Community News & Updates

Stay informed with the latest happenings, achievements, and announcements from our community.

All News

calendar_today September 15, 2026

Navsariના ગોલવાડમાં ગિફ્ટ શોપમાં લાગી ભીષણ આગ, મોટાભાગનો સામાન બળીને થયો ખાખ

નવસારી શહેરના ગીચ વિસ્તાર ગણાતા ગોલવાડમાં આવેલી એક ગિફ્ટ શોપમાં અચાનક આગ લાગવાની ઘટના સામે આવી છે. દુકાનમાંથી ધુમાડાના ગોટેગોટા નીકળતા જ આસપાસના વેપારીઓ અને સ્થાનિક રહીશોમાં અફરાતફરીનો માહોલ સર્જાયો હતો. જોતજોતામાં આગે વિકરાળ સ્વરૂપ ધારણ કરી લેતા સમગ્ર વિસ્તારમાં ચિંતા વ્યાપી ગઈ હતી.ફાયર બ્રિગેડની ત્વરિત કામગીરી અને જાનહાનિ અટકી ઘટના અંગે નવસારી ફાયર વિભાગને તુરંત જાણ કરવામાં આવી હતી. ઘટના સ્થળે દોડી આવેલા ફાયર ફાઇટરોએ ત્વરિત કામગીરી હાથ ધરીને સતત પાણીનો મારો ચલાવ્યો હતો. ફાયર વિભાગની ટીમની ભારે જહમત બાદ આગ પર સંપૂર્ણ કાબૂ મેળવી શકાયો હતો, જેના કારણે આસપાસની અન્ય દુકાનો આગની ઝપેટમાં આવતા બચી ગઈ હતી.નુકસાન અને પ્રાથમિક તપાસનું અનુમાન આ દુર્ઘટનામાં ગિફ્ટ શોપમાં રહેલો મોટાભાગનો સામાન બળીને ખાખ થઈ જતાં દુકાનદારને ભારે નુકસાન થયું છે. પ્રાથમિક તપાસ અને અનુમાન મુજબ આ આગ શોર્ટ સર્કિટના કારણે લાગી હોવાનું માનવામાં આવી રહ્યું છે. સદભાગ્યે, સમયસરની કામગીરીને કારણે આ ઘટનામાં કોઈ જાનહાનિ થઈ નથી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 15, 2026

Mumbai MLA Parag Shah: 5000 કરોડના માલિક ધારાસભ્ય મુંબઈના રસ્તા પર કેમ બન્યા ભિખારી

લાંબી દાઢી, ફાટેલા કપડાં અને હાથમાં વાટકી સાથે એક શખ્સ રસ્તાઓ પર પસાર થતા લોકો પાસે ભીખ માગતો હતો. રાહદારીઓ પાસે મદદ માંગી વાસી રોટલી અને ઉપલબ્ધ ખોરાક પર ગુજરાન ચલાવનાર આ શખ્સ કરોડોનું સામ્રાજ્ય છોડી ભીખારી તરીકે જીવન પસાર કરે છે. આખરે કોણ છે આ શખ્સ જે સંપત્તિ છોડી ભીખારી બની મુંબઈના રસ્તા પર ભીખ માગી રહ્યા છે. ખરેખર આ શખ્સ મુંબઈ ઘાટકોપર પૂર્વના ભાજપના ધારાસભ્ય પરાગ શાહ છે. કેમ તેઓ ભીખારી બન્યા જાણો આ રસપ્રદ કહાની.ધારાસભ્ય પરાગશાહ બન્યા ભીખારીમુંબઈના ઘાટકોપર પૂર્વના ધારાસભ્ય (MLA) પરાગ શાહ, જેઓ આશરે ₹૫,૦૦૦ કરોડની અથાહ સંપત્તિ, રાજકીય પ્રભાવ અને મજબૂત સુરક્ષા બંદોબસ્ત ધરાવે છે, તેમણે તાજેતરમાં એક એવો આધ્યાત્મિક પ્રયોગ કર્યો જેણે સૌ કોઈને આશ્ચર્યચકિત કરી દીધા. પોતાની VIP ઓળખ, કિંમતી ગાડીઓ અને બોડીગાર્ડ્સનો ઘેરો છોડીને તેઓ મુંબઈના રસ્તાઓ પર ફાટેલા કપડાં અને હાથમાં વાટકી સાથે એક સામાન્ય ભિખારી તરીકે નીકળી પડ્યા હતા.ગુરુ રાષ્ટ્રીય સંત નમ્રમુનિ મહારાજનો આદેશ, છોડી સંપત્તિ જૈન ચાતુર્માસ દરમિયાન ધારાસભ્ય પરાગ શાહે તેમના આધ્યાત્મિક માર્ગદર્શક રાષ્ટ્રીય સંત નમ્રમુનિ મહારાજના ઉપદેશથી આ આત્મનિરીક્ષણનો પ્રયોગ કર્યો હતો. ગુરુજીએ તેમને સંપત્તિ, હોદ્દો અને રાજકીય અહંકારથી પર થઈને સમાજના સૌથી નબળા વર્ગના જીવનનો પ્રત્યક્ષ અનુભવ કરવા પ્રોત્સાહિત કર્યા હતા. આ આદેશનું પાલન કરવા માટે તેમણે સુરક્ષા હટાવી દીધી અને મેકઅપ આર્ટિસ્ટની મદદથી એક એવો ભિખારીનો લુક ધારણ કર્યો કે જેથી ઘાટકોપરના જ રસ્તાઓ પર તેમને કોઈ ઓળખી ન શકે.હાથમાં વાટકી, લાંબી દાઢી અને ફાટેલા કપડાં સાથે રસ્તા પર માંગ્યા પૈસાઆ અનુભવ દરમિયાન પરાગ શાહ પાસે કોઈ મોબાઈલ, લેટેસ્ટ ગાડી કે રાજકીય ફાઈલો નહોતી. લાંબી દાઢી અને ફાટેલા કપડાં સાથે તેઓ હાથમાં વાટકો લઈને પસાર થતા લોકો અને વાહનચાલકો સમક્ષ મદદ માટે હાથ લંબાવતા રહ્યા. લગભગ એક કલાક ચાલેલા આ પ્રયોગ દરમિયાન કોઈ પણ નાગરિક તેમને ઓળખી શક્યો નહીં. જે નેતાને મળવા લોકો રાહ જોતા હોય, તે જ નેતા આજે રસ્તા પર સામાન્ય માણસની જેમ મદદ માગી રહ્યા હતા.વાસી રોટલી ખાધી, લોકોનો ઠપકો અને માનવતાના દર્શન પણ થયારસ્તા પર ભીખ માંગતી વખતે પરાગ શાહે સમાજના અલગ-અલગ ચહેરા જોયા. ઘણા લોકોએ તેમની અવગણના કરી, કેટલાકે ધિક્કારીને ઠપકો આપ્યો, તો કેટલાક દયાળુ લોકોએ માનવતા દર્શાવીને તેમના વાટકામાં પૈસા કે ખોરાક મૂક્યો. કરોડોની સંપત્તિ ધરાવતા ધારાસભ્યએ લોકોને હાથે મળેલી વાસી રોટલી અને ભોજન ખાઈને પોતાની ભૂખ સંતોષી હતી, જેનાથી તેમને ગરીબી અને ભૂખમરાની વાસ્તવિકતાનો ઊંડો અહેસાસ થયો.મેકઅપ ઉતાર્યા બાદ મદદ કરનારા લોકોનો માન્યો આભારસાંજના સમયે આ પ્રયોગ પૂર્ણ થયા બાદ પરાગ શાહે પોતાનો ભિખારીનો મેકઅપ દૂર કર્યો અને મૂળ સ્વરૂપમાં પાછા ફર્યા. ત્યારબાદ તેઓ એ જ સામાન્ય નાગરિકોને રૂબરૂ મળવા પહોંચ્યા જેમણે તેમને ભિખારી સમજીને રોટલી કે પૈસા આપ્યા હતા. તેમણે તે તમામ લોકોનો આભાર માન્યો અને તેમની સાથે વાતચીત કરીને અનુભવો શેર કર્યા.સાચો સંદેશ: પદ અને શક્તિ કરતાં માનવતા મોટીઆ પ્રયોગ પાછળનો મુખ્ય હેતુ અહંકાર અને પદનો મોહ છોડીને સાચી માનવતાને સમજવાનો હતો. ગુરુ નમ્રમુનિ મહારાજના જણાવ્યા મુજબ, વ્યક્તિ ગમે તેટલી આર્થિક કે રાજકીય ઊંચાઈ પર પહોંચે, પણ તેણે જમીન પરના જરૂરિયાતમંદ લોકોની તકલીફો ક્યારેય ભૂલવી જોઈએ નહીં. ₹૫,૦૦૦ કરોડની માલિકી ધરાવતા ધારાસભ્ય માટે આ અનુભવ જીવનનો સૌથી મોટો આત્મજ્ઞાનનો પાઠ સાબિત થયો.આ પણ વાંચો : Gurugram Hit and Run Case: રાજસ્થાનના દૌસાથી ઝડપાયો આરોપી કલ્યાણ બૈસલા

Read Full Story arrow_forward

calendar_today September 15, 2026

Meta : બાળકોની ઓનલાઈન સુરક્ષા, કેન્દ્ર સરકારના દબાણ બાદ મેટા સોંપશે બાળકોના A-ટુ-Z ડેટા

ઇન્ટરનેટ પર બાળકોની સુરક્ષાને લઈને ભારત સરકાર હવે અત્યંત કડક વલણ અપનાવી રહી છે. સોશિયલ મીડિયા પ્લેટફોર્મ્સ પર બાળકો સાથે સંકળાયેલી વાંધાજનક અને ગેરકાયદેસર સામગ્રી પર અંકુશ મેળવવા માટે સરકારે પોતાની પકડ વધુ મજબૂત બનાવી છે. આ જ કડકાઈના પરિણામે ટેક જાયન્ટ મેટા (Meta) કાયદા અમલીકરણ એજન્સીઓ સાથે બાળ જાતીય શોષણ અને તેનાથી સંબંધિત કેસોની તમામ માહિતી શેર કરવા માટે સત્તાવાર રીતે સંમત થઈ ગયું છે. સરકારનો સ્પષ્ટ સંદેશ છે કે ભારતમાં ઓનલાઈન બાળ સુરક્ષા એ સર્વોચ્ચ પ્રાથમિકતા છે અને આ બાબતમાં કોઈપણ પ્રકારની બેદરકારી બિલકુલ સહન કરવામાં આવશે નહીં.વાંધાજનક સામગ્રીનું પ્રી-એક્ટિવ નિરીક્ષણ અને સરકારનો એક્શન પ્લાનસરકારનું મુખ્ય ધ્યાન સોશિયલ મીડિયા પર માત્ર ફરિયાદ મળ્યા બાદ સામગ્રી દૂર કરવા પૂરતું સીમિત નથી, પરંતુ આવી હાનિકારક સામગ્રીને અગાઉથી જ ઓળખીને તેને પ્લેટફોર્મ પરથી અટકાવવા માટે સક્રિય પદ્ધતિઓ વિકસાવવા પર છે. મેટા દ્વારા કાયદાકીય એજન્સીઓ સાથે ડેટા શેર કરવાના કરારને આ દિશામાં એક મોટું અને મહત્વપૂર્ણ પગલું માનવામાં આવી રહ્યું છે. આનાથી તપાસ એજન્સીઓને ઓનલાઈન બાળ ગુનાઓના કેસોને ઉકેલવામાં અને ગુનેગારો સુધી પહોંચવામાં મોટી મદદ મળશે.અન્ય સોશિયલ મીડિયા પ્લેટફોર્મ પણ સરકારના રડાર પરભારત સરકાર માત્ર મેટા પૂરતી મર્યાદિત રહેવા માંગતી નથી, પરંતુ દેશમાં કાર્યરત તમામ મુખ્ય સોશિયલ મીડિયા અને ડિજિટલ પ્લેટફોર્મ્સ સાથે સતત બેઠકો અને ચર્ચાઓ ચાલી રહી છે. ઉદ્દેશ્ય એ સુનિશ્ચિત કરવાનો છે કે તમામ પ્લેટફોર્મ્સ બાળકોની સલામતીના નિયમોનું કડક પાલન કરે. જો કોઈ કંપની આ દિશામાં બેદરકાર સાબિત થશે, તો તેની સામે પ્રવર્તમાન કાયદાકીય નિયમો હેઠળ કડક દંડાત્મક કાર્યવાહી કરવામાં આવશે. આગામી સમયમાં સરકાર આ સિસ્ટમને વધુ મજબૂત કરવા માટે ટેક કંપનીઓ સાથે મળીને કામ કરવા જઈ રહી છે.આ પણ વાંચોઃ Nandigram by-election ભાજપનો મોટો દાવ, સુવેન્દુના પૂર્વ PA ચંદ્રનાથ રથની માતાને ઉતારી મેદાને

Read Full Story arrow_forward