Gandhinagar : વરસાદ ખેંચાતા ઉત્તર ગુજરાત - સૌરાષ્ટ્રના જિલ્લાઓને અછત જાહેર કરવાની માગ
ઉત્તર ગુજરાત અને સૌરાષ્ટ્રના અનેક જિલ્લાઓમાં વરસાદ ખેંચાતા ખેડૂતોની ચિંતા વધી ગઈ છે. પૂરતા વરસાદના અભાવે ખેતીપાકને નુકસાન થવાની સ્થિતિ સર્જાતા અસરગ્રસ્ત જિલ્લાઓને અછતગ્રસ્ત જાહેર કરવાની માંગ ઉઠી છે. ખેડૂતોને થયેલા નુકસાન સામે સરકાર દ્વારા તાત્કાલિક સહાય આપવામાં આવે તેવી પણ રજૂઆત કરવામાં આવી છે.ચર્ચા કરવા માટે નોટિસ આપી વિધાનસભા કોંગ્રેસ પક્ષના દંડક અને ધારાસભ્ય ડો. કિરીટ પટેલે આ મુદ્દે વિધાનસભા સત્ર દરમિયાન ચર્ચા કરવા માટે નોટિસ પાઠવી છે. તેમણે નિયમ 116 હેઠળ નોટિસ આપીને ઉત્તર ગુજરાત અને સૌરાષ્ટ્રના વરસાદથી અસરગ્રસ્ત જિલ્લાઓની સ્થિતિ પર ચર્ચાની માંગ કરી છે.વરસાદ ખેંચાતા ખેતીપાક પર સંકટચોમાસાની સિઝન દરમિયાન અનેક વિસ્તારોમાં અપેક્ષા મુજબ વરસાદ ન પડતાં ખેતીપાક પર ગંભીર અસર થવાની ભીતિ ઉભી થઈ છે. ખેડૂતો દ્વારા વાવેતર કર્યા બાદ વરસાદ ખેંચાતા પાકને પાણીની અછતનો સામનો કરવો પડી રહ્યો છે. જો આગામી દિવસોમાં પૂરતો વરસાદ નહીં થાય તો ખેડૂતોને મોટાપાયે આર્થિક નુકસાન વેઠવાનો વારો આવી શકે છે.અછતગ્રસ્ત જિલ્લા જાહેર કરવાની માંગડો. કિરીટ પટેલે અસરગ્રસ્ત જિલ્લાઓની સ્થિતિને ગંભીરતાથી લઈને તેમને અછતગ્રસ્ત જાહેર કરવાની માંગ કરી છે. તેમના જણાવ્યા મુજબ, વરસાદની લાંબી ખેંચના કારણે ખેડૂતોની મહેનત અને પાક બંને જોખમમાં મુકાયા છે. સરકારે અસરગ્રસ્ત વિસ્તારોનું તાત્કાલિક સર્વેક્ષણ કરીને વાસ્તવિક સ્થિતિનું મૂલ્યાંકન કરવું જોઈએ.ખેડૂતોને સહાય માટે સરકાર સમક્ષ રજૂઆતઅસરગ્રસ્ત જિલ્લાઓના ખેડૂતોને યોગ્ય અને સમયસર સહાય મળે તે માટે પણ માંગ કરવામાં આવી છે. પાક નુકસાનનો સર્વે કરીને ખેડૂતોને વળતર અને જરૂરી રાહત આપવામાં આવે તેવી રજૂઆત કરવામાં આવી છે.આ પણ વાંચો : Nepal Flood : ભયાનક પૂર વચ્ચે એકલું ઘર અડીખમ, પાણીમાં આખું ગામ તણાયું છતાં મકાન બચી ગયું જુઓ ભયાનક Video
Read Full Story arrow_forward
