Community News & Updates

Stay informed with the latest happenings, achievements, and announcements from our community.

All News

calendar_today September 18, 2026

Ambaji: દાંતા સિવિલ હોસ્પિટલમાં સામાન્ય વરસાદમાં ભરાયા પાણી, ગ્રાન્ટ ફાળવ્યા બાદ પણ તંત્રનું પેટનું પાણી ન હલતાં દર્દીઓ બહાલ

અંબાજી નજીક આવેલી દાંતા સિવિલ હોસ્પિટલમાં ચોમાસાની શરૂઆત સાથે જ તંત્રની ઘોર બેદરકારી સામે આવી છે. માત્ર સામાન્ય વરસાદ પડતાં જ સિવિલ હોસ્પિટલના મુખ્ય પરિસરમાં ગોઠણસમા વરસાદી પાણી ભરાઈ ગયા હતા. આ પરિસ્થિતિને કારણે હોસ્પિટલમાં સારવાર અર્થે આવેલા ઇમરજન્સી અને ઇન્ડોર દર્દીઓ તેમજ તેમના પરિવારજનોને ભારે હાલાકી ભોગવવાનો વારો આવ્યો છે.દાંતા સિવિલ હોસ્પિટલ બેટમાં ફેરવાઈઅવારનવાર સામાન્ય વરસાદ દરમિયાન પણ સિવિલ હોસ્પિટલ પરિસરમાં પાણી ભરાઈ જવાની ઘટનાઓ બની રહી છે. હોસ્પિટલના એન્ટ્રી ગેટથી લઈને પરિસર સુધી પાણી ભરાઈ જવાથી અસહ્ય ગંદકી અને મચ્છરોનો ઉપદ્રવ વધવાની ભીતિ સેવાઈ રહી છે, જે દર્દીઓના સ્વાસ્થ્ય સામે વધુ એક મોટો ખતરો ઉભો કરે છે.ચોમાસા દરમિયાન હોસ્પિટલમાં પાણી ન ભરાય તે માટે થોડા સમય પહેલાં જ તંત્ર દ્વારા વિશેષ ગ્રાન્ટ પણ ફાળવવામાં આવી હતી. આમ છતાં, કાગળ પર કામગીરી થઈ હોવાનો દાવો અને પ્રત્યક્ષ રીતે પરિસરમાં પાણી ભરાયેલા હોવાને કારણે સરકારી ગ્રાન્ટના યોગ્ય વપરાશ અને તંત્રની કામગીરી સામે સ્થાનિક લોકોમાં ભારે રોષ જોવા મળી રહ્યો છે.દર્દીઓ અને પરિવારજનોને ભારે હાલાકીઉલ્લેખનીય છે કે, રાજ્ય સરકાર દ્વારા દાંતામાં નવી સિવિલ હોસ્પિટલ બનાવવા માટે જમીનની ફાળવણી પણ કરી દેવામાં આવી છે. તેમ છતાં કામગીરી મંથર ગતિએ ચાલતી હોવાથી દર્દીઓને આ જૂની અને પાણી ભરાવાની સમસ્યાવાળી હોસ્પિટલમાં ધક્કા ખાવા પડી રહ્યા છે. સ્થાનિક રહીશો અને અગ્રણીઓ દ્વારા ચોમાસાની ઋતુને ધ્યાનમાં રાખી તાત્કાલિક ધોરણે પાણી નિકાલ કરવાની અને નવી સિવિલ હોસ્પિટલનું નિર્માણ ઝડપી બનાવવાની માંગ કરવામાં આવી છે.આ પણ વાંચો: Amreli: 22 વર્ષથી ફરાર ગુનેગાર 'બાપુ' બનીને બેઠો હતો! દલખાણીયા રેન્જના વન ગુનામાં ફરાર 4 આરોપીઓ ઝડપાયા

Read Full Story arrow_forward

calendar_today September 18, 2026

Crime : લગ્ન પહેલાં ‘પ્લેબોય’ સાથે સંબંધ રાખવા શરત મૂકી..પછી ખુલી એવી પોલ કે મહિલા ડૉક્ટર ચોંકી ગઈ, વાંચો ચોંકાવનારો કિસ્સો

મહારાષ્ટ્રના વસઈમાં ચોંકાવનારો બનાવ બહાર આવ્યો છે જ્યાં 30 વર્ષીય મહિલા ડૉક્ટર સાથે લગ્નના નામે છેતરપિંડી કર્યાનો આરોપ છે. પોલીસના જણાવ્યા મુજબ, 34 વર્ષીય સુભાષ સાતપુતેએ પોતાને IT એન્જિનિયર તરીકે ઓળખાવી ડૉક્ટર સાથે લગ્ન માટે સંપર્ક કર્યો હતો. આરોપીએ વાર્ષિક 37 લાખનું પેકેજ અને મુંબઈમાં પોતાનું ઘર હોવાનો દાવો કર્યો હતો. મામલામાં પોલીસે આરોપીની ધરપકડ કરી છે.Shaadi.com પરથી શરૂ થયો સંપર્કડૉક્ટરે લગ્ન માટે Shaadi.com પર પોતાની પ્રોફાઇલ બનાવી હતી. આ પ્લેટફોર્મ મારફતે સુભાષ સાતપુતેએ તેની સાથે સંપર્ક કર્યો હતો. બંને વચ્ચે ફોન પર સતત વાતચીત શરૂ થઈ અને ડૉક્ટરને આ સંબંધ લગ્ન માટે યોગ્ય લાગ્યો હતો.લગ્ન પહેલાં મૂકી કથિત વિચિત્ર શરતપોલીસ ફરિયાદ મુજબ, સંબંધ આગળ વધ્યા બાદ આરોપીએ ડૉક્ટર સમક્ષ કથિત રીતે શરત મૂકી હતી કે લગ્ન પહેલાં તેની યૌન ક્ષમતાની ‘પરીક્ષા’ થવી જોઈએ. આ માટે ડૉક્ટરને અન્ય પુરુષ સાથે શારીરિક સંબંધ બાંધવાની વાત કહેવામાં આવી હતી.પ્લેબોય સાથે સંબંમધ બાંધવાનું કહેવાયું આરોપીએ એક મોબાઇલ નંબર આપીને તે વ્યક્તિ ‘પ્લેબોય’ તરીકે કામ કરતો હોવાનું જણાવ્યું હતું. કથિત રીતે આ ‘પરીક્ષા’માં સફળ થયા બાદ જ લગ્ન કરવાની વાત આગળ વધારવાનું કહેવામાં આવ્યું હતું.હોટલમાં મુલાકાત, વીડિયો બનાવ્યાનો આરોપડૉક્ટર આરોપીની વાતમાં આવીને જણાવેલા વ્યક્તિને મળવા હોટલ પહોંચી હતી. ફરિયાદ મુજબ, ત્યાં બંને વચ્ચે શારીરિક સંબંધ બન્યા હતા અને આ મુલાકાતનો વીડિયો પણ બનાવવામાં આવ્યો હતો. ત્યારબાદ આ વીડિયો આરોપીને મોકલવામાં આવ્યો હોવાનો દાવો છે.લગ્નની વાત આવી તો જ્યોતિષીનું બહાનુંઆ ઘટના બાદ ડૉક્ટરને આશા હતી કે હવે લગ્ન નક્કી થશે. જોકે, ફરિયાદ મુજબ આરોપીએ અચાનક લગ્ન કરવાનો ઇનકાર કર્યો હતો. તેણે કથિત રીતે જ્યોતિષીની સલાહનો હવાલો આપ્યો અને કહ્યું કે ડૉક્ટર સાથે લગ્ન કરવાથી 3 મહિનામાં તેનું મૃત્યુ થઈ જશે. આ વાતથી ડૉક્ટરને સમગ્ર મામલો શંકાસ્પદ લાગ્યો અને તેણે પોલીસનો સંપર્ક કર્યો.‘પ્લેબોય’ અને IT એન્જિનિયર એક જ વ્યક્તિ હોવાનો દાવોપોલીસ તપાસમાં ચોંકાવનારી કડી સામે આવી હોવાનો દાવો છે. ડૉક્ટરને જે વ્યક્તિ સાથે હોટલમાં મળવા મોકલવામાં આવી હતી, તે કોઈ ત્રીજો વ્યક્તિ નહીં પરંતુ પોતે જ સુભાષ સાતપુતે હોવાનું તપાસમાં સામે આવ્યું છે. પોલીસના જણાવ્યા મુજબ, આરોપીએ કથિત રીતે IT એન્જિનિયરની ઓળખ બનાવીને ડૉક્ટર સાથે સંપર્ક કર્યો અને બાદમાં બીજી ઓળખ ધારણ કરીને હોટલમાં તેની સાથે મુલાકાત કરી હતી.પોલીસે આરોપીની ધરપકડ કરીડૉક્ટરની ફરિયાદના આધારે વાલિવ પોલીસે તપાસ શરૂ કરી હતી. તપાસ બાદ આરોપીની ઓળખ સુભાષ સાતપુતે તરીકે થઈ અને તેની ધરપકડ કરવામાં આવી. તે નાલાસોપારાના સંતોષભુવન વિસ્તારમાં રહેતો હોવાનું જણાવાયું છે.પોલીસ તપાસ શરુપોલીસ હવે આરોપીના મોબાઇલ ફોન, ઓનલાઇન પ્રોફાઇલ, ડૉક્ટર સાથેની વાતચીત અને અન્ય ડિજિટલ પુરાવાની તપાસ કરી રહી છે. આરોપીએ આ જ પદ્ધતિથી અન્ય કોઈ મહિલાનો સંપર્ક કર્યો હતો કે નહીં તે અંગે પણ તપાસ ચાલી રહી છે.  આ પણ વાંચો  :   Sandesh Digital Explainer : આવતીકાલથી ચોમાસું લેશે વિદાય, ચોમાસું અચાનક નથી જતું, આ રીતે થાય છે વિદાય, સમજો ગણિત

Read Full Story arrow_forward

calendar_today September 18, 2026

Bhavnagharમાં બનાવટી દારૂની ફેક્ટરી કેસમાં રેલવે કર્મચારી સહિત 3 આરોપીના રિમાન્ડ પૂર્ણ

ભાવનગર શહેરના હાદાનગર વિસ્તારમાં આવેલા સરકારી રેલવે ક્વાર્ટરમાંથી ઝડપાયેલી ડુપ્લીકેટ દારૂ બનાવવાની ફેક્ટરીના ચકચારી કેસમાં પોલીસે પકડેલા ત્રણ મુખ્ય આરોપીઓના 5 દિવસના પોલીસ રિમાન્ડ પૂર્ણ થતાં તેમને કોર્ટ સમક્ષ રજૂ કરવામાં આવ્યા હતા. નામોદાર કોર્ટે સુનાવણી બાદ તમામ ત્રણેય આરોપીઓને જેલહવાલે (જ્યુડિશિયલ કસ્ટડી) મોકલી આપવાનો હુકમ કર્યો છે.લઠ્ઠાકાંડ બાદ પણ નેટવર્ક સક્રિય રહેતા ચિંતાપોલીસ રિમાન્ડ પૂરા થતાં જે આરોપીઓને કોર્ટમાં રજૂ કરવામાં આવ્યા હતા, તેમાં મુખ્ય સૂત્રધાર અને રેલવે કર્મચારી અક્ષયરાજસિંહ પ્રદીપસિંહ ગોહિલ, વિજય ઉર્ફે મયંક રાજુભાઈ મકવાણા અને જીતેન્દ્ર દિલીપભાઈ ખાવડિયાનો સમાવેશ થાય છે. સરકારી ક્વાર્ટરનો દારૂ બનાવવાના અડ્ડા તરીકે ઉપયોગ કરીને બ્રાન્ડેડ દારૂની બોટલોમાં બનાવટી દારૂ ભરી વેચવાના આ કૌભાંડમાં પોલીસ દ્વારા અત્યાર સુધીમાં કુલ 10 આરોપીઓ સામે નામજોગ ગુનો નોંધવામાં આવ્યો છે.અન્ય 7 આરોપીઓ હજુ ફરારઆ કેસમાં પકડાયેલા મુખ્ય 3 આરોપીઓ સિવાય સંડોવાયેલા અન્ય 7 આરોપીઓ હજુ પણ પોલીસ પકડથી દૂર હોય, તેમને દબોચી લેવા પોલીસે ચક્રો ગતિમાન કર્યા છે. બોટાદ-ભાવનગર લઠ્ઠાકાંડની ગંભીર હોનારત બાદ પણ પંથકમાં બનાવટી અને ઝેરી દારૂ બનાવવાનું કૌભાંડ ધમધમી રહ્યું હોવાનું બહાર આવતાં ભારે સનસનાટી મચી છે. ફરાર આરોપીઓ પકડાયા બાદ આ ગેરકાયદેસર નેટવર્કના તાર ક્યાં સુધી જોડાયેલા છે તે અંગે તપાસમાં વધુ ચોંકાવનારા ખુલાસા થવાની પૂરેપૂરી શક્યતા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward