Community News & Updates

Stay informed with the latest happenings, achievements, and announcements from our community.

All News

calendar_today September 12, 2026

BRICS Summit 2026 : પીએમ મોદીના ડિનરમાં વિદેશી મહેમાનોને પીરસાઈ ભારતની શાહી થાળી, ખાંડવીથી મિલેટ પુલાવ અને જલેબી સુધી ખાસ મેન્યૂ

નવી દિલ્હીમાં યોજાયેલા BRICS Summit 2026 દરમિયાન વડાપ્રધાન નરેન્દ્ર મોદીએ બ્રિક્સ નેતાઓ માટે ખાસ રાત્રિભોજનનું આયોજન કર્યું હતું. ભારત મંડપમ ખાતે યોજાયેલા આ ડિનરમાં મહેમાનોને પરંપરાગત ભારતીય વાનગીઓ સાથે મિલેટઆધારિત શાકાહારી ભોજન પીરસવામાં આવ્યું હતું.ખાંડવીથી ખુમ્બ ગલૌટી સુધીના ખાસ સ્ટાર્ટરરાત્રિભોજનના મેન્યૂમાં સ્ટાર્ટર તરીકે ખાંડવી મિલ-ફુઈ અને ખુમ્બ ગલૌટી સામેલ હતા. ખાંડવીને રાઈ, નાળિયેર અને કઢીપત્તાના વઘાર સાથે પીરસવામાં આવી હતી, જ્યારે ખુમ્બ ગલૌટીમાં નરમ મશરૂમ કબાબને શીરમલ રોટી સાથે પીરસવામાં આવ્યા હતા.પનીર લબાબદાર અને ગુચ્છી માર્બિકે વધાર્યો સ્વાદમુખ્ય ભોજનમાં પનીર લબાબદાર, હિમાલયન ગુચ્છી મશરૂમ અને શતાવરીથી બનેલી ગુચ્છી માર્બિક, ગાજર-ફળી પોરિયલ, ટમેટા બેલ્લે સારુ અને બીટરૂટ રાયતું સામેલ હતું. સાથે વિવિધ પ્રકારની ભારતીય રોટલીઓ પણ પીરસવામાં આવી હતી.  ‘શ્રી અન્ન’ને મેન્યૂમાં ખાસ સ્થાનઆ ડિનરની ખાસિયત મિલેટ આધારિત વાનગીઓ હતી. મેન્યૂમાં ત્રણ પ્રકારના મોટાં અનાજનો ઉપયોગ કરવામાં આવ્યો હતો. બાજરાનો ઉપયોગ મિલેટ પુલાવમાં, જ્વારનો ભારતીય બ્રેડમાં અને સાંવાનો ઉપયોગ મીઠાઈમાં કરવામાં આવ્યો હતો.જલેબી અને શહતૂત ફરણીથી મીઠો અંતમીઠાઈમાં જૂની દિલ્હીની ફ્રૂટ ક્રીમ વિથ જલેબી અને શહતૂત ફરણી પીરસવામાં આવી હતી. ફળો, ક્રીમ, જલેબી અને શહતૂતથી સજાવેલી આ મીઠાઈઓએ ભારતીય પરંપરાગત સ્વાદને શાહી અંદાજમાં રજૂ કર્યો હતો. મેન્યૂ કાર્ડ અંગ્રેજી અને હિન્દી બંને ભાષામાં તૈયાર કરવામાં આવ્યું હતું અને તેમાં પરંપરાગત ભારતીય ડિઝાઇનવાળી બોર્ડર પણ બનાવવામાં આવી હતી.

Read Full Story arrow_forward

calendar_today September 12, 2026

BRICS Summit 2026: આજે આખો દિવસ શું થયું?, જાણો સમિટના મોટા ઘટનાક્રમ

BRICS Summit 2026: દિલ્હીના ભારત મંડપમમાં વડાપ્રધાન નરેન્દ્ર મોદીની અધ્યક્ષતામાં 18મા BRICS સંમેલનમાં 21 દેશોના રાષ્ટ્રાધ્યક્ષો અને પ્રતિનિધિમંડળો સામેલ થયા. PM મોદીના સંબોધન બાદ સંમેલનની ઔપચારિક શરૂઆત થઈ. PM મોદીએ કહ્યું કે હાલમાં દુનિયાના કેટલાક દેશો નિર્ણયો લઈ રહ્યા છે, પરંતુ દરેકનો અવાજ સાંભળવો જોઈએ. તેમણે કહ્યું કે BRICSમાં દરેકને સમાન અધિકાર છે અને BRICS કોઈની વિરુદ્ધ નથી.તમામ રાષ્ટ્રાધ્યક્ષોનું સ્વાગતBRICS સમિટ દરમિયાન ભારત મંડપમમાં PM મોદીએ એક પછી એક તમામ રાષ્ટ્રાધ્યક્ષોનું સ્વાગત કર્યું. રામેશ્વરમ મંદિરના બેકડ્રોપ પર PM મોદીએ તમામ નેતાઓ સાથે ફોટો પડાવ્યો. આ દરમિયાન તેમણે પુતિન અને જિનપિંગને રામેશ્વરમ મંદિર વિશે પણ માહિતી આપી. સંયુક્ત જાહેરાત પત્રમાં અનેક મુદ્દે સહમતીBRICS સમિટ બાદ તમામ સભ્ય દેશોએ સંયુક્ત જાહેરાત પત્ર જાહેર કર્યો. તેમાં એકસાથે અનેક મુદ્દાઓ પર સહમતી વ્યક્ત કરવામાં આવી. તમામ સભ્ય દેશોએ એકતરફી સૈન્ય કાર્યવાહીનો વિરોધ કર્યો. સાથે જ અમેરિકાની ટેરિફ નીતિનો પણ વિરોધ વ્યક્ત કર્યો. આ ઉપરાંત વિકાસ માટે પરસ્પર સહયોગ અને એકજૂથ થઈને કામ કરવાનો સંકલ્પ કર્યો.BRICS દેશોએ પહલગામ આતંકી હુમલાની નિંદા કરીBRICSના સંયુક્ત નિવેદનમાં રશિયા અને ચીન સહિત BRICS દેશોએ પહલગામ આતંકી હુમલાની નિંદા કરી છે. દેશોએ કહ્યું કે આતંકવાદીઓને આશ્રય આપનારાઓ સામે મળીને કાર્યવાહી કરવામાં આવશે. આ સાથે આતંકવાદીઓ સુધી પહોંચતું ફંડિંગ રોકવા અને તેમને સુરક્ષિત ઠેકાણા આપનારાઓ સામે કાર્યવાહી કરવા પર પણ સહમતી બની છે.સમિટ બાદ જિનપિંગને મળ્યા PM મોદીBRICS સમિટ ઉપરાંત દ્વિપક્ષીય મુલાકાતોનો સિલસિલો પણ ચાલુ રહ્યો. સમિટ બાદ PM મોદી અને ચીનના રાષ્ટ્રપતિ શી જિનપિંગ વચ્ચે દ્વિપક્ષીય બેઠક થઈ. આ પહેલાં જિનપિંગે BRICSને લઈને નિવેદન આપ્યું હતું અને કહ્યું હતું કે BRICS દેશોએ સાથે મળીને કામ કરવું પડશે. તેમણે કહ્યું કે ખાનગી સ્વાર્થ છોડવા પડશે, ત્યારે જ ગ્લોબલ સાઉથ નવી મહાશક્તિ તરીકે ઉભરી શકશે. 7 વર્ષ બાદ ભારત આવ્યા જિનપિંગચીનના રાષ્ટ્રપતિ શી જિનપિંગ 7 વર્ષ બાદ ભારત પહોંચ્યા છે. આવી સ્થિતિમાં દિલ્હીમાં તેમની સુરક્ષા વ્યવસ્થા અને કાફલાએ પણ લોકોનું ધ્યાન ખેંચ્યું. જિનપિંગના કાફલાની ગાડીઓને કાળા કવરથી ઢાંકવામાં આવી હતી. તેનું કારણ એ છે કે કાફલામાં સામેલ ‘રેડ ફ્લેગ’ જેવી હાઈ-સિક્યોરિટી કારો સુરક્ષા સુવિધાઓથી સજ્જ હોય છે. તેથી તેમને કવર કરીને રાખવામાં આવે છે, જેથી વાહન સાથે જોડાયેલી સંવેદનશીલ માહિતી કોઈ મેળવી ન શકે. ઈરાનના રાષ્ટ્રપતિ સાથે મુલાકાત પર વિદેશ મંત્રાલયનું નિવેદનPM મોદી અને ઈરાનના રાષ્ટ્રપતિ મસૂદ પેજેશ્કિયાનની મુલાકાત બાદ ભારતના વિદેશ મંત્રાલયે નિવેદન જાહેર કર્યું છે. તેમાં ઈરાન સાથે ભારતના હજારો વર્ષ જૂના મૈત્રીપૂર્ણ સંબંધોનો ઉલ્લેખ કરવામાં આવ્યો છે. વિદેશ મંત્રાલયના પ્રવક્તા રણધીર જયસ્વાલે જણાવ્યું કે, ભારત ઈચ્છે છે કે ઈરાન સાથે જોડાયેલા મુદ્દાઓનો ઉકેલ સંવાદ અને કૂટનીતિ દ્વારા લાવવામાં આવે.PM મોદીએ BRICS નેતાઓ સાથે વૃક્ષ વાવ્યુંવડાપ્રધાન નરેન્દ્ર મોદીએ નવી દિલ્હીમાં BRICSના અન્ય નેતાઓ સાથે વડનું વૃક્ષ વાવ્યું. તેમણે તેને BRICSની વધતી શક્તિ, ઊંડા મૂળ અને સહિયારા ભવિષ્યનું પ્રતીક ગણાવ્યું. PM મોદીએ X (ટ્વિટર) પર પોસ્ટ કરીને લખ્યું કે, ‘આ BRICSના આદર્શોનું સચોટ પ્રતીક છે. ઊંડા મૂળ, વધતી શક્તિ અને સહિયારા ભવિષ્ય માટે એકજૂથ થવું. આવનારા સમયમાં અમારી ભાગીદારી વધુ મજબૂત થતી રહે.’ આ ઉપરાંત PM મોદી BRICS નેતાઓ સાથે ભારત મંડપમમાં આયોજિત ‘ભારત ઇનોવેટ્સ’ પ્રદર્શનમાં પણ ગયા. ‘હાલ BRICS કરન્સી શરૂ કરવાનો કોઈ પ્રસ્તાવ નથી’વિદેશ મંત્રાલયમાં આર્થિક બાબતોના સચિવ સુધાકર દલેલાએ સમિટ દરમિયાન જણાવ્યું કે, BRICS દેશો વચ્ચે હાલમાં કોઈ સંયુક્ત BRICS કરન્સી શરૂ કરવાનો પ્રસ્તાવ નથી. તેમણે કહ્યું કે સ્થાનિક કરન્સીમાં વેપારના સેટલમેન્ટ અંગે કેટલાક સમયથી ચર્ચા ચાલી રહી છે અને આ કોઈ નવો વિષય નથી. દલેલાએ કહ્યું કે દ્વિપક્ષીય વેપારમાં ટ્રાન્ઝેક્શન ખર્ચ ઘટાડવા માટે સ્થાનિક કરન્સી સેટલમેન્ટ એક વ્યવહારુ વ્યવસ્થા છે.  PM મોદીએ નેતાઓ માટે ડિનરનું આયોજન કર્યુંઅબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન જાયદ અલ નાહયાન નવી દિલ્હીમાં આયોજિત BRICS શિખર સંમેલન 2026માં ભાગ લીધા બાદ ભારતથી રવાના થઈ ગયા. બીજી તરફ, વડાપ્રધાન નરેન્દ્ર મોદીએ સાંજે લગભગ 7:30 વાગ્યે વૈશ્વિક નેતાઓ અને પ્રતિનિધિઓ માટે ગાલા ડિનરનું આયોજન કર્યું. તેમાં રશિયાના રાષ્ટ્રપતિ પુતિનથી લઈને શી જિનપિંગ, ઈરાનના રાષ્ટ્રપતિ મસૂદ પેજેશ્કિયાન અને અનેક દેશોના રાષ્ટ્રાધ્યક્ષો સામેલ થયા.આ પણ વાંચો: BRICS સમિટમાં ઈરાનના રાષ્ટ્રપતિ પેઝેશ્કિયાનનું મોટું નિવેદન, પરમાણુ હુમલા સામે કરી મોટી માંગ

Read Full Story arrow_forward

calendar_today September 12, 2026

Surat : સુરતમાં અચાનક મેઘરાજાની ધમાકેદાર એન્ટ્રી, અનેક વિસ્તારોમાં પવન સાથે ધોધમાર વરસાદ

સુરતમાં અચાનક વરસાદ શરૂ થતાં શહેરના અનેક વિસ્તારોમાં સામાન્યથી લઈને ધોધમાર વરસાદ નોંધાયો છે. વરસાદ સાથે પવન ફૂંકાતા શહેરીજનોને ગરમીમાંથી રાહત મળી છે, પરંતુ કેટલાક વિસ્તારોમાં પાણી ભરાવાની સ્થિતિ સર્જાવાની શક્યતા પણ વધી છે.ઉધના દરવાજાથી દિલ્હી ગેટ સુધી વરસાદનો જોરસુરતના ઉધના દરવાજા, સુરત રેલવે સ્ટેશન વિસ્તાર અને દિલ્હી ગેટ સહિતના વિસ્તારોમાં ધોધમાર વરસાદ વરસ્યો હતો. અચાનક વરસાદ શરૂ થતાં રસ્તાઓ પર વાહનચાલકોને મુશ્કેલીનો સામનો કરવો પડ્યો હતો.મજૂરાગેટ, અડાજણ અને રાંદેર પણ વરસાદથી તરબતરમજૂરાગેટ, અડાજણ, રાંદેર, અઠવાલાઇન્સ, વરાછા અને કતારગામ સહિતના વિસ્તારોમાં પણ પવન સાથે વરસાદ પડ્યો હતો. શહેરના અનેક વિસ્તારોમાં વરસાદી માહોલ છવાતા જનજીવન પર તેની અસર જોવા મળી હતી.સુરત સહિત જિલ્લામાં યલો એલર્ટહવામાન વિભાગે સુરત સહિત સમગ્ર જિલ્લામાં વરસાદને લઈને યલો એલર્ટ જાહેર કર્યું છે. આગામી સમયમાં ભારે થી અતિભારે વરસાદની આગાહી કરવામાં આવી છે. આ સ્થિતિને ધ્યાનમાં રાખીને તંત્ર અને નાગરિકોને સાવચેતી રાખવાની જરૂર છે.   આ પણ વાંચો  :   Surat : પતિએ પત્નીને જ ‘વાઈફ સ્વેપિંગ’ માટે ધકેલી, દેરાણી બોલી- ‘આ તો આજકાલ કોમન છે’

Read Full Story arrow_forward