Community News & Updates

Stay informed with the latest happenings, achievements, and announcements from our community.

All News

calendar_today January 13, 2026

Ahmedabad પોલીસની આબરૂના ધજાગરા, વાસણાના પોલીસકર્મીની રૂ. 50 હજારની લાંચ માંગતી ઓડિયો ક્લિપ વાયરલ

અમદાવાદના વાસણા પોલીસ સ્ટેશનમાં ફરજ બજાવતા રતનસિંહ નામના પોલીસકર્મીની એક કથિત ઓડિયો ક્લિપ વાયરલ થતા પોલીસ વિભાગમાં દોડધામ મચી ગઈ છે. આ વાયરલ ઓડિયોમાં પોલીસકર્મી અને એક નાગરિક વચ્ચે રૂપિયાની લેવડદેવડ અંગે સ્પષ્ટ વાતચીત સાંભળવા મળી રહી છે. ક્લિપમાં પોલીસકર્મી સામેવાળા વ્યક્તિ પાસે રૂ. 50 હજારની માંગણી કરી રહ્યો છે. જોકે, આ નાણાં કયા કામ માટે અથવા કયા કેસમાં પતાવટ માટે માંગવામાં આવી રહ્યા છે, તેનો ઓડિયોમાં કોઈ સ્પષ્ટ ઉલ્લેખ કરવામાં આવ્યો નથી.ખાખી પર ભ્રષ્ટાચારના ડાઘ ઓડિયો ક્લિપમાં નાગરિક પોલીસકર્મીને કહી રહ્યો છે કે, "મેં તમને અગાઉ 20 હજાર તો આપી દીધા છે, તો પછી હવે બીજા 50 હજારની માંગણી શા માટે કરી રહ્યા છો?" આ સવાલ સામે પોલીસકર્મી દ્વારા કરવામાં આવેલી વાતચીતથી ભ્રષ્ટાચારની ગંધ આવી રહી હોવાની ચર્ચાઓએ જોર પકડ્યું છે. આ ક્લિપ વાયરલ થતા જ શહેરમાં પોલીસની કાર્યપદ્ધતિ સામે સવાલો ઉભા થયા છે. જોકે, 'સંદેશ ન્યૂઝ' આ વાયરલ ઓડિયો ક્લિપની સત્યતાની પુષ્ટિ કરતું નથી, પરંતુ આ મામલે ઉચ્ચ પોલીસ અધિકારીઓ દ્વારા તપાસ કરવામાં આવે તેવી શક્યતા સેવાઈ રહી છે. આ પણ વાંચો : Surat News : BRTS માં મુસાફરી કરનારાઓ માટે મોટા સમાચાર, સરકારે લીધો આ મોટો નિર્ણય...

Read Full Story arrow_forward

calendar_today January 13, 2026

Gandhinagar News : માણસામાં અમિત શાહ, રૂપિયા 267 કરોડના વિકાસકાર્યોની ભેટ આપી

કેન્દ્રીય ગૃહ અને સહકાર મંત્રી અમિત શાહ આજે પોતાના માદરે વતન માણસાની મુલાકાતે છે, જ્યાં તેમણે વતનના વિકાસ માટે કરોડો રૂપિયાના કામોની ભેટ ધરી છે. માણસા ખાતે આયોજિત ભવ્ય કાર્યક્રમમાં અમિત શાહે અંદાજે રૂપિયા 26,737 લાખ (267 કરોડથી વધુ) ના વિવિધ વિકાસકાર્યોનું લોકાર્પણ અને ખાતમુહૂર્ત કર્યું હતું. આ વિકાસકાર્યોમાં અત્યાધુનિક સ્પોર્ટ્સ કોમ્પ્લેક્સનો પણ સમાવેશ થાય છે, જે સ્થાનિક યુવાનોને રમતગમત ક્ષેત્રે આગળ વધવા માટે નવી દિશા પૂરી પાડશે. આ પ્રસંગે રાજ્યના મુખ્યમંત્રી ભૂપેન્દ્ર પટેલ અને અન્ય ઉચ્ચ મંત્રીઓ પણ ઉપસ્થિત રહ્યા હતા.વતનની ધરા પર ભવ્ય સ્વાગત વિકાસકાર્યોની ભેટ આપ્યા બાદ અમિત શાહ એક વિશાળ જાહેરસભાને સંબોધિત કરવાના છે. આ મુલાકાત દરમિયાન તેમણે માણસાના સર્વાંગી વિકાસ માટેની પોતાની પ્રતિબદ્ધતા દોહરાવી હતી અને જણાવ્યું હતું કે સરકાર છેવાડાના માનવી સુધી સુવિધાઓ પહોંચાડવા માટે કાર્યરત છે. માણસામાં નિર્માણ પામનાર સ્પોર્ટ્સ કોમ્પ્લેક્સ અને અન્ય માળખાગત સુવિધાઓથી આગામી સમયમાં આ વિસ્તારની કાયાપલટ થશે. કેન્દ્રીય મંત્રીના આ પ્રવાસને લઈને સમગ્ર માણસા પંથકમાં ઉત્સાહનો માહોલ જોવા મળી રહ્યો છે અને સુરક્ષાના પણ ચુસ્ત બંદોબસ્ત ગોઠવવામાં આવ્યા છે. આ પણ વાંચો : Surendranagr News : ખારાઘોઢામાં 'સિલિન્ડર ચોર'નો આતંક, 8 દિવસમાં 7 ઘરમાંથી ગેસના બાટલા ઉઠાવી ગયા તસ્કરો

