Community News & Updates

Stay informed with the latest happenings, achievements, and announcements from our community.

All News

calendar_today September 7, 2026

Ahmedabadના સરખેજમાં 'મુનબીન કાફે'માં ચાલતા ગેરકાયદે હુક્કાબાર પર પોલીસનો દરોડો

અમદાવાદ શહેરના સરખેજ પોલીસ સ્ટેશનની ટીમે ગુપ્ત બાતમીના આધારે સરખેજ વિસ્તારમાં આવેલા 'મુનબીન કાફે' પર અચાનક રેડ પાડી હતી. પોલીસે દરોડા દરમિયાન કાફેમાં ગેરકાયદેસર રીતે ચાલતા હુક્કાબારનો પર્દાફાશ કર્યો છે. કાફેની આડમાં યુવાનોને હુક્કો પીરસવામાં આવતો હોવાનું સામે આવતાં પોલીસે તાત્કાલિક સ્થળ પરથી હુક્કા તેમજ વિવિધ ફ્લેવર સહિતનો મુદ્દામાલ જપ્ત કર્યો હતો.સંચાલકો વિરુદ્ધ કાયદાકીય ગુનો દાખલ પોલીસની આ કાર્યવાહી દરમિયાન હુક્કાબાર ચલાવવા અને ગેરકાયદે પ્રવૃત્તિ કરવા બદલ મુખ્ય આરોપી હર્ષ ત્રિપાઠી અને જૈનમ દોશી વિરુદ્ધ ગુનો નોંધવામાં આવ્યો છે. કાફેમાંથી મળી આવેલા હુક્કા, હાનિકારક ફ્લેવર્સ અને અન્ય સહાયક સામગ્રીને પોલીસે જપ્ત કરીને આગળની કાયદાકીય પ્રક્રિયા હાથ ધરી છે.સરખેજ પોલીસ દ્વારા વધુ તપાસ તેજ સરખેજ પોલીસે આ મામલે ગુનો નોંધીને વધુ તપાસ હાથ ધરી છે. આ હુક્કાબાર કેટલા સમયથી ચાલી રહ્યો હતો, તેમાં કયા કયા લોકો આવતા હતા અને ફ્લેવરનો જથ્થો ક્યાંથી લાવવામાં આવતો હતો તે અંગે આરોપીઓની સઘન પૂછપરછ કરવામાં આવી રહી છે. શહેરમાં ગેરકાયદે ચાલતા આવા કેફે અને હુક્કાબાર સામે પોલીસે ઝુંબેશ વધુ કડક બનાવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 7, 2026

Gandhinagar : 9 વિધેયક સાથે 9 સપ્ટેમ્બરથી વિધાનસભાનું ચોમાસુ સત્ર, અછત મુદ્દે મંત્રી જીતુ વાઘાણી બોલવાનું ટાળ્યું

ગુજરાત વિધાનસભાનું ચોમાસુ સત્ર આગામી 9, 10 અને 11 સપ્ટેમ્બર એમ 3 દિવસ માટે યોજાવાનું છે. સત્રની તૈયારીઓને લઈને વિધાનસભા અધ્યક્ષની આગેવાનીમાં મહત્વની બેઠક યોજાઈ હતી. બેઠકમાં સરકારના મંત્રીઓ અને કોંગ્રેસના નેતાઓ પણ હાજર રહ્યા હતા.3 દિવસના સત્રમાં ગૃહમાં આવશે 9 વિધેયકઆગામી ચોમાસુ સત્ર દરમિયાન કુલ 9 વિધેયક ગૃહમાં રજૂ કરવામાં આવશે. સરકાર દ્વારા વિવિધ મુદ્દાઓને લઈને વિધેયકો રજૂ કરવામાં આવશે અને ગૃહમાં તેના પર ચર્ચા કરવામાં આવશે. ચોમાસુ સત્રને લઈને રાજકીય અને વહીવટી સ્તરે તૈયારીઓ તેજ કરવામાં આવી રહી છે.અવસાન પામેલા સભ્યોને અપાશે શ્રદ્ધાંજલિવિધાનસભાના અગાઉના તેમજ ચાલુ ટર્મ દરમિયાન અવસાન પામેલા સભ્યોને ગૃહમાં શ્રદ્ધાંજલિ આપવામાં આવશે. સત્રની શરૂઆત દરમિયાન ગૃહ દ્વારા દિવંગત સભ્યોને શોકાંજલિ આપવામાં આવશે.કોંગ્રેસના આરોપો પર શું કહ્યું?કોંગ્રેસ દ્વારા કરવામાં આવતા વિવિધ આરોપો અંગે પૂછવામાં આવતા મંત્રી જીતુ વાઘાણીએ ભાજપ સરકારને જનતાની સ્વીકૃતિ હોવાનું જણાવ્યું હતું. તેમણે કહ્યું કે લોકશાહીમાં જનતાએ ભાજપને તક આપી છે અને જનતાએ પોતાનો જવાબ ચૂંટણી દ્વારા આપ્યો છે. તેમણે એમ પણ જણાવ્યું કે સરકાર ક્યાંય ચર્ચામાંથી ભાગતી નથી.કિસાન સંઘની બેઠક પર મૌન કેમ?વિધાનસભા સત્રની બેઠક દરમિયાન કિસાન સંઘ સાથેની બેઠક અને રાજ્યમાં અછતગ્રસ્ત વિસ્તાર જાહેર કરવાના મુદ્દે પૂછાયેલા સવાલો પર કૃષિ મંત્રી જીતુ વાઘાણીએ કોઈ જવાબ આપવાનું ટાળ્યું હતું. કિસાન સંઘ દ્વારા અછતગ્રસ્ત વિસ્તારો જાહેર કરવાની માંગ કરવામાં આવી રહી છે ત્યારે આ મુદ્દે મંત્રીના મૌને અનેક સવાલો ઉભા કર્યા છે.સત્રમાં અછતનો મુદ્દો ગુંજશે?આગામી 3 દિવસીય ચોમાસુ સત્રમાં કુલ 9 વિધેયક રજૂ થવાના છે. બીજી તરફ રાજ્યમાં અછતની સ્થિતિ અને ખેડૂતોની મુશ્કેલીઓનો મુદ્દો પણ ચર્ચામાં રહે તેવી શક્યતા છે. હવે સૌની નજર વિધાનસભાના ચોમાસુ સત્ર દરમિયાન સરકાર અછતગ્રસ્ત વિસ્તાર અને ખેડૂતોના પ્રશ્નો અંગે શું જવાબ આપે છે તેના પર રહેશે.   આ પણ વાંચો :    Sandesh Digital Explainer: ગુજરાતમાં એક વર્ષમાં 1,999 મોત, પાણીમાં એવું શું છે જે લોકોને ખેંચી રહ્યું છે મોત તરફ?

Read Full Story arrow_forward

calendar_today September 7, 2026

Junagadh: વણઝારી પ્રાથમિક શાળામાં ગેરકાયદે ઉર્ષની રસોઈ મામલે DEO દોડ્યા, આચાર્ય સામે સસ્પેન્શન સહિતની કાર્યવાહીની તૈયારી

જૂનાગઢ શહેરના વણઝારી વિસ્તારમાં આવેલી સરકારી પ્રાથમિક શાળામાં સરકારી નિયમો અને મર્યાદાના લીરેલીરા ઉડાડતો બનાવ સામે આવ્યો છે. શાળાના સંકુલમાં શિક્ષણ વિભાગ કે ઉચ્ચ અધિકારીઓની કોઈ પણ પ્રકારની પૂર્વ મંજૂરી વગર જ ગેરકાયદેસર રીતે ઉર્ષના પ્રસંગ માટે મોટા પાયે રસોઈ બનાવવાનું કામકાજ શરૂ કરી દેવામાં આવ્યું હતું.સરકારી શાળાના પરિસરમાં ઉર્ષની રસોઈ બનતા રોષશાળા જેવા પવિત્ર અને સરકારી સંકુલમાં આ પ્રકારે બિનઅધિકૃત પ્રવૃત્તિ થઈ રહી હોવાની જાણ થતાં જ આસપાસના સ્થાનિક નાગરિકો અને રહેવાસીઓ ઘટનાસ્થળે એકઠા થઈ ગયા હતા અને ભારે વિરોધ દર્શાવ્યો હતો. સ્થાનિકોના ભારે આક્રોશને કારણે સમગ્ર વિસ્તારમાં તંગદિલી અને વિવાદનો માહોલ સર્જાયો હતો.ઘટનાની ગંભીરતાને ધ્યાને લઈને જૂનાગઢના જિલ્લા શિક્ષણ અધિકારી (DEO) પોતાની ટીમ સાથે તાબડતોબ વણઝારી પ્રાથમિક શાળા ખાતે દોડી આવ્યા હતા. તેમણે પરિસ્થિતિની સમીક્ષા કરી તુરંત જ શાળા પરિસરમાં ચાલી રહેલી રસોઈ બંધ કરાવીને આખું સંકુલ ખાલી કરાવ્યું હતું.આચાર્ય સામે સસ્પેન્શન સહિતની કાર્યવાહીની તૈયારીપ્રાથમિક તપાસમાં શાળાના આચાર્યની ગંભીર બેદરકારી અને મંજૂરી વગર સરકારી મિલકતનો ઉપયોગ કરવા દેવાની સંડોવણી સામે આવી છે. DEO એ સ્થળ પર પહોંચી ગેરકાયદેસર રીતે રસોઈ બનાવતા લોકોને બહાર તારવી શાળા પરિસર ખાલી કરાવ્યું. કોઈ પણ પરવાનગી વગર શાળાનો ઉપયોગ કરવા દેવા બદલ આચાર્ય સામે ખાતાકીય તપાસ શરૂ કરવામાં આવી છે. શિક્ષણ વિભાગના ઉચ્ચ અધિકારીઓ દ્વારા જવાબદાર આચાર્ય સામે કડક શિક્ષાત્મક અને શિસ્તભંગના કાયદાકીય પગલાં ભરવાની નિર્દેશ આપ્યા છે.આ પણ વાંચો: Gir Somnath: અંતિમ શ્રાવણી સોમવારે 1.30 લાખથી વધુ શિવભક્તોએ સોમનાથ મહાદેવના ચરણોમાં શીશ નવાવ્યું

Read Full Story arrow_forward