Community News & Updates

Stay informed with the latest happenings, achievements, and announcements from our community.

All News

calendar_today September 6, 2026

Rajkotમાં જાહેરમાં માથાકૂટનો વધુ એક વિડિયો વાયરલ, રૈયા ચોકડી પાસે ગાડી અથડાતાં યુવતીએ મચાવ્યો હંગામો, બેફામ આપી ગાળો!

રંગીલા રાજકોટ શહેરમાં જાહેરમાં માથાકૂટ અને વાહનચાલકો વચ્ચે અસહિષ્ણુતાનો વધુ એક કિસ્સો સામે આવ્યો છે. શહેરના અત્યંત ધમધમતા રૈયા ચોકડી વિસ્તારમાં ગાડી અથડાવા જેવી નજીવી બાબતે બે મહિલાઓ વચ્ચે જાહેરમાં જ ઉગ્ર બોલાચાલી અને માથાકૂટ થઈ હતી. રસ્તા પર વાહન વ્યવહાર ચાલુ હતો તે દરમિયાન બનેલી આ ઘટનાનો વિડીયો સોશિયલ મીડિયા પર વાયરલ થતાં સમગ્ર શહેરમાં આ મુદ્દો ભારે ચર્ચાનો વિષય બન્યો છે.કારમાં સવાર મહિલાઓને યુવતીએ બેફામ ગાળો આપીમળતી વિગતો અનુસાર, રૈયા ચોકડી પાસે બે વાહનો વચ્ચે સામાન્ય ટક્કર થયા બાદ એક યુવતીએ પોતાનો મિજાજ ગુમાવ્યો હતો. કારમાં સવાર અન્ય મહિલાઓ સાથે વાદવિવાદમાં ઊતરેલી આ યુવતીએ કોઈપણ જાતના સંકોચ વગર જાહેર રસ્તા પર જ બેફામ ગાળો ભાંડવાનું શરૂ કરી દીધું હતું. આસપાસથી પસાર થતાં રાહદારીઓ અને અન્ય વાહનચાલકોએ આ સમગ્ર ઘટના પોતાના મોબાઈલ કેમેરામાં ઉતારી લીધી હતી, જેમાં યુવતી ઉગ્ર થઈને મહિલાઓ સાથે અસભ્ય વર્તન કરતી સ્પષ્ટપણે જોઈ શકાય છે.સોશિયલ મીડિયામાં વીડિયો વાયરલ થતાં લોકોમાં રોષઆ વીડિયો સોશિયલ મીડિયા પર વાયરલ થતાં જ લોકો દ્વારા જાહેર સ્થળો પર વધી રહેલા આ પ્રકારના અસભ્ય અને આક્રમક વર્તનની આકરા શબ્દોમાં ટીકા કરવામાં આવી રહી છે. ટ્રાફિકથી મશગૂલ એવા રૈયા ચોકડી જેવા વિસ્તારમાં રસ્તા વચ્ચે જ વાહનો ઊભા રાખીને હંગામો મચાવવા બદલ સંબંધિતો સામે કાયદેસરની કાર્યવાહી કરવાની માગ ઉઠી છે. આ વીડિયોના આધારે સ્થાનિક પોલીસે પણ ઘટનાની નોંધ લઈને વીડિયોમાં દેખાતી મહિલાઓ અને વાહનોના નંબરની તપાસ હાથ ધરી છે.આ પણ વાંચો : Amreliના રાજુલામાં સરકારી પરિપત્રના લીરેલીરા, તંત્ર અને નેતાઓએ પ્રાંત કચેરીમાં માત્ર ‘ફોટો સેશન’ કરી ચોપડે સફાઈ બતાવી દીધી!

Read Full Story arrow_forward

calendar_today September 6, 2026

Ahmedabadના વટવા GIDC વિસ્તારમાં લગ્નની કંકોત્રી ન આપવા બાબતે બે ભાઈઓ પર જીવલેણ હુમલો

અમદાવાદ શહેરના વટવા GIDC વિસ્તારમાં લગ્નની કંકોત્રી ન આપવાની મામૂલી બાબતે ચાર શખ્સોએ બે ભાઈઓ પર હિંસક હુમલો કર્યાની ઘટના સામે આવી છે. હાથીજણ સર્કલ પાસે આવેલા શાલીન સ્ક્વેર કોમ્પ્લેક્સ નજીક ફરિયાદી વિરેન્દ્રસિંહ વાઘેલા અને તેમના નાના ભાઈ મીતરાજ સાથે જૂના મિત્ર સહિત ચાર શખ્સોએ ઉગ્ર બોલાચાલી કરી ઢોર માર માર્યો હતો. સામાન્ય વિવાદમાં કાયદો હાથમાં લઈને મારપીટ કરવામાં આવતાં સમગ્ર વિસ્તારમાં ચકચાર મચી ગઈ છે.કંકોત્રી ન આપવાની બાબતે જૂના મિત્ર સાથે વિવાદઘટનાની વિગતો અનુસાર, લગ્નની કંકોત્રી ન આપવા બાબતે વિરેન્દ્રસિંહને તેમના જૂના મિત્ર રાજવિર રાઠોડ સાથે બોલાચાલી થઈ હતી. જે બાદ રાજવિરે વિરેન્દ્રસિંહને ગાળો આપીને માર મારવાનું શરૂ કર્યું હતું. આ દરમિયાન રાજવિરનું ઉપરાણું લઈને આવેલા નિકુંજ વાઘેલા, દિવ્યરાજ અને દેવો નામના શખ્સોએ પણ વિરેન્દ્રસિંહ પર હુમલો કર્યો હતો. બંને ભાઈઓને બચાવવા વચ્ચે પડેલા નાના ભાઈ મીતરાજને પણ આ ચારેય શખ્સોએ ભેગા મળીને માથા, છાતી અને દાઢીના ભાગે ગંભીર ઈજાઓ પહોંચાડી હતી.જાનથી મારી નાખવાની ધમકી આપી આરોપીઓ ફરારહુમલાખોરોએ બંને ભાઈઓને 'તમે નોકરી કેવી રીતે કરો છો તે જોઈ લઈશું' તેવી ગંભીર ધમકી આપી હતી. બૂમાબૂમ થતાં આસપાસના સ્થાનિક લોકો તાત્કાલિક એકઠા થઈ ગયા હતા અને બંને ભાઈઓને વધુ મારમાંથી છોડાવ્યા હતા. લોકોનું ટોળું ભેગું થઈ જતાં ચારેય હુમલાખોરો સ્થળ પરથી ફરાર થઈ ગયા હતા. ઈજાગ્રસ્ત બંને ભાઈઓને 108 એમ્બ્યુલન્સ મારફતે સારવાર અર્થે હોસ્પિટલ ખસેડવામાં આવ્યા છે. આ મામલે વટવા GIDC પોલીસે ચારેય આરોપીઓ વિરુદ્ધ ગુનો નોંધીને આગળની કાયદેસરની તપાસ તેજ કરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 6, 2026

Delhi Building Collapse: ચાર માળની PG ઇમારત ધરાશાયી, માલિક આનંદ બંસલ સામે નોંધાયો કેસ

દિલ્હી પોલીસ, ફાયર વિભાગ અને બચાવ ટીમો ઘટનાસ્થળે પહોંચી અને કાટમાળમાં ફસાયેલા લોકોને બચાવવા કામગીરી શરૂ કરી હતી. પોલીસ પ્રતિક્રિયા આવી સામે આ અકસ્માતમાં એક વ્યક્તિનું મોત થયું છે, જ્યારે બે અન્યની હાલત ગંભીર છે. ચાર લોકોને એઈમ્સ ટ્રોમા સેન્ટરમાં લાવવામાં આવ્યા છે, જ્યારે એક ઘાયલને સફદરજંગ હોસ્પિટલમાં દાખલ કરવામાં આવ્યો છે. એવી આશંકા છે કે ઘણા લોકો કાટમાળ નીચે ફસાયેલા હોઈ શકે છે. ગુરુગ્રામના રહેવાસી, બિલ્ડિંગના માલિક આનંદ બંસલ વિરુદ્ધ FIR નોંધવામાં આવી છે. દિલ્હી પોલીસે જણાવ્યુ હતુ કે, કાટમાળ દૂર કરવા અને ફસાયેલા લોકોને સુરક્ષિત રીતે બચાવવાના પ્રયાસો ચાલી રહ્યા છે.  દુર્ઘટનાની આંખો દેખી પ્રત્યક્ષદર્શીઓએ અકસ્માતના ભયાનક દ્રશ્યનું વર્ણન કર્યું છે. સ્થળની નજીક એક દુકાનદારે કહ્યું કે તે તેની દુકાનમાં બેઠો હતો ત્યારે અચાનક તેણે ભૂકંપ જેવો જોરદાર ગડગડાટ સાંભળ્યો. અવાજ એટલો જોરદાર હતો કે નજીકના લોકો ગભરાઈ ગયા અને તરત જ બહાર દોડી ગયા. બહાર નીકળતાં, તેમણે જોયું કે આખી ચાર માળની ઇમારત જમીનદોસ્ત થઈ ગઈ હતી, અને ધૂળ અને ધુમાડો વિસ્તારને ઘેરી રહ્યો હતો. 'બચાવો-બચાવો'ની બૂમો પ્રત્યક્ષદર્શીઓના જણાવ્યા અનુસાર, કાટમાળ નીચે ફસાયેલા લોકો મદદ માટે બૂમો પાડી રહ્યા હતા. કેટલાક લોકોએ દાવો કર્યો હતો કે તેઓ અંદરથી બાળકો અને વિદ્યાર્થીઓને "અમને બચાવો, અમને બચાવો" બૂમો પાડતા સાંભળી રહ્યા હતા. એવું કહેવામાં આવી રહ્યું છે કે નજીકમાં છોકરાઓ અને છોકરીઓ માટે પીજી છે, અને જે ઇમારતમાં અકસ્માત થયો ત્યાં મોટી સંખ્યામાં વિદ્યાર્થીઓ રહેતા હતા. પ્રત્યક્ષદર્શીઓના જણાવ્યા અનુસાર, કેટલાક લોકોને ઘટનાસ્થળેથી સુરક્ષિત રીતે બચાવી લેવામાં આવ્યા છે, જ્યારે ઘણા લોકો કાટમાળમાં ફસાયેલા હોવાની આશંકા છે. સીએમ રેખા ગુપ્તાએ મેળવી માહિતી દિલ્હીના મુખ્યમંત્રી રેખા ગુપ્તા સત્ય નિકેતન ઇમારત ધરાશાયી થવાની ઘટના અંગે અધિકારીઓ સાથે સતત સંપર્કમાં છે. મુખ્યમંત્રી રેખા ગુપ્તાએ તમામ અધિકારીઓને પીડિતોને શક્ય તેટલી બધી સહાય પૂરી પાડવાનો આદેશ આપ્યો છે. મુખ્યમંત્રી પ્રાદેશિક જિલ્લા મેજિસ્ટ્રેટ, દિલ્હી પોલીસ અને NDRF અધિકારીઓ સાથે સતત સંપર્કમાં છે. તેમણે સ્થાનિક સાંસદ બાંસુરી સ્વરાજ અને ધારાસભ્ય અનિલ શર્મા સાથે વાત કરી છે અને અહેવાલો મેળવ્યા છે. રેખા ગુપ્તા વ્યક્તિગત રીતે ઘટનાનું નિરીક્ષણ કરી રહ્યા છે. મંત્રી આશિષ સૂદે અકસ્માત અંગે ચિંતા વ્યક્ત કરીદિલ્હીના મંત્રી આશિષ સૂદે પોસ્ટ કર્યું કે, દક્ષિણ પશ્ચિમ દિલ્હીમાં સત્ય નિકેતન નજીક ઇમારત ધરાશાયી થવા અંગે હું ખૂબ ચિંતિત છું. દિલ્હી ફાયર સર્વિસીસની ટીમ ઘટનાસ્થળે પહોંચી ગઈ છે. બચાવ અને રાહત કામગીરી ચાલી રહી છે, અને અમારી ટીમો તમામ જરૂરી સહાય પૂરી પાડવા માટે જમીન પર કામ કરી રહી છે. અમે પરિસ્થિતિ પર નજીકથી નજર રાખી રહ્યા છીએ અને સંબંધિત ટીમોને ઘટનાસ્થળે હાજર લોકોની સલામતી સુનિશ્ચિત કરવા માટે તમામ જરૂરી પગલાં લેવા નિર્દેશ આપ્યો છે. આપણા નાગરિકોની સલામતી અને સુખાકારી અમારી સર્વોચ્ચ પ્રાથમિકતા છે. આ પણ વાંચોઃ માતા કે ખૂની?, 3 બાળકની હત્યા પાછળની એ બીમારી, જેણે અમેરિકાને હચમચાવ્યુ

Read Full Story arrow_forward