Dahod:યુરીયા ખાતરની બેગના નિયત ભાવ કરતાં વધુ લેવાતાં હોવાનો આક્ષેપ
દાહોદ જિલ્લામાં ચોમાસુ પાક લણવાની તૈયારી ચાલી રહી હતી, તે દરમિયાન આકસ્મિક માવઠું થતાં અનેક ખેડૂતોના ઊભા પાકને ભારે નુકસાન પહોંચ્યું હતું. જે બાદ પણ ખેડૂતોએ ફરીથી શિયાળુ પાકમાં ઘઉં અને ચણાનું વાવેતર કર્યું છે. પાક સારો થાય તે હેતુથી ખેડૂતોએ પાણીની વ્યવસ્થા કરી, ખાતરનો પૂરતો ઉપયોગ કરવાની તૈયારી પણ કરી હતી. પરંતુ આ સંવેદનશીલ સમયગાળા દરમિયાન ખાતરની અછતનો લાભ લઈ કેટલાક એગ્રો સંચાલકો ખેડૂતોની મજબૂરીનો ખોટો ફાયદો ઉઠાવી રહ્યા હોવાની ગંભીર ફરીયાદો સામે આવી છે.દાહોદ જિલ્લાના સુખસર તાલુકામાં એગ્રો સંચાલકો બેફમ બન્યા હોવાના આક્ષેપો ઉઠયા છે. ખેડૂતોને જરૂરી પ્રમાણમાં ખાતર મળતું નથી, એટલું જ નહીં પરંતુ સરકાર દ્વારા નક્કી કરેલા નિયત ભાવ કરતાં ઘણી વધારે વસૂલાત કરવામાં આવી રહી છે. યુરિયા ખાતરની 45 કિલોની એક બેગનો નિયત ભાવ રૂા.266.50 હોવા છતાં ખેડૂતો પાસેથી રૂા.360થી લઈને રૂા.500 સુધી વસૂલવામાં આવી રહ્યા હોવાની ફરીયાદો વધી રહી છે. ખેડૂતોનું કહેવું છે કે, એગ્રો સેન્ટરોમાં આધારકાર્ડ અને ફ્ગિંરપ્રિન્ટ દ્વારા નોંધણી કરીને પણ તેમને એક જ બેગ ખાતર આપવામાં આવે છે, જ્યારે વધુ થેલીઓની માંગણી કરવામાં આવે ત્યારે એગ્રો સંચાલકો ગલ્લાતલ્લા કરે છે. વધુમાં, ખાતર સાથે ઝીંક જેવી વસ્તુઓ જબરજસ્તી આપવામાં આવી રહી છે, જે ખેડૂતોને જરૂરી ન હોવા છતાં ખરીદવા મજબૂર કરવામાં આવે છે. પરિણામે ખેડૂતોને બમણો આર્થિક ભાર સહન કરવો પડે છે. ખેડૂતોને ઝીંક આપવું ફરજિયાત નથી : ખેતીવાડી અધિકારી આ મુદ્દે જિલ્લા ખેતીવાડી અધિકારી સી.એમ. પટેલે સ્પષ્ટતા કરતા જણાવ્યું હતું કે, જો ખેડૂત ફ્ક્ત ખાતર માંગે તો માત્ર ખાતર જ આપવાનું હોય છે. ખાતર સાથે ઝીંક આપવી ફરજિયાત નથી. તેમજ નિયત ભાવ કરતાં વધુ ભાવની વસૂલાત સામે કહ્યું કે, જો ખેડૂતો તરફ્થી લેખિત રજૂઆત મળશે તો એગ્રો સેન્ટરની મુલાકાત લઈને નિયમો અનુસાર કડક કાર્યવાહી કરવામાં આવશે ગુજરાતના વધુ સમાચાર વાંચવા માટે ક્લિક કરો
Read Full Story arrow_forward