android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Weather News : ગુજરાતમાં ઠંડીએ કરી જમાવટ, ઉત્તર પૂર્વીય પવનો ફૂંકાતા ઠંડીનો ચમકારો વધ્યો
calendar_today January 3, 2026

Weather News : ગુજરાતમાં ઠંડીએ કરી જમાવટ, ઉત્તર પૂર્વીય પવનો ફૂંકાતા ઠંડીનો ચમકારો વધ્યો

અમદાવાદમાં 15.3, ગાંધીનગરમાં 13.5 ડિગ્રી, ડીસામાં 13.3, વડોદરામાં 16.8 ડિગ્રી, ભુજમાં 13, કંડલામાં 12.1 ડિગ્રી તાપમાન, અમરેલીમાં 13.5 ,રાજકોટમાં 14 ડિગ્રી તાપમાન, કેશોદમાં 13.7, સુરેન્દ્રનગરમાં 14.2 ડિગ્રી તાપમાન નોંધાયું છે. શિયાળો જમાવટ કરશે અમદાવાદ અને ગાંધીનગર જેવા મહાનગરોમાં પણ ઠંડીનો ચમકારો વધશે. હવામાન વિભાગના મતે, આ બંને શહેરોમાં લઘુતમ તાપમાન 15 ડિગ્રીથી નીચે જવાની પૂરેપૂરી શક્યતા છે, જેના કારણે વહેલી સવારે અને મોડી રાત્રે કડકડતી ઠંડીનો અહેસાસ થશે. વાતાવરણમાં ભેજ અને પવનોની ગતિ બદલાતા સમગ્ર રાજ્યમાં ઠંડીનું મોજું ફરી વળશે. નાગરિકોને ઠંડીથી બચવા જરૂરી સાવચેતી રાખવા અને ગરમ વસ્ત્રો તૈયાર રાખવા સૂચના આપવામાં આવી છે. ઉત્તરાખંડ, હિમાચલ પ્રદેશ અને જમ્મુ અને કાશ્મીરમાં વરસાદ અને હિમવર્ષા થવાની સંભાવના હવામાન વિભાગ અનુસાર 3 જાન્યુઆરી, 2026ના રોજ ઉત્તરાખંડ, હિમાચલ પ્રદેશ અને જમ્મુ અને કાશ્મીરમાં વરસાદ અને હિમવર્ષા થવાની સંભાવના છે. હિમાચલ પ્રદેશના મનાલી, ડેલહાઉસી અને લાહૌલ ખીણમાં હિમવર્ષા થવાની સંભાવના છે. ઉત્તરાખંડના દેહરાદૂન, નૈનિતાલ અને અલ્મોડામાં પણ વરસાદની સંભાવના છે. આ પણ વાંચો : Gujarat Latest News Live : 1500 કરોડના જમીન સ્કેમ મામલે સુરેન્દ્રનગરના તત્કાલીન કલેક્ટરની ધરપકડ

Read Full Story arrow_forward
Patan: જિલ્લામાં 315 કરોડની નિઃશુલ્ક સારવાર
calendar_today January 3, 2026

Patan: જિલ્લામાં 315 કરોડની નિઃશુલ્ક સારવાર

પાટણ જિલ્લાને આરોગ્ય ક્ષેત્રે પ્રધાનમંત્રી જન આરોગ્ય યોજના (PMJAY - આયુષ્માન ભારત) દ્વારા એક મજબૂત સુરક્ષા કવચ મળ્યું છે. ગરીબ અને મધ્યમ વર્ગના કલ્પનાને સાકાર કરતી આ યોજના વર્ષ 2018થી પાટણ જિલ્લામાં સફ્ળતાપૂર્વક અમલમાં છે અને ગરીબ તથા મધ્યમ વર્ગના પરિવારોને મોંઘી સારવારના ખર્ચથી મુક્તિ અપાવી રહી છે. જિલ્લા પંચાયત પાટણની આરોગ્ય શાખા દ્વારા અમલમાં મૂકાયેલી આ યોજના અંતર્ગત વર્ષ 2018થી અત્યાર સુધી સમગ્ર જિલ્લામાં 1 લાખ 28 હજારથી વધુ દર્દીઓએ વિવિધ સારવાર પેકેજ હેઠળ લાભ મેળવ્યો છે જેમાં કુલ મળીને રૂ. 3 અબજ 15 કરોડથી વધુની સારવાર નિઃશુલ્ક આપવામાં આવી છે. આ આંકડા યોજનાની વ્યાપકતા અને અસરકારકતાને સ્પષ્ટ રીતે દર્શાવે છે. પાટણ જિલ્લામાં વર્ષ 2025 દરમિયાન પણ યોજનાનો વ્યાપ સતત વધતો રહ્યો છે. વર્ષ 2025 માં અત્યાર સુધીમાં 72,786 લાભાર્થીઓને આયુષ્માન કાર્ડનું વિતરણ કરવામાં આવ્યું છે. આ કાર્ડના માધ્યમથી 48 કરોડ રૂપિયાથી વધુની સારવારનો લાભ જિલ્લાવાસીઓને મળી ચૂક્યો છે. યોજનાને વધુ સમાવેશક બનાવવા માટે 70 વર્ષથી ઉપરના વડીલો માટે વયવંદના યોજના અંતર્ગત વિશેષ કાર્ડ આપવામાં આવી રહ્યા છે. તેના ભાગરૂપે પાટણ જિલ્લામાં અત્યાર સુધી 57,554 વડીલોને આયુષ્માન કાર્ડ આપવામાં આવ્યા છે. આ ઉપરાંત સરકારી કર્મચારીઓના પેન્શનરોને પણ આ યોજનાનો લાભ આપવા માટે કાર્ડ વિતરણની કામગીરી ચાલુ છે. ગરીબ માટે મની પોકેટ બચાવતી યોજના આ યોજના હેઠળ ગરીબ પરિવારના સભ્યોને દેશની સારી અને પ્રતિષ્ઠિત ખાનગી તથા સરકારી હોસ્પિટલોમાં નિઃશુલ્ક સારવાર મળી રહી છે. પરિણામે મોંઘી સારવાર માટે ઘરેણાં વેચવા કે દેવામાં ફ્સાવાની સ્થિતિમાંથી અનેક પરિવારો બચી રહ્યા છે. પાટણ જિલ્લામાં PMJAY યોજના માત્ર એક સરકારી યોજના નહીં પરંતુ આરોગ્ય ક્ષેત્રે ગરીબો માટે જીવનરેખા બની છે. આ યોજનાની સફ્ળતા જનજાગૃતિનું ઉત્તમ ઉદાહરણ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Patan: રણાસણ ગામે તળાવ ઓવરફ્લો થતા સ્કૂલ પાસે પાણી ભરાયું
calendar_today January 3, 2026

Patan: રણાસણ ગામે તળાવ ઓવરફ્લો થતા સ્કૂલ પાસે પાણી ભરાયું

ચાણસ્મા તાલુકાના રણાસણ ગામમાં રોડ પર આવેલ તળાવમાં સુજલામ સુફ્લામ યોજના અંતર્ગત ઠાલવવામાં આવતું પાણીને લઈને તળાવ ઓવરફ્લો થતા તેનું પાણી રોડ પર થઈને શાળા પાસે ફરી વળ્યુ છે. જે બાબતે પંચાયત તંત્ર દ્વારા વિસનગર ખાતેને કચેરીમાં જાણ કરતા પાણી બંધ કરી દેવામાં આવ્યું હોવાનું કચેરીના આધારભૂત સૂત્રો પાસેથી જાણવા મળ્યું હતું. શિયાળાની સિઝનમાં ખેડુતો દ્વારા કરવામાં આવતાં રવી પાકોના વાવેતર દરમિયાન પિયત માટે સરકાર દ્વારા સુજલામ સુફ્લામ યોજના અંતર્ગત પાણી પાઈપલાઈન મારફ્તે ગામના તળાવોમાં ઠાલવવામાં આવે છે જેનો સિધો લાભ ખેડૂતોને મળી રહે તે માટે જેને લઈ રણાસણ ગામે પણ સુજલામ સુફ્લામ યોજના અંતર્ગત તળાવમાં પાણી ઠાલવતાં તળાવ ઓવરફ્લો થવા પામ્યું હતું અને પાણી રસ્તા પરથી સ્કૂલ તરફ્ ઘસી આવતાં તાત્કાલિક સ્થાનિક પંચાયત દ્વારા કચેરી ખાતે જાણ કરાઈ હતી. આ બાબતે સુજલામ સુફ્લામ યોજનાની કચેરીના સુત્રોએ જણાવ્યું હતું કે તળાવ ભરાતાં પાણી બંધ કરી દેવાય છે પરંતુ કોઈ વ્યક્તિ દ્વારા વાલ્વ ખોલી નાંખતા પાણી આવતું હોય છે જેની હવે તપાસ કરાશે અને હાલમાં પાણી બંધ કરી દેવાયું છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward