Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Amreli : જાફરાબાદના લુણસાપુરમાં સરકારી શાળાના શિક્ષકે13 વર્ષની છાત્રાનું શિયળ લૂંટયું, ધરપકડ

અમરેલી જિલ્લામાં જાફરાબાદના છેવાડા વિસ્તારમાં આવેલી સરકારી પ્રાથમિક શાળામાં શિક્ષક માસુમ વિદ્યાર્થિનીઓને ચા બનાવવાના બહાને સ્ટાફ્ રૂમમાં બોલાવીને 6 મહિનાથી શારીરિક શોષણ કરતો હતો અને એક 13 વર્ષની વિદ્યાર્થીની સાથે તેના જન્મ દિને સરકારી શાળામાં જ બળાત્કાર ગુજાર્યો હતો. બીજી ત્રણ બાળાઓ સાથે પણ ઘણા સમયથી અડપલા કરતો હતો. બાળાઓએ હિંમત દાખવીને અવાજ ઉઠાવતા સમગ્ર ઘટનાનો પર્દાફાશ થયો છે. પોલીસે શિક્ષક સામે ગુનો નોંધીને તાત્કાલિક ધરપકડ કરી છે. આ ઘટના અંગે પોલીસ ફરિયાદમાં જણાવ્યા મુજબ, અમરેલી જિલ્લાના જાફરાબાદ તાલુકાના લુણસાપુરમાં રહેતા 35 વર્ષના વેપારી અને ખેડૂત એવા છાત્રાના પિતાએ શિક્ષક રામશંકરભાઈ બટુકભાઈ પંડયા સામે ફરિયાદ નોંધાવી છે. શિક્ષક હાલ લુણસાપુરના પ્લોટ વિસ્તારમાં રહે છે અને મૂળ ભાવનગર જિલ્લાના તળાજા તાલુકાના વેળાવદર ગામનો વતની છે. જૂન-2026માં શાળાનું સત્ર શરૂ થયું ત્યારથી 15 ઑક્ટોબર, 2026 સુધીના સમયગાળામાં સગીર બાળકી સાથે જાતીય સતામણી કરવામાં આવી હતી. બાળકીની ઉંમર 13 વર્ષ, બે મહિના અને 25 દિવસ છે. શિક્ષક રિસેસના સમયમાં ચા બનાવવાના બહાને છાત્રાઓને સ્ટાફ્ રૂમમાં બોલાવતો હતો અને પછી તેમનું શારીરિક શોષણ કરતો હતો. અડપલાં કરી જાતીય સતામણી કરી હોવાનું ફરિયાદમાં જણાવાયું છે. આ ઉપરાંત 21 જુલાઈ, 2026ના 13 વર્ષીય વિદ્યાર્થીનીના જન્મદિવસે લુણસાપુરની સરકારી પ્રાથમિક શાળામાં તેની મરજી વિરુદ્ધ બળજબરીથી શરીર સંબંધ બાંધ્યો હતો. આ ઉપરાંત અન્ય ત્રણ સગીર વિદ્યાર્થિનીઓ સાથે પણ શારીરિક અડપલાં અને જાતીય સતામણી કરવામાં આવી હોવાનું ફરિયાદમાં જણાવાયું છે. ઘટનાની ગંભીરતાને ધ્યાનમાં રાખીને પોલીસે પોક્સો સહિતની લાગુ પડતી કાયદાકીય જોગવાઈઓ હેઠળ કાર્યવાહી હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Rajkot : ખૂન અને લૂંટના આરોપીનો પોલીસ ઉપર હુમલો, પીએસઆઈએ પગમાં ગોળી મારી

રાજકોટના આજી જીઆઈડીસી વિસ્તારમાં આવેલી તન્વી ગોલ્ડ નામની સોના-ચાંદીની પેઢીમાં બનેલી લૂંટ વિથ મર્ડરની ઘટનાનો રાજકોટ ક્રાઈમ બ્રાંચે 10 આરોપીઓને ઝડપી લીધા હતા. દરમ્યાન ક્રાઈમ બ્રાંચની ટીમે આરોપીઓ સાથે પંચનામાના કામે જતા અમદાવાદ હાઈવે પર હિરાસર એરપોર્ટ પાસે આરોપીએ પોલીસ ટીમ પર હુમલો કરી નાસી જવાનો પ્રયાસ કર્યો હતો. જેમા ક્રાઈમ બ્રાંચની ટીમે સ્વબચાવમાં ફાયરિંગ કરતા આરોપીને પગમાં ઈજા થતા સારવાર માટે સિવીલ હોસ્પીટલમાં ખસેડાયો છે. પોલીસ સુત્રોના જણાવ્યા મુજબ સૂત્રધાર અશ્વિનીકુમાર ઉર્ફે લંકેશ રાજપૂતને 5 મહિના અગાઉ જ તન્વી ગોલ્ડ પેઢીમાંથી નોકરીમાંથી કાઢી મૂકવામાં આવ્યો હતો. આ બાબતનો ખાર રાખી લંકેશે પેઢીને લૂંટવાનો પ્લાન ઘડી કાઢયો હતો. તેણે પેઢીમાં કામ કરતા કર્મચારી શૈલેષ ખરવાર પાસેથી માલની હેરફેર અને સમયની તમામ ગુપ્ત માહિતી મેળવી હતી. બનાવના દિવસે પેઢીના ગેઈટ પાસે મેનેજર લાલજીભાઈ સરધારા પર ફાયરિંગ કરી તેમની હત્યા કરી અને લૂંટને અંજામ આપ્યો હતો. દરમ્યાન લૂંટારૂની વધુ એક ટીમ ચોટીલા તરફ અન્ય કારમાં હોવાનું અને લૂંટ ચલાવનાર ગેંગનું પાયલોટીંગ કરતી હોવાનુ બહાર આવ્યુ હતુ. દરમ્યાન ક્રાઈમ બ્રાંચે અશ્વિનીકુમાર ઉર્ફે લંકેશ મનોજસિંહ રાજપૂત, અનુરાગસિંહ ઓમપ્રકાશસિંહ રાજપૂત, વિશાલસિંહ વિનોદસિંહ રાજપૂત, શિવમ ગિરીશચંદ્ર ગુપ્તા, વેદાંત કાંત ઉર્ફે અમન રમાકાંત પાંડે, પવનકુમાર શિવપ્રસાદ ચૌબે, અરવિંદ ઉર્ફે નીરજ હરીશંકર તિવારી, શૈલેષ કર્મવીર ખરવાર, અજિતકુમાર રામશપથ પાંડે અને શિવમ અશોક પાંડેની ધરપકડ કરી હતી.તે દરમ્યાન તપાસ માટે આરોપીઓને લઈને ક્રાઈમ બ્રાંચની ટીમ આરોપીઓને લઈને ચોટીલા જતી હતી તે દરમ્યાન અમદાવાદ હાઈવે પર હિરાસર એરપોર્ટ પાસે આરોપી અનુરાગ ઓમ પ્રકાશસીંગ રાજપૂતએ એરપોર્ટ પાસે હથીયાર ફેકી દિધાની કબૂલાત આપી હતી. જે અંગે તપાસ કરવા જતા અનુરાગે છુપાવેલુ હથીયાર લઈને ક્રાઈમ બ્રાંચની ટીમ પર બે રાઉન્ડ ફાયરિંગ કર્યુ હતુ. જેમાં સ્વ બચાવમાં પીએસઆઈ ડોડીયા હવામાં ગોળીબાર કર્યા બાદ આરોપી સામે ફાયરિંગ કરતા અનુરાગને પગમાં ઈજા થઈ હતી. જયારે ઘાયલ આરોપી અને પીએસઆઈને સારવાર માટે સિવીલ હોસ્પીટલમાં ખસેડાયા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Patadi : APMCની ચૂંટણીમાં આજે પરિણામ

સુરેન્દ્રનગર જિલ્લાના પાટડી ખેતીવાડી ઉત્પન્ન બજાર સમીતીની ચૂંટણીમાં શુક્રવારે મતદાન યોજાયુ હતુ. જેમાં ખેડુત વિભાગની 10 બેઠકો 17 ઉમેદવારો મેદાને જંગમાં છે. ત્યારે ખેડુત વિભાગના નોંધાયેલા 482 મતદારોમાંથી 452 મતદારોએ ઉત્સાહભેર મતદાન કર્યુ હતુ. ત્યારે 9 3.78 ટકા મતદાન બાદ આજે યોજાનાર મત ગણતરીમાં ઉમેદવારોનું ભાવિ નક્કી થશે. સુરેન્દ્રનગર જિલ્લામાં એપીએમસીમાં છેલ્લા થોડા માસથી ચૂંટણીઓનો માહોલ છે. અગાઉ જિલ્લાના મૂળી અને ધ્રાંગધ્રા એપીએમસીમાં ચૂંટણી યોજાઈ હતી. જયારે લખતર એપીએમસીમાં ચેરમેન-વાઈસ ચેરમેનની યોજાયેલ ચૂંટણી ડખે ચડી હતી. ત્યારે ખેત બજાર અને ગ્રામ્ય અર્થતંત્ર, ગાંધીનગરના નીયામક દ્વારા તા. 23-7ના રોજ પાટડી એપીએમસીની ચૂંટણીની જાહેરાત કરવામાં આવી હતી. આ જાહેરાત થતા જ પાટડીના સ્થાનીક રાજકારણમાં ગરમાવો ફેલાયો હતો. પાટડી એપીએમસીમાં ફોર્મ ભરવાના અંતીમ દિવસ સુધીમાં વેપારી વિભાગની 4 બેઠક માટે રાજેન્દ્રકુમાર ખોડીદાસભાઈ પટેલ, લલીતભાઈ ધરમશીભાઈ પટેલ, દેવેન્દ્રકુમાર હીરાભાઈ પાવરા અને હાર્દીકકુમાર મહેશભાઈ સીંધવે જ ફોર્મ ભરતા ચારેય ઉમેદવારો બીનહરીફ થયા હતા. જયારે ખેડુત વિભાગની 10 બેઠક માટે 38 ફોર્મ ભરાયા હતા. જેમાં ચકાસણીમાં 1 ફોર્મ રદ્દ અને 20 ઉમેદવારોએ ફોર્મ પરત ખેંચતા 10 બેઠકો માટે 17 ઉમેદવારો ચૂંટણી જંગમાં રહ્યા હતા. ત્યારે તા. 16ને શુક્રવારે પાટડી એપીએમસીના ચૂંટણી અધીકારી અને જિલ્લા રજીસ્ટ્રાર (સહકારી મંડળીઓ) કોમલબેન ચૌધરી, નીકુલગીરી ગોસ્વામી દ્વારા ચૂંટણીમાં મતદાનની કાર્યવાહી હાથ ધરાઈ હતી. જેમાં મતદારોનો સવારથી ઉત્સાહ નજરે પડતો હતો. અને સવારથી જ મતદારોએ લાંબી લાઈનો લગાવી હતી. સાંજના 5 કલાક સુધી યોજાયેલ મતદાનમાં ખેડુત વિભાગના નોંધાયેલા 482માંથી 452 મતદારોએ પોતાના મતાધીકારનો ઉપયોગ કરતા 9 3.78 ટકા મતદાન થયુ છે. પાટડી એપીએમસીની ચૂંટણીમાં આજે તા. 17મીએ મત ગણતરી હાથ ધરાશે. જયારે બપોર સુધીમાં પરિણામો આવી જવાની શકયતા રહેલી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward