Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 22 જાન્યુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
સુરત જિલ્લાના ઉમરપાડા તાલુકામાં કરંટ લાગવાની દુઃખદ ઘટના સામે આવી છે, જેમાં છૂટક મજૂરી કરી પરિવારનું ગુજરાન ચલાવતા યુવકનું મોત થયું છે.૬૬ કેવી સબ સ્ટેશનમાં બન્યો આ બનાવ માંડવી તાલુકાના કરંજ નજીક આવેલા લીમોદરા પાટિયા પાસે આવેલા ૬૬ કેવી સબ સ્ટેશનમાં બન્યો હતો. પોલ ઉપર લાગેલા ઝાડી-ઝાંખરા તથા વેલા કાપી રહ્યા હતા મળતી માહિતી મુજબ ઉમરપાડાના નસારપુર ગામના રહેવાસી અંકિતભાઈ જયંતિભાઈ વસાવા જી.ઈ.બી.ના પોલ ઉપર લાગેલા ઝાડી-ઝાંખરા તથા વેલા કાપી રહ્યા હતા. આ દરમિયાન અચાનક હાથના ભાગે કરંટ લાગતાં તેઓ ગંભીર રીતે ઝખમી થયા હતા. સારવાર મળે તે પહેલા જ તેમનું મોત થઈ ગયું ઘટનાની જાણ થતાં અંકિતભાઈને તાત્કાલિક તડકેશ્વર ખાતેની હોસ્પિટલમાં સારવાર માટે ખસેડવામાં આવ્યા હતા, પરંતુ સારવાર મળે તે પહેલા જ તેમનું મોત થઈ ગયું હતું. પરિવારજનોમાં શોકનો માહોલ આ ઘટનાને પગલે પરિવારજનોમાં શોકનો માહોલ છવાયો છે, જ્યારે તંત્ર દ્વારા સમગ્ર મામલે તપાસ હાથ ધરવામાં આવી છે.આ પણ વાંચો----- Surendranagar : થાનગઢમાં મધરાત્રિએ તંત્રનો સપાટો, સરકારી જમીન પર કરાયેલા 260 ગેરકાયદે દબાણો તોડી પડાયા, 210 કરોડની સરકારી જમીન દબાણમુક્ત
Read Full Story arrow_forward
જસદણ તાલુકાના આટકોટ નજીક આવેલા હલેન્ડા ગામ પાસે આજે એક માર્ગ અકસ્માતની ઘટના બની હતી. પૂરપાટ ઝડપે જઈ રહેલી એક ટ્રકના ચાલકે સ્ટીયરિંગ પરથી કાબૂ ગુમાવતા ટ્રક રોડની વચ્ચે આવેલા ડિવાઈડર પર ચડી ગઈ હતી. આ ઘટનામાં ડિવાઈડર પર લગાવેલા વૃક્ષોને ભારે નુકસાન થયું હતું, પરંતુ સદનસીબે મોટી જાનહાનિ ટળી હતી.અચાનક ચાલકે કાબૂ ગુમાવતા ટ્રક ડિવાઈડર સાથે અથડાઈ હતી. મળતી માહિતી મુજબ, આટકોટથી હલેન્ડા તરફ જતા મુખ્ય માર્ગ પર એક ટ્રક પસાર થઈ રહી હતી. અચાનક ચાલકે કાબૂ ગુમાવતા ટ્રક ડિવાઈડર સાથે અથડાઈ હતી અને તેના પર ચડી ગઈ હતી. અકસ્માત એટલો જોરદાર હતો કે ડિવાઈડર પર ઉછરેલા ઘટાદાર વૃક્ષો ધરાશાયી થઈ ગયા હતા અને ટ્રકના આગળના ભાગને પણ નુકસાન પહોંચ્યું હતું. સદનસીબે જાનહાનિ ટળીઅકસ્માતના સમયે હાઈવે પર અન્ય વાહનોની અવરજવર ઓછી હોવાથી અને ટ્રક પલટી ન ખાતા મોટી દુર્ઘટના બનતા અટકી હતી. ટ્રક ચાલકનો પણ આબાદ બચાવ થયો હતો. ઘટનાને પગલે આસપાસના લોકો એકઠા થઈ ગયા હતા અને થોડા સમય માટે ટ્રાફિકને અસર પહોંચી હતી. તંત્રને જાણ સ્થાનિક લોકો દ્વારા આ અંગેની જાણ કરવામાં આવતા આગળની કાર્યવાહી હાથ ધરવામાં આવી હતી. વારંવાર બનતી આવી ઘટનાઓને પગલે હાઈવે પર વાહનચાલકોને સાવચેતીપૂર્વક વાહન ચલાવવા અપીલ કરવામાં આવી હતી.ૉઆ પણ વાંચો---- Surendranagar : થાનગઢમાં મધરાત્રિએ તંત્રનો સપાટો, સરકારી જમીન પર કરાયેલા 260 ગેરકાયદે દબાણો તોડી પડાયા, 210 કરોડની સરકારી જમીન દબાણમુક્ત
Read Full Story arrow_forward