે ઝડપી પાડ્યો છે. 60–70 વિદ્યાર્થીઓ છેતરાયા હતા પોલીસના જણાવ્યા મુજબ, આ રેકેટમાં 60–70 વિદ્યાર્થીઓ છેતરાયા હતા. વિદ્યાર્થીઓ પાસેથી મોટી રકમ અને અસલ માર્કશીટ–સર્ટિફિકેટ લઈ પરત આપવામાં આવી ન હતી. ફરિયાદના આધારે BNS કલમ 316(2) હેઠળ ગુનો નોંધાયો છે. પોલીસે આરોપીના રીમાન્ડ મેળવી તપાસ શરુ કરી પોલીસે આરોપીના રીમાન્ડ મેળવી તપાસ શરુ કરી છે. પોલીસને આશંકા છે કે અન્ય અનેક વિદ્યાર્થીઓ પણ આ છેતરપિંડીનો ભોગ બન્યા છે. અસલ દસ્તાવેજો રિકવર કરવા અને રેકેટની તમામ કડીઓ શોધવા પોલીસે તપાસ શરુ કરી છે. કોઇ જ એડમિશન અપાવ્યું ન હતું આરોપીએ વિદ્યાર્થીઓ પાસેથી એડમિશન અપાવાના નામે પૈસા પડાવ્યા હતા અને દસ્તાવેજો પણ લઇ લીધા હતા પણ ત્યારબાદ કોઇ જ એડમિશન અપાવ્યું ન હતું કે કોઇ જ પ્રકારની પ્રવેશ પરીક્ષા પણ અપાવી ન હતી કે પૈસા અને દસ્તાવેજો પણ પરત આપ્યા ન હતા અને ફરાર થઇ ગયો હતો.  દલાલોમાં ફફડાટ ગીર સોમનાથ પોલીસે આ આરોપીને ઝડપી પાડચાં પ્રવેશ અપાવાના નામે ધંધો ચલાવતા દલાલોમાં ફફડાટ ફેલાઇ ગયો છે. પોલીસે આવા લેભાગુ તત્વો અને બિન અધિકૃત એજન્ટોથી સાવચેત રહેવા અપીલ કરી હતી. આ પણ વાંચો-----   Vadodara : ASI લક્ષ્મીકાંતનો કાંડ, તેની મિલકતો અને નાણાંકિય વ્યવહારોની ચકાસણી શરુ, શહેર પોલીસમાં નવાજૂનીના ભણકારા

Read Full Story arrow_forward

calendar_today February 4, 2026

GSSSB Recruitment 2026: ગુજરાતના યુવાનો માટે મોટા સમાચાર: ગૌણ સેવા પસંદગી મંડળ દ્વારા 5370 જગ્યાઓ પર બમ્પર ભરતી જાહેર!

ગુજરાતમાં સરકારી નોકરીની તૈયારી કરી રહેલા ઉમેદવારો માટે લાંબા સમયની પ્રતીક્ષાનો અંત આવ્યો છે. ગુજરાત ગૌણ સેવા પસંદગી મંડળ (GSSSB) દ્વારા વર્ગ-3ની કુલ 5370 જગ્યાઓ માટે સત્તાવાર ભરતીની જાહેરાત કરવામાં આવી છે. આ ભરતી પ્રક્રિયા દ્વારા રાજ્યના વહીવટી તંત્રમાં મોટા પાયે નવા કર્મચારીઓની નિમણૂક કરવામાં આવશે.GSSSB Recruitment 2026માં ભરતી આ ભરતીને મુખ્યત્વે બે ગ્રુપમાં વહેંચવામાં આવી છે. જેમાં ગ્રુપ-Aમાં 2365 જગ્યાઓ માટે અને ગ્રુપ-Bમાં 3005 જગ્યાઓ માટે ભરતી પ્રક્રિયા હાથ ધરવામાં આવશે.Group-A સમાજ કલ્યાણ નિરીક્ષક - 125 કાર્યાલય અધિક્ષક - 3 કલેક્ટર કચેરીના ક્લાર્ક (મહેસૂલી ક્લાર્ક) - 1600 હેડ ક્લાર્ક - 134 સિનિયર ક્લાર્ક - 503 Total Group - A 2365Group-B જુનિયર ક્લાર્ક - 3005 Total Group-B 3005 ફોર્મ ભરવાની તારીખ અને પ્રોસેસઆ ભરતીમાં ભાગ લેવા માંગતા લાયકાત ધરાવતા ઉમેદવારોએ આગામી 5 ફેબ્રુઆરીથી 20 ફેબ્રુઆરી સુધી ઓનલાઈન અરજી કરવાની રહેશે. ઉમેદવારોએ ગુજરાત સરકારના સત્તાવાર પોર્ટલ પર જઈને પોતાના ફોર્મ સબમિટ કરવાના રહેશે. અત્રે નોંધનીય બાબાત છે કે, આ ભરતી માટેની શૈક્ષણિક લાયકાત, વય મર્યાદા અને પરીક્ષા પદ્ધતિ અંગેની વિગતવાર માહિતી GSSSBની સત્તાવાર વેબસાઈટ પર ઉપલબ્ધ કરાવવામાં આવશે. ફેબ્રુઆરી માસમાં ફોર્મ ભરાયા બાદ ટૂંક સમયમાં જ તેની પરીક્ષાની તારીખો પણ જાહેર કરવામાં આવી શકે છે. જે ઉમેદવારો લાંબા સમયથી તૈયારી કરી રહ્યા છે, તેમના માટે આ વર્ષની આ સૌથી મોટી તક માનવામાં આવી રહી છે. આ માટે ઉમેદવારોએ https://gsssb.gujarat.gov.in/ વેબસાઈટ ૫ર 5 ફેબ્રુઆરી 2026થી (2 કલાક) થી તારીખ 20 ફેબ્રુઆરી (11:59 કલાક સુધી) દરમિયાન ઓન-લાઈન અરજી કરવાની રહેશે.  આ ભરતી પ્રક્રિયામાં ભાગ લેવા માટે ઉમેદવાર સ્નાતક અથવા તેની સમકક્ષ લાયકાત ધરાવતો હોવા જરૂરી છે. આ પણ વાંચો - PTC Collage : ખાનગી PTC કોલેજોની ઉઘાડી લૂંટ પર સકંજો કસાશે, કોલેજો પ્રવેશ પ્રક્રિયામાં જોડાઇ, જુઓ Video

Read Full Story arrow_forward