Surat સહિત દક્ષિણ ગુજરાતમાં 15 વર્ષ બાદ ઘોર વીજ સંકટ; અઠવાડિયામાં એક દિવસ વીજકાપની ભીતિ!
દક્ષિણ ગુજરાતમાં છેલ્લા 15 વર્ષ બાદ પ્રથમ વખત ગંભીર વીજ સંકટ સર્જાયું છે, જેના કારણે સ્થાનિક ઔદ્યોગિક એકમો પર માઠી અસર પડવાની ભીતિ ઊભી થઈ છે. વૈશ્વિક યુદ્ધની સ્થિતિના પગલે આંતરરાષ્ટ્રીય સ્તરે ગેસ અને કોલસાના ભડકે બળતા ભાવ, કોલસાની તંગી તથા ડેમોમાં પાણીના ઓછા સંગ્રહના કારણે પાવર પ્લાન્ટ્સના ઉત્પાદનને માઠું ગ્રહણ લાગ્યું છે. પરિસ્થિતિને થાળે પાડવા દક્ષિણ ગુજરાત વીજ કંપની અને ઉર્જા વિભાગે ઔદ્યોગિક સંગઠનો સાથે બેઠક યોજીને અઠવાડિયામાં 1 દિવસ સાંજે 4:00થી રાત્રે 12:00 વાગ્યા સુધી વીજ પુરવઠો બંધ રાખવા સૂચના આપી છે.પીક અવર્સમાં વીજકાપથી કરોડોનું નુકસાન અને રોજગારી પર જોખમસાંજના પીક અવર્સ દરમિયાન સતત 8 કલાક વીજળી ગુલ રહેવાના કારણે સુરત અને દક્ષિણ ગુજરાતના ટેક્સટાઇલ, ડાઇંગ તથા પ્રોસેસિંગ જેવા મોટા ઔદ્યોગિક એકમોમાં ઉત્પાદન સંપૂર્ણપણે ઠપ થઈ જવાની મોટી આશંકા છે. આ વીજ સંકટના પરિણામે ઉદ્યોગોને દૈનિક કરોડો રૂપિયાનું આર્થિક નુકસાન વેઠવાનો વારો આવશે. આ ઉપરાંત, ઉત્પાદન બંધ રહેતાં હજારો શ્રમિકોની રોજીરોટી અને રોજગારી પર પણ મોટું સંકટ તોળાઈ રહ્યું છે.સરકારનું 31 કંપનીઓને અલ્ટીમેટમ અને ચેમ્બર ઓફ કોમર્સની રજૂઆતસ્થિતિની ગંભીરતાને ધ્યાને રાખીને સરકારે તાત્કાલિક ધોરણે બંધ પડેલી 31 કંપનીઓને આગામી 10 દિવસમાં પોતાના પાવર પ્લાન્ટ્સ પુનઃ શરૂ કરવા માટે કડક અલ્ટીમેટમ આપ્યું છે. બીજી તરફ, સાઉથ ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (SGCCI) દ્વારા રાજ્ય અને કેન્દ્ર સરકાર સમક્ષ ગંભીરતા દાખવીને ગુજરાતમાં જ કોલસા ઉત્પાદન યુનિટ્સ સક્રિય કરવા અને ઉદ્યોગોને રાહત આપવા માટે ઉચ્ચ સ્તરે રજૂઆત કરવાની કવાયત હાથ ધરવામાં આવી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
