Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Patan News: ઉત્તર ગુજરાતના મંદિરોને નિશાન બનાવતી કુખ્યાત ચોર ગેંગ ઝડપાઈ, 22 મંદિરોમાં ચોરીનો ભેદ ઉકેલાયો

ઉત્તર ગુજરાતમાં છેલ્લા કેટલાક સમયથી ધાર્મિક સ્થળોને નિશાન બનાવીને ચોરીની ઘટનાઓને અંજામ આપતી એક કુખ્યાત ચોર ગેંગ આખરે પાટણ LCB પોલીસના સકંજામાં આવી ગઈ છે. પાટણ LCB પોલીસને મળેલી બાતમીના આધારે સિદ્ધપુર તાલુકાના કલ્યાણા ગામની આ કુખ્યાત ચોર ગેંગનો પર્દાફાશ થયો છે. સરસ્વતી તાલુકાના ભૂતિયા વાસણા ગામમાં આવેલ મંદિરમાં ચોરીની ફરિયાદ નોંધાતા પોલીસે તાત્કાલિક ધોરણે ચક્રો ગતિમાન કર્યા હતા અને આ સફળતા મેળવી હતી.દર્શનાર્થી બનીને કરતા રેકી અને ચોરીપોલીસ તપાસમાં સામે આવ્યું છે કે, કલ્યાણા ગામના 4 ચોરોની આ ગેંગ અત્યંત ચાલાકીથી કામ કરતી હતી. આ ગેંગના ઇસમો વિવિધ મંદિરોમાં સામાન્ય દર્શનાર્થી કે શ્રદ્ધાળુ બનીને પ્રસાદ ચડાવવાના બહાને જતા હતા. મંદિરમાં કોઈ ન હોય કે સુમસામ વાતાવરણ હોય ત્યારે ચોક્કસ રેકી કરીને ભગવાનને ચઢાવવામાં આવેલા સોના-ચાંદીના કિંમતી દાગીનાઓની ચોરી કરી પલાયન થઈ જતા હતા. આ ગેંગે માત્ર છેલ્લા 1 મહિનાના ટૂંકા ગાળામાં જ આશરે 22 જેટલા મંદિરોને નિશાન બનાવ્યા હતા.3 જિલ્લામાં ફેલાયેલું હતું નેટવર્કઆ કુખ્યાત ચોર ગેંગ દ્વારા પાટણ, મહેસાણા તેમજ બનાસકાંઠા એમ કુલ 3 જિલ્લાઓમાં ચોરીનો આતંક મચાવ્યો હતો. આ અલગ-અલગ 22 મંદિરોમાં ચોરીના ગુના આચરવામાં આવ્યા હોવા છતાં, અગાઉ માત્ર પાટણના સરસ્વતી તાલુકા પોલીસ સ્ટેશન તેમજ બનાસકાંઠાના ગઢ પોલીસ સ્ટેશનમાં જ પોલીસ ફરિયાદો નોંધાઈ હતી. બાકીના સ્થળોએ પણ ગુનાઓ દાખલ હોવાની કે તપાસ થવાની શક્યતાઓ છે.પોલીસ દ્વારા લાખોનો મુદ્દામાલ જપ્ત અને 4 ઝડપાયાપાટણ LCB પોલીસે બાતમીના આધારે કલ્યાણા ગામના 4 ઇસમોની અટકાયત કરી લીધી છે. પોલીસે આ ગેંગ પાસેથી ચોરી કરાયેલા સોના-ચાંદીના દાગીના ઉપરાંત ગુનામાં વપરાતી રીક્ષા અને ઇકો કાર સહિત કુલ રૂ. 6,70,000 નો મુદ્દામાલ કબ્જે કર્યો છે. પકડાયેલા ચારેય આરોપીઓ વિરુદ્ધ કાયદેસરની કડક કાર્યવાહી હાથ ધરીને પોલીસ દ્વારા વધુ સઘન પૂછપરછ અને તપાસ ચલાવવામાં આવી રહી છે.આ પણ વાંચો: Patan: સિદ્ધપુરની મસ્કન ટાઉનશીપમાં ત્રણ ઘરોના તાળાં તૂટયા : લાખોની ચોરી

Read Full Story arrow_forward

calendar_today September 16, 2026

Ahmedabad: ખોડિયારનગર પાસે બેકાબૂ કાર રોડના ડિવાઇડર પર ચડી ગઈ! સદનસીબે ઘટનામાં કોઈ જાનહાનિ નહીં

અમદાવાદ શહેરના દક્ષિણ ઝોનમાં આવેલા દાણીલીમડા વિસ્તારમાં ખોડિયારનગર પાસે એક માર્ગ અકસ્માતની ઘટના સામે આવી છે. પુરપાટ ઝડપે આવી રહેલી એક કારના ચાલકે અચાનક વાહન પરનો કાબૂ ગુમાવી દેતાં કાર રોડ વચ્ચે આવેલા ડિવાઇડર પર ચડી ગઈ હતી.ખોડિયારનગર પાસે એક માર્ગ અકસ્માતઅકસ્માત એટલો અચાનક સર્જાયો હતો કે આસપાસના વાહનચાલકોમાં થોડીવાર માટે અફરાતફરી મચી ગઈ હતી.આ ઘટનામાં સદનસીબે કોઈ જાનહાનિ થઈ નથી અને કારમાં સવાર લોકો તેમજ માર્ગ પરથી પસાર થતા અન્ય રાહદારીઓનો ચમત્કારિક બચાવ થયો છે.કાર રોડ વચ્ચે આવેલા ડિવાઇડર પર ચડી ગઈઘટના અંગે જાણ થતાં જ પોલીસ કાફલો સ્થળ પર પહોંચી ગયો હતો. કાર કયા કારણોસર બેકાબૂ થઈ યંત્રણાત્મક ખામી હતી, સ્ટેઅરિંગ લોક થઈ ગયું હતું કે ચાલકની બેદરકારી હતી તે અંગે પોલીસે વધુ તપાસ હાથ ધરી છે.આ પણ વાંચો: Ahmedabad સિવિલ હોસ્પિટલમાં મોટો વિવાદ, ફ્રી સુવિધા છતાં દર્દીઓના બ્લડ સેમ્પલ ખાનગી લેબમાં મોકલાયાનો આક્ષેપ

Read Full Story arrow_forward

calendar_today September 16, 2026

Kanpur Horse Attack: લો બોલો... કાનપુરમાં ઘોડાએ મચાવ્યો આતંક! અડધા ડઝનથી વધુ લોકોને કરડતા ભયનો માહોલ

કાનપુરમાં એક વિચિત્ર ઘટનામાં રસ્તા પર ફરી રહેલા ઘોડાએ ઓચિંતા લોકોને કરડવાનું શરૂ કર્યું. ઘોડાના હુમલાને પગલે અડધા ડઝનથી વધુ લોકો ઈજાગ્રસ્ત થયા છે. તેમાંથી 3 લોકોને હોસ્પિટલમાં દાખલ કરવા પડ્યા છે. ઈજાગ્રસ્તોમાં એક મહિલાની હાલત ગંભીર હોવાનું કહેવાય છે. આ ઘટના બાદ પોલીસે ઘોડાને પકડીને એક પ્લાન્ટમાં બંધ કરાવ્યો હતો, પરંતુ મામલો અહીંથી પણ અટક્યો નહીં. ગુસ્સે ભરાયેલા સ્થાનિકો પ્લાન્ટમાં ઘૂસી ગયા અને ઘોડાને માર મારતાં તેનું મોત થયું હતું.પતિને જમવાનું આપવા જઈ રહેલી મહિલા પર ઘોડાનો હુમલોઅફસાના નામની મહિલા પોતાના પતિને જમવાનું આપવા જઈ રહી હતી. આ દરમિયાન રસ્તા પર ફરતા ઘોડાએ અચાનક તેના પર હુમલો કર્યો. ઘોડાએ મહિલાને બચકાં ભર્યા હોવાનું જણાવાયું છે. હુમલામાં તે ગંભીર રીતે ઈજાગ્રસ્ત થઈ ગઈ હતી અને સારવાર માટે હોસ્પિટલમાં દાખલ કરવામાં આવી હતી. આ ઘોડાએ રસ્તા પરથી પસાર થતા અન્ય અનેક લોકોને પણ નિશાન બનાવ્યા હતા. સ્થાનિક લોકોના જણાવ્યા અનુસાર, ઘોડો સતત રસ્તા પર ફરી રહ્યો હતો અને તેના હુમલાને કારણે આખા વિસ્તારમાં ભયનો માહોલ ઊભો થયો હતો. ઘોડાના હુમલામાં ઈજાગ્રસ્ત થયેલા 3 લોકોને હોસ્પિટલમાં દાખલ કરવામાં આવ્યા છે. તેમાં અફસાનાની હાલત ગંભીર હોવાનું જણાવાયું છે. અન્ય 4 લોકોની પણ સારવાર કરવામાં આવી હતી. ઘોડો સતત લોકો પર હુમલો કરી રહ્યો હોવાની જાણ થતાં સ્થાનિક લોકોમાં ગુસ્સો વધતો ગયો. લોકોને ડર હતો કે ઘોડો અન્ય કોઈ વ્યક્તિ પર હુમલો કરી શકે છે. આ કારણે પોલીસને પણ જાણ કરવામાં આવી હતી.પોલીસે ઘોડાને પકડ્યો, પરંતુ સ્થાનિક લોકોએ માર મારીને મોતને ઘાટ ઉતાર્યોઘોડા પર હુમલાની જાણ પોલીસને સોમવારે રાત્રે કરવામાં આવી હતી. ત્યારબાદ પોલીસે ઘોડાને પકડી તેને એક પ્લાન્ટમાં બંધ કરી દીધો હતો. પોલીસે ઘોડાને સુરક્ષિત રાખવાની વ્યવસ્થા કરી હતી, પરંતુ સ્થાનિક લોકોનો ગુસ્સો ભડકી ઉઠ્યો હતો. લોકો પ્લાન્ટમાં ઘૂસી ગયા અને ઘોડાને માર મારવાનું શરૂ કર્યું. માર મારવાના કારણે ઘોડાનું મોત થયું. ઘોડાના મોત બાદ વિસ્તારમાં ફરી અફરાતફરીનો માહોલ સર્જાયો હતો. હવે પોલીસ અને મહાનગરપાલિકા દ્વારા આ મામલે આગળની કાર્યવાહી કરવામાં આવી રહી છે.ઘોડાએ આવું શા માટે કર્યું તે જાણી શકાયું નથીઅફસાનાના પતિ મોહમ્મદે આ ઘટનાને લઈને આશ્ચર્ય વ્યક્ત કર્યું છે. તેમનું કહેવું છે કે તેમની પત્ની ઘોડાની બાજુમાંથી પસાર થઈ રહી હતી. તેમ છતાં ઘોડાએ તેમના પર હુમલો કર્યો. મોહમ્મદના જણાવ્યા અનુસાર, તેમને સમજાયું નહીં કે ઘોડાએ તેમની પત્નીને શા માટે કરડી. તેમણે એમ પણ કહ્યું કે જ્યારે ઘોડાને મારવામાં આવ્યો ત્યારે તેઓ હોસ્પિટલમાં હતા. ઘોડાને કોણે માર્યો તે અંગે તેમને કોઈ જાણકારી નથી. હાલમાં તેમનું સંપૂર્ણ ધ્યાન હોસ્પિટલમાં દાખલ પત્નીની સારવાર પર છે.ઘોડાનો માલિક કોણ? હજુ સ્પષ્ટ નથીઆ સમગ્ર ઘટનામાં એક મોટો સવાલ એ પણ છે કે આ ઘોડો આખરે કોનો હતો. પોલીસના જણાવ્યા અનુસાર, અત્યાર સુધી ઘોડાના માલિકની ઓળખ સ્પષ્ટ થઈ નથી. કોઈ વ્યક્તિ આગળ આવીને ઘોડો પોતાનો હોવાનું કહી રહ્યું નથી.આ સ્થિતિમાં પોલીસ અને મહાનગરપાલિકા માટે હવે ઘોડાની ઓળખ અને તેના માલિક સાથે જોડાયેલી માહિતી મેળવવી પણ જરૂરી બની ગઈ છે.ACP આશુતોષ સિંહના જણાવ્યા અનુસાર, પોલીસને ઘોડાના મોતની જાણ થઈ હતી. મહાનગરપાલિકાને પણ તેની જાણ કરવામાં આવી હતી. મહાનગરપાલિકાની ટીમ ઘોડાના મૃતદેહને પોતાની સાથે લઈ ગઈ છે. હવે પોસ્ટમોર્ટમ કરવામાં આવશે. તેના દ્વારા ઘોડાનું મોત કયા કારણોસર થયું તે જાણવાનો પ્રયાસ કરવામાં આવશે.ACPએ જણાવ્યું કે ઘોડાએ અડધા ડઝન લોકોને કરડ્યા હતા, જેમાંથી 3 લોકોની સારવાર ચાલી રહી છે. પોલીસના જણાવ્યા અનુસાર, ઘોડાનો માલિક કોણ છે તે હજુ નક્કી થયું નથી.કૂતરા અને ગાય-સાંઢ બાદ ઘોડાના હુમલાથી ચિંતા વધીકાનપુરમાં પ્રાણીઓના હુમલાની ઘટનાઓને લઈને લોકોમાં પહેલેથી જ ચિંતા રહે છે. રસ્તા પર ફરતા કૂતરાના હુમલા હોય કે ગાય અને સાંઢના હુમલા, ઘણીવાર રાહદારીઓને મુશ્કેલીનો સામનો કરવો પડે છે.હવે એક ઘોડાએ સતત લોકોને કરડવાની ઘટનાએ આ સમસ્યાનું એક નવું સ્વરૂપ સામે લાવ્યું છે. સૌથી ચોંકાવનારી વાત એ રહી કે ઘોડાએ એક વ્યક્તિ પર હુમલો કર્યા બાદ અટકવાને બદલે અન્ય અનેક લોકોને પણ નિશાન બનાવ્યા. આ કારણે વિસ્તારમાં લોકોનો ભય વધ્યો.જોકે, ઘોડાએ લોકો પર શા માટે હુમલો કર્યો તેની પાછળનું કારણ હજુ સામે આવ્યું નથી. ઘોડાના વર્તન અંગે પણ પોલીસ અને મહાનગરપાલિકા તરફથી કોઈ અંતિમ કારણ જણાવવામાં આવ્યું નથી.

Read Full Story arrow_forward