Community News & Updates

Stay informed with the latest happenings, achievements, and announcements from our community.

All News

calendar_today January 24, 2026

Dahod News : હત્યા કે બીજું કંઈ? પાણીયા ગામના તળાવ કિનારે મળેલ મહિલાના મૃતદેહથી ચકચાર

દાહોદ તાલુકાના પાણીયા ગામે આજે વહેલી સવારે લોહી થીજી જાય તેવી ઘટના સામે આવી છે. ગામના તળાવની બાજુમાં એક અજાણી મહિલાનો મૃતદેહ મળી આવતા સમગ્ર પંથકમાં ભય અને આશ્ચર્યનો માહોલ ફેલાયો છે. સ્થાનિક લોકો જ્યારે તળાવ પાસેથી પસાર થઈ રહ્યા હતા ત્યારે તેમની નજર મહિલાની લાશ પર પડી હતી, જે બાદ તાત્કાલિક ગ્રામજનો દ્વારા પોલીસને જાણ કરવામાં આવી હતી. પ્રાથમિક દ્રષ્ટિએ મહિલાની હત્યા કરવામાં આવી હોવાનું જણાતા પોલીસે આ મામલાને અત્યંત ગંભીરતાથી લીધો છે.મહિલાના મૃતદેહથી ચકચાર ઘટનાની જાણ થતા જ દાહોદ પોલીસનો કાફલો ઘટનાસ્થળે દોડી આવ્યો હતો અને મહિલાની ઓળખ વિધિ હાથ ધરી હતી. હત્યારાઓએ મહિલાની હત્યા કરી પુરાવા નાશ કરવાના ઈરાદે લાશને તળાવ પાસે ફેંકી હોવાની આશંકા સેવાઈ રહી છે. ગુનાના મૂળ સુધી પહોંચવા માટે પોલીસે ડોગ સ્ક્વોડ અને FSL (ફોરેન્સિક સાયન્સ લેબોરેટરી) ની ટીમોને બોલાવીને ઝીણવટભરી તપાસ શરૂ કરી છે. મૃતદેહને પોસ્ટમોર્ટમ અર્થે હોસ્પિટલ ખસેડવામાં આવ્યો છે અને મહિલા કોણ છે તથા તેની હત્યા પાછળનું કારણ શું હોઈ શકે તે દિશામાં પોલીસે તપાસના ચક્રો ગતિમાન કર્યા છે. આ પણ વાંચો : Ahmedabad માં હૃદયદ્રાવક ઘટના, સાબરમતી નદીમાં ઝંપલાવી માતા-પુત્રનો સામુહિક આપઘાત

Read Full Story arrow_forward

calendar_today January 24, 2026

ICGએ બાંગ્લાદેશથી ભારત આવી રહેલી સોપારીની દાણચોરી કરતી માછીમારી બોટને ઝડપી

ભારતીય કોસ્ટ ગાર્ડ (ICG)ના ફ્રેઝરગંજ સ્ટેશન દ્વારા 22 જાન્યુઆરીના રોજ એક સફળ ઓપરેશન હાથ ધરવામાં આવ્યું હતું. આ કાર્યવાહી દરમિયાન બાંગ્લાદેશથી ભારત તરફ સોપારીની દાણચોરી કરતી ભારતીય માછીમારી બોટ IFB લક્ષ્મીનારાયણને પકડી પાડવામાં આવી હોવાની જાણકારી ભારતીય કોસ્ટ ગાર્ડે આપી છે.સોપારીના કૂલ 52 કોથળા મળી આવ્યા મળેલી ગુપ્તચર માહિતીના આધારે ICGની બોર્ડિંગ ટીમને તરત જ નિર્ધારિત સ્થળે મોકલવામાં આવી હતી, જ્યાં છોડી દેવામાં આવેલી માછીમારી બોટ મળી આવી અને તેને જપ્ત કરવામાં આવી હતી. બોટની સઘન તપાસ દરમિયાન તેમાંથી 50 કિલો વજનની સોપારીના કૂલ 52 કોથળા મળી આવ્યા હતા, જેનું કુલ વજન 2,600 કિલોગ્રામ થાય છે. પકડાયેલી IFB લક્ષ્મીનારાયણને બાદમાં ફ્રેઝરગંજ લાવવામાં આવી હતી અને બેનફિશ ફિશિંગ જેટી પર બર્થ કરવામાં આવી હતી. બોટ તેમજ જપ્ત કરાયેલા દાણચોરીનો માલ આગળની કાનૂની કાર્યવાહી માટે કોસ્ટલ પોલીસ સ્ટેશન, ફ્રેઝરગંજને સોંપવામાં આવ્યો છે.દાણચોરીની પ્રવૃતિઓ પર ICGની બાજ નજર ભારતીય કોસ્ટ ગાર્ડ અન્ય સમુદ્રી સુરક્ષા એજન્સીઓ સાથે સંકલન કરીને દરિયાકાંઠા અને સમુદ્રી વિસ્તારોમાં ઊંચી ચેતવણી જાળવી રાખે છે, જેથી રાષ્ટ્રવિરોધી તત્વો (ANES) દ્વારા થતી ગેરકાયદેસર પ્રવૃત્તિઓ અને દાણચોરીને અટકાવી શકાય. ભારતીય કોસ્ટ ગાર્ડ દેશની સુરક્ષા તેમજ આર્થિક હિતોની રક્ષા માટે પોતાની પ્રતિબદ્ધતા સાથે સતત કાર્યરત હોવાનું પણ નિવેદનમાં જણાવાયું છે. આ પણ વાંચો : લેપટોપ Bomb સાથે 11,000 ફૂટે વિસ્ફોટ! ચમત્કાર એવો કે ફક્ત હુમલાખોરનું જ મોત