Read Full Story arrow_forward

calendar_today January 13, 2026

Gujaratના આકાશમાં ગુંજશે પોષણનો સંદેશ, મકરસંક્રાંતિ નિમિત્તે રાજ્યભરમાં ઉજવાઈ રહ્યો છે પોષણ ઉડાન

ગુજરાતમાં ૧૪મી જાન્યુઆરી, મકરસંક્રાંતિના પર્વ નિમિત્તે મહિલા અને બાળ વિકાસ વિભાગ દ્વારા તા. 12 અને 13 જાન્યુઆરી દરમિયાન ‘પોષણ ઉડાન - ૨૦૨૬’ કાર્યક્રમનું વિશેષ આયોજન કરવામાં આવ્યું છે. આ કાર્યક્રમ અંતર્ગત પતંગોત્સવના માધ્યમથી પોષણ અંગે જનજાગૃતિ લાવવામાં આવશે. મહિલા અને બાળ વિકાસ મંત્રી ડો. મનીષાબેન વકીલના માર્ગદર્શનમાં બે દિવસ દરમિયાન રાજ્ય, ઝોન, જિલ્લા, ઘટક અને આંગણવાડી કેન્દ્ર કક્ષાએ આઈસીડીએસ અંતર્ગત વિવિધ પોષણલક્ષી પ્રવૃત્તિઓ યોજાઈ રહી છે.આગેવાનો જન ભાગીદારીથી જોડાશે પોષણ ઉડાન-૨૦૨૬ હેઠળ બાળકો, કિશોરીઓ, સગર્ભા અને ધાત્રી માતાઓ, સ્થાનિક શાળાઓ, એનજીઓ, સમુદાયના આગેવાનો જન ભાગીદારીથી જોડાશે. આ કાર્યક્રમ અંતર્ગત આહારમાં વિવિધતા, જંક ફૂડનો ત્યાગ, કિશોરીઓમાં એનીમિયા નિવારણ, સ્વચ્છતા અને શુદ્ધ પીવાનું પાણી જેવા વિષયો પર ભાર મૂકવામાં આવશે.  પતંગ બનાવવાની સ્પર્ધા, પોષણ અને આરોગ્યલક્ષી સૂત્રો લખવાની સ્પર્ધા કાર્યક્રમ અંતર્ગત નક્કી કરવામાં આવેલી થીમ અંગે પતંગ બનાવવાની સ્પર્ધા, પોષણ અને આરોગ્યલક્ષી સૂત્રો લખવાની સ્પર્ધા તથા કિશોરીઓ માટે ક્વિઝ અને રમત-ગમતની પ્રવૃત્તિઓ, શિયાળાની પૌષ્ટિક વાનગીઓ, "સરગવો" સુપર ફૂડનું મહત્વ, ટેક હોમ રાશન-THR અને મિલેટ્સ-શ્રી અન્નમાંથી બનતી વાનગીઓનું નિદર્શન જેવા કાર્યક્રમો યોજાયા હતા. હિમોગ્લોબિન તપાસઆ ઉપરાંત સગર્ભા-ધાત્રી માતાઓ અને બાળકો માટે હિમોગ્લોબિન તપાસ, આઈ.એફ.એ. ગોળી વિતરણ અને બી.એમ.આઈ માપણી સાથે પોષણ પરામર્શ કરાયો હતો. લાભાર્થીઓને રંગબેરંગી પતંગો અને દોરીની ભેટ આપવામાં આવી આંગણવાડી કેન્દ્રો પર નોંધાયેલા તમામ લાભાર્થીઓને રંગબેરંગી પતંગો અને દોરીની ભેટ આપવામાં આવી હતી. પારંપરિક રીતે બરછટ અનાજ, સીંગદાણા, તલ અને મમરાની પૌષ્ટિક ચિકીનું વિતરણ પણ કરવામાં આવ્યું હતું. મકરસંક્રાતિના દિવસે લાભાર્થીઓ દ્વારા પતંગો પર પોષણ અને આરોગ્યલક્ષી સૂત્રો જેવા કે લખીને આકાશમાં જનજાગૃતિનો સંદેશ ફેલાવવામાં આવશે. ચાઇનીઝ દોરી અને ચાઇનીઝ દુક્કલનો ઉપયોગ ટાળવા અપીલ પતંગોત્સવ દરમિયાન સુરક્ષાને ધ્યાને રાખીને ચાઇનીઝ દોરી અને ચાઇનીઝ દુક્કલનો ઉપયોગ ટાળવા તેમજ ઈજાઓ રોકવા માટે જરૂરી સાવચેતી રાખવા પણ રાજ્ય સરકાર દ્વારા અપીલ કરવામાં આવી છે. આમ, રાજ્ય સરકાર દ્વારા મકરસંક્રાંતિના તહેવારને ‘પોષણ ઉડાન’ દ્વારા આનંદ અને ઉત્સાહ સાથે તંદુરસ્ત ગુજરાતના નિર્માણ તરીકે ઉજવવામાં આવશે. આ પણ વાંચો----   Dahod : દારૂની હેરાફેરીમાં ચાકલીયા પોલીસ સ્ટેશનમાં ફરજ બજાવતા ત્રણ પોલીસ કર્મીઓ સામે ફરિયાદ, 66 હજારનો વિદેશી દારૂ જપ્ત

Read Full Story arrow_forward