android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Delhi Building Collapse: મંજૂરી વગરની પાંચમા માળવાળી બધી ઇમારતો થશે સીલ, CM રેખા ગુપ્તાનો આદેશ
calendar_today September 7, 2026

Delhi Building Collapse: મંજૂરી વગરની પાંચમા માળવાળી બધી ઇમારતો થશે સીલ, CM રેખા ગુપ્તાનો આદેશ

Delhi Building Collapse: દિલ્હીના સત્ય નિકેતન વિસ્તારમાં પાંચ માળની ઇમારત ધરાશાયી થવાથી છ લોકોના મોત બાદ, સરકારે એક મોટો નિર્દેશ જારી કર્યો છે. મુખ્યમંત્રીએ મંજૂરી વિના પાંચમા માળનું બાંધકામ ધરાવતી તમામ ઇમારતોને તાત્કાલિક સીલ કરવાનો આદેશ આપ્યો છે.સતત અપડેટ ચાલુ છે... 

Read Full Story arrow_forward
PM Modiના ગુજરાત-મહારાષ્ટ્ર પ્રવાસ દરમિયાન રૂ.35,000 કરોડથી વધુના વિકાસકાર્યોની આપશે ભેટ
calendar_today September 7, 2026

PM Modiના ગુજરાત-મહારાષ્ટ્ર પ્રવાસ દરમિયાન રૂ.35,000 કરોડથી વધુના વિકાસકાર્યોની આપશે ભેટ

વડાપ્રધાન નરેન્દ્ર મોદી ગુજરાત અને મહારાષ્ટ્રના પ્રવાસે રહેશે. આ પ્રવાસ દરમિયાન વડોદરા ખાતેથી તેઓ રૂ.35,000 કરોડથી વધુના વિવિધ વિકાસ પ્રકલ્પોની આધારશિલા મૂકશે તેમજ તેને દેશને સમર્પિત કરશે. આ ઉપરાંત તેઓ મુંબઈ ખાતે ગ્લોબલ ફિનટેક ફેસ્ટ (GFF) 2026નું ઉદ્ઘાટન કરીને સંબોધન કરશે.  પશ્ચિમી ડેડિકેટેડ ફ્રેઇટ કોરિડોરના નવા સેક્શન રાષ્ટ્રને સમર્પિત  વડાપ્રધાન રૂ.20,700 કરોડથી વધુના ખર્ચે તૈયાર કરાયેલા 326 કિલોમીટર લાંબા પશ્ચિમી ડેડિકેટેડ ફ્રેઇટ કોરિડોર (WDFC)ના ત્રણ મહત્વપૂર્ણ સેક્શન રાષ્ટ્રને સમર્પિત કરશે. તેની સાથે જ તેઓ ન્યૂ સાણંદ (ઉત્તર), ન્યૂ મકરપુરા, ન્યૂ ઉંબરગામ અને મુંબઈના ન્યૂ જેએનપીટી (JNPT) ખાતેથી માલગાડીઓની સેવાઓને લીલી ઝંડી બતાવીને રવાના કરશે.  આદિવાસી વિસ્તારો માટે નવી રેલવે સેવા અને લાઇનનું લોકાર્પણવડોદરા અને ટાંડા રોડ વચ્ચે નવી ટ્રેન સેવાનો પ્રારંભ કરાવવામાં આવશે, જેનાથી વડોદરા, છોટાઉદેપુર અને અલીરાજપુર જિલ્લાના નાગરિકોને સીધો લાભ થશે. છોટાઉદેપુર-ધાર પ્રોજેક્ટ હેઠળ નિર્માણ પામેલી જોબટ-ટાંડા રોડ નવી રેલ લાઇન પણ દેશને સમર્પિત કરાશે, જે અલીરાજપુરના દૂરસુદૂરના આદિવાસી વિસ્તારોને રાષ્ટ્રીય રેલ નેટવર્ક સાથે જોડશે.રૂ. 9,700 કરોડથી વધુના રેલવે અને હાઇવે પ્રોજેક્ટ્સનો શિલારોપણ  વડાપ્રધાન દ્વારા રૂ.9,700 કરોડથી વધુના ખર્ચ ધરાવતા ત્રણ રેલવે પ્રોજેક્ટ્સ અને આશરે રૂ.1,780 કરોડના ખર્ચે આકાર પામનારા ત્રણ રાષ્ટ્રીય રાજમાર્ગ (નેશનલ હાઇવે) પ્રોજેક્ટ્સનો શિલાન્યાસ કરવામાં આવશે. આ ઉપરાંત, ગુજરાત સરકારના આશરે રૂ.2,600 કરોડના વિવિધ વિકાસકાર્યોનું લોકાર્પણ અને ખાતમુહૂર્ત કરાશે. આ પ્રસંગે તેઓ વિશાળ જનસભાને પણ સંબોધિત કરશે.  મુંબઈમાં ‘ગ્લોબલ ફિનટેક ફેસ્ટ 2026’નું ઉદ્ઘાટન  મહારાષ્ટ્રના મુંબઈ ખાતે વડાપ્રધાન ગ્લોબલ ફિનટેક ફેસ્ટ (GFF) 2026નું ઉદ્ઘાટન કરશે. આ વર્ષની ફિનટેક કોન્ફરન્સની મુખ્ય થીમ “અસરની ક્ષમતા : એજન્ટિક AI, ટોકનાઇઝેશન, ક્વોન્ટમ – સમાવેશી નાણાકીય વ્યવસ્થા માટે વિશ્વસનીય, કનેક્ટેડ અને વૈશ્વિક પ્રણાલીઓ” (Potential to Impact: Agentic AI, Tokenisation, Quantum – Trusted, Connected, Global Systems for Inclusive Finance) રાખવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Surat: ભાજપ કાર્યકર હત્યા કેસના આરોપી કુખ્યાત 'માન્યા ડુક્કર' સામે ખંડણીનો નવો ગુનો નોંધાયો, બિલ્ડર-કોન્ટ્રાક્ટરને આપી હતી ધમકી
calendar_today September 7, 2026

Surat: ભાજપ કાર્યકર હત્યા કેસના આરોપી કુખ્યાત 'માન્યા ડુક્કર' સામે ખંડણીનો નવો ગુનો નોંધાયો, બિલ્ડર-કોન્ટ્રાક્ટરને આપી હતી ધમકી

સુરત શહેરના ચર્ચાસ્પદ ભાજપ કાર્યકર હત્યા કેસમાં જેલહવાલે થયેલા કુખ્યાત ગુનેગાર સાગર ઉર્ફે 'માન્યા ડુક્કર'નો આતંક ઓછો થવાનું નામ લેતો નથી. હાલ સુરતની લાજપોર સેન્ટ્રલ જેલમાં બંધ હોવા છતાં માન્યા ડુક્કર સામે ખંડણી અને રંગદારીનો વધુ એક ગંભીર ગુનો સુરત પોલીસ ચોપડે નોંધાયો છે.બિલ્ડર અને કોન્ટ્રાક્ટરને ધમકાવી 15 લાખ માગ્યામળતી વિગતો અનુસાર, આરોપી સાગર ઉર્ફે માન્યા ડુક્કરે લિંબાયત વિસ્તારમાં એક બિલ્ડર પાસે 15 લાખની તગડી ખંડણીની માંગણી કરી હતી. એટલું જ નહીં, અગાઉ તેણે ચપ્પુ બતાવી બળજબરીપૂર્વક ₹10,000 પડાવી લીધા હતા. આરોપી અને તેની ગેંગે લિંબાયતમાં ચાલી રહેલી એક બાંધકામ સાઇટ પર અચાનક ધસી જઈને ત્યાં હાજર કોન્ટ્રાક્ટર અને શ્રમિકોને ગાળો આપી, જાનથી મારી નાખવાની ધમકી આપી હતી. આરોપીઓએ સાઇટ પર ચાલતું કામ પળવારમાં બંધ કરાવી દહેશતનો માહોલ ઉભો કર્યો હતો.જેલમાંથી પણ ગુનાખોરી અટકતી નથીહત્યા જેવા ગંભીર ગુનામાં જેલમાં હોવા છતાં ભૂતકાળના ગુનાઓની કડી રૂપે ખંડણીનો નવો કિસ્સો સામે આવ્યો. લિંબાયત પોલીસે બિલ્ડરની ફરિયાદના આધારે સાગર ઉર્ફે માન્યા ડુક્કર સામે ધાકધમકી, લૂંટ અને ખંડણીની કલમો હેઠળ ગુનો નોંધ્યો છે. જેલમાં બંધ આ આરોપીની ટ્રાન્સફર વોરન્ટ અથવા કાનૂની પ્રક્રિયા હેઠળ વધુ પૂછપરછ હાથ ધરવામાં આવશે.આ પણ વાંચો: Sayla: વાડીમાં 7 કિલો ગાંજો મૂકી નિર્દોષને ફસાવનાર બાતમીદાર જ નીકળ્યો આરોપી; 2 ની ધરપકડ

Read Full Story arrow_forward