Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Dhandhuka : ધોલેરાના વિકાસકાર્યોનું મુખ્યમંત્રી ભૂપેન્દ્ર પટેલ દ્વારા નિરીક્ષણ કરાયું

રાજ્યના મુખ્યમંત્રી ભૂપેન્દ્રભાઈ પટેલે અમદાવાદ જિલ્લાના ધોલેરા પંથકની મુલાકાત દરમિયાન એક્ટિવેશન એરિયામાં વિકસાવવામાં આવી રહેલા વિવિધ મહત્ત્વપૂર્ણ પ્રોજેક્ટ્સ અને સુવિધાઓનું નિરીક્ષણ કર્યું હતું. ધોલેરાને આધુનિક ઔદ્યોગિક કેન્દ્ર તરીકે વિકસાવવાની દિશામાં ચાલી રહેલી કામગીરીની પ્રગતિ જાણવી અને વિવિધ પ્રોજેક્ટ્સની સ્થિતિનો તાગ મેળવવો આ મુલાકાતનું મહત્ત્વપૂર્ણ પાસું રહ્યું હતું.મુખ્યમંત્રી ભૂપેન્દ્રભાઈ પટેલે મુલાકાત દરમિયાન તાતાના સેમિ કન્ડક્ટર પ્લાન્ટની મુલાકાત લીધી હતી. સેમિ કન્ડક્ટર ક્ષેત્રે ગુજરાતને અગ્રણી સ્થાન અપાવવા અને ધોલેરાને અદ્યતન ટેક્નોલોજી આધારિત ઉદ્યોગોના મહત્ત્વપૂર્ણ કેન્દ્ર તરીકે વિકસાવવાની દિશામાં આ પ્રોજેક્ટ મહત્ત્વ ધરાવે છે. આ ઉપરાંત મુખ્યમંત્રીએ ધોલેરા ફોરેસ્ટ ડ્રમ પ્લાન્ટેશન, ટેન્ટ સિટી, ફૂડ કોર્ટ અને બિલ્ડકોઇન સહિતનાં સ્થળોની મુલાકાત લઈને એક્ટિવેશન એરિયામાં ઉપલબ્ધ વિવિધ સુવિધાઓનું નિરીક્ષણ કર્યું હતું. ધોલેરામાં ઔદ્યોગિક રોકાણને પ્રોત્સાહન આપવા, આધુનિક માળખાકીય સુવિધાઓ વિકસાવવા અને આર્થિક વિકાસને વેગ આપવાની દિશામાં ચાલી રહેલી કામગીરીની સમીક્ષા માટે મુખ્યમંત્રીની આ મુલાકાત મહત્ત્વપૂર્ણ માનવામાં આવે છે. ધોલેરાના વિકાસને નવી ગતિ આપવા અને તેને ભવિષ્યના આધુનિક ઔદ્યોગિક કેન્દ્ર તરીકે સ્થાપિત કરવાના પ્રયાસોના સંદર્ભમાં આ મુલાકાતનું વિશેષ મહત્ત્વ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Surendranagar : જિલ્લામાં અકસ્માતના 4 બનાવ : 3 વ્યક્તિના મોત, બેને ઈજા

સુરેન્દ્રનગર જિલ્લાના સાયલા, ધ્રાંગધ્રા અને લીંબડી પંથકમાં અકસ્માતના 4 બનાવો પોલીસ ચોપડે નોંધાયા છે. જેમાં અજાણ્યા વ્યકિત સહિત 3ના મોત થયા છે.અરવલ્લી જિલ્લાના બાયડ તાલુકાના બીબીનીવાવ ગામના ઈન્દ્રવિજયસિંહ ભરતસિંહ સોલંકી સાયલાના ન્યુ ક્રીષ્ના ભરડીયામાં કામ કરે છે. ગત તા. 9 -10ના રોજ રાત્રે તેઓ બાઈક પર વિરમસિંહ હેમંતસિંહ સોલંકી સાથે નવા સુદામડા તરફ જતા હતા. ત્યારે સાયલા મોર્ડન સ્કુલ પાસે પાછળથી પુરઝડપે આવતી એક કારના ચાલકે ગફલતભરી રીતે ચલાવી બાઈકને પાછળથી ઠોકર મારી હતી. જેમાં બન્નેને ઈજા થતા સાયલા દવાખાને લઈ જવાતા તબીબોએ ઈન્દ્રવિજયસિંહને મૃત જાહેર કર્યા હતા. જયારે વિરમસિંહને વધુ સારવાર માટે સુરેન્દ્રનગર લઈ જવાયા હતા. આ અંગે મૃતકના પિતા ભરતસિંહ સોલંકીએ સાયલા પોલીસ મથકે ગત તા. 15મીએ સાંજે કાર ચાલક સામે ફરિયાદ નોંધાઈ છે. જયારે સાયલાના વણકરવાસમાં રહેતા દેવજીભાઈ મોતીભાઈ પરમાર ગત તા. 3જીએ જુનાગઢ ભવનાથ ખાતે ગુરૂની સમાધીએ દર્શન કરવા ગયા હતા. જયાંથી તેઓ રાત્રે એસટી બસમાં પરત ફર્યા હતા. જેમાં રાતના 11 કલાકના સમયે સાયલા બસ સ્ટેશન ખાતે બસમાંથી ઉતરી ચાલીને બસ સ્ટેશનથી સાયલા સર્કલ તરફ જતા હતા. ત્યારે એક અજાણ્યા બાઈક ચાલકે તેમને ઠોકર મારી હતી. જેમાં દેવજીભાઈએ સુરેન્દ્રનગરની સી.યુ.શાહ હોસ્પિટલ લઈ જવાયા હતા. જેમાં સારવાર દરમિયાન ગત તા. 4થી દેવજીભાઈનું મોત થયુ હતુ. આ અંગે તા. 15મીએ રાત્રે મૃતકના પત્ની મંજુલાબેને અજાણ્યા બાઈક ચાલક સામે સાયલા પોલીસ મથકે ફરિયાદ નોંધાવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Mandal : માંડલમાં PM શ્રી પ્રાથમિક શાળાની પાસે કચરાના ઢગ ખડકાતા રોષ

માંડલ નગરની પીએમશ્રી પ્રાથમિક શાળાની પાસેથી પસાર થતો વિસ્તાર જે આંબલીયા વિસ્તાર તરીકે ઓળખાય છે આ વિસ્તારમાં છેલ્લાં અનેક મહિનાઓથી કચરો,પ્લાસ્ટિક, બિનજરૂરી વેસ્ટ સહિતની ગંદકીના ઢગ ખડકાયેલાં જોવા મળે છે, બાજુમાં આવેલ શાળાની દિવાલ પાસે અસહ્ય કચરો જમા થતાં હવે તેમાંથી દુર્ગંધ પણ પ્રસરી રહી છે. આંબલીયા વિસ્તારમાં દરગાહ અને શાળા આવેલી છે એ ઉપરાંત આગળ જતાં એક રસ્તો રહેણાંક વિસ્તારમાં જાય છે. જેથી દરગાહે આવતાં લોકો, રહેણાંક વિસ્તારમાં જતાં રહીશો અને અહીંથી પસાર થતાં અન્ય લોકો માટે પણ આ ગંદકી માથાના દુઃખાવા સમાન બની છે. સ્થાનિક કહે છે કે, વારંવાર તંત્ર સમક્ષ રજુઆત છતાં આ બાબતે હજુ સુધી નક્કર કાર્યવાહી કરાઈ નથી. જો આ કચરો અને ગંદકી સફાઈ નહીં થાય તો બાજુમાં શાળા પણ છે તેમના ક્લાસરૂમ સુધી દુર્ગંધ પ્રસરી શકે છે. બાળકોના આરોગ્ય સામે પણ સવાલ ઉભો છે ત્યારે આ કચરો અને ગંદકી દૂર કરી આ વિસ્તારને સ્વચ્છ બનાવી આપવા સ્થાનિક લોકો,રહીશોની માંગ ઉઠવા પામી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward