Gandhinagar News : રાજ્યના જળાશયોમાં પાણીની બમ્પર આવક, 45 ડેમ હાઈ એલર્ટ, બનાસકાંઠા પર અકાળની તલવાર!
સમગ્ર ગુજરાતમાં વરસી રહેલા સાર્વત્રિક વરસાદના પરિણામે રાજ્યના જળાશયોમાં પાણીની વિપુલ આવક નોંધાઈ રહી છે. રાજ્યના કુલ 206 મોટા અને મધ્યમ કક્ષાના જળાશયોમાં હાલની સ્થિતિએ સરેરાશ 70.49 ટકા જેટલો મહત્વપૂર્ણ જળસંગ્રહ થઈ ચૂક્યો છે. પાણીની સતત આવકને પગલે જળસંપત્તિ વિભાગ દ્વારા પરિસ્થિતિ પર સતત નજર રાખવામાં આવી રહી છે અને સુરક્ષાના ભાગરૂપે રાજ્યના 45 જળાશયોને 'હાઈ એલર્ટ' પર મૂકવામાં આવ્યા છે.13 ડેમ એલર્ટ અને 10 વોર્નિંગ પરજળાશયોમાં સપાટીની સ્થિતિને ધ્યાનમાં રાખીને તંત્ર દ્વારા વર્ગીકરણ કરવામાં આવ્યું છે. 45 હાઈ એલર્ટ જળાશયો ઉપરાંત 13 ડેમોને 'એલર્ટ' અને 10 જળાશયોને 'વોર્નિંગ' સ્ટેજ પર રાખવામાં આવ્યા છે. નીચાણવાળા અને તટવર્તી વિસ્તારોમાં રહેતા લોકોને નદી કે કેનાલ કિનારે ન જવાની અને સાવચેત રહેવાની સત્તાવાર એડવાઈઝરી જારી કરવામાં આવી છે. સુરક્ષા સુનિશ્ચિત કરવા માટે ડેમમાંથી જરૂરિયાત મુજબ પાણી છોડવાની કામગીરી પણ હાથ ધરવામાં આવી રહી છે.73 જળાશયોમાં 25%થી ઓછું પાણીરાજ્યમાં સરેરાશ જળસંગ્રહ 70%ને પાર થઈ ગયો હોવા છતાં અમુક ચોક્કસ વિસ્તારોમાં હજુ પણ પાણીની તંગી જોવા મળી રહી છે. રાજ્યના 73 જેટલા જળાશયોમાં હજુ પણ 25 ટકા કરતાં ઓછો જળસંગ્રહ ઉપલબ્ધ છે. ખાસ કરીને બનાસકાંઠાનો સીપુ ડેમ માત્ર 4.42 ટકા જ ભરાયેલો છે, જ્યારે ઊંડ-1 ડેમમાં 9.79 ટકા અને દાંતીવાડા ડેમમાં 24.85 ટકા જ પાણીનો સંગ્રહ થયો છે. આ વિસ્તારોમાં સિંચાઈ અને પીવાના પાણી માટે આગામી દિવસોમાં વરસાદની વધુ આવકની જરૂરિયાત વર્તાઈ રહી છે.આ પણ વાંચો : Ahmedabad AMTS ની મોટી બેદરકારી, શહેરના રસ્તાઓ પર એક જ નંબર પ્લેટ પર દોડી રહી હતી બે EV બસ!
Read Full Story arrow_forward
