Community News & Updates

Stay informed with the latest happenings, achievements, and announcements from our community.

All News

calendar_today September 1, 2026

Surat: હોટ ફિક્સ કચરાના નિકાલ માટે SMC બનાવશે નવી નીતિ; સ્વચ્છતા અને રોજગાર બંને જળવાશે

સુરત શહેરના મુખ્ય ટેક્સટાઇલ હબ ગણાતા વરાછા, પુણા-સીમાડા, સરથાણા, લિંબાયત અને કતારગામ જેવા વિસ્તારોમાં ટેક્સટાઇલ પર હોટફિક્સ (નંગ અને ડાયમંડ ચોંટાડવા) નું કામ મોટા પાયે ચાલે છે. આ યુનિટ્સ મોટાભાગે રહેણાંક વિસ્તારોમાં ચાલતા હોવાથી અને તેનાથી ઉત્પન્ન થતો નકામો કચરો જાહેર રસ્તાઓ કે ડમ્પિંગ સાઇટ પર જતો હોવાથી સ્થાનિક સ્તરે ગંભીર સમસ્યાઓ સર્જાઈ રહી છે.સુરતમાં હોટફિક્સ કચરાની સમસ્યાતકનીકી રીતે હોટફિક્સ કચરો ઔદ્યોગિક કચરાની શ્રેણીમાં આવે છે. હોટફિક્સ સીટો કે સામગ્રી પાછળ ગુંદરનું ખાસ સ્તર હોવાના કારણે તેનું સામાન્ય પ્લાસ્ટિકની જેમ રિસાયક્લિંગ કરવું અત્યંત મુશ્કેલ બને છે. નિયમ મુજબ આ કચરાના સુરક્ષિત નિકાલની પ્રાથમિક જવાબદારી સંબંધિત ઉદ્યોગોની રહે છે, પરંતુ યોગ્ય વ્યવસ્થાના અભાવે આ સમસ્યા વિકટ બની હતી.સ્વચ્છતા અને રોજગારી બંને મહત્વપૂર્ણઆ સમસ્યાના કાયમી અને વ્યવહારુ ઉકેલ માટે રાજ્યના આરોગ્ય મંત્રી પ્રફુલ પાનશેરિયાએ સુરત મહાનગરપાલિકાના ઉચ્ચ અધિકારીઓ સાથે વર્ચ્યુઅલ મીટિંગ યોજી હતી. બેઠકમાં નક્કી કરવામાં આવ્યું હતું કે SMC દ્વારા પ્લાસ્ટિક અને હોટફિક્સ કચરાને અલગથી એકત્રિત કરવા માટે ખાસ પ્લોટ ફાળવવાની ગંભીરતાપૂર્વક વિચારણા કરવામાં આવશે.SMC અધિકારીઓ સાથે હાઇલેવલ વર્ચ્યુઅલ બેઠકઆ ગૃહઉદ્યોગ સાથે હજારો નાના વેપારીઓ અને ગરીબ કારીગરો રોજીરોટી મેળવી રહ્યા છે, તેથી કોઈ કડક પગલાંથી તેમની રોજીરોટી છીનવાય નહીં તેનું ખાસ ધ્યાન રખાશે. બેઠક બાદ મંત્રી પ્રફુલ પાનશેરિયાએ જણાવ્યું હતું કે, “સ્વચ્છતા અને રોજગારી બંને મહત્વપૂર્ણ છે, બંને વચ્ચે સંતુલન જાળવીને ઉકેલ લાવવામાં આવશે.” SMC દ્વારા ટૂંક સમયમાં હોટફિક્સ કચરાના યોગ્ય કલેક્શન અને વૈજ્ઞાનિક નિકાલ માટેની નીતિ ઘડીને અમલમાં મૂકવામાં આવશે, જેથી રહેણાંક વિસ્તારોમાં સ્વચ્છતા જળવાઈ રહે.આ પણ વાંચો: Surendranagar: ભવાનીગઢમાં દેશી દારૂની ધમધમતી ભઠ્ઠી પર રાજકોટ રેન્જ ટીમનો દરોડો, 2 લાખથી વધુનો મુદ્દામાલ જપ્ત

Read Full Story arrow_forward

calendar_today September 1, 2026

Cockroach Movement FIR: સરકારે વચન પાળ્યુ, SCએ રદ કરી પ્રદર્શનકારી વિદ્યાર્થીઓ સામે FIR

દિલ્હીમાં જંતરમંતર પર CJPએ કરેલા આંદોલન સહિત અન્ય 4 રાજ્યોમાં થયેલા વિદ્યાર્થી પ્રદર્શન દરમિયાન વિદ્યાર્થીઓ સામે નોંધાયેલી એફઆઇઆર રદ કરવામાં આવી છે. કુલ 129 એફઆઇઆર રદ કરવામાં આવી છે.  સરકારે એફઆઇઆર રદ કરવાનું વચન આપ્યુ હતું તે પાળ્યુ છે. સુપ્રીમ કોર્ટે રદ કરી FIR મંગળવારે સરકારે સુપ્રીમ કોર્ટને કલમ 142 લાગુ કરીને એફઆઈઆર રદ કરવાની વિનંતી કરી હતી, જે અરજી કોર્ટે સ્વીકારી હતી.  ચુકાદો આપતી વખતે, ન્યાયાધીશ સૂર્યકાન્તે ટિપ્પણી કરી હતી કે આ એફઆઈઆર હવે ભૂતકાળની વાત છે અને તેના પર કોઈ કાર્યવાહી કરી શકાતી નથી. મહત્વનું છે કે  કલમ 142નો ઉપયોગ કરીને, સુપ્રીમ કોર્ટ મહત્વપૂર્ણ આદેશો પસાર કરી શકે છે જેને અન્ય કોઈપણ કોર્ટમાં પડકારી શકાતી નથી.FIR કેમ પાછી ખેંચી લેવામાં આવી?સુપ્રીમ કોર્ટમાં કેન્દ્ર વતી હાજર રહેલા સોલિસિટર જનરલ તુષાર મહેતાએ જણાવ્યું હતું કે કેન્દ્ર સરકારે 25 જુલાઈએ વચન આપ્યું હતું કે જો વિરોધ પ્રદર્શનો બંધ કરવામાં આવે તો કેસ પાછા ખેંચી લેવામાં આવશે. તેમણે ઉમેર્યું હતું કે તેમણે દિલ્હી માટે યાદી પહેલેથી જ સુપરત કરી દીધી છે. ત્યારબાદ, બિહાર, મહારાષ્ટ્ર, આસામ અને પશ્ચિમ બંગાળે પણ કેસ પાછા ખેંચવા માટે અરજીઓ દાખલ કરી હતી, જે તેમના નિર્ણયને સમર્થન આપે છે. આ રાજ્યોમાં કુલ 129 FIR નોંધવામાં આવી હતીચુકાદો આપતી વખતે, સુપ્રીમ કોર્ટે નિર્દેશ આપ્યો હતો કે જો અન્ય રાજ્યોમાં પણ વિદ્યાર્થી વિરોધ પ્રદર્શનો સંબંધિત કોઈ કેસ નોંધાયેલા હોય, તો તપાસ આગળ ન ચલાવવી જોઈએ.દિલ્હી પોલીસ નવી FIR નોંધશેસોલિસિટર જનરલે જણાવ્યું હતું કે શારીરિક ઈજા અને મિલકતને નુકસાન પહોંચાડવા બદલ 2,873 વ્યક્તિઓ સામે નવી FIR નોંધવામાં આવી રહી છે. ચાર રાજ્યોએ સમાન વિનંતીઓ સબમિટ કરી છે. સુપ્રીમ કોર્ટે એસજીને પેરેગ્રાફ  5 વાંચવા કહ્યું, જે સ્પષ્ટ કરે છે કે ભવિષ્યમાં 2,873 વ્યક્તિઓ સામે ચોક્કસ નવી એફઆઈઆર સિવાય કોઈ નવી એફઆઈઆર નહીં થાય. ઘણા વકીલોએ આનો વિરોધ કર્યો, દલીલ કરી કે તમામ 2,873 વ્યક્તિઓની વિગતો કોર્ટ સમક્ષ રજૂ કરવી જોઈએ

Read Full Story arrow_forward

calendar_today September 1, 2026

Janmashtami 2026 : વૃંદાવનમાં બહારની ગાડીઓની નો એન્ટ્રી, 3થી 5 સપ્ટેમ્બર સુધી અનેક માર્ગો પર વાહન પ્રવેશ બંધ

શ્રીકૃષ્ણ જન્માષ્ટમીના વિશ્વ પ્રસિદ્ધ પર્વને લઈને મથુરા-વૃંદાવનમાં ભક્તોની ભારે ભીડને ધ્યાનમાં રાખીને પોલીસ અને વહીવટીતંત્રે સુરક્ષા તથા ટ્રાફિક વ્યવસ્થાનો વ્યાપક પ્લાન તૈયાર કર્યો છે. 3 સપ્ટેમ્બરના સવારે 8 વાગ્યાથી 5 સપ્ટેમ્બરના સવારે 9 વાગ્યા સુધી મથુરા શહેરના અનેક મુખ્ય માર્ગો પર વાહનોના પ્રવેશ પર પ્રતિબંધ રહેશે. ભીડ નિયંત્રણ માટે વિવિધ સ્થળોએ હોલ્ડિંગ એરિયાભક્તોને મંદિરો સુધી સરળ અને સુરક્ષિત રીતે પહોંચાડી શકાય તે માટે સમગ્ર વિસ્તારને 7 ઝોન અને 35 સેક્ટરમાં વહેંચવામાં આવ્યો છે. દરેક ઝોન અને સેક્ટરમાં મેજિસ્ટ્રેટ તથા પોલીસ અધિકારીઓની ડ્યૂટી ગોઠવવામાં આવી છે. ભીડ નિયંત્રણ માટે વિવિધ સ્થળોએ હોલ્ડિંગ એરિયા તૈયાર કરવામાં આવ્યા છે. સાથે જ CCTV કેમેરા દ્વારા સતત નજર રાખવામાં આવશે અને સોશિયલ મીડિયા પર પણ મોનિટરિંગ કરવામાં આવશે. ભક્તોને માર્ગદર્શન મળી રહે તે માટે મુખ્ય ચોક અને તિરાહાઓ પર માહિતી પાટિયાં લગાવવામાં આવી રહ્યાં છે.વાહનોના પ્રવેશ પર પ્રતિબંધ રહેશેજન્માષ્ટમી દરમિયાન ભૂતેશ્વર, મસાની, ડીંગ ગેટ, ચોક બજાર, ભરતપુર ગેટ, ગોવર્ધન ચોકડી, મંડિ ચોકડી, કૃષ્ણાપુરી અને હોળીગેટ સહિતના અનેક સ્થળોથી કૃષ્ણ જન્મભૂમિ તરફ જતા વાહનોના પ્રવેશ પર પ્રતિબંધ રહેશે. જરૂરિયાત મુજબ ચાર પૈડાંવાળા વાહનો, ઓટો, ઈ-રિક્ષા અને ટુ-વ્હીલર્સને પણ કેટલાક માર્ગો પર રોકવામાં આવશે.અલગ પાર્કિંગ સ્થળોની વ્યવસ્થા કરવામાં આવીભારે અને કોમર્શિયલ વાહનો માટે અલગ-અલગ રૂટ ડાયવર્ઝન લાગુ કરવામાં આવ્યા છે. યમુના એક્સપ્રેસવે, વૃંદાવન, NH-19, ગોકુલ અને ગોવર્ધન તરફથી આવતા ભક્તોના વાહનો માટે અલગ પાર્કિંગ સ્થળોની વ્યવસ્થા કરવામાં આવી છે. PMB પોલિટેકનિક, ISBT, રામલીલા મેદાન, મંડિ પરિસર, GIC ઇન્ટર કોલેજ, રેલવે ગ્રાઉન્ડ ધૌલી પ્યાઉ અને રેલવે માલગોદામ સહિતના સ્થળોએ વાહનો પાર્ક કરાવવામાં આવશે.ભારે વાહનોના પ્રવેશ પર પ્રતિબંધ રહેશેવૃંદાવનમાં છટીકરા, સૌ-સૈયા, પાણીગાંવ, રુક્મિણી વિહાર અને વૃંદાવન કટ સહિતના કેટલાક માર્ગો પર ભારે વાહનોના પ્રવેશ પર પ્રતિબંધ રહેશે. ભક્તોની સુવિધા માટે ITI, દારુખ, મંડિ, પવનહંસ, MVDA, વૈષ્ણો દેવી અને મલ્ટીલેવલ પાર્કિંગ સહિત અનેક પાર્કિંગ સ્થળો તૈયાર કરવામાં આવ્યા છે. ભક્તોની સુરક્ષા અને સુગમ દર્શન માટે પૂરતો પોલીસ બંદોબસ્ત ગોઠવવામાં આવ્યો છે. વ્યવસ્થામાં 8 કંપની PAC, 1 કંપની RAF અને ફ્લડ પ્લાટૂનની તૈનાતી કરવામાં આવી છે. CCTV કેમેરા અને હોલ્ડિંગ એરિયાની મદદથી ભીડની સ્થિતિ પર સતત નજર રાખવામાં આવશે.આ પણ વાંચો : Cockroach Janta Party: દિલ્હીમાં હવે 5 સપ્ટેમ્બરે સીજેપી નહી કરે માર્ચ, જાણો એકાએક કેમ બદલાયો નિર્ણય

Read Full Story arrow_forward