Disa : ઈકબાલગઢ પંથકમાં નહિવત વરસાદથી જળસંકટના એંધાણ
બનાસકાંઠા જિલ્લાના અમીરગઢ તાલુકામાં આ વર્ષે નહિવત વરસાદને પગલે જળસંકટના એંધાણ વર્તાઈ રહ્યા છે. તાલુકામાં માત્ર 16 ઈંચ જેટલો વરસાદ નોંધાતા નદી નાળા સહિત લઘુ સિંચાઈ વિભાગના આશરે 12 જળાશયોભમાં પાણીની આવક ઓછી રહી છે. પરિણામે ખેડૂતોમાં શિયાળુ વાવેતર માટે સિંચાઈના પાણીની ચિંતા વધી છે. બનાસકાંઠા જિલ્લાની જીવાદોરી સમાન બનાસ નદી ઉપરાંત બાલારામ, બબુકારી, ખાડેડો અને કલેડી સહિતના જળાશયો તાલુકાના જળસંચય માટે મહત્વપૂર્ણ છે. ચોમાસા દરમિયાન જળાશયોમાં પાણીની આવક થતાં કુવા અને બોરના જળસ્તર ઊંચા આવે છે જેનો લાભ ખેતી અને સ્થાનિક જળજરૂરિયાતો માટે મળે છે. જોકે આ વર્ષે વરસાદની અછતને કારણે અનેક જળસ્ત્રોતોમાં પાણીનો જથ્થો ઘટયો છે અને કેટલાક જળાશયોમાં તળિયા દેખાવા લાગ્યા છે. અમીરગઢ તાલુકામાં 13344 હેક્ટર પિયત જમીન અને 4524 હેક્ટર બિનપિયત જમીન આવેલી છે. ત્યારે જળાશયોમાં ઘટતા પાણીના જથ્થાને કારણે શિયાળુ પાકના વાવેતર અને સિંચાઈ ને લઈને ખેડૂતોની ચિંતા વધી છે પૂરતું પાણી નહીં મળે તો પાકના ઉત્પાદન પર પણ અસર થવાની ભીતિ છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
