Bharuch News : પ્રેમિકાની સગીર દીકરી સાથે આચર્યું દુષ્કર્મ પછી કર્યું કંઇક આવું..., કોર્ટે આપી આજીવન કેદની સજા
ભરૂચમાં એક ચોંકાવનારા દુષ્કર્મ કેસમાં કોર્ટે મહત્વપૂર્ણ ચુકાદો આપતા આરોપી અલ્તાફહુસેન દીવાનને આજીવન કેદની સજા ફટકારી છે. આ કેસની વિગતો મુજબ, આરોપીએ પોતાની પરણિત પ્રેમિકાની સગીર પુત્રીને જ પોતાની હવસનો શિકાર બનાવી હતી. નરાધમ અલ્તાફહુસેને માત્ર દુષ્કર્મ જ નહોતું આચર્યું, પરંતુ તેણે માસૂમ સગીરાને વેચી દેવાનું પણ ગુનાહિત કાવતરું ઘડ્યું હોવાનું તપાસમાં સામે આવ્યું હતું. અદાલતે આ કૃત્યને ગંભીર ગણીને આરોપીને અંતિમ શ્વાસ સુધી જેલમાં રહેવાનો આદેશ આપ્યો છે.દુષ્કર્મ અને વેચવાનું કાવતરું આ કેસમાં પીડિતાની માતા પર પણ સહ-આરોપી તરીકેના ગંભીર આક્ષેપો હતા, પરંતુ સુનાવણી દરમિયાન તેની વિરુદ્ધ પૂરતા પુરાવા ન મળી આવતા અદાલતે તેને છોડી મૂકવાનો આદેશ આપ્યો છે. બીજી તરફ, મુખ્ય આરોપી અલ્તાફહુસેન વિરુદ્ધ વૈજ્ઞાનિક અને મૌખિક પુરાવા મજબૂત હોવાથી તેને કડક સજા કરવામાં આવી છે. ભરૂચ કોર્ટના આ ચુકાદાથી મહિલાઓ અને બાળકીઓ વિરુદ્ધ ગુના આચરતા તત્વોમાં ફફડાટ વ્યાપી ગયો છે અને પીડિતાને ન્યાય મળ્યો છે. આ પણ વાંચો : Ahmedabad News : વાડજ બ્રિજ પર આત્મહત્યાનો નિષ્ફળ પ્રયાસ, જાળી કૂદીને નીચે પડેલા યુવકનું દિલધડક રેસ્ક્યુ
Read Full Story arrow_forward
