Community News & Updates

Stay informed with the latest happenings, achievements, and announcements from our community.

All News

calendar_today September 16, 2026

Valsad : ઉમરગામના દેહરી ગામે 7 હજારથી વધુ પ્લાસ્ટિક કેપથી ગણેશ પંડાલનું ડેકોરેશન

ગણેશોત્સવમાં દેહરીના કટવાડ ફ્ળિયા દહાડ બોય્ઝ મિત્ર મંડળે પર્યાવરણ જાગૃતિનો અનોખો સંદેશ આપ્યો છે. સોશિયલ ક્લિનર્સ ગ્રૂપ દ્વારા દરિયા સફાઈ દરમિયાન એકત્ર કરેલી પ્લાસ્ટિક બોટલની કેપનો ઉપયોગ કરી ગણેશ પંડાલનું આકર્ષક ડેકોરેશન કરવામાં આવ્યું છે. મંડળના સભ્ય નિખિલ ધોડીના જણાવ્યા મુજબ, સોશિયલ ક્લિનર્સ ગ્રૂપ છેલ્લા ઘણાં અઠવાડિયાથી ઉમરગામના દરિયાકિનારા સહિત વિવિધ વિસ્તારોમાં નિયમિત સફાઈ અભિયાન ચલાવી રહ્યું છે. સફાઈ દરમિયાન એકત્ર થતી પ્લાસ્ટિકની બોટલો અને તેના ઢાંકણામાંથી ઉપયોગી સામગ્રી અલગ કરવામાં આવે છે. દરિયા સફાઈમાંથી મળેલા પ્લાસ્ટિક કચરાનો સર્જનાત્મક રીતે પુનઃ ઉપયોગ કરી ગણેશ પંડાલને સજાવવામાં આવ્યો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 16, 2026

Valsad : ભીલાડમાં પર્યુષણ પર્વે તપસ્વીઓની ભવ્ય શોભાયાત્રા

ભીલાડમાં પર્યુષણ પર્વની ધાર્મિક ભાવના અને ભક્તિમય વાતાવરણમાં ઉજવણી કરવામાં આવી હતી. વહેલી સવારે પ્રભુજીના દ્વાર ખોલવાનો પાવન લાભ પદ્માવતી અમૃતલાલજી કિતાવત પરિવાર દ્વારા લેવામાં આવ્યો હતો. ત્યારબાદ તપસ્વીઓ સાથે ભગવાનની પાલખીયાત્રા તથા તપસ્વીઓની શોભાયાત્રા નીકળી હતી.પાલખીયાત્રામાં જૈન સમાજના મોટી સંખ્યામાં શ્રાવક-શ્રાવિકાઓ જોડાયા હતા. ગુરુમહારાજના આશીર્વાદથી સમગ્ર વાતાવરણ ભક્તિમય બની ગયું હતું. યાત્રા દરમિયાન જૈનં જયતિ શાસન તથા ત્રિશલા નંદન વીરની, જય બોલો મહાવીરની જેવા જયઘોષથી ભીલાડ નગર ગુંજી ઉઠયું હતું. શ્રાદ્ધાળુઓએ ભગવાનની પાલખીયાત્રામાં ભક્તિભાવપૂર્વક ભાગ લીધો હતો. આ પ્રસંગે તમામ તપસ્વીઓની સુખ-શાતા પૂછી તેમની તપસ્યાની અનુમોદના કરવામાં આવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 16, 2026

Nvsari : વેજલપોર નજીક હાઈવેની બાજુમાં એક કિમીથી વધુ લાંબા ખાડા, સુરક્ષાનાં પગલાં લેવાયા નહીં

નવસારી હાઇવેના પરથાણ અને ધોળાપીપળા વચ્ચે ચાલી રહેલી રોડની કામગીરી દરમિયાન નેશનલ હાઇવે ઓથોરિટી (NHAI)અને સંબંધિત કોન્ટ્રાક્ટરની ઘોર બેદરકારી ઉજાગર થઈ છે. માર્ગની બાજુમાં અંદાજે એક કિલોમીટરથી વધુ લાંબો અને ઊંડો ખાડો ખોદી દેવામાં આવ્યો છે, પરંતુ તેની આસપાસ સુરક્ષાના કોઈ જ નક્કર પગલાં લેવામાં આવ્યા નથી. આશ્ચર્યની વાત તો એ છે કે, હાઇવે પર યોગ્ય બેરિકેડિંગ કે ચેતવણીરૂપ આધુનિક સાધનો મૂકવાને બદલે માત્ર 'દેશી પદ્ધતિ' અપનાવીને સિમેન્ટની ખાલી થેલીઓમાં કપચી ભરીને મૂકી દેવામાં આવી છે.અમદાવાદ-મુંબઈને જોડતા નવસારી હાઇવે પરથી દિવસભર હજારો નાના-મોટા વાહનો પુરપાટ ઝડપે દોડે છે. જો કોઈ વાહનચાલક રાત્રિના અંધકારમાં કે ભારે વરસાદમાં કાબૂ ગુમાવે તો આ કપચી ભરેલી થેલીઓ વાહનને ખાડામાં પડતા અટકાવવા માટે તદ્દન નકામી સાબિત થાય તેમ છે.એક તરફ્ વાહનચાલકો પાસેથી હાઇવે પરથી પસાર થવા માટે મસમોટો ટોલ ટેક્સ વસૂલવામાં આવે છે, તો બીજી તરફ્ ઓથોરિટી પાસે કામગીરી દરમિયાન રિફ્લેક્ટર લગાવેલા બેરિકેટ્સ કે લાઈટિંગ જેવી પ્રાથમિક સુવિધાઓ પણ ઉપલબ્ધ નથી. ચોમાસાના દિવસોમાં રાત્રિના સમયે વિઝિબિલિટી ઓછી હોવાના કારણે આ બેદરકારીભરી કામગીરી ટૂ-વ્હીલર અને કારચાલકો માટે 'મોતનો કૂવો' સાબિત થઈ શકે તેવી હોવાથી સ્થાનિક લોકોમાં ભારે આક્રોશ છે. જો કોઈ ગમખ્વાર અકસ્માત સર્જાશે, તો શું હાઈવે ઓથોરિટી આ બાબત સ્વીકારશે..ગુજરાતના વધુ સમાચાર વાંચવા માટે ક્લિક કરો

Read Full Story arrow_forward