Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Ahmedabad News: પરિમલ, શાહિબાગ, અખબારનગર અને મકરબા અંડરપાસ બંધ, વાસણા બેરેજના 14 દરવાજા ખોલાયા

ગુજરાતમાં સવારે 10 વાગ્યા સુધીમાં પાંચ જિલ્લામાં ભારે વરસાદનું રેડ એલર્ટ જાહેર કરાયું છે. આ વિસ્તારોમાં પ્રતિ કલાક 15 મિલીમીટરથી વધુ વરસાદ પડવાની સંભાવના વ્યક્ત કરવામાં આવી છે. અમદાવાદ, સુરત અને કચ્છ સહિતના વિસ્તારોમાં ભારે વરસાદ શરૂ થયો છે. બીજી તરફ મોડી રાત્રે પણ ઉત્તર ગુજરાતના કેટલાક ભાગોમાં વરસાદ વરસ્યો હતો. શહેરમાં પરિમલ, શાહિબાગ, અખબારનગર અને મકરબા અંડરપાસ વાહનવ્યવહાર માટે બંધ કરી દેવાયા છે. જ્યારે વાસણા બેરેજના 14 દરવાજા ખોલાયા છે.અમદાવાદમાં વહેલી સવારથી વરસાદઆજે સવારથી જ અમદાવાદમાં કાળા ડિબાંગ વાદળો ઘેરાયા હતાં. શહેરમાં વહેલી સવારથી જ ધોધમાર ભારે વરસાદ ખાબકવાનું શરૂ થયું હતું. શહેરના બોડકદેવ, વસ્ત્રાપુર, ગોતા, એસજી હાઈવે સહિતના વિસ્તારોમાં ભારે વરસાદ શરૂ થયો હતો. વરસાદને કારણે અનેક જગ્યાએ પાણી ભરાઈ ગયા હતાં. જેના કારણે વાહનચાલકો અને ખાસ કરીને સ્કૂલે બાળકોને મુકવા જનારા વાલીઓને મુશ્કેલીનો સામનો કરવો પડ્યો છે. સામાન્ય વરસાદમાં જ સવારમાં જ લોકોને હાલાકી સર્જાઈ હતી. વીજળીના કડાકા ભડાકા સાથે અમદાવાદમાં વરસાદ ખાબક્યો છે. લાંબા વિરામ બાદ ખાબકેલા વરસાદને કારણે શહેરમાં ઠંડક પ્રસરી ગઈ હતી. સુરત અને કચ્છમાં પણ વરસાદબીજી તરફ સુરત શહેરમાં પણ કેટલાક વિસ્તારોમાં વરસાદ વરસ્યો હતો. શહેરના કતારગામ ,વેડ રોડ ,ડભોલી ,રાંદેર વિસ્તારમાં વરસાદ વરસ્યો હતો. ગાંધીનગરમા પણ વહેલી સવારથી કડાકા ભડાકા અને ભારે પવન સાથે વરસાદ ખબક્યો છે. કચ્છના રાપર પંથકમાં મેઘરાજાએ ધમાકેદાર બેટિંગ કરી છે, જ્યાં માત્ર એક જ કલાકમાં બે ઈંચ ધોધમાર વરસાદ ખાબકવાના કારણે રસ્તાઓ પર પાણી ફરી વળ્યા હતા અને નદીઓ વહેતી હોય તેવા દ્રશ્યો સર્જાયા હતા. આ ભારે વરસાદના પગલે બાદરગઢ, લોદ્રાણી, ગાગોદર તેમજ આડેસર, ભીમાસર, પલાંસવા અને ખડીર સહિતના વિસ્તારોમાં નદી-નાળામાં પાણીની ભારે આવક થઈ છે, જેનાથી સ્થાનિક જળસ્રોતોમાં વધારો થવાની સાથે ખેડૂતોના પાકને પણ મોટો ફાયદો થશે.આ પણ વાંચોઃ Gujarat Weather News: આજે સવારે 10 વાગ્યા સુધીમાં 5 જિલ્લામાં ભારે વરસાદનું રેડ એલર્ટ

Read Full Story arrow_forward

calendar_today September 18, 2026

Ahmedabad News: ગાંધીગ્રામનું ટર્મિનલ બદલાયું હવે સાબરમતીથી પ્રયાગરાજ ટ્રેન દોડશે

તહેવારો દરમિયાન મુસાફરોની વધતી ભીડને ધ્યાનમાં રાખીને પશ્ચિમ રેલવે દ્વારા ગુજરાતમાંથી ઉત્તર ભારતના વિવિધ શહેરો તરફ જતી 18 સ્પેશિયલ ટ્રેનોની સેવા લંબાવવામાં આવી છે.કેટલીક ટ્રેનોની ટ્રીપ નવેમ્બર સુધી વધારવામાં આવી છે.જ્યારે કેટલીક ટ્રેનોની વધારાની ટ્રીપ પણ શરૂ કરવામાં આવશે.ગાંધીગ્રામ ખાતે પ્લેટફોર્મની મર્યાદાને કારણે 04112 ગાંધીગ્રામ-પ્રયાગરાજ સ્પેશિયલ હવે 04180 સાબરમતી-પ્રયાગરાજ સ્પેશિયલ તરીકે દોડશે.નવી સેવા 4 ઓક્ટોબરથી 29 નવેમ્બર સુધી રહેશે.ગાંધીગ્રામનું ટર્મિનલ બદલાયું04111 પ્રયાગરાજ-ગાંધીગ્રામ હવે 04179 પ્રયાગરાજ-સાબરમતી તરીકે 3 ઓક્ટોબરથી 28નવેમ્બર સુધી દોડશે.04179 પ્રયાગરાજથી સાંજે 4 વાગ્યે ઉપડી બીજા દિવસે બપોરે 3.40 વાગ્યે સાબરમતી પહોંચશે.જ્યારે 04180 સાબરમતીથી સાંજે 5.45 વાગ્યે ઉપડશે.ફતેહપુરથી મહેસાણા વચ્ચેના સમય અને સ્ટોપેજમાં ફેરફાર નહીં થાય.પ્લેટફોર્મની મર્યાદાને કારણે 01906 આસારવા-કાનપુર સેન્ટ્રલ સ્પેશિયલના ટુંડલા,ફિરોઝાબાદ અને ઈટાવા સ્ટેશનના સમયમાં ફેરફાર કરાયો છે.આ ફેરફાર 6 ઓક્ટોબરથી અમલમાં આવશે.ગુજરાત સાથે જોડાયેલી આ વિસ્તૃત સ્પેશિયલ ટ્રેનોનું બુકિંગ 19 સપ્ટેમ્બર 2026થી તમામ પીઆરએસ કાઉન્ટર તથા આઈઆરસીટીસી (IRCTC) વેબસાઈટ પર શરૂ થશે.આ પ્રમાણે સ્પેશિયલ ટ્રેનો દોડાવાશેઉધના-આગ્રા કેન્ટ સ્પેશિયલ (09078) 25 નવેમ્બર 2026 સુધી અને પરત આગ્રા કેન્ટ-ઉધના (09077) 24 નવેમ્બર સુધી દોડશેઉધના-પ્રયાગરાજ સ્પેશિયલ (04106) 30 નવેમ્બર સુધી અને પરત પ્રયાગરાજ-ઉધના (04105) 29 નવેમ્બર સુધી લંબાવવામાં આવી છેઉધના-સુબેદારગંજ સ્પેશિયલ (04146)ની વધારાની ટ્રીપ 20 ઓક્ટોબરથી 27 નવેમ્બર સુધી દર મંગળવાર અને શુક્રવારે દોડશેસુબેદારગંજ-ઉધના (04145) 19 ઓક્ટોબરથી 26 નવેમ્બર સુધી દર સોમવાર અને ગુરૂવારે દોડશેવલસાડ-સુબેદારગંજ સ્પેશિયલ (04120) 29 નવેમ્બર સુધી અને પરત 04119 28 નવેમ્બર સુધી દોડશેબીજી વલસાડ-સુબેદારગંજ સ્પેશિયલ (04178) ૨૫ નવેમ્બર સુધી અને પરત 04177 24 નવેમ્બર સુધી દોડશેઆસારવા-આગ્રા કેન્ટ સ્પેશિયલ (09097) 24 નવેમ્બર સુધી અને પરત 09098 23 નવેમ્બર સુધી લંબાવવામાં આવી છેજ્યારે આસારવા-કાનપુર સેન્ટ્રલ સ્પેશિયલ (01906) 1 ડિસેમ્બર સુધી અને પરત 01905 30 નવેમ્બર સુધી દોડશેવેરાવળ-પ્રયાગરાજ સ્પેશિયલ (04174) 27 નવેમ્બર સુધી અને પરત પ્રયાગરાજ-વેરાવળ (04173) 26 નવેમ્બર સુધી દોડશેઆ પણ વાંચોઃ Gujarat Latest News Live: ગુજરાતમાં આજે વીજળીના કડાકા સાથે ભારે વરસાદની આગાહી, આ વિસ્તારોમાં એલર્ટ જાહેર કરાયુ

Read Full Story arrow_forward

calendar_today September 18, 2026

Weather Updates: દિલ્હી યુપી સહિત 18 રાજ્યોમાં ભારે વરસાદનું એલર્ટ, લોકોને સાવચેત રહેવાની સલાહ

દેશમાંથી ચોમાસાની વિદાય પહેલાં મેઘરાજાએ ફરી એકવાર જોરદાર બેટિંગ શરૂ કરી દીધી છે. ભારતીય હવામાન વિભાગ (IMD) દ્વારા દિલ્હી, ઉત્તર પ્રદેશ અને બિહાર સહિત દેશના ૧૮ રાજ્યોમાં ભારે વરસાદની ચેતવણી જારી કરવામાં આવી છે. ચોમાસું વિદાય લેતી વખતે મેદાની વિસ્તારોમાં સારો વરસાદ છોડી રહ્યું છે, જેના કારણે હવામાનમાં અચાનક પલટો આવ્યો છે.૧૮ રાજ્યોમાં યલો અને ઓરેન્જ એલર્ટહવામાન વિભાગના જણાવ્યા અનુસાર, ઉત્તર પ્રદેશ, બિહાર, દિલ્હી-એનસીઆર, હરિયાણા, રાજસ્થાન, મધ્ય પ્રદેશ, છત્તીસગઢ, આસામ, મેઘાલય, અરુણાચલ પ્રદેશ, ગુજરાત અને મહારાષ્ટ્ર સહિતના રાજ્યોમાં વરસાદ માટે યલો એલર્ટ આપવામાં આવ્યું છે. જ્યારે ઓડિશા, ઝારખંડ અને પશ્ચિમ બંગાળમાં ભારે વરસાદની સંભાવનાને ધ્યાનમાં રાખીને ઓરેન્જ એલર્ટ જારી કરવામાં આવ્યું છે. આગામી બે દિવસ સુધી મેદાની વિસ્તારોમાં મેઘરાજા મન મૂકીને વરસી શકે છે.યુપી અને બિહારમાં પૂર જેવી સ્થિતિ વચ્ચે વરસાદઉત્તર પ્રદેશ અને બિહારમાં ચોમાસું અત્યારે પૂરજોશમાં સક્રિય છે. યુપીના ૨૫ જિલ્લાઓ અને બિહારના ૧૮ જિલ્લાઓમાં આજે ભારે વરસાદની આગાહી છે. પહેલાથી જ ગંગા નદી અને અન્ય નદીઓમાં પૂરની સ્થિતિ સર્જાઈ છે ત્યારે આ નવા વરસાદે તંત્રની ચિંતા વધારી દીધી છે. પૂર્વી ઉત્તર પ્રદેશમાં વરસાદ પડવાથી પાણી ભરાવાની સમસ્યા સર્જાઈ શકે છે, જેથી લોકોને સાવચેત રહેવાની સલાહ આપવામાં આવી છે.પર્વતીય વિસ્તારોમાં હિમવર્ષા અને ઠંડીની શરૂઆતમેદાની વિસ્તારોમાં વરસાદની સાથોસાથ પર્વતીય રાજ્યોમાં પણ હવામાનનો મિજાજ બદલાયો છે. જમ્મુ-કાશ્મીરના બાંદીપોરા, હિમાચલ પ્રદેશના મનાલી અને રોહતાંગ તેમજ ઉત્તરાખંડના હેમકુંડ સાહિબમાં સિઝનની પહેલી હિમવર્ષા (બરફવર્ષા) નોંધાઈ છે. આ હિમવર્ષાના કારણે પર્વતીય વિસ્તારોમાં વિઝિબિલિટી ઘટી ગઈ છે અને તાપમાન ગગડવાથી વહેલી સવારે અને મોડી રાત્રે હળવી ઠંડીનો અનુભવ થવા લાગ્યો છે.દિલ્હી-એનસીઆરમાં પણ છેલ્લા બે દિવસથી વાદળછાયું વાતાવરણ છે અને ગળું પલાળતા વરસાદની પ્રબળ શક્યતા છે. ચોમાસાની આ વિદાય વેળાની બેટિંગે ગરમીથી રાહત આપી છે, પરંતુ ખેડૂતો અને તંત્ર માટે ચિંતા પણ વધારી દીધી છે.આ પણ વાંચોઃ iPhone 18 Pro માટે લોકોમાં ગાંડો ક્રેઝ! દિલ્હીથી મુંબઇ સુધી લોકો રાતથી લોકોએ લગાવી લાંબી લાઇનો

Read Full Story arrow_forward