Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Surat : અમિષ પટેલના શંકાસ્પદ મોત મામલે લોકોનો ઓલપાડ પોલીસમાં હોબાળો

ઓલપાડ તાલુકાના સરોલી ગામના 46 વર્ષીય અમિષ ગણપતભાઈ પટેલના અરીયાણા ગામના બસ સ્ટોપ પાસે થયેલા શંકાસ્પદ મોત મામલે પરિવારજનોએ અમિષ પટેલનું મોત અકસ્માતથી નથી થયું પણ તેની હત્યા કરવામાં આવી છે તેવા આક્ષેપો કર્યા છે. આ સાથે ઓલપાડ પોલીસને સીસી.ટીવી.કેમેરાની ફૂટેજ અને પાંચ શકમંદોના નામની અરજી આપ્યા પછી પણ પોલીસે બનાવના પાંચ દિવસ પછી હત્યાનો ગુનો નહીં નોંધતા બુધવારે પરિવારજનો સાથે 200થી વધુ લોકોએ ઓલપાડ પોલીસ મથકનો ઘેરાવો કરી હત્યાની એફ્.આર.આઇ. નોંધવા સહિત ઓલપાડ પોલીસની હાય...હાય...ના નારા લગાવી પીઆઈ સી.આર.જાદવની બદલી કરવાની માંગ કરી હતી.- ધારાસભ્ય મુકેશ પટેલની રજુઆતના પગલે આ ગુનાની તપાસ જિલ્લા એસ.ઓ.જી.પોલીસને સોંપાઇ છે. આ ચકચારી બનાવની વિગત મુજબ ઓલપાડ તાલુકાના સરોલી ગામના અમિષ પટેલનું ગત શનિવાર, તા.12ના રોજ તાલુકાના અરીયાણા ગામે કાર અકસ્માતમાં મોત થયું હતું. આ મોતની ઘટનામાં પોલીસે અકસ્માત મોતનો ગુનો નોંધ્યો હતો, પરંતુ મૃતકના પરિવારજનોને અમિષ પટેલના અકસ્માત મોત પહેલા મળેલ મોબાઇલ ઓડિયો ક્લીપ માં મને આ લોકો મારી નાંખવાનાનું મોબાઇલ રેર્કોડીંગ અને સીસી.ટીવી.કેમેરાની ફૂટેજ મળી આવતા પરિવારે તેમની હત્યા થઇ હોવાની પોલીસ સમક્ષ આશંકા વ્યક્ત કરી હતી. પરિવાર અને કોળીસેનાના અગ્રણીઓએે આ શંકાસ્પદ મોતમાં દિહેણ ગામે શ્રી ગણેશજીના આગમન સમયે રોડ પરથી પસાર થતા 25થી વધુ લોકોના ટોળા સાથે પાંચ શકમંદ ઇસમો જવાબદાર હોવાથી તેઓ સામે હત્યાનો ગુનો નોંધવા પોલીસ અરજી આપી હતી.જો કે ત્યારપછી પણ ઓલપાડ પોલીસે કોઇ નક્કર કાર્યવાહી ન કરતા સરોલી ગ્રામજનો અને તળપદો કોળી પટેલ સમાજના લોકો વિર્ફ્યા હતા અને બુધવારે ઓલપાડ પોલીસ મથકે ઘસી આવ્યા હતા. આ મામલે મૃતકના નાનાભાઇ નલીન પટેલ અને.અમિષ પટેલની દિકરી ધ્રુવી પણ પિતાને ન્યાય અપાવવા પોલીસ મથકે પહોંચી હતી જ્યાં રણચંદી બનેલ મહિલાઓ અને કોળી સમાજના અગ્રણીઓએ ત્યાં ઉપસ્થિત ઓલપાડ તા.પં.ના પ્રમુખ પિયુષ પટેલેને આડે હાથે લીધા હતા અને કહ્યું કે અત્યારે જ હત્યાની એફ્.આર.આઇ.નોંધાવો અને અમોને નકલ અપાવો .જ્યારે સરોલીના માજી સરપંચ મુકેશ પટેલે પિયુષ પટેલ ઉપર આરોપ લગાવ્યો હતો કે, તમે પોલીસે અટકાયત કરેલ શકમંદ આરોપીઓને તમે મોડી રાત્રે કારમાં પોલીસ લઈ ગયા હતા અને સવારે ફરીથી પોલીસ મથકે લાવ્યા હતા.જેથી પોલીસે પિયુષ પટેલની ભૂમિકાની પણ તપાસ કરવા અને તેમના રાજીનામાંની માંગ પરિવારજનો સાથે કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 16, 2026

Surat : કામરેજનાં યુવા અગ્રણી વર્લ્ડ યૂથ ફેસ્ટિવલમાં જવાની તક છોડી વડનગર-કાશી બાઇક રેલીમાં જોડાયા

કામરેજ લાલચુડા સમાજનાં યુવા ભાજપનાં પ્રમુખ અને સ્માર્ટ વિલેજ ઉંભેળનાં ઉપસરપંચ દર્શન પટેલની રશિયા ખાતે યોજાનારા આંતરરાષ્ટ્રીય સ્તરનાં વર્લ્ડ યુથ ફેસ્ટિવલ 2026માં ભારત અને ગુજરાતનાં પ્રતિનિધિ તરીકે તેમની પસંદગી કરવામાં આવી હતી. તેણે વૈશ્વિક મંચ પર દેશનું પ્રતિનિધિત્ત્વ કરવાની તક જતી કરીને પ્રધાનમંત્રી નરેન્દ્ર મોદીનાં 25 વર્ષનાં સફળ નેતૃત્ત્વ અને સુશાસન પર્વ નિમિતે ભારતીય જનતા યુવા મોરચા ગુજરાત પ્રદેશ દ્વારા વડનગરથી કાશી સેવા સંકલ્પ બાઇક રેલીમાં જોડાયા હતા. તેઓ ઉંભેળ વિભાગ વિવિધ કાર્યકારી સહકારી મંડળીનાં ઉપપ્રમુખ, 39 ગામોની દૂધ અને શાકભાજી ઉત્પાદક મંડળીનાં ડિરેક્ટર, 90 ગામોનાં કડવા પાટીદાર કેળવણી મંડળનાં ટ્રસ્ટી તેમજ નવરાત્રી સમિતિનાં કન્વીનર તરીકે શિક્ષણ, ગ્રામીણ અર્થતંત્ર અને સંસ્કૃતિનાં જતન માટે સતત કાર્યરત છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 16, 2026

Valsad : સોલિડ વેસ્ટ પ્રોસેસ પ્લાન્ટ માટે ઓવાડામાં જમીન ફાળવણીનો હુકમ રદ કરવા માંગણી

વલસાડ નગરપાલિકાને સોલિડ વેસ્ટ પ્રોસેસ પ્લાન્ટ માટે કલેક્ટર દ્વારા ઓવાડા ગામે સરકારી પડતર જમીન ફાળવવામાં આવી છે. જો કે, વશિયર ગામે પ્લાન્ટ બનાવવામાં આવે તેવી લેખિત રજૂઆત વિપક્ષના પૂર્વ નેતાએ વલસાડ પાલિકાના સી.ઓ., પ્રમુખ, કારોબારી અને સેનેટરી સમિતિના ચેરમેનોને કરી છે.વલસાડ નગરપાલિકાના વિપક્ષના પૂર્વ નેતા ગિરીશભાઇ બી. દેસાઇએ કરેલી રજૂઆતમાં જણાવ્યું છે કે, ઓવાડામાં ફાળવવામાં આવેલી જમીન વલસાડ શહેરથી અંદાજે 16થી વધુ કિ.મી. દૂર આવેલુ છે. જ્યારે વશિયર ખાતે આવેલી જમીન વલસાડની સીમાથી 1 કિ.મી. ઉપર છે. વશિયરની જમીન સરકાર હસ્તક લેવા માટે વારંવાર જરૂરી હુકમો થયા છે. જમીન સરકાર હસ્તક લઇ નગરપાલિકાને ફાળવવામાં આવે તો સરકારની નીતિ મુજબ નગરપાલિકાએ આ પ્લાન્ટ માટે કોઇ રકમ ભરવાની થતી નથી. ઓવાડા ગામની જમીન ઉપર સોલિડ વેસ્ટ પ્રોસેસ પ્લાન્ટ બનાવવા માટે રસ્તા વગેરે ઇન્ફ્રાસ્ટ્રકચરનો ખર્ચ અંદાજે 8થી 10 કરોડ થવાની સંભાવના છે. જ્યારે વશિયરમાં જમીનને લાગુ હાલમાં વિવાદી વાંકી નદી પરનો બ્રિજ જે 3.5 કરોડના ખર્ચે બનાવેલ છે, જે આ વિસ્તાર માટે બિનઉપયોગી છે અને ફક્ત સ.નં.51વાળી તથા તેને લાગુ અન્ય 315 અને 326 સ.નં. વગેરે જમીનો પૂરતો જ છે. અને વિવાદી છે, જે ખોટી રીતે બનાવતા તેની તપાસ કે કાયદાકીય કાર્યવાહી કરવા સાથે તેઓ સહમત છે. પરંતુ જે બ્રિજથી ઇન્ફ્રાસ્ટ્રકચર બન્યું છે, જે કાયમી હોય, નગરપાલિકાને અહીં સોલિડ વેસ્ટ પ્લાન્ટ માટે ઉપયોગી થઇ શકે છે. અહીં કોઇપમ પ્રકારના ઇન્ફ્રાસ્ટ્રક્ચર બનાવવાનો ખર્ચ કરવાની જરૂર નથી. વધુમાં, વશિયરમાં વેસ્ટ પ્રોસેસ પ્લાન્ટ બનાવવામાં આવે તો આજુબાજુ કોઇ વસતી નથી. આ સ્થળે વેસ્ટનો નિકાલ કરવા માટેનો વાહન વ્યવહારનો ખર્ચ પણ પાલિકાને ઓછો આવશે અને વધુ ઝડપથી વેસ્ટનો નિકાલ થઇ શકે છે. વશિયર ગામ તથા ઉપરોક્ત જમીન વલસાડના સીમાંકનને લાગુ છે. શહેરના સીમાંકનના 05 કિ.મી. લાગુ વિસ્તાર અર્બન એરિયામાં આવે છે. જેથી અર્બન એરિયાના વેસ્ટનો નિકાલ કરવો પણ સરળ થઇ શકે છે. ભવિષ્યમાં વલસાડ નગરપાલિકાનો વિસ્તાર વધવાની પૂરેપૂરી શક્યતા છે. એ સમયે વશિયર ગામ પણ નગરપાલિકામાં સામેલ થઇ શકે છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward