Chhotaudepur: ચીલરવાંટનો ગ્રામસેવક 7 હજારની લાંચ લેતા રંગેહાથ ઝડપાયો; વનબંધુ યોજનાની સબસિડી માટે માગ્યા પૈસા
છોટાઉદેપુર જિલ્લામાં સરકારી યોજનાના લાભાર્થી પાસેથી લાંચ માગનાર ચીલરવાંટના ગ્રામસેવક સામે લાંચ રુશવત વિરોધી બ્યુરો (ACB) એ લાલ આંખ કરી છે. પ્રાપ્ય વિગતો અનુસાર, ચીલરવાંટ ગ્રામ પંચાયતમાં ગ્રામસેવક તરીકે ફરજ બજાવતા માધવભાઈ મનુશંકર ધાંધલિયાએ વનબંધુ કલ્યાણ યોજના હેઠળ મંજૂર થયેલી ટ્રેક્ટર યોજનાની રૂ. 1 લાખની સબસિડીનો ચેક અરજદારને આપવાના બદલામાં રૂ. 7 હજારની લાંચની કાયદેસરની માગણી કરી હતી.ગ્રામસેવક લાંચ લેતા ઝડપાયોઅરજદાર લાંચની આ રકમ આપવા માંગતા ન હોવાથી તેમણે આ અંગે તુરંત જ લાંચ રુશવત વિરોધી બ્યુરો (ACB) નો સંપર્ક કરી ગ્રામસેવક સામે સત્તાવાર ફરિયાદ નોંધાવી હતી. ફરિયાદના આધારે છોટાઉદેપુર ACB ની ટીમે તાત્કાલિક એક્શનમાં આવીને લાંચનું છટકું ગોઠવ્યું હતું. યોજના મુજબ, બરોજ ગામ ખાતેથી ગ્રામસેવક માધવભાઈ ધાંધલિયા અરજદાર પાસેથી રૂ. 7,000 ની લાંચની રકમ સ્વીકારી રહ્યા હતા, બરાબર તે જ સમયે વોચમાં રહેલી એસીબીની ટીમે દરોડો પાડીને તેમને રંગેહાથ ઝડપી લીધા હતા.સ્થાનિક વહીવટી તંત્રમાં ભારે ખળભળાટACB ની ટીમે સ્થળ પરથી લાંચની રકમ કબ્જે કરી ગ્રામસેવક માધવભાઈ ધાંધલિયા સામે ભ્રષ્ટાચાર નિવારણ કાયદા હેઠળ ગુનો નોંધી આગળની કાયદાકીય તપાસ હાથ ધરી છે. સરકારી કર્મચારી એસીબીના હાથ ઝડપાઈ જતાં સ્થાનિક વહીવટી તંત્રમાં ભારે ખળભળાટ મચી ગયો છે.આ પણ વાંચો: Surendranagar: લીંબડી હાઇવે પરથી કન્ટેનરમાંથી 1.26 કરોડનો દારૂ જપ્ત, રાજસ્થાનના ડ્રાઇવરની અટકાયત
Read Full Story arrow_forward
