Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Narmada: નવજીવન આદિવાસી મહિલા વિકાસ મંચની વાર્ષિક સાધારણ સભા યોજાઈ

સાગબારા તાલુકાના ટાવલ ગામે સાગબારા ક્લસ્ટર અંતર્ગત નવજીવન આદિવાસી મહિલા વિકાસ મંચ, સાગબારાની 19મી વાર્ષિક સાધારણ સભા મહિલા આગેવાન ઉષાબેન વસાવાના માર્ગદર્શન હેઠળ યોજાઈ હતી. આદિવાસી મહિલા સશક્તિકરણની યાત્રાના 19 વર્ષ પૂર્ણ થવાના અવસરે યોજાયેલી આ સભામાં મંચના સભ્યો, ગ્રામજનો તેમજ વિવિધ વિભાગોના સહયોગીઓ મળી કુલ 314 જેટલા સહભાગીઓ ઉપસ્થિત રહ્યા હતા. જેમાં આરોગ્ય વિભાગના મેડિકલ ઓફ્સિર,NRLM વિભાગના TLM,ATMA વિભાગના તાલુકા કોઓર્ડિનેટર, ગુજરાત પ્રાકૃતિક કૃષિ વિકાસ બોર્ડના તાલુકા મેનેજર તેમજ તલાટી કમ મંત્રીઓ સહિતના આગેવાનો અને પ્રતિનિધિઓ હાજર રહ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Narmada: દેડિયાપાડા મહાબળેશ્વર મહાદેવ મંદિરે લઘુરુદ્ર યજ્ઞ યોજાયો

દેડિયાપાડા ખાતે આવેલા મહાબળેશ્વર મહાદેવ મંદિરે શ્રાવણ વદ અમાસના પાવન નિમિત્તે પરમ પૂજ્ય સુરેશભાઈ દવે મહારાજના સાનિધ્યમાં મહા લઘુરુદ્ર યજ્ઞનું ભવ્ય આયોજન કરવામાં આવ્યું હતું. યજ્ઞ દરમિયાન શાસ્ત્ર્રોક્ત વિધિ તથા વૈદિક મંત્રોચ્ચાર સાથે ભગવાન મહાદેવની પૂજા-અર્ચના કરવામાં આવી હતી. આ ધાર્મિક પ્રસંગમાં અગિયાર જોડાં દ્વારા યજ્ઞમાં જોડાઈ પૂજા-અર્ચના કરવામાં આવી હતી. મહા લઘુરુદ્ર યજ્ઞ પ્રસંગે ભક્તિમય વાતાવરણ વચ્ચે ભજન-કીર્તનનું આયોજન પણ કરવામાં આવ્યું હતું. તેમજ ઉપસ્થિત શ્રદ્ધાળુઓ માટે ભંડારાનું આયોજન કરવામાં આવ્યું હતું. મોટી સંખ્યામાં ભક્તોએ ઉપસ્થિત રહી મહાદેવના દર્શન કરી ધાર્મિક કાર્યક્રમનો લાભ લીધો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 10, 2026

Narmada: દેડિયાપાડા તા. પંચાયત કચેરીનું કામ શરૂ નહીં થતાં કર્મચારીઓમાં રોષ

દેડિયાપાડા તાલુકા પંચાયતની વર્ષો જૂની કચેરી હાલ બિસ્માર અને જર્જરિત હાલતમાં જોવા મળી રહી છે. કચેરીમાં જરૂરી સુવિધાઓનો અભાવ હોવા છતાં કર્મચારીઓ દ્વારા અહીંથી કામગીરી કરવામાં આવી રહી છે, જ્યારે તાલુકા વિકાસ અધિકારી પોતાની કામગીરી મિશન મંગલમ કચેરી ખાતે બેસીને બજાવી રહ્યા હોવાનું જાણવા મળે છે.દેડિયાપાડા તાલુકા પંચાયતની આ જુની અને પુરાણી કચેરીમાં વિવિધ સરકારી કામકાજ માટે તાલુકાના ગ્રામ્ય વિસ્તારોમાંથી મોટી સંખ્યામાં લોકો આવતા-જતા રહે છે. વર્ષોથી કચેરીની હાલત સુધારવામાં આવી નથી. કચેરીની જર્જરિત સ્થિતિને કારણે કર્મચારીઓ તેમજ અરજદારોને પણ હાલાકીનો સામનો કરવો પડી રહ્યો છેદરમિયાન મળતી માહિતી મુજબ દેડિયાપાડા તાલુકા પંચાયતની નવી કચેરીના બાંધકામ માટે ગુજરાત સરકાર દ્વારા રૂ. 4.99 કરોડની ગ્રાન્ટ ફાળવવામાં આવી હોવાનું જાણવા મળે છે. નવી તાલુકા પંચાયત કચેરી દેડિયાપાડા લીમડા ચોક નજીક બનાવવામાં આવનાર હોવાનું પણ જાણવા મળે છે.નવી કચેરીનું બાંધકામ પૂર્ણ થશે તો તાલુકાના લોકોને એક જ સ્થળે વધુ સારી સુવિધાઓ મળી શકશે. સાથે જ કર્મચારીઓને પણ આધુનિક અને સુવિધાયુક્ત વાતાવરણમાં કામગીરી કરવાની તક મળશે. નવી કચેરીના નિર્માણથી દેડિયાપાડા નગરની શોભામાં પણ વધારો થવાની આશા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward