Community News & Updates

Stay informed with the latest happenings, achievements, and announcements from our community.

All News

calendar_today January 16, 2026

Surat: ગોડાદરામાં જૂની અદાવતમાં મોડી રાત્રે ફાયરિંગ, યુવકની હત્યાનો પ્રયાસ કરનાર શખ્સ ઝડપાયો

સુરતમાં કાયદો અને વ્યવસ્થાની સ્થિતિ કથળી હોય તેમ લાગી રહ્યું છે. શહેરના ગોડાદરા વિસ્તારમાં મોડી રાત્રે લોહિયાળ ખેલ ખેલાયો હતો. અગાઉ થયેલી એક હત્યાની રંજીશમાં બે જૂથો વચ્ચેની અદાવત ફરી સપાટી પર આવી હતી, જેમાં એક યુવક પર ફાયરિંગ કરી તેની હત્યા કરવાનો પ્રયાસ કરવામાં આવ્યો હતો. જોકે, પોલીસે ગણતરીના કલાકોમાં જ આરોપીની ધરપકડ કરી લીધી છે.ગોડાદરા વિસ્તારમાં મોડી રાત્રે લોહિયાળ ખેલ ખેલાયોમળતી માહિતી મુજબ, ગોડાદરા વિસ્તારમાં મોડી રાત્રે જ્યારે શાંતિ હતી ત્યારે અચાનક ફાયરિંગના અવાજથી સમગ્ર વિસ્તાર ગુંજી ઉઠ્યો હતો. અગાઉ થયેલી એક હત્યાના બનાવની અદાવત રાખીને આરોપીએ યુવકને નિશાન બનાવીને ગોળીબાર કર્યો હતો. હુમલાખોરનો ઈરાદો યુવકને મોતને ઘાટ ઉતારવાનો હતો, પરંતુ સદનસીબે યુવકનો બચાવ થયો છે.ફાયરિંગની ઘટનામાં યુવકને ગોળી વાગીફાયરિંગની ઘટનામાં યુવકને ગોળી વાગતા તેને તાત્કાલિક લોહીલુહાણ હાલતમાં નજીકની હોસ્પિટલમાં ખસેડવામાં આવ્યો હતો. ડોક્ટરોની ટીમ દ્વારા યુવકનું તાત્કાલિક ઓપરેશન કરવામાં આવ્યું હતું અને તેના શરીરમાં ખૂંપી ગયેલી ગોળીને સફળતાપૂર્વક બહાર કાઢી લેવામાં આવી છે. હાલ ભોગ બનનાર યુવકની સ્થિતિ સ્થિર અને તે સહી-સલામત હોવાનું જાણવા મળ્યું છે.પોલીસની ત્વરિત કાર્યવાહી અને ધરપકડઘટનાની જાણ થતા જ ગોડાદરા પોલીસનો કાફલો ઘટનાસ્થળે દોડી ગયો હતો. પોલીસે ગુનાની ગંભીરતા જોઈને અલગ-અલગ ટીમો બનાવી આરોપીને શોધવા ચક્રો ગતિમાન કર્યા હતા. ગણતરીના કલાકોમાં જ ફાયરિંગ કરનાર મુખ્ય આરોપીને પોલીસે દબોચી લીધો છે. પોલીસે આ મામલે હત્યાના પ્રયાસ (IPC 307) હેઠળ ગુનો નોંધી આગળની કાયદેસરની કાર્યવાહી હાથ ધરી છે.આ પણ વાંચો: સાપકડામાં પ્રેમ પ્રકરણમાં શ્રમિક યુવાનનો આપઘાત, 18 વર્ષીય યુવાને ઝેરી દવા પી જીવન ટૂંકાવ્યું

Read Full Story arrow_forward

calendar_today January 16, 2026

Ahmedabad : મણિનગરના ફુટબોલ ગ્રાઉન્ડમાં જાહેરમાં યુવકની હત્યા, યુવતી સાથે સંબંધ રાખવાના મુદ્દે થયેલી બોલાચાલી હત્યામાં પરિણમી

અમદાવાદના મણિનગરના ફુટબોલ ગ્રાઉન્ડમાં જાહેરમાં યુવકની હત્યા કરનાર ચાર આરોપીઓની પોલીસે ધરપકડ કરી છે. પોલીસ તપાસમાં સામે આવ્યું છે કે, મૃતક તેની માનીતી બહેનને મુખ્ય આરોપી સાથે સંબંધ ના રાખવા માટે અવાર નવાર ટકોર કરતો હતો. જેને લઇને અગાઉ પણ આરોપી અને મૃતક વચ્ચે બોલાચાલી થઇ હતી. જેના સમાધાન માટે બોલાવી પૂર્વઆયોજિત કાવતરૂ રચીને હત્યાના બનાવને અંજામ આપવામાં આવ્યો છે.યુવકને સમાધાન માટે બોલાવીને હત્યા કરી શહેરના મણીનગર વિસ્તારમાં આવેલ ફુટબોલ ગ્રાઉન્ડમાં ઉત્તરાયણની મોડી સાંજે ખુની ખેલ ખેલાયો હતો. અમરાઇવાડી વિસ્તારમાં રહેતા 21 વર્ષીય ચિરાગ રાઠોડ નામના યુવકને સમાધાન માટે બોલાવીને મંથન ઉર્ફે ઋત્વીક પરમાર નામના યુવકે તેના અન્ય ત્રણ મિત્રો સાથે મળીને હત્યા કરી દીધી હતી. પોલીસે ચાર આરોપીઓને ઝડપી લીધા ઘટનાની જાણ થતાં જ મણીનગર પોલીસ ઘટનાસ્થળ પર પહોચી હતી. અને હત્યાનો ગુનો દાખલ આરોપીઓની શોધખોળ શરૂ કરી હતી. પોલીસએ મુખ્ય આરોપી મંથન ઉર્ફે ઋત્વીક પરમાર, જયદિપ ઉર્ફે જય શાહ, હર્ષીલ શાહ અને વિજય પરમાર નામના ચાર આરોપીઓને ઝડપી લીધા છે. ચિરાગ તેના મિત્રની બહેનને પોતાની બહેન માનતો હતો પોલીસ તપાસમાં સામે આવ્યું છે કે ચિરાગ તેના મિત્રની બહેનને પોતાની બહેન માનતો હતો. જેને તેની સાથે નોકરી કરતા એટલે કે આ ગુનાના મુખ્ય આરોપી મંથન સાથે મિત્રતા હતી. જો કે ચિરાગે તેની માનીતી બહેનને મંથન સાથે સંબંધ ના રાખવા માટેની જાણ કરી હતી. જેને લઇને ચિરાગ અને મંથન વચ્ચે અગાઉ પણ ઝઘડો થયો હતો. અને તેની જ અદાવતમાં મંથનએ નયન તેમજ ચિરાગને સમાધાન માટે બોલાવ્યા હતાં. અને પહેલા ચિરાગ સાથે મારા મારી કર્યા બાદ તેને મંથને પાંસળીના ભાગે છરીનો ઘા મારી દીધો હતો. પકડાયેલ આરોપીઓ મોટાભાગે ખાનગી નોકરી કરતા હોવાનું સામે આવ્યું છે. ઋત્વીક પરમાર અને જયદિપ ઉર્ફે જય શાહનો ગુનાહિત ભુતકાળ પોલીસ તપાસમાં સામે આવ્યુ કે મંથન ઉર્ફે ઋત્વીક પરમાર અને જયદિપ ઉર્ફે જય શાહ નામના આરોપીઓ અગાઉ પણ શાહીબાગ પોલીસ સ્ટેશનમાં હત્યાના પ્રયાસના ગુનામાં પકડાઇ ચુક્યા છે. હાલમાં પોલીસે આરોપીઓની ધરપકડ કરીને સમગ્ર બનાવમાં અન્ય કોઇ સામેલ છે કે કેમ તે અંગે વધુ તપાસ શરૂ કરી છે. આ પણ વાંચો----  Gandhinagar : ગુજરાત બજેટ સત્રને લઈને મોટા સમાચાર, 16 ફેબ્રુઆરીથી મળશે બજેટ સત્ર

Read Full Story arrow_forward

calendar_today January 16, 2026

Ahmedabad News: સ્પીપા ખાતે 'સ્પેશિયલ ફાઉન્ડેશન કોર્સ-2025'નો સમાપન સમારોહ યોજાયો

ગુજરાત સરકારની સર્વોચ્ચ તાલીમી સંસ્થા, સરદાર પટેલ લોકપ્રશાસન સંસ્થા (SPIPA) ખાતે 10 નવેમ્બર 2025થી શરૂ થયેલા 10 સપ્તાહના 'સ્પેશિયલ ફાઉન્ડેશન કોર્સ 2025'નું આજે 16 જાન્યુઆરી 2026ના રોજ ગૌરવપૂર્ણ વાતાવરણમાં સમાપન થયું હતું. આ સમારોહમાં દેશના ભાવિ પ્રશાસકોને નૈતિકતા અને લોકસેવા પ્રત્યે સમર્પિત રહેવાના શપથ સાથે વિદાય આપવામાં આવી હતી.મસૂરી LBSNAA ના ડેપ્યુટી ડાયરેક્ટરની પ્રેરક ઉપસ્થિતિ આ સમારોહમાં મુખ્ય અતિથિ તરીકે લાલબહાદુર શાસ્ત્રી રાષ્ટ્રીય પ્રશાસન એકાદમી (LBSNAA), મસૂરીના ડેપ્યુટી ડાયરેક્ટર દીપ કોન્ટ્રાક્ટર (IFS) ઉપસ્થિત રહ્યા હતા. તેમણે તાલીમાર્થીઓને સંબોધતા જણાવ્યું હતું કે, આ બેચ 'ડિજિટલ ઈન્ફ્રાસ્ટ્રક્ચર અને AI'ની પ્રથમ પેઢી છે. તેમણે તાલીમાર્થીઓને 'વિકસિત ભારત'ના લક્ષ્યને સાકાર કરવા અને પ્રશાસનમાં છેવાડાના માનવી પ્રત્યે સમાનુભૂતિ દાખવવા અપીલ કરી હતી. 81 તાલીમાર્થીઓની 10 સપ્તાહની સફર આ પ્રસંગે સ્પીપાના નાયબ મહાનિદેશક ચંદ્રેશ કોટક (IAS) સહિતના ઉચ્ચ અધિકારીઓ હાજર રહ્યા હતા. કાર્યક્રમ દરમિયાન 81 અધિકારી-તાલીમાર્થીઓની તાલીમ યાત્રા દર્શાવતી એક ભાવવાહી શોર્ટ ફિલ્મ અને સ્પેશિયલ બુકલેટનું વિમોચન કરવામાં આવ્યું હતું. તાલીમ દરમિયાન શ્રેષ્ઠ પ્રદર્શન કરનાર અધિકારીઓને રમતગમત, ફોટોગ્રાફી, વિલેજ વિઝિટ અને 'ડાયરેક્ટર જનરલ્સ એસેસમેન્ટ' જેવા વિવિધ ક્ષેત્રોમાં પુરસ્કારો આપી સન્માનિત કરાયા હતા. લોહપુરુષના આદર્શોને યાદ કરાયા મુખ્ય અતિથિએ સનદી સેવાના પ્રણેતા સરદાર વલ્લભભાઈ પટેલને યાદ કરી તાલીમાર્થીઓને સત્યનિષ્ઠા, નિષ્પક્ષતા અને નિર્ણાયકતાના ગુણો જાળવવા અરજ કરી હતી. સ્પીપાના સંયુક્ત નિયામક એ. એ. ડોડિયાએ તમામ સ્ટાફ અને તાલીમાર્થીઓનો આભાર માન્યો હતો. સમગ્ર કાર્યક્રમનું સમાપન રાષ્ટ્રગાન સાથે કરવામાં આવ્યું હતું. આ પણ વાંચો - Ahmedabad માં દારૂબંધીના ધજાગરા, પંચવટી બાદ હવે ગોમતીપુરમાં દારૂની મહેફિલના ફોટા વાયરલ

Read Full Story arrow_forward