Jamnagar: દરેડમાં 17 વર્ષીય સાગર ખરા પર પાઇપ-ધોકાથી હુમલો, સારવાર દરમિયાન નીપજ્યું મોત
જામનગર શહેર નજીક આવેલા ઔદ્યોગિક અને રહણાંક ક્ષેત્ર ગણાતા દરેડ વિસ્તારમાં બોલાચાલીની એક સામાન્ય ઘટનાએ લોહિયાળ રૂપ ધારણ કરી લેતાં ૧૭ વર્ષના નિર્દોષ કિશોરની હત્યા થઈ હોવાની ગંભીર ઘટના સામે આવી છે. દરેડ ખાતે રહેતા 17 વર્ષીય કિશોર સાગર રમેશભાઈ ખરા પર તેમના જ ઘર નજીક બે શખ્સોએ પાઇપ અને ધોકા જેવા ઘાતક હથિયારો વડે હિંસક હુમલો કર્યો હતો.દરેડમાં સગીર કિશોરની નિર્મમ હત્યાપ્રાથમિક આક્ષેપો અને મળતી માહિતી અનુસાર, ઘર પાસે આવેલી શેરીમાંથી આવન-જાવન (આવવા-જવા) કરવા બાબતે સાગરને સ્થાનિક બે યુવાનો સાથે સામાન્ય બોલાચાલી થઈ હતી. આ તુચ્છ વાતનો ખાર રાખીને બંને આરોપીઓએ ઉશ્કેરાઈ જઈ સાગર પર પાઇપ અને લાકડાના ધોકા વડે આડેધડ ઘા ઝીંકી દીધા હતા.હુમલાના આ લોહિયાળ બનાવમાં સાગર રમેશભાઈ ખરાને માથા તેમજ શરીરે ગંભીર ઈજાઓ પહોંચતાં તે લોહીલુહાણ હાલતમાં ઢળી પડ્યો હતો. બનાવને પગલે આસપાસના લોકો અને પરિજનો એકઠા થઈ ગયા હતા અને ઈજાગ્રસ્ત સાગરને તાત્કાલિક અસરથી સારવાર અર્થે નજીકની હોસ્પિટલે ખસેડવામાં આવ્યો હતો. જોકે, હોસ્પિટલમાં સારવાર દરમિયાન ગંભીર ઈજાઓને કારણે આશાસ્પદ કિશોરે ટૂંકી સારવાર બાદ આખરી શ્વાસ લેતાં બનાવ હત્યામાં પલટાયો હતો.સામાન્ય બોલાચાલીમાં 17 વર્ષીય સાગર ખરા પર હુમલોઘટનાની જાણ થતાં જ જામનગર પંચ બી ડિવાઇઝન પોલીસ સ્ટેશનનો કાફલો ઘટનાસ્થળે અને હોસ્પિટલે દોડી ગયો હતો. પોલીસે મૃતદેહને પીએમ અર્થે ખસેડીને કાયદેસરની ગુનાહિત ફરિયાદ નોંધવાની તજવીજ હાથ ધરી છે. હુમલાનું ચોક્કસ કારણ સ્પષ્ટ કરવા તેમજ ઘટનામાં સંડોવાયેલા બંને શખ્સોની ઝડપથી ઓળખ કરી તેમને દબોચી લેવા પોલીસે દરેડ વિસ્તારમાં સીસીટીવી ફૂટેજ અને સ્થાનિક પૂછપરછના આધારે તપાસના ચક્ર ગતિમાન કર્યા છે.આ પણ વાંચો: Amreli News: જાફરાબાદના ટીંબી સહિત ગ્રામ્ય પંથકમાં લાંબા વિરામ બાદ મેઘરાજાની પધરામણી
Read Full Story arrow_forward
