android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surendranagar: સાયલામાં નીલગાયનો શિકાર કરી માંસ વેચવાનું કૌભાંડ ઝડપાયું, ફોરેસ્ટ વિભાગે બે કસાઈઓને દબોચ્યા
calendar_today January 2, 2026

Surendranagar: સાયલામાં નીલગાયનો શિકાર કરી માંસ વેચવાનું કૌભાંડ ઝડપાયું, ફોરેસ્ટ વિભાગે બે કસાઈઓને દબોચ્યા

સાયલા તાલુકાના ગ્રામ્ય વિસ્તારોમાં વન્ય પ્રાણીઓના શિકારની ગંભીર ઘટના સામે આવી છે. સરકાર દ્વારા રક્ષિત જાહેર કરાયેલ નીલગાયનો શિકાર કરી તેના માંસનો વેપલો કરતી ટોળકીનો સાયલા ફોરેસ્ટ વિભાગે પર્દાફાશ કર્યો છે. સેજકપર ગામની સીમમાં મોડી રાત્રે પાડવામાં આવેલા દરોડામાં બે શિકારીઓ ઝડપાયા છે, જ્યારે અન્ય ત્રણ અંધારાનો લાભ લઈ નાસી છૂટવામાં સફળ રહ્યા હતા. વન્ય પ્રાણીઓના શિકારની ગંભીર ઘટનાસામાજિક વનીકરણ વિભાગના RFO સાગર મકવાણા, ભવાનીસિંહ જાદવ અને નોર્મલ વિભાગના સ્ટાફને બાતમી મળી હતી કે સેજકપરની સીમમાં નીલગાયનો શિકાર થઈ રહ્યો છે. આ બાતમીના આધારે ટીમે વોચ ગોઠવી હતી. દરોડા દરમિયાન શિકારીઓમાં નાસભાગ મચી ગઈ હતી. વન વિભાગે સ્થળ પરથી હનીફ ઇબ્રાહિમ સંધી (રહે. મિરઝાપુર, અમદાવાદ) અને જુનૈદ અહેમદ કુરેશી (રહે. જુના દેલવાડા, મહેસાણા) ને ઝડપી પાડ્યા હતા.બંદૂકથી ફાયરિંગ અને ક્રૂરતાની પરાકાષ્ઠાતપાસમાં બહાર આવ્યું છે કે, આ ટોળકી પહેલા બંદૂકથી નીલગાય પર ફાયરિંગ કરી તેને મારી નાખતી હતી. ત્યારબાદ ધારદાર છરા અને સળિયા જેવા હથિયારોથી તેના અંગો અલગ કરી માંસ તૈયાર કરવામાં આવતું હતું. વન વિભાગે ઘટનાસ્થળેથીએક કાર અને એક બાઇક, નીલગાયના માંસનો જથ્થો, ધારદાર છરા અને લોખંડના સળિયા જપ્ત કર્યા છે.રિકન્સ્ટ્રક્શન અને કડક કાર્યવાહીવન વિભાગ દ્વારા ઝડપાયેલા આરોપીઓને ઘટનાસ્થળે લઈ જઈ ગુનાનું રિકન્સ્ટ્રક્શન કરવામાં આવ્યું હતું. પશુ ચિકિત્સકો દ્વારા મૃત નીલગાયના અવશેષોનું પોસ્ટમોર્ટમ કરી નમૂના ફોરેન્સિક લેબ (FSL) માં મોકલવામાં આવ્યા છે. વન્યજીવ સંરક્ષણ અધિનિયમ હેઠળ ગુનો નોંધી આરોપીઓના રિમાન્ડની માંગણી કરવામાં આવી છે.આ પણ વાંચો: વિશ્વાસઘાત કરી ફરાર થયેલો આરોપી અંતે પોલીસના સકંજામાં, વેજલપુર પોલીસને સોંપાયો

Read Full Story arrow_forward
Anandના ઉમરેઠમાં ગંભીર બેદરકારી: પ્લેટિનિયમ પ્લાઝા સામે જાહેરમાં મેડિકલ વેસ્ટનો ખડકલો
calendar_today January 2, 2026

Anandના ઉમરેઠમાં ગંભીર બેદરકારી: પ્લેટિનિયમ પ્લાઝા સામે જાહેરમાં મેડિકલ વેસ્ટનો ખડકલો

ઉમરેઠ શહેરના પ્લેટિનિયમ પ્લાઝા શોપિંગ સેન્ટર સામે આવેલા કાંસમાં અજાણ્યા શખ્સો દ્વારા ગંભીર પ્રકારનો મેડિકલ વેસ્ટ ખુલ્લેઆમ ફેંકી દેવામાં આવતા સ્થાનિકોમાં ભારે રોષ અને ફફડાટ જોવા મળી રહ્યો છે. નિયમોના ધજાગરા ઉડાવતી આ ઘટનાએ જાહેર આરોગ્ય સામે મોટું જોખમ ઊભું કર્યું છે. જાહેરમાં ફેંકાયેલા આ કચરામાં વપરાયેલી સોય (નીડલ્સ), ઇન્જેક્શનની બોટલો અને પ્લાસ્ટિકની પાઇપો જેવા જોખમી તબીબી સાધનોનો સમાવેશ થાય છે.સરકારની કડક ગાઇડલાઇનની અવગણના  સામાન્ય રીતે, મેડિકલ વેસ્ટનો નિકાલ સરકારની કડક ગાઇડલાઇન મુજબ કરવાનો હોય છે, પરંતુ અહીં તેની ઘોર અવગણના કરવામાં આવી છે. કાંસમાં પડેલો આ કચરો માત્ર રોગચાળો જ નહીં, પરંતુ રખડતા પશુઓ માટે પણ જીવલેણ સાબિત થઈ શકે છે. રાહદારીઓ અને દુકાનદારોના જણાવ્યા મુજબ, ખુલ્લામાં પડેલી સોયથી ચેપ લાગવાનો મોટો ડર છે. વળી, વરસાદી પાણીના નિકાલ માટેના કાંસમાં આવો કચરો હોવાથી પાણી દૂષિત થઈ રહ્યું છે. સ્થાનિકોની માંગ અને તંત્રની જવાબદારીસ્થાનિકોએ માંગ કરી છે કે: તંત્ર તાત્કાલિક ધોરણે આ વેસ્ટ દૂર કરે, આસપાસના CCTV ફૂટેજ તપાસીને જવાબદાર હોસ્પિટલ કે લેબોરેટરીની ઓળખ કરવામાં આવે અનેદોષિતો સામે કડક દંડનાત્મક કાર્યવાહી કરવામાં આવે. આ પ્રકારની બેદરકારી આખા શહેરના સ્વાસ્થ્યને જોખમમાં મૂકી શકે છે, તેથી તંત્ર આ મામલે કેટલી ઝડપી કાર્યવાહી કરે છે તે જોવું રહ્યું. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gandhinagar: મુખ્યમંત્રી જ્ઞાન સાધના મેરીટ સ્કોલરશીપ યોજના અંતર્ગત રજીસ્ટ્રેશન અને ચોઈસ ફીલિંગની અંતિમ તક
calendar_today January 2, 2026

Gandhinagar: મુખ્યમંત્રી જ્ઞાન સાધના મેરીટ સ્કોલરશીપ યોજના અંતર્ગત રજીસ્ટ્રેશન અને ચોઈસ ફીલિંગની અંતિમ તક

શિક્ષણ વિભાગ દ્વારા તેજસ્વી વિદ્યાર્થીઓને પ્રોત્સાહન આપવા માટે અમલી 'મુખ્યમંત્રી જ્ઞાન સાધના મેરીટ સ્કોલરશીપ યોજના' અંતર્ગત વર્ષ ૨૦૨૫-૨૬ માટેની ખાલી પડેલી જગ્યાઓ ભરવા માટે મહત્વનો નિર્ણય લેવામાં આવ્યો છે. રાજ્ય પરીક્ષા બોર્ડ દ્વારા લેવાયેલ પરીક્ષામાં ઉત્તીર્ણ થયેલા પરંતુ રજીસ્ટ્રેશન પ્રક્રિયામાં બાકી રહી ગયેલા વિદ્યાર્થીઓ માટે પોર્ટલ પુન: ખુલ્લું મૂકવામાં આવ્યું છે. રજીસ્ટ્રેશન કે ચોઈસ ફીલિંગ બાકી હોય તેવા વિદ્યાર્થીઓ અરજી કરી શકશે જે વિદ્યાર્થીઓએ તા. 12 એપ્રિલ 2025 ના રોજ લેવામાં આવેલી પરીક્ષા આપી હોય, પ્રથમ કામચલાઉ (Provisional) મેરીટ યાદીમાં સમાવેશ થયો હોય, પરંતુ પ્રથમ ફાઈનલ મેરીટ યાદીમાં જે વિદ્યાર્થીઓને સમાવેશ થયો નથી અને રજીસ્ટ્રેશન કે ચોઈસ ફીલિંગની કામગીરી બાકી રહી ગઈ હોય તેવા વિદ્યાર્થીઓ આ યોજના અંતર્ગત રજીસ્ટ્રેશન કરાવી શકે છે. વેબસાઈટ પર ઓનલાઈન અરજી કરી શકાશે શિક્ષણ વિભાગના આ નિર્ણયથી રાજ્યના અનેક તેજસ્વી વિદ્યાર્થીઓને આર્થિક સહાય મેળવવાની વધુ એક તક પ્રાપ્ત થશે. 'મુખ્યમંત્રી જ્ઞાન સાધના મેરીટ સ્કોલરશીપ યોજના અંતર્ગત કુલ 25000 તેજસ્વી વિદ્યાર્થીઓને સ્કોલરશીપ આપવાનું લક્ષ્ય છે, જેમાં ખાલી રહેલી બેઠકોમાં આ પ્રક્રિયા દ્વારા વિદ્યાર્થીઓ અરજી કરી શકશે. આગામી તા.15 જાન્યુઆરી 2026 સુધી http://gssyguj.in વેબસાઈટ પર ઓનલાઈન અરજી કરી શકાશે. જરૂરી આધાર-પુરાવા અપલોડ કરવાના રહેશે પાત્રતા ધરાવતા વિદ્યાર્થીઓએ નિયત સમયમર્યાદામાં વેબસાઈટ પર ઓનલાઈન રજીસ્ટ્રેશન કરી જરૂરી આધાર-પુરાવા અપલોડ કરવાના રહેશે. રજીસ્ટ્રેશન માટેની વિગતવાર માર્ગદર્શિકા અને સૂચનાઓ વેબસાઈટ પર ઉપલબ્ધ કરવામાં આવી છે. વિદ્યાર્થીઓ અને વાલીઓએ આ અંગેની અપડેટ્સ મેળવવા માટે સમયાંતરે પોર્ટલની મુલાકાત લેવાની રહેશે તેમ શિક્ષણ વિભાગની યાદીમાં જણાવવામાં આવ્યું છે. આ પણ વાંચો: Gandhinagar: મહાત્મા મંદિર ખાતે GSRTCનો નિમણૂંક પત્ર એનાયત સમારોહ, 4,700થી વધુ યુવાનોને મળી નોકરી

Read Full Story arrow_forward