Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Ahmedabad News: શહેરમાં ભારે વરસાદની આગાહીને લઈ સ્કૂલોમાં રજા જાહેર, AMTSના રૂટ ડાયવર્ટ કરાયા

અમદાવાદ, સુરત અને કચ્છ સહિતના વિસ્તારોમાં ભારે વરસાદ શરૂ થયો છે. અમદાવાદ શહેરમાં ભારે વરસાદ બાદ રોડ અને રસ્તા પર પાણી ભરાઈ જવાને કારણે પરિમલ, શાહિબાગ, અખબારનગર અને મકરબા અંડરપાસ વાહનવ્યવહાર માટે બંધ કરી દેવાયા છે. જ્યારે વાસણા બેરેજના 14 દરવાજા ખોલાયા છે.બીજી તરફ સ્કૂલોમાં પણ સ્વૈચ્છિક રીતે રજા આપવા માટે શિક્ષણ અધિકારીએ સૂચના આપી છે.  શિક્ષણ અધિકારીએ સ્કૂલોને આદેશ આપ્યોઅમદાવાદ શહેરમાં વહેલી સવારથી જ મેઘરાજાએ જોરદાર બેટિંગ કરવાના કારણે જનજીવન પ્રભાવિત થયું છે.ભારે વરસાદ અને પાણી ભરાવાની સમસ્યાને ધ્યાનમાં રાખીને તંત્ર દ્વારા સાવચેતીના વિવિધ પગલાં લેવામાં આવ્યા છે. શહેરમાં સતત વરસી રહેલા ભારે વરસાદ અને નીચાણવાળા વિસ્તારોમાં પાણી ભરાવાની સ્થિતિને જોતાં સ્કૂલ સંચાલકો દ્વારા સ્વૈચ્છિક રીતે શાળાઓમાં રજા જાહેર કરવામાં આવી છે.અગાઉ જિલ્લા શિક્ષણાધિકારી દ્વારા શાળાઓને સૂચન કરવામાં આવ્યું હતું કે તેઓ સ્થાનિક પરિસ્થિતિનું મૂલ્યાંકન કરીને રજા બાબતે સ્વતંત્ર નિર્ણય લઈ શકે છે. વિદ્યાર્થીઓને સમયસર જાણ કરવા પણ નિર્દેશઅમદાવાદ પૂર્વ અને પશ્ચિમ DEO દ્વારા શાળાઓને સ્પષ્ટ આદેશ અપાયા છે કે વિદ્યાર્થીઓની સુરક્ષાને સર્વોચ્ચ પ્રાથમિકતા આપવી.પરિસ્થિતિ મુજબ શાળા ચાલુ કે બંધ રાખવાનો નિર્ણય લઈને વાલીઓ અને વિદ્યાર્થીઓને સમયસર જાણ કરવા પણ નિર્દેશ કરવામાં આવ્યા છે. શહેરમાં ખાબકેલા ભારે વરસાદને કારણે અનેક વિસ્તારોમાં ઝાડ પડવાના બનાવો સામે આવ્યા છે.જેમાં બોડકદેવ, શાસ્ત્રીનગર, પ્રગતિનગર,નવરંગપુરા અને કેશવબાગ વિસ્તારમાં વૃક્ષો ધરાશાયી થયા હોવાના અહેવાલ છે.રસ્તાઓ પર પડેલાં વૃક્ષોને હટાવીને ટ્રાફિક વ્યવને પૂર્વવત કરવા માટે ફાયર વિભાગની ટીમો દ્વારા યુદ્ધના ધોરણે કાર્યવાહી હાથ ધરવામાં આવી છે. ફાયર વિભાગને સંપૂર્ણપણે એલર્ટ રહેવા આદેશઆગામી સમયની સ્થિતિને જોતાં તંત્ર દ્વારા ફાયર વિભાગને સંપૂર્ણપણે એલર્ટ રહેવા આદેશ કરાયો છે. ભારે વરસાદને કારણે પાણી ભરાઈ જવાની સ્થિતિમાં શહેરના ચાર અંડર પાસ બંધ કરવામાં આવ્યા છે. અખબારનગર, મકરબા, પરિમલ અને શાહિબાગ અંડરપાસ બંધ કરાયો છે. જ્યારે શહેરમાં ભરાયેલું પાણી વહેલી તકે ઓસરી જાય તે માટે વાસણા બેરેજના 14 દરવાજા ખોલી નાંખવામાં આવ્યા હતાં. આ પણ વાંચોઃ Ahmedabad News: ગાંધીગ્રામનું ટર્મિનલ બદલાયું હવે સાબરમતીથી પ્રયાગરાજ ટ્રેન દોડશે

Read Full Story arrow_forward

calendar_today September 18, 2026

Pune Ganpati Bappa: ચોકલેટ બાદ હવે પાણીપુરીના બાપ્પા, પુણેમાં અનોખી ગણપતિ પ્રતિકૃતિ જોવા ઉમટી ભીડ, Video

દર વર્ષે લોકો કંઈક નવું અને અલગ કરવાનો પ્રયાસ કરે છે. આ વખતે પુણેમાં પાણીપુરીથી તૈયાર કરવામાં આવેલી ગણપતિ બાપ્પાની વિશાળ અને અનોખી પ્રતિકૃતિ ચર્ચાનું કેન્દ્ર બની છે. પાણીપુરી જેવી નાજુક વસ્તુમાંથી ગણપતિ બાપ્પાનું આટલું સુંદર સ્વરૂપ તૈયાર કરવું સરળ કામ નહોતું. આ માટે આયોજકો અને કલાકારોએ લગભગ ત્રણ મહિના સુધી સતત મહેનત કરી હતી.આ અનોખી પ્રતિકૃતિ તૈયાર કરવા માટે લગભગ 21 હજાર પાણીપુરીનો ઉપયોગ કરવામાં આવ્યો છે. પાણીપુરીને ખાસ રીતે એકબીજા સાથે ગોઠવીને ગણપતિ બાપ્પાનું સ્વરૂપ તૈયાર કરવામાં આવ્યું છે. પ્રતિકૃતિની સુંદરતા અને તેની પાછળ કરવામાં આવેલી મહેનત વિશે જાણ થતાં જ લોકો અહીં દર્શન માટે પહોંચવા લાગ્યા છે. બાળકો હોય કે યુવાનો, દરેકમાં પાણીપુરીથી બનેલા બાપ્પાને જોવા માટે ખાસ ઉત્સાહ જોવા મળી રહ્યો છે. લોકો અહીં આવીને પ્રતિમા સાથે તસવીરો અને વીડિયો પણ બનાવી રહ્યા છે. આ અનોખી ગણપતિ પ્રતિકૃતિની ચર્ચા માત્ર પુણે પૂરતી મર્યાદિત રહી નથી. આયોજકોના જણાવ્યા અનુસાર, મુંબઈથી પણ કેટલાક લોકો ખાસ પાણીપુરીવાળા બાપ્પાના દર્શન કરવા માટે અહીં પહોંચ્યા છે.પાણીપુરીને સુરક્ષિત રાખવી પણ મોટો પડકારપાણીપુરીથી ગણપતિ બાપ્પાની પ્રતિકૃતિ તૈયાર કર્યા બાદ તેને લાંબા સમય સુધી યોગ્ય સ્થિતિમાં જાળવી રાખવી પણ એક મોટો પડકાર છે. પાણીપુરીને લાંબા સમય સુધી સામાન્ય સ્થિતિમાં રાખવી મુશ્કેલ હોય છે. ખાસ કરીને ભેજ અને વાતાવરણમાં થતા ફેરફારને કારણે પાણીપુરી નરમ પડી શકે છે.આ સમસ્યાથી બચવા માટે પ્રતિકૃતિની આસપાસ હેલોજન લાઇટ્સ લગાવવામાં આવી છે. આ લાઇટ્સથી આસપાસનું વાતાવરણ ગરમ રાખવામાં આવે છે, જેથી પાણીપુરીમાં ભેજની અસર ઓછી થાય અને તે નરમ ન પડે. આ રીતે ગણપતિ બાપ્પાની અનોખી પ્રતિકૃતિને તેની હાલની સ્થિતિમાં જાળવી રાખવાનો પ્રયાસ કરવામાં આવી રહ્યો છે.આસ્થા સાથે સર્જનાત્મકતાનો સંગમગણેશોત્સવ દરમિયાન અલગ-અલગ વસ્તુઓમાંથી ગણપતિ બાપ્પાની પ્રતિમાઓ અને પ્રતિકૃતિઓ બનાવવાનો ટ્રેન્ડ લોકોનું સતત ધ્યાન ખેંચી રહ્યો છે. પુણેમાં અગાઉ ચોકલેટથી બનાવવામાં આવેલા ગણપતિ બાપ્પા પણ ચર્ચામાં રહ્યા હતા. હવે 21 હજાર પાણીપુરીથી તૈયાર કરવામાં આવેલા બાપ્પાએ લોકોમાં ઉત્સુકતા વધારી છે.આ પ્રતિકૃતિમાં ધાર્મિક આસ્થા સાથે સર્જનાત્મકતાનો અનોખો સંગમ જોવા મળી રહ્યો છે. દર્શન કરવા આવતા લોકો માટે પણ આ એક અલગ અનુભવ બની રહ્યો છે. ખાસ કરીને બાળકો અને યુવાનોમાં તેને લઈને ભારે ઉત્સાહ જોવા મળી રહ્યો છે.પાણીપુરીથી તૈયાર કરાયેલા આ ગણપતિ બાપ્પાએ ફરી એકવાર બતાવ્યું છે કે ગણેશોત્સવ દરમિયાન ભક્તિ સાથે સર્જનાત્મકતાના નવા પ્રયોગો પણ લોકોને આકર્ષી શકે છે. ચોકલેટથી લઈને પાણીપુરી સુધી, બાપ્પાના અલગ-અલગ સ્વરૂપો તહેવારની ઉજવણીમાં નવી રંગત ઉમેરે છે. હાલ પુણેમાં 21 હજાર પાણીપુરીથી તૈયાર કરવામાં આવેલી આ અનોખી ગણપતિ પ્રતિકૃતિ લોકો માટે આકર્ષણનું કેન્દ્ર બની છે.

Read Full Story arrow_forward

calendar_today September 18, 2026

તહેવારો પહેલા Railway કર્મચારીઓ માટે ખુશખબર, ₹18,000 થી વધીને ₹53,000 સુધી વધી શકે છે બોનસ!

તહેવારોની સિઝન નજીક આવતાની સાથે જ દેશભરના રેલવે કર્મચારીઓ માટે એક ખૂબ જ મહત્વપૂર્ણ અને ખુશામતભર્યા સમાચાર સામે આવ્યા છે. આ વર્ષે રેલવે કર્મચારીઓના વાર્ષિક બોનસની રકમમાં તીવ્ર વધારો થવાની સંભાવના છે. કર્મચારી સંગઠનો દ્વારા બોનસની રકમ ₹17,951 થી વધારીને ₹53,855 કરવાની સત્તાવાર દરખાસ્ત રજૂ કરવામાં આવી છે, જેને લઈને આગામી 21 સપ્ટેમ્બરે મોટી તૈયારીઓ ચાલી રહી છે.બોનસ વધારવા પાછળનું મુખ્ય કારણછેલ્લા 10 વર્ષોથી રેલવે કર્મચારીઓને ઉત્પાદકતા સાથે જોડાયેલ બોનસ (PLB) ની ગણતરી માટે લઘુત્તમ વેતન ₹7,000 માનવામાં આવતું હતું, જેના આધારે દર વર્ષે આશરે ₹17,951 ચૂકવવામાં આવતા હતા. પરંતુ હવે શ્રમ અને રોજગાર મંત્રાલય દ્વારા 25 ઓગસ્ટના રોજ જારી કરાયેલા ગેઝેટ નોટિફિકેશન મુજબ લઘુત્તમ વેતનમાં ફેરફાર કરવામાં આવ્યો છે.પૂર્વ મધ્ય રેલવે કર્મચારી સંઘ (ECREU) અને ભારતીય રેલવે કર્મચારી ફેડરેશન (IREF) નું માનવું છે કે જ્યારે સરકારે નવું લઘુત્તમ વેતન ₹21,000 નક્કી કર્યું છે, ત્યારે કર્મચારીઓના બોનસની ગણતરી પણ આ નવા વેતનના આધારે જ થવી જોઈએ. જો આ નિયમ લાગુ થાય તો કર્મચારીઓનું બોનસ ત્રણ ગણું વધીને સીધું ₹53,855 સુધી પહોંચી શકે છે.કર્મચારી સંઘોની સરકારને ચીમકીઆ મામલે ECREU દ્વારા કેન્દ્ર સરકાર અને કેબિનેટ સચિવને પત્ર લખીને ગણતરીની સ્પષ્ટતા સાથે માંગણી મૂકવામાં આવી છે. જો સરકાર દ્વારા આ અંગે સંતોષકારક પગલાં લેવામાં નહીં આવે, તો આગામી 21 સપ્ટેમ્બરે સંગઠનો દ્વારા ઉગ્ર રજૂઆતો અને વિરોધની તૈયારીઓ કરવામાં આવી રહી છે. દુર્ગા પૂજા અને દિવાળી જેવા મોટા તહેવારો પહેલા રેલવે કર્મચારીઓની આ માંગણી સ્વીકારાય છે કે નહીં, તે તરફ અત્યારે સમગ્ર દેશના લાખો કર્મચારીઓની નજર ટકેલી છે.આ પણ વાંચોઃ NEET Paper Leak: જામીન મળ્યા બાદ તિહાર જેલ બહાર હાઈ-વોલ્ટેજ ડ્રામા, મીડિયાથી બચીને ભાગ્યા સ્વતંત્ર ભારદ્વાજ!

Read Full Story arrow_forward