Vadodaraના સુરસાગર તળાવ ખાતે ભવ્ય કાર્યક્રમ: PM મોદીના આગમન પૂર્વે શહેર ભક્તિમય બન્યું
વડોદરામાં વડાપ્રધાન નરેન્દ્ર મોદીના આગમન પૂર્વે સમગ્ર શહેરમાં ભારે ઉત્સાહ અને ઉમંગનો માહોલ જોવા મળી રહ્યો છે. પીએમ મોદીના સ્વાગતની તૈયારીઓના ભાગરૂપે વડોદરાના ઐતિહાસિક સુરસાગર તળાવ ખાતે એક અત્યંત ભવ્ય અને સાંસ્કૃતિક કાર્યક્રમનું આયોજન કરવામાં આવ્યું હતું. આ કાર્યક્રમમાં રાજ્યના ગૃહરાજ્ય મંત્રી હર્ષ સંઘવીએ વિશેષ ઉપસ્થિત રહીને સુરસાગર તળાવ મધ્યે બિરાજમાન શિવજીની પ્રતિમાની મહાઆરતી કરી હતી અને રાજ્યની સુખ-શાંતિ માટે પ્રાર્થના કરી હતી.કૈલાશ ખૈરના ભક્તિમય સૂર અને સફાઈ કર્મચારીઓનું સન્માન આ ભવ્ય સાંજે દેશના જાણીતા અને લોકપ્રિય ગાયક કૈલાશ ખૈરે પોતાના સુમધુર કંઠે શિવભક્તિના ગીતો અને સંગીતના સૂર રેલાવ્યા હતા. કૈલાશ ખૈરના સંગીતમય કાર્યક્રમથી સમગ્ર સુરસાગર પરિસર શિવભક્તિના રંગમાં રંગાઈ ગયું હતું. આ કાર્યક્રમની ખાસિયત એ રહી કે તેમાં શહેરને સ્વચ્છ રાખતા મોટી સંખ્યામાં સફાઈ કર્મચારીઓ પણ જોડાયા હતા, જેમના યોગદાનને બિરદાવવામાં આવ્યું હતું.પીએમ મોદીના આગમનને લઈને શહેરીજનોમાં ભારે ઉત્સાહ મહાઆરતી, રોશનીની ઝગમગાટ અને સંગીતના સૂરથી સુરસાગર તળાવ અત્યંત નયનરમ્ય અને ભક્તિમય બની ગયું હતું. વડાપ્રધાનના આગમનને પગલે વડોદરાવાસીઓમાં એક અનોખો આનંદ અને અતિશય ઉત્સાહ જોવા મળી રહ્યો છે. સમગ્ર વડોદરા શહેર અત્યારે પીએમ મોદીના સ્વાગત માટે આતુરતાથી રાહ જોઈ રહ્યું છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
