Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

Gujarat: આદિજાતિના ખોટા પ્રમાણપત્રો સામે સરકારની કડક કાર્યવાહી, 75 પ્રમાણપત્રો રદ

Gujarat વિધાનસભાનું ચોમાસુ સત્ર ચાલી રહ્યું છે ત્યારે આદિજાતિના ખોટા પ્રમાણપત્રો અંગે મહત્વની માહિતી સામે આવી છે. વિધાનસભા ગૃહમાં પૂછાયેલા પ્રશ્નના જવાબમાં આદિજાતિ વિકાસ મંત્રી નરેશ પટેલે જણાવ્યું કે, સાચા આદિવાસીઓના હકનું રક્ષણ કરવા સરકાર કટિબદ્ધ છે.1,776માંથી 619 અરજીઓનો નિકાલ, 75 પ્રમાણપત્રો રદજસ્ટિસ કારીયા કમિટી દ્વારા કરવામાં આવેલી ચકાસણી બાદ રાજ્યમાં 1 ઓગસ્ટ 2024થી 31 જુલાઈ 2026 દરમિયાન કુલ 75 જેટલા ખોટા આદિજાતિ પ્રમાણપત્રો રદ કરવામાં આવ્યા છે. પ્રમાણપત્રોની ખરાઈની પ્રક્રિયા નિયમો અનુસાર હાથ ધરવામાં આવી રહી છે. ગાંધીનગર-2 વિશ્લેષણ સમિતિ સમક્ષ આદિજાતિ પ્રમાણપત્રોની ખરાઈ માટે કુલ 1,776 અરજીઓ આવી હતી. તેમાંથી અત્યાર સુધીમાં 619 અરજીઓનો નિકાલ કરવામાં આવ્યો હોવાનું મંત્રીએ વિધાનસભામાં જણાવ્યું હતું.ખોટું સાબિત થાય તો કાર્યવાહીમંત્રી નરેશ પટેલે જણાવ્યું કે, આદિજાતિ પ્રમાણપત્રો યુવાનોની વર્ષોની મહેનત, નોકરી અને કારકિર્દી સાથે સીધી રીતે જોડાયેલા હોય છે. તેથી પ્રમાણપત્રોની ખરાઈની પ્રક્રિયા ગંભીરતા, પારદર્શિતા અને ઊંડાણપૂર્વક કરવામાં આવે છે. ચકાસણી દરમિયાન કોઈ પ્રમાણપત્ર ખોટું હોવાનું સાબિત થાય તો આદિજાતિ વિભાગ દ્વારા સંબંધિત વિભાગને જાણ કરવામાં આવે છે. ત્યારબાદ નિયમો મુજબ નોકરી અથવા અન્ય મળેલા લાભો પરત ખેંચવા સહિતની જરૂરી દંડાત્મક કાર્યવાહી કરવામાં આવે છે.આદિવાસીઓના હક માટે સરકાર કટિબદ્ધમંત્રીએ સ્પષ્ટ કર્યું કે સાચા આદિવાસીઓના અધિકારો પર કોઈ ખોટા પ્રમાણપત્રધારકનો કબજો ન થાય તે માટે સરકાર જરૂરી કાર્યવાહી કરી રહી છે.આ પણ વાંચો: વિધાનસભામાં હોબાળો, હર્ષ સંઘવીએ ઈમરાન ખેડાવાલા સામે કરી કાર્યવાહીની માગ

Read Full Story arrow_forward

calendar_today September 10, 2026

1993 Mumbai Serial Blast : અબૂ સાલેમ હજૂ પણ રહેશે જેલના સળિયા પાછળ, સુપ્રીમ કોર્ટે ફગાવી અરજી

સુપ્રીમ કોર્ટે ગેંગસ્ટર અબુ સાલેમ દ્વારા દાખલ કરવામાં આવેલી અરજી ફગાવી દીધી છે. 2005માં ભારત લાવવામાં આવેલા સાલેમે પોતાની મુક્તિની માંગ કરી હતી. તેણે દાવો કર્યો હતો કે જેલમાં સારા વર્તનને કારણે તેણે બે વર્ષ અને નવ મહિનાથી વધુની સજામાં માફી (remission) મેળવી છે; પરિણામે, તેણે દલીલ કરી હતી કે તેણે તેના પ્રત્યાર્પણની શરતો મુજબ નિર્ધારિત 25 વર્ષની જેલની સજા પૂર્ણ કરી લીધી છે.1993ના મુંબઈ શ્રેણીબદ્ધ વિસ્ફોટોના કેસમાં જેમાં 257 લોકોના મોત થયા હતા. આજીવન કેદની સજા ભોગવી રહેલા આ ગેંગસ્ટરે જણાવ્યું હતું કે તેને 11 નવેમ્બર, 2005ના રોજ પોર્ટુગલથી ભારત લાવવામાં આવ્યો હતો. ભારત સરકારે પોર્ટુગલને ખાતરી આપી હતી કે તેને 25 વર્ષથી વધુ સમય માટે જેલમાં રાખવામાં આવશે નહીં. 2022માં, સુપ્રીમ કોર્ટે પણ અવલોકન કર્યું હતું કે 25 વર્ષની સજા પૂર્ણ કર્યા પછી તે પોતાની મુક્તિ માટે અરજી કરી શકે છે.વકીલ ઋષિ મલ્હોત્રા દ્વારા કરવામાં આવેલી દલીલોસાલેમનું પ્રતિનિધિત્વ કરતા વરિષ્ઠ વકીલ ઋષિ મલ્હોત્રાએ દલીલ કરી હતી કે જ્યારે જેલમાં સારા વર્તન બદલ મળેલી માફીને ટ્રાયલ દરમિયાન કસ્ટડીમાં વિતાવેલા સમય સાથે જોડવામાં આવે છે, ત્યારે તેની 25 વર્ષની સજા પૂર્ણ થઈ જાય છે. મલ્હોત્રાએ વધુમાં દલીલ કરી હતી કે તેને હવે જેલમાં રાખવો એ ગેરકાયદેસર અટકાયત સમાન છે અને તેના બંધારણીય અધિકારોનું ઉલ્લંઘન છે. જોકે, જસ્ટિસ વિક્રમ નાથ અને જસ્ટિસ સંદીપ મહેતાની બનેલી સુપ્રીમ કોર્ટની બેન્ચે આ દલીલોને ફગાવી દીધી હતી. ન્યાયાધીશોએ જણાવ્યું હતું કે બોમ્બે હાઈકોર્ટની ગણતરી મુજબ સાલેમની સજા હજુ પૂર્ણ થઈ નથી અને સુપ્રીમ કોર્ટ આ બાબતમાં દખલ કરશે નહીં.મુક્તિ મેળવવાના અગાઉના પ્રયાસોસાલેમે અગાઉ પણ વિવિધ અરજીઓ દાખલ કરીને મુક્તિ મેળવવાનો પ્રયાસ કર્યો છે. આ વર્ષે 16 ફેબ્રુઆરીએ, સુપ્રીમ કોર્ટે તેની એક અરજી પર સુનાવણી કરવાનો ઇનકાર કર્યો હતો અને કહ્યું હતું કે નાસિક જેલમાંથી પ્રાપ્ત દસ્તાવેજોના આધારે હાઈકોર્ટે આ બાબતની સુનાવણી કરવી જોઈએ. હાઈકોર્ટને વહેલી સુનાવણી કરવાનો નિર્દેશ આપવાનો ઇનકાર કરતી વખતે સુપ્રીમ કોર્ટે ટિપ્પણી કરી હતી કે, "તમને TADA હેઠળ સજા ફટકારવામાં આવી છે, સમાજ માટે કોઈ સારું કામ કરવા બદલ નહીં."આ પણ વાંચો: સેમ અવાજ, એ જ ફોટો અને AIથી છેતરપિંડી... પ્રિયંકા ગાંધીના નામ પર કૌભાંડ કરી રહ્યા છે સાયબર ઠગ

Read Full Story arrow_forward

calendar_today September 10, 2026

Mumbai Goa Highwayના ઉદ્ઘાટનમાં હું નહીં જઊ.. કામમાં મોડુ થતા ભડક્યા નીતિન ગડકરી, કોન્ટ્રાક્ટરોનો લેશે ઉધડો

મુંબઈ-ગોવા હાઈવેના નિર્માણમાં થઈ રહેલા વિલંબને કારણે કેન્દ્રીય મંત્રી નીતિન ગડકરી ખૂબ જ નારાજ અને શરમ અનુભવી રહ્યા છે.  તેમણે કોન્ટ્રાક્ટરો સામે કડક કાર્યવાહીનું વચન આપ્યું છે અને જણાવ્યું છે કે તેઓ આ પ્રોજેક્ટના ઉદ્ઘાટન સમારોહથી દૂર રહેશે.હું ઉદ્ઘાટન સમારોહમાં હાજરી નહી આપુ- નીતિન ગડકરી કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ મુંબઈ-ગોવા હાઈવેના નિર્માણમાં થઈ રહેલા વિલંબ અંગે નારાજગી વ્યક્ત કરી હતી. ગોવામાં એક કાર્યક્રમ દરમિયાન બોલતા, ગડકરીએ સ્પષ્ટપણે સ્વીકાર્યું કે આ પ્રોજેક્ટ આટલો લાંબો સમય ખેંચાયો છે તે જોઈને તેમને શરમ અનુભવાય છે. તેમણે ત્યાં સુધી કહ્યું કે તેઓ હાઈવેના ઉદ્ઘાટન સમારોહમાં હાજરી આપશે નહીં.મુંબઇ ગોવા હાઇવે નિર્માણમાં થયો વિલંબ ગડકરીએ ગોવાના પણજી નજીક પોરવોરિમમાં છ-લેન એલિવેટેડ રોડ કોરિડોરના ઉદ્ઘાટન દરમિયાન આ ટિપ્પણીઓ કરી હતી. તેમણે ભારપૂર્વક જણાવ્યું હતું કે મોટા ઈન્ફ્રાસ્ટ્રક્ચર પ્રોજેક્ટ્સ નિર્ધારિત સમયમર્યાદામાં પૂર્ણ થવા જોઈએ. તેમણે સતત વિલંબ માટે જવાબદાર કોન્ટ્રાક્ટરો સામે કાર્યવાહીનું વચન આપ્યું અને કહ્યું કે તેઓ પોતે હાઈવેનું નિરીક્ષણ કરશે.કોન્ટ્રાક્ટરોને બ્લેક લિસ્ટ કરીને કડક કાર્યવાહી ચાલુ જ રહેશે- નીતિન ગડકરી નીતિન ગડકરીએ જણાવ્યું હતું કે બાંધકામમાં વિલંબ અને નબળી ગુણવત્તાવાળા કામ માટે જવાબદાર કોન્ટ્રાક્ટરો અને અધિકારીઓ સામે કડક કાર્યવાહી ચાલુ રહેશે. તેમણે કહ્યું, "હું એક જ વર્ષમાં સૌથી વધુ સંખ્યામાં કોન્ટ્રાક્ટરોને બ્લેકલિસ્ટ કરવાનો, તેમની સામે કાર્યવાહી કરવાનો અને અધિકારીઓને સસ્પેન્ડ કરવાનો રેકોર્ડ બનાવવા માંગુ છું. હું હવે આ કરવાનું બંધ કરવાનો નથી."હું બાય રોડ જઇને હાઇવેનું નિરીક્ષણ કરીશ- નીતિન ગડકરી તેમણે એ પણ ઉલ્લેખ કર્યો કે તેઓ પોતે હાઈવેનું નિરીક્ષણ કરશે. કેન્દ્રીય મંત્રીએ કહ્યું, "હું ઓક્ટોબરમાં મુંબઈ એરપોર્ટ પર ઉતરીશ અને રસ્તા દ્વારા ગોવા જઈશ જેથી હું હાઈવેનું વ્યક્તિગત રીતે નિરીક્ષણ કરી શકું અને જોઈ શકું કે મુસાફરો માટે મુસાફરી સરળ બની છે કે નહીં."જૂન 2015માં હાઇવે પૂર્ણ કરવાનો લક્ષ્યાંક હતો મુંબઈ-ગોવા હાઈવે મહારાષ્ટ્રના દરિયાકાંઠાના કોંકણ પ્રદેશમાંથી પસાર થાય છે. આ હાઈવેથી રોજિંદા મુસાફરો અને કોંકણ પ્રદેશ તરફ જતા પ્રવાસીઓને રાહત મળવાની અપેક્ષા છે, જેમણે વર્ષોથી ખાડાવાળા રસ્તાઓની સમસ્યાનો સામનો કર્યો છે. એપ્રિલ 2015માં ગડકરીએ કહ્યું હતું કે લાંબા સમયથી અટવાયેલો મુંબઈ-ગોવા હાઈવે પ્રોજેક્ટ તે વર્ષના જૂન મહિના સુધીમાં પૂર્ણ થઈ જશે. જોકે, જમીન સંપાદનને લગતા કાનૂની વિવાદો પણ વિલંબનું મુખ્ય કારણ રહ્યા છે.Shani Margi 2026: 2027 સુધીમાં આ રાશિ કમાશે અઢળક પૈસો, શનિદેવ વરસાવશે કૃપા

Read Full Story arrow_forward