Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

Gujarat Weather News : કચ્છના અંજારમાં રેકોર્ડબ્રેક 7 ઈંચ વરસાદ ખાબક્યો, જાણો અન્ય વિસ્તારોની સ્થિતિ

ગુજરાતમાં ચોમાસાના બીજા રાઉન્ડની ધમાકેદાર શરૂઆત થઈ છે.જેમાં છેલ્લા 24 કલાક દરમિયાન રાજ્યના 259 તાલુકાઓમાં મેઘરાજાએ મહેર કરી છે.વરસાદને કારણે કચ્છના અંજારમાં રેકોર્ડબ્રેક 7.24 ઇંચ અને ભાવનગરના વલ્લભીપુરમાં 6.10 ઇંચ પાણી વરસી ગયું છે.જ્યારે માત્ર બે જ કલાકના ટૂંકા સમયગાળામાં માંડવીમાં 5 ઇંચ જેટલો ધોધમાર વરસાદ ખાબક્યો હતો.સમગ્ર રાજ્યમાં વ્યાપક બનેલા આ મેઘસવારીના માહોલને લીધે કુલ 14 તાલુકાઓમાં 4 ઇંચથી વધુ અને 26 તાલુકાઓમાં 3 ઇંચથી વધુ વરસાદ નોંધાયો છે. તેમજ આજે સવારથી જ રાજ્યના 42 તાલુકાઓમાં મેઘાવી માહોલ યથાવત રહ્યો છે.કુલ 7 જિલ્લાઓમાં 'રેડ એલર્ટ' જાહેર કરવામાં આવ્યુંભારેથી અતિભારે વરસાદની આ સ્થિતિને ધ્યાનમાં રાખીને હવામાન વિભાગ દ્વારા કચ્છ,દેવભૂમિ દ્વારકા, જામનગર, પોરબંદર, જૂનાગઢ, ગીર સોમનાથ અને દીવ સહિત કુલ 7 જિલ્લાઓમાં 'રેડ એલર્ટ' જાહેર કરવામાં આવ્યું છે.આ ઉપરાંત, સંભવિત ખતરાને પહોંચી વળવા માટે વહીવટી અને આપત્તિ વ્યવસ્થાપન તંત્ર સંપૂર્ણપણે એલર્ટ મોડ પર છે, જ્યારે રાજકોટ, મોરબી અને અમરેલી જિલ્લાઓ માટે 'ઓરેન્જ એલર્ટ' આપવામાં આવ્યું છે જેથી નીચાણવાળા વિસ્તારો અને નદી-નાળાઓ આસપાસ સાવચેતીના પગલાં ભરી શકાય.રાજ્યમાં અત્યાર સુધીમાં 84.38 % વરસાદ નોંધાયોરાજ્યમાં અત્યાર સુધીમાં 84.38 % વરસાદ નોંધાયો છે. પ્રદેશવાર સ્થિતિ જોતાં દક્ષિણ ગુજરાતમાં સૌથી વધુ 112.32%,પૂર્વ મધ્ય ગુજરાતમાં 84.97% કચ્છ પ્રદેશમાં 48.62%, ઉત્તર ગુજરાતમાં 63.29% અને સૌરાષ્ટ્રમાં 65.14% વરસાદ થયો છે.હવામાન વિભાગની આગાહી મુજબ આજે પણ રાજ્યના કેટલાક વિસ્તારોમાં ભારે વરસાદી માહોલ યથાવત રહેશે.આજે ખાસ કરીને કચ્છ અને સૌરાષ્ટ્રના મોરબી, જામનગર, દ્વારકા, પોરબંદર, જૂનાગઢ અને રાજકોટ જિલ્લાઓમાં ભારે વરસાદની આગાહી સાથે યલો એલર્ટ જાહેર કરવામાં આવ્યું છે.આવતીકાલથી રાજ્યમાં વરસાદનું જોર ઘટવાની શરુઆત થશે.આ પણ વાંચોઃ Gujarat News: રાજકોટ કોર્ટ, નાયરા રિફાઈનરી અને મહાત્મા મંદિરને ઉડાવી દેવાની ધમકી

Read Full Story arrow_forward

calendar_today September 15, 2026

Gandhinagar News: વિકાસ અને પર્યાવરણ એકબીજાના વિરોધી નથી, ઇન્ડસ્ટ્રી સાથે ઇકોલોજી પણ જોઈએઃ CM ભૂપેન્દ્ર પટેલ

ગાંધીનગરના મહાત્મા મંદિર ખાતે દક્ષિણ એશિયામાં પ્રથમવાર આયોજિત પ્રતિષ્ઠિત વર્લ્ડ સર્ક્યુલર ઇકોનોમી ફોરમ 2026ની 10મી આવૃત્તિનો ભવ્ય પ્રારંભ કરવામાં આવ્યો હતો.આ વૈશ્વિક ફોરમમાં વિશ્વના 66 દેશોના 2000થી વધુ હિસ્સેદારો, વૈજ્ઞાનિકો અને ઉદ્યોગસાહસિકો સહભાગી થઈ રહ્યા છે.આગામી 18 સપ્ટેમ્બર સુધી યોજાનાર આ ચાર દિવસીય ફોરમમાં વૈશ્વિક સ્તરે ઉત્સર્જન ઘટાડવા,સર્ક્યુલર બિઝનેસ મોડેલ્સ અપનાવવા અને ટકાઉ આર્થિક વિકાસને વેગ આપવા અંગે ઊંડાણપૂર્વક મંથન કરવામાં આવશે.આ આયોજનથી દક્ષિણ એશિયાઈ દેશોમાં પર્યાવરણ અનુકૂળ નીતિઓ અને ટેકનોલોજીના આદાન-પ્રદાનને એક નવી દિશા મળશે.વિકાસ અને પર્યાવરણ વચ્ચે સંતુલનમુખ્યમંત્રી ભૂપેન્દ્ર પટેલે જણાવ્યું હતું કે,ગુજરાતની ધરતી પર એક એવી વૈશ્વિક ચિંતનયાત્રાનો આરંભ થઈ રહ્યો છે જે માત્ર અર્થવ્યવસ્થાની દિશા નક્કી કરવાની નહીં, પરંતુ આવનારી પેઢીઓનું ભવિષ્ય નક્કી કરવાની યાત્રા છે.વર્લ્ડ સર્ક્યુલર ઇકોનૉમી ફોરમ 2026નું સૌ પ્રથમ વખત ભારતમાં આયોજન થઈ રહ્યું છે.ભારત ઉપરાંત 66 દેશોના પ્રતિનિધિઓ,આંતરરાષ્ટ્રીય નિષ્ણાતો અને 55 આંતરરાષ્ટ્રીય વક્તાઓની ભાગીદારી આ ફોરમના વૈશ્વિક મહત્વને દર્શાવે છે.ગુજરાતે ઔદ્યોગિક વિકાસ, પુનઃપ્રાપ્ય ઊર્જા, કચરા અને જળ વ્યવસ્થાપન તેમજ સંસાધન કાર્યક્ષમતા જેવાં ક્ષેત્રોમાં વિકાસ અને પર્યાવરણ વચ્ચે સંતુલન જાળવી અનેક પહેલો કરી છે. આપણે ગ્રોથ પણ જોઈએ અને ગ્રીનરી પણ જોઈએતેમણે કહ્યું હતું કે, મંદિરમાં ભક્તો દ્વારા અર્પણ થતાં ફૂલ, બિલીપત્ર, દૂધ, જળ, પંચામૃત, કપડાં કે અન્ય સામગ્રીને કચરો સમજીને ફેંકી દેવામાં આવતી નથી. અભિષેકમાંથી નીકળતા પવિત્ર પ્રવાહીને વૈજ્ઞાનિક પદ્ધતિથી શુદ્ધ કરીને ‘સોમ-ગંગા જળ’તરીકે ભક્તો સુધી પહોંચાડવામાં આવે છે.મંદિર અને ટ્રસ્ટની વ્યવસ્થામાંથી નીકળતાં ફૂલ, બિલીપત્ર અને ભોજનના જૈવિક કચરાને વૈજ્ઞાનિક પ્રક્રિયા દ્વારા ખાતરમાં પરિવર્તિત કરવામાં આવે છે.સર્ક્યુલર ઇકોનોમી ભારતની પ્રાચીન પરંપરાઓનો પણ હિસ્સો રહી છે.રિયુઝિંગ અને રિસાયક્લિંગ આપણાં જીવન સાથે સહજ રીતે જોડાયેલાં છે. વેસ્ટ ટુ વેલ્થ અને કચરા વ્યવસ્થાપનના મોડલ દ્વારા ગ્રામીણ અર્થવ્યવસ્થાને પણ ગતિ આપવામાં આવી રહી છે. આપણે ગ્રોથ પણ જોઈએ અને ગ્રીનરી પણ જોઈએ, ઇન્ડસ્ટ્રી પણ જોઈએ અને ઇકોલોજી પણ જોઈએ,પ્રોસ્પેરિટી પણ જોઈએ અને સસ્ટેનેબિલિટી પણ જોઈએ, આ જ WCEF–2026ની સાચી ભાવના છે.આર્થિક વિકાસ અને સમૃદ્ધિ માટેની સંભાવનાકેન્દ્રીય પર્યાવરણ મંત્રી ભૂપેન્દ્ર યાદવે ઉપસ્થિત સર્વે ડેલીગેટ્સને આવકારતા જણાવ્યું હતું કે,બ્રિક્સ નવી દિલ્હી ઘોષણાપત્રમાં પણ આર્થિક સ્થિતિસ્થાપકતા અને ટકાઉ વિકાસ માટે સર્ક્યુલર ઇકોનોમીની અનિવાર્યતાને વૈશ્વિક સ્તરે પુનઃસમર્થન મળ્યું છે.સર્ક્યુલર ઇકોનોમીનો અર્થ માત્ર કચરાના નિકાલ કે રિસાયક્લિંગ પૂરતો મર્યાદિત નથી, પરંતુ તે સંસાધનોના સમગ્ર જીવનચક્ર,ડિઝાઇન,ઉત્પાદન,વપરાશ,પુનઃઉપયોગ,સમારકામ અને પુનઃઉત્પાદનને વધુ કાર્યક્ષમ અને ટકાઉ બનાવવાની વ્યાપક વિચારધારા છે. વન અને પર્યાવરણ મંત્રી અર્જુન મોઢવાડીયાએ જણાવ્યું હતું કે,ભારત હવે સર્ક્યુલર ઇકોનોમીના ક્ષેત્રમાં એક મોટી સંભાવના તરીકે ઉભરી રહ્યું છે.વર્ષ 2050 સુધીમાં ભારતની સર્ક્યુલર ઇકોનોમીનું બજાર મૂલ્ય 2 ટ્રિલિયન ડોલરથી વધુ થવાની અને લગભગ 1 કરોડ રોજગારીની તકો ઊભી થવાની સંભાવના છે.આથી, આજના સમયમાં સર્ક્યુલર ઇકોનોમી માત્ર આપણા પર્યાવરણ અને ઇકોસિસ્ટમને સહારો આપવાનો માર્ગ નથી.તે હવે આર્થિક વિકાસ અને સમૃદ્ધિ માટેની એક મોટી સંભાવના પણ બની રહી છે. આ પણ વાંચોઃ Gujarat News: રાજકોટ કોર્ટ, નાયરા રિફાઈનરી અને મહાત્મા મંદિરને ઉડાવી દેવાની ધમકી

Read Full Story arrow_forward

calendar_today September 15, 2026

Navsariના ગોલવાડમાં ગિફ્ટ શોપમાં લાગી ભીષણ આગ, મોટાભાગનો સામાન બળીને થયો ખાખ

નવસારી શહેરના ગીચ વિસ્તાર ગણાતા ગોલવાડમાં આવેલી એક ગિફ્ટ શોપમાં અચાનક આગ લાગવાની ઘટના સામે આવી છે. દુકાનમાંથી ધુમાડાના ગોટેગોટા નીકળતા જ આસપાસના વેપારીઓ અને સ્થાનિક રહીશોમાં અફરાતફરીનો માહોલ સર્જાયો હતો. જોતજોતામાં આગે વિકરાળ સ્વરૂપ ધારણ કરી લેતા સમગ્ર વિસ્તારમાં ચિંતા વ્યાપી ગઈ હતી.ફાયર બ્રિગેડની ત્વરિત કામગીરી અને જાનહાનિ અટકી ઘટના અંગે નવસારી ફાયર વિભાગને તુરંત જાણ કરવામાં આવી હતી. ઘટના સ્થળે દોડી આવેલા ફાયર ફાઇટરોએ ત્વરિત કામગીરી હાથ ધરીને સતત પાણીનો મારો ચલાવ્યો હતો. ફાયર વિભાગની ટીમની ભારે જહમત બાદ આગ પર સંપૂર્ણ કાબૂ મેળવી શકાયો હતો, જેના કારણે આસપાસની અન્ય દુકાનો આગની ઝપેટમાં આવતા બચી ગઈ હતી.નુકસાન અને પ્રાથમિક તપાસનું અનુમાન આ દુર્ઘટનામાં ગિફ્ટ શોપમાં રહેલો મોટાભાગનો સામાન બળીને ખાખ થઈ જતાં દુકાનદારને ભારે નુકસાન થયું છે. પ્રાથમિક તપાસ અને અનુમાન મુજબ આ આગ શોર્ટ સર્કિટના કારણે લાગી હોવાનું માનવામાં આવી રહ્યું છે. સદભાગ્યે, સમયસરની કામગીરીને કારણે આ ઘટનામાં કોઈ જાનહાનિ થઈ નથી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward