Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Ahmedabad News અમદાવાદમાં રફ્તારનો કહેર, હિટ એન્ડ રનની ઘટનામાં એક યુવકનું મોત

અમદાવાદ શહેરના વ્યસ્ત ગણાતા ગુજરાત કોલેજ ત્રણ રસ્તા પાસે મોડી રાત્રે એક ગમખ્વાર અકસ્માત સર્જાયો હતો. શહેરના રસ્તાઓ પર બેફામ દોડતા વાહનો ફરી એક વખત કોઇના ઘરનો દીવો બુજાઇ ગયો છે. આ હિટ એન્ડ રનની ઘટનામાં ચંદ્રકાંત પંચાલ નામના બાઇકચાલકનું કમકમાટી ભર્યુ મોત નીપજ્યુ છે.અમદાવાદમાં ફરી જોવા મળ્યો રફ્તારનો કહેર મળતી માહિતી અનુસાર ચંદ્રકાંત પંચાલ બાઇક લઇને ગુજરાત કોલેજ વિસ્તારમાંથી પસાર થઇ રહ્યા હતા. આ દરમિયાન પુરપાટ ઝડપે આવી રહેલી એક અજાણી કારે તેમના બાઇકને જોરદાર ટક્કર મારી હતી. ટક્કર એટલી ભયાનક હતી કે તે યુવક રોડ પર ફંગોળાયો હતો અને તેને ગંભીર ઇજાઓ પહોંચી હતી.અકસ્માત સર્જ્યા બાદ તે કાર ચાલક ઘટના સ્થળેથી પોતાની કાર લઇને ફરાર થઇ ગયો હતો. પોલીસે તપાસ હાથ ધરી હિટ એન્ડ રનનની ઘટના ઘટ્યા બાદ સ્થાનિક લોકોએ તાત્કાલિક પોલીસ અને એમ્બ્યુલન્સને જાણ કરી હતી, પરંતુ કમનસીબે ચંદ્રકાંત પંચાલે ત્યાં જ દમ તોડી દીધો હતો. ઘટનાની જાણ થતા જ ટ્રાફિક પોલીસ કાફલો ઘટના સ્થળે પહોંચી ગયો હતો. પોલીસે મૃતદેહને પોસ્ટમોર્ટમ માટે ખસેડી અજાણ્યા કારચાલક વિરુદ્ધ ગુનો નોંધીને વધુ તપાસ હાથ ધરી છે. પોલીસે હવે આસપાસના સીસીટીવી ફૂટેજ તપાસી રહી છે. જેથી કાર ચાલક વિરુદ્ધ કડકમાં કડક કાર્યવાહી હાથ ધરવામાં આવે.આ પણ વાંચોઃ Surat News : 35 દિવસથી દીકરી ગુમ છતાં પોલીસ નિષ્ક્રિય? રોષે ભરાયેલા પાટીદારોએ ન્યાય માટે પોલીસ સ્ટેશનનો ઘેરાવ કર્યો

Read Full Story arrow_forward

calendar_today January 2, 2026

Surendranagar News : સુરેન્દ્રનગર જમીન કૌભાંડને લઇ મોટા સમાચાર, તત્કાલિન કલેક્ટર રાજેન્દ્ર પટેલની EDએ કરી અટકાયત : સૂત્ર

સુરેન્દ્રનગરમાં 1500 કરોડના જમીન કૌંભાડ તત્કાલિન કલેકટ અને નાયબ મામલતદાર વિરુદ્ધ ગાળીયો કસાયો છે, તો ઈડીએ ગઈકાલે નાયબ મામલતદાર ચંદ્રસિંહ મોરીને જયુડિશિયલ કસ્ટડીમાં મોકલી દીધો છે, 8 દિવસના રિમાન્ડ પૂર્ણ થતા તેને કસ્ટડીમાં મોકલાયો છે, અને ઈડીએ અમદાવાદ ગ્રામ્ય કોર્ટમાં તેને રજૂ કર્યો હતો. સુરેન્દ્રનગરના પૂર્વ કલેક્ટર રાજેન્દ્ર પટેલની ધરપકડના પણ ભણકારા વાગી રહ્યા છે સૂત્રો તરફથી માહિતી મળી રહી છે કે, પૂર્વ કલેકટ રાજેન્દ્ર પટેલના ઘરે મોડી રાતથી ઈડીએ સર્ચ ઓપરેશન કર્યુ હતુ અને અલગ-અલગ ફાઈલો પણ તપાસ માટે લીધી છે, ત્યારે આ કેસમાં પૂર્વ કલેકટરની ધરપકડ થવાના પણ ભણકારા છે, પૂર્વ કલેકટરની ઈડી પૂછપરછ કરી શકે છે અને અત્યાર સુધી કઈ જમીનને લઈ શું કૌભાંડ કરાયું છે તેને લઈ તપાસ કરવામાં આવી રહી છે. કલેક્ટર ડોક્ટર રાજેન્દ્ર પટેલ સહિત ચાર લોકો સામે અપ્રમાણસર મિલકતનો ગુનો નોંધાયો હતો ઈડીની સુરેન્દ્રનગરમાં તપાસ બાદ હવે કરોડો રૂપિયાનાં જમીન કૌભાંડમાં સુરેન્દ્રનગરના કલેક્ટર ડોક્ટર રાજેન્દ્ર પટેલ સહિત ચાર લોકો સામે અપ્રમાણસર મિલકતનો ગુનો નોંધાયો હતો. સુરેન્દ્રનગરમાં બિનખેતી જમીન રૂપાંતરણમાં આશરે ૧૫૦૦ કરોડનું કૌભાંડ આચર્યુ હોવાનો આરોપ છે. ઈડીની તપાસના આધારે એસીબીએ સુરેન્દ્રનગર કલેક્ટર રાજેન્દ્ર પટેલ સહિત ૪ સરકારી કર્મી સામે લાંચ-રૂશ્વત વિરોધી ધારા હેઠળ ગુનો નોંધ્યો છે. જમીન NA કરવાનું એક મોટું નેટવર્ક ધમધમતુ હતું તપાસમાં બહાર આવ્યું છે કે વચેટિયાઓ અને એજન્ટો મારફતે ગેરકાયદેસર રીતે જમીન NA કરવાનું એક મોટું નેટવર્ક ધમધમતુ હતું. આ પહેલા ઈડીએ ૧૬ કલાક સુધી તપાસ કરીને કલેક્ટરના નિવાસસ્થાનેથી ૧૦૦ થી વધુ ફાઈલ જપ્ત કરી હતી અને નાયબ મામલતદારના ઘરેથી ૬૭.૫૦ લાખની રોકડ ઝડપી હતી. ACBમાં નોંધાયેલી ફરિયાદમાં ખુલાસો થયો છે કે, નાયબ મામલતદાર ચંદ્રસિંહ મોરીએ ૧ કરોડની લાંચ લીધી છે અને તેમાં કલેક્ટર રાજેન્દ્ર પટેલ, ક્લાર્ક મયુર ગોહિલ અને પીએ જયરાજસિંહ ઝાલા સામેલ છે. સુરેન્દ્રનગરના કલેક્ટરને પદ પરથી હટાવી જિલ્લા વિકાસ અધિકારીને કલેક્ટરનો ચાર્જ સોંપ્યો હતો સુરેન્દ્રનગર જિલ્લાના નાયબ મામલતદાર ચંદ્રસિંહ ભૂપતસિંહ મોરીની એન્ફોર્સમેન્ટ ડિરેક્ટરોરેટ (ED)એ આઠ દિવસની રિમાન્ડ મેળવીને તપાસ માટે દીલ્હી લઈ ગયા છે. ઈડીના અધિકારીઓ નાયબ મામલતદાર ચંદ્રસિંહ મોરીના ઘરે અને ઓફિસમાંથી નામ સાથે મળેલી સીટો અંગે પુછપરછ ચાલુ કરી હોવાનું જાણવા મળે છે. સૂત્રોના જણાવ્યા મુજબ નાયબ મામલતદાર ચંદ્રસિંહ મોરીના મોબાઈલમાંથી મળેલા વ્યવહારોમાં ગુજરાતના એક ડઝનથી વધુ ઉચ્ચ અધિકારીઓ ઈડીની તપાસમાં સામેલ થવાનો વારો આવે તેમ છે. ઈડીના અધિકારીઓ નાયબ મામલતદાર ચંદ્રસિંહ મોરીના મોબાઈલની તપાસ પણ કરાઈ છે ઈડીના અધિકારીઓએ દરોડા દરમ્યાન મોરી અને મોરી સાથે કામ કરતા સ્ટાફના ત્યાંથી મળેલા દસ્તાવેજોમાં કેટલા પાસેથી નાણાં મળ્યા અને કેટલાના બાકી છે તે બાબતે પણ એસીબીને જાણ કરી હોવાનું જાણવા મળે છે. એસીબીના અધિકારીઓ દ્વારા નોંધેલ ફરિયાદના આધારે સરકાર પાસે તપાસ માટે મંજૂરી મેળવવા માટે કાર્યવાહી હાથ ધરાઈ હતી. જયારે ઈડીના અધિકારીઓ નાયબ મામલતદાર ચંદ્રસિંહ મોરીના મોબાઈલની તપાસ પણ કરી હતી. આ પણ વાંચો : Weather News : અંબાલાલ પટેલે કહ્યું, ઉત્તરાયણમાં પતંગ રસિકોને મોજ પડી જશે, ઉત્તરાયણના દિવસે 6 કિલોમીટર પ્રતિ ઝડપે પવન ફૂંકાશે

