Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Ahmedabad માં બ્રિજની હાલત કથળી, સુભાષબ્રિજ બાદ હવે દધિચી બ્રિજમાં પણ સળિયા દેખાયા

અમદાવાદ શહેરમાં મ્યુનિસિપલ કોર્પોરેશનની ગંભીર બેદરકારી ફરી એકવાર સામે આવી છે. સુભાષબ્રિજમાં ભયજનક તિરાડો અને સળિયા દેખાયા બાદ હવે સાબરમતી નદી પરના દધિચી બ્રિજમાં પણ સળિયા દેખાવા લાગતા તંત્ર સામે સવાલો ઉભા થયા છે. વર્ષ 2011માં લોકો માટે ખુલ્લો મુકાયેલા આ બ્રિજની હાલત ટૂંકા ગાળામાં જ ખરાબ થઈ જતાં તેની ગુણવત્તા પર શંકાની સોય સેવાઈ રહી છે. એક તરફ સુભાષબ્રિજ સમારકામ માટે બંધ કરવામાં આવતા ટ્રાફિકનું ભારણ વધ્યું છે, ત્યારે બીજી તરફ તેની વૈકલ્પિક વ્યવસ્થા સમાન દધિચી બ્રિજ પણ જોખમી બનતા શહેરીજનોમાં રોષ જોવા મળી રહ્યો છે.AMC પ્રોજેક્ટ વિભાગની નિષ્ફળતા? સુભાષબ્રિજ બંધ થવાને કારણે હાલમાં તમામ ટ્રાફિકને વાડજ વિસ્તાર તરફ ડાયવર્ટ કરવામાં આવ્યો છે, જેના કારણે સવાર-સાંજ વાહનચાલકોને ભારે ટ્રાફિક જામનો સામનો કરવો પડી રહ્યો છે. મનપાના બ્રિજ પ્રોજેક્ટ વિભાગની આ ગંભીર બેદરકારીને કારણે લોકોના ટેક્સના કરોડો રૂપિયા પાણીમાં ગયા હોય તેવું લાગી રહ્યું છે. જો સમયસર આ બંને બ્રિજનું મજબૂતીકરણ કરવામાં નહીં આવે, તો આવનારા દિવસોમાં મોટી દુર્ઘટના સર્જાઈ શકે છે. હાલમાં સ્થાનિક લોકોમાં તંત્રની કામગીરી અને ભ્રષ્ટાચારને લઈને ઉગ્ર ચર્ચાઓ જાગી છે. આ પણ વાંચો : Surat માં BMW અને BE-6 વચ્ચેની જીવલેણ રેસના CCTV આવ્યા સામે, પોલીસ કારચાલકના ઘરે પહોંચી...

Read Full Story arrow_forward

calendar_today January 2, 2026

EVM: કેરળની જનતાએ દર્શાવ્યો EVM પર વિશ્વાસ, BJPએ કહ્યું કોંગ્રેસના મોઢા પર લપડાક

કર્ણાટકની કોંગ્રેસ સરકાર દ્વારા 2024ની લોકસભા ચૂંટણી પર એક સરવે કરાયો હતો. જેમાં ઇવીએમ જનતાનો મજબૂત વિશ્વાસ સામે આવ્યો છે. આ સર્વેના પરિણામોએ બીજેપીને કોંગ્રેસ નેતા રાહુલ ગાંધીની ચૂંટણી પ્રક્રિયા પર વિશ્વસનીયતા પર વારંવાર સવાલ ઉઠાવવાના દાવા પર કટાક્ષ કરવાનો મોકો મળ્યો છે. 2024ની લોકસભા ચૂંટણીને લઇને કરાયો હતો સરવે લોકસભા ઇલેક્શન 2024 ઇવેલ્યએશન ઓફ ઇંડલાઇન સર્વે ઓફ નોલેજ, એટીટ્યુટ એન્ડ પ્રેક્ટિસ ઓફ સિટિઝન્સ નામના આ સર્વેમાં 83.61 ઉત્તર આપનારા લોકોએ કહ્યું કે ઇવીએમને વિશ્વસનીય માનીએ છીએ. કૂલ મળીને 69.39 ટકાએ સહમતિ આપી છે કે ઇવીએમ મશીન સટીક ચૂંટણી પરિણામ આપે છે જ્યારે 14.22 લોકોએ મજબૂતી સાથે વિશ્વાસ વ્યક્ત કર્યો છે કે ઇવીએમ વિશ્વસનીય છે. 83.24 ટકા લોકો ઇવીએમથી સહમતઆ સર્વેમાં બેંગલુરુ, બેલાગવી, કાલાબુરાગી અને મૈસુરુના વહીવટી વિભાગોના 102 વિધાનસભા મતવિસ્તારોના 5,100 ઉત્તરદાતાઓનો સમાવેશ કરવામાં આવ્યો હતો. કર્ણાટક કોંગ્રેસ સરકારે મુખ્ય ચૂંટણી અધિકારી વી. અંબુકુમાર દ્વારા આ સર્વે હાથ ધર્યો હતો. વિભાગવાર ડેટા દર્શાવે છે કે કાલાબુરાગીમાં સૌથી વધુ વિશ્વાસ હતો, જ્યાં 83.24% લોકો સંમત થયા હતા અને 11.24% લોકો EVM વિશ્વસનીય છે તે અંગે સંમત થયા હતા. રાહુલ ગાંધીએ લગાવ્યો હતો મતચોરીનો આરોપ મૈસુરુમાં, 70.67% લોકોએ EVMમાં વિશ્વાસ વ્યક્ત કર્યો હતો, અને 17.92% લોકોએ ભારપૂર્વક સંમત થયા હતા. બેલાગવીમાં, 63.90% ઉત્તરદાતાઓએ EVM વિશ્વસનીય માન્યા હતા, અને 21.43% લોકોએ ભારપૂર્વક સંમત થયા હતા. બેંગલુરુ વિભાગમાં, આંકડા 63.67% અને 9.28% હતા. એ નોંધવું જોઈએ કે આ પરિણામો કોંગ્રેસના નેતા રાહુલ ગાંધીના દાવાઓથી તદ્દન વિપરીત છે, જેઓ વારંવાર ભાજપ અને ચૂંટણી પંચ પર હુમલો કરે છે, ચૂંટણીમાં EVM સાથે છેડછાડ અને "મત ચોરી"નો આરોપ લગાવે છે. સરવેના પરિણામો કોંગ્રેસ માટે લપડાક: ભાજપ કોંગ્રેસ સરકાર દ્વારા EVM પર કરાયેલા સર્વેના પરિણામો પર પ્રતિક્રિયા આપતા કર્ણાટક વિધાનસભાના વિરોધ પક્ષના નેતા આર. અશોકે ઇન્સ્ટાગ્રામ પર પોસ્ટ કરી કે વર્ષોથી, રાહુલ ગાંધી દેશભરમાં એક જ વાર્તા કહી રહ્યા છે. ભારતનું લોકશાહી જોખમમાં છે, EVM પર વિશ્વાસ કરી શકાતો નથી, અને આપણી સંસ્થાઓ વિશ્વસનીય નથી. પરંતુ કર્ણાટક સંપૂર્ણપણે અલગ વાર્તા કહે છે. કર્ણાટકમાં કોંગ્રેસ સરકાર દ્વારા કરવામાં આવેલ રાજ્યવ્યાપી સર્વે દર્શાવે છે કે લોકો ચૂંટણીઓ પર વિશ્વાસ કરે છે, EVM પર વિશ્વાસ કરે છે અને ભારતની લોકશાહી પ્રક્રિયા પર વિશ્વાસ કરે છે. આ કોંગ્રેસ અને રાહુલ ગાંધીના મોઢા પર થપ્પડ છે. કોંગ્રેસ કર્ણાટકને પાછળ લઈ જઈ રહી છે: ભાજપ ભાજપ નેતા આર. અશોકે પોતાની પોસ્ટમાં મુખ્યમંત્રી સિદ્ધારમૈયાની આગેવાની હેઠળની કોંગ્રેસ સરકારની સ્થાનિક સ્વરાજ્યની ચૂંટણીઓ બેલેટ પેપર દ્વારા કરાવવાની જાહેરાત કરવા બદલ ટીકા કરી હતી. તેમણે લખ્યું કે આ સ્પષ્ટ જાહેર વિશ્વાસ હોવા છતાં, સિદ્ધારમૈયાના નેતૃત્વ હેઠળની કોંગ્રેસ સરકાર કર્ણાટકને બેલેટ પેપર દ્વારા ચૂંટણીની જાહેરાત કરીને પાછળ લઈ જઈ રહી છે, જે એક સિસ્ટમ છેડછાડ, વિલંબ અને દુરુપયોગ માટે કુખ્યાત છે. જ્યારે કોંગ્રેસ હારે છે ત્યારે તે સંસ્થાઓ પર સવાલ ઉઠાવે છે અને જ્યારે તે જીતે છે ત્યારે તે તે જ સંસ્થાઓની પ્રશંસા કરે છે. આ સૈદ્ધાંતિક રાજકારણ નથી. આ અનુકૂળ રાજકારણ છે. અને ગમે તેટલી નકલી વાર્તા સત્યને બદલી શકતી નથી. આ પણ વાંચો- Venus And Sun Yuti: 14 જાન્યુઆરીથી 3 રાશિનું ચમકશે નસીબ, શુક્રાદિત્ય રાજયોગ અપાવશે અણધારી સફળતા

Read Full Story arrow_forward

calendar_today January 2, 2026

Kutch News: દારૂના અડ્ડા પર જનતા રેડ કરતા, પોલીસ ભડકી

રાજ્યમાં દારૂબંધીના અમલ વચ્ચે કચ્છના ભચાઉ તાલુકામાંથી એક ચોંકાવનારી ઘટના સામે આવી છે. ભચાઉના આધોઈ ગામના સ્થાનિક આગેવાનોએ ગામ લોકો સાથે મળીને દેશી દારૂના અડ્ડા પર 'જનતા રેડ' કરી હતી. આ ઘટનાના વીડિયો સોશિયલ મીડિયા પર વાયરલ થતા પોલીસ તંત્રની કામગીરી સામે સવાલો ઉભા થયા છે.શું છે સમગ્ર મામલો? મળતી માહિતી મુજબ, આધોઈ ગામમાં લાંબા સમયથી દેશી દારૂનું વેચાણ થતું હોવાની ફરિયાદો ઉઠી હતી. સ્થાનિકોનો આક્ષેપ છે કે, અનેક રજૂઆતો છતાં તંત્ર દ્વારા કોઈ નક્કર પગલાં લેવામાં આવતા ન હતા. અંતે, કંટાળેલા ગ્રામજનો અને સ્થાનિક નેતાઓએ કાયદો હાથમાં લેવાને બદલે જનતા રેડ કરવાનું નક્કી કર્યું હતું. રેડ દરમિયાન મોટા પ્રમાણમાં દેશી દારૂનો જથ્થો ઝડપાયો હતો. પોલીસ સ્ટેશનમાં દારૂનો ઢગલો આશ્ચર્યજનક બાબત એ રહી કે, જનતા રેડ કર્યા બાદ લોકો આ મુદ્દામાલ લઈને સીધા સામખિયાળી પોલીસ સ્ટેશન પહોંચ્યા હતા. સામખિયાળી પોલીસ સ્ટેશનના પટાંગણમાં જ લોકોએ દેશી દારૂની પોટલીઓ અને કેન ઠાલવી દીધા હતા. પોલીસ સ્ટેશન પરિસરમાં દારૂનો ઢગલો થતા પોલીસ કર્મીઓ પણ અચંબિત થઈ ગયા હતા. પોલીસ અને આગેવાનો વચ્ચે બોલાચાલી આ ઘટના દરમિયાન પોલીસ સ્ટેશનમાં ભારે અફરાતફરીનો માહોલ સર્જાયો હતો. સ્થાનિક આગેવાનો અને પોલીસ અધિકારીઓ વચ્ચે ઉગ્ર 'તું તું મેં મેં' થઈ હતી. લોકોએ પોલીસ પર નિષ્ક્રિયતાનો આરોપ લગાવ્યો હતો, જ્યારે પોલીસે પ્રક્રિયા મુજબ કામગીરી કરવાની ખાતરી આપી હતી. હાલ આ સમગ્ર ઘટનાના વીડિયો વાયરલ થતા સમગ્ર કચ્છમાં ચર્ચાનો વિષય બન્યો છે. જનતા રેડ કરતા લોકો સામે પોલીસ રોષે ભરાઈ હતી. આ સાથે સ્થાનિક લોકોએ પોલીસ પર હપ્તાખોરીના આરોપ લગાવ્યા હતા. આ પણ વાંચો - Kutch News : કચ્છમાં સાયબર ફ્રોડના રૂપિયા કમિશનથી મેળવનાર આરોપીઓ સામે કાર્યવાહી, બેંકના ખાતામાં રૂ. 33 લાખ જમા થયા હતા

Read Full Story arrow_forward