Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 01 જાન્યુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
જેતપુરના દેરડી રોડ પર આવેલા પુલ પાસે આજે બે રિક્ષાઓ વચ્ચે ગમખ્વાર અકસ્માત સર્જાયો હતો. એક છકડો રિક્ષા અને મુસાફરો ભરેલી પેસેન્જર રિક્ષા વચ્ચે થયેલી આ ટક્કરમાં ત્રણ મુસાફરો ગંભીર રીતે ઇજાગ્રસ્ત થયા છે. આ સમગ્ર અકસ્માતની ભયાનકતાના લાઈવ દ્રશ્યો નજીકમાં લાગેલા CCTV કેમેરામાં કેદ થયા છે.બે રિક્ષાઓ વચ્ચે ગમખ્વાર અકસ્માત મળતી માહિતી મુજબ, જેતપુરના દેરડી રોડ પર પુલ પાસેથી પસાર થઈ રહેલી એક પેસેન્જર રિક્ષાને સામેથી આવતી છકડો રિક્ષાએ જોરદાર ટક્કર મારી હતી. ટક્કર એટલી પ્રચંડ હતી કે પેસેન્જર રિક્ષામાં સવાર મુસાફરો ફંગોળાઈ ગયા હતા. અકસ્માતને પગલે રોડ પર લોકોના ટોળેટોળા એકઠા થઈ ગયા હતા અને ટ્રાફિક જામના દ્રશ્યો સર્જાયા હતા.ત્રણ મુસાફરોની હાલત ગંભીરઆ અકસ્માતમાં રિક્ષામાં મુસાફરી કરી રહેલા ત્રણ મુસાફરોને શરીરે ગંભીર ઈજાઓ પહોંચી હતી. સ્થાનિકોએ તાત્કાલિક ૧૦૮ એમ્બ્યુલન્સને જાણ કરતા ઇજાગ્રસ્તોને સારવાર માટે જેતપુરની સરકારી હોસ્પિટલમાં ખસેડવામાં આવ્યા છે. હાલમાં તબીબો દ્વારા તેમની સઘન સારવાર કરવામાં આવી રહી છે.પોલીસ કાર્યવાહી અને CCTV ફૂટેજઅકસ્માતની જાણ થતા જ ઉદ્યોગનગર પોલીસનો કાફલો ઘટનાસ્થળે દોડી આવ્યો હતો. પોલીસે ઘટનાસ્થળની તપાસ કરી રિક્ષાચાલકો સામે ગુનો નોંધવાની તજવીજ હાથ ધરી છે. વાયરલ થયેલા CCTV ફૂટેજમાં સ્પષ્ટ જોઈ શકાય છે કે કઈ રિક્ષાની ભૂલ હતી અને કેવી રીતે આ અકસ્માત સર્જાયો હતો. આ ફૂટેજના આધારે પોલીસ આગળની તપાસ ચલાવી રહી છે.આ પણ વાંચો: કેશોદ નજીક કારનો ભયાનક અકસ્માત, પલટી ગયેલી કારમાંથી દારૂની બોટલો મળી
Read Full Story arrow_forward
ગાંધીનગરમા ગઈ કાલે મુખ્યમંત્રીની અધ્યક્ષતામાં કેબિનેટની બેઠક મળી હતી. આ બેઠકમાં રાજ્યના વિવિધ મંત્રાલયના સોશિયલ મીડિયાને મજબૂત કરવા સૂચના આપવામાં આવી હતી. હવે સરકારની સૂચના પ્રમાણે નવા નિમાયેલા મંત્રીઓના પીએ અને પીએસને સોશિયલ મીડિયાનું જ્ઞાન આપવામાં આવશે. આ મુદ્દે મંત્રીઓના પીએ અને પીએસની બેઠક પણ મળી હતી. મંત્રાલયના સોશિયલ મીડિયા પેજને વધુ મજબૂત કરવા સૂચના રાજ્ય સરકાર દ્વારા વિવિધ મંત્રાલયના સોશિયલ મીડિયા પેજને વધુ મજબૂત કરવા કેબિનેટની બેઠકમાં સૂચના આપવામાં આવી હતી. આ સૂચના પ્રમાણે મંત્રીઓના પીએ અને પીએસની બેઠક પણ મળી હતી. જેમાં કેવી રીતે સોશિયલ મીડિયા મજબૂત કરી શકાય તે અંગેની ચર્ચાઓ કરવામાં આવી હતી. હવે મંત્રીઓના પીએ અને પીએસને સોશિયલ મીડિયાનું જ્ઞાન અપાશે. વિભાગની કામગીરીને સોશિયલ મીડિયા દ્વારા લોકો સુધી લઈ જવાશે. મંત્રીઓના પીએ અને પીએસને સોશિયલ મીડિયા અંગે ટાસ્ક અપાશે. આ પણ વાંચોઃ Ahmedabad News: વર્ષ 2025માં 1107 શખ્સોને પાસા હેઠળ જેલ ભેગા કરાયા, 258 સામે તડિપાર કરવાની કાર્યવાહી
Read Full Story arrow_forward