Read Full Story arrow_forward

calendar_today January 24, 2026

Himachal Snowfall: પર્વતોએ ઓઢી બરફની ચાદર, રોડ રસ્તા પર બરફના થર જામ્યા

હિમાચલ પ્રદેશમાં ચોમેર બરફની ચાદર છવાઇ છે.  હવામાન વિભાગની  ચેતવણી અનુસાર રાજ્યના ઘણા વિસ્તારો બરફથી ઢંકાઈ ગયા હતા. શિમલા, મનાલી, ડેલહાઉસી અને પહાડોની રાણી ચૈલ જેવા પ્રવાસન સ્થળોએ સિઝનની પહેલી હિમવર્ષા થઈ. હિમાચલના નીચલા ભાગોમાં ભારે વરસાદ અને કરા પડ્યા.563 રસ્તાઓ બંધ ભારે હિમવર્ષા અને વરસાદને કારણે રાજ્યના પાંચ રાષ્ટ્રીય ધોરીમાર્ગો સહિત 563 રસ્તાઓ બંધ થઈ ગયા છે. ઉપલા શિમલા સહિત ઘણા વિસ્તારોનો સંપર્ક કપાઈ ગયો છે. હજારો પ્રવાસીઓ વિવિધ સ્થળોએ ફસાયેલા છે. કુફરી-ફાગુમાંથી 100 લોકોને અને અનીના રઘુપુરગઢમાંથી 48 લોકોને બચાવી લેવામાં આવ્યા છે. રાજ્યમાં 10,384 ટ્રાન્સફોર્મર નિષ્ફળ જવાને કારણે સેંકડો ગામડાઓ વીજળીથી વંચિત છે. https://x.com/ANI/status/2015016788124381645પર્યટકો સ્નોફોલ થતા ખુશખુશાલ વરસાદ અને બરફથી પર્યટનને વેગ મળવાની અને પાકના સ્વાસ્થ્યને પણ ફાયદો થવાની ધારણા છે. શુક્રવારે શિમલા અને મનાલીમાં પ્રવાસીઓએ હિમવર્ષાનો આનંદ માણ્યો.   મનાલી અને બંજર સબડિવિઝનની તમામ શૈક્ષણિક સંસ્થાઓએ રજા જાહેર કરી છે. મનાલી વિન્ટર કાર્નિવલના તમામ કાર્યક્રમો રદ કરવામાં આવ્યા છે. શિમલા, મંડી, કુલ્લુ, કિન્નૌર, લાહૌલ-સ્પિતિ અને ચંબા જિલ્લાના ઘણા વિસ્તારોમાં દિવસભર બરફવર્ષા ચાલુ રહી. શિમલા અને લાહૌલ-સ્પિતિમાં પણ બરફવર્ષા થઈ. ભારે હિમવર્ષાને કારણે શિમલામાં ચાલવું મુશ્કેલ બન્યું. વાહન વ્યવહાર ખોરવાયો અની-કુલ્લુ, શિમલા-કિન્નૌર, મનાલી-લેહ, હાટકોટી-પાવંતા સાહિબ અને ચંબા-ભરમૌર રાષ્ટ્રીય ધોરીમાર્ગ સહિત સેંકડો રસ્તાઓ બંધ થવાને કારણે પરિવહન સેવાઓ ખોરવાઈ ગઈ. વિવિધ સ્થળોએ સેંકડો બસો ફસાયેલી હતી. દૂધ, બ્રેડ અને અન્ય આવશ્યક ચીજવસ્તુઓના પુરવઠાને પણ અસર થઈ હતી. હિમવર્ષા અને વરસાદને કારણે તાપમાનમાં ઘટાડો થયો હતો, શિમલા, મનાલી અને ડેલહાઉસીમાં લઘુત્તમ તાપમાન શૂન્યની નજીક પહોંચી ગયું હતું. 12 ઘરોની છત ઉડી ગઇ શુક્રવારે ચંબા જિલ્લાના પાંગીના ઉપરના શિખરો પર એક થી દોઢ ફૂટ બરફ પડ્યો હતો અને નીચલા વિસ્તારોમાં 25.4  સેન્ટિમીટર બરફ પડ્યો હતો. ભારે પવનને કારણે ભરમૌરના ગાન, સુનારા અને છત્રદરી પંચાયતોમાં 12 ઘરોની છત ઉડી ગઈ હતી. લાહૌલનો કુલ્લુથી સંપર્ક કપાઈ ગયો છે. લાહૌલમાં 200 થી વધુ રસ્તાઓ અને 85  પાવર ટ્રાન્સફોર્મર ખરાબ થઈ ગયા છે. કામરુ ખીણમાં વાવાઝોડાને કારણે અનેક ઘરોની છત ઉડી ગઈ છે. કાંગરા, હમીરપુર, ઉના, બિલાસપુર અને મંડી સહિત રાજ્યભરમાં વરસાદ પડ્યો હતો. વહીવટીતંત્રે શિમલા સહિત વિવિધ સ્થળોએ બરફ દૂર કરવાની મશીનરી તૈનાત કરી છે. જાહેર બાંધકામ વિભાગ અને વીજળી બોર્ડની ટીમો રસ્તાઓ પુનઃસ્થાપિત કરવા અને વીજ પુરવઠો પુનઃસ્થાપિત કરવા માટે કામ કરી રહી છે. લોકોને બિનજરૂરી મુસાફરી ટાળવા અને હવામાન વિભાગની ચેતવણીઓનું પાલન કરવા વિનંતી કરવામાં આવી છે.

Read Full Story arrow_forward