Read Full Story arrow_forward

calendar_today January 2, 2026

Vadodara News: વડોદરામાં આડાસંબધોને કારણે વધુ એક યુવક હોમાયો

વડોદરા શહેરના પ્રતાપનગર વિસ્તારમાં આવેલી રેલવે કોલોનીમાં થોડા દિવસો પહેલા મળી આવેલી સચિન રાઠવાનો મૃતદેહ મળી આવવાની ઘટનાનો ભેદ આખરે ઉકેલાઈ ગયો છે. આ મામલે મકરપુરા પોલીસે ચોંકાવનારો ખુલાસો કરતા જણાવ્યું છે કે, સચિનની હત્યા તેની જ મંગેતર સુરેખા રાઠવાએ કરી હતી.શું હતી સમગ્ર ઘટના? મૂળ છોટાઉદેપુરનો સચિન રાઠવા તેની મંગેતર સુરેખા સાથે રેલવે ક્વાર્ટરમાં રહેતો હતો. સુરેખા રેલવેમાં નોકરી કરે છે. થોડા દિવસો પહેલા સચિનનો મૃતદેહ મળી આવતા સુરેખાએ પોલીસ સામે એવું નાટક રચ્યું હતું કે, સચિનનું મોત ઊંઘમાં કુદરતી રીતે થયું છે. જોકે, પોલીસને શંકા જતાં મૃતદેહને પોસ્ટ મોર્ટમ માટે મોકલવામાં આવ્યો હતો. PM રિપોર્ટ અને પોલીસ પૂછપરછમાં ખુલાસો ત્રણ દિવસ બાદ આવેલા પોસ્ટ મોર્ટમ રિપોર્ટમાં સ્પષ્ટ થયું કે, સચિનનું મોત કુદરતી નથી, પણ તેનું ગળું દબાવવામાં આવ્યું છે. આ રિપોર્ટના આધારે મકરપુરા પોલીસે જ્યારે સુરેખાની કડક પૂછપરછ કરી, ત્યારે તે ભાંગી પડી હતી. તેણે કબૂલાત કરી હતી કે, તેણે પોતાના જ દુપટ્ટાથી સચિનનું ગળું દબાવી તેની હત્યા કરી હતી. હત્યા પાછળનું કારણ પોલીસ તપાસમાં બહાર આવ્યું છે કે, સુરેખાના અન્ય કોઈ વ્યક્તિ સાથે આડા સંબંધો હતા. આ બાબતે સચિન અને સુરેખા વચ્ચે અવારનવાર ઉગ્ર ઝઘડા થતા હતા. આ વિવાદનો કાયમી અંત લાવવા માટે સુરેખાએ આ ખૂની ખેલ ખેલ્યો હતો. હાલ મકરપુરા પોલીસે આરોપી સુરેખા રાઠવાની ધરપકડ કરી કાયદેસરની કાર્યવાહી હાથ ધરી છે. આ પણ વાંચો - Vadodara News: લૂંટ કરનારા 5 આરોપીઓના 5 દિવસના રિમાન્ડ મંજૂર

Read Full Story arrow_forward