Community News & Updates

Stay informed with the latest happenings, achievements, and announcements from our community.

All News

calendar_today September 10, 2026

National Film Awards: દિલ્હીને બદલે ગુજરાતમાં ફિલ્મ એવોર્ડ યોજવાનું કારણ શું? રાજ ઠાકરેએ વ્યક્ત કરી નારાજગી

નેશનલ ફિલ્મ એવોર્ડ્સના 72 વર્ષના ઈતિહાસમાં પ્રથમ વખત આ સમારોહને રાષ્ટ્રીય રાજધાની દિલ્હીથી ગુજરાતના કેવડિયામાં ખસેડવામાં આવી રહ્યો છે.  જેને લઇને વિરોધના સૂર છેડાયા છે. પહેલા ઉદ્ધવ ઠાકરેએ વિરોધ કર્યો જ્યારે હવે મનસે વડા રાજઠાકરેએ આ મુદ્દે પ્રતિક્રિયામાં નારાજગી વ્યક્ત કરી છે નેશનલ ફિલ્મ એવોર્ડ્સ કેમ ગુજરાતમાં ?   મહારાષ્ટ્ર નવનિર્માણ સેના (MNS)ના વડા રાજ ઠાકરેએ  નારાજગી વ્યક્ત કરતા  કહ્યું કે, એક તરફ આર્થિક રાજધાની મુંબઈનું મહત્વ ઘટાડવાના પ્રયાસો ચાલુ છે, ત્યારે હવે રાષ્ટ્રીય રાજધાની દિલ્હીના મહત્વને પણ ધીમે ધીમે ઓછું કરવાના પ્રયાસો શરૂ થઈ ગયા છે.એક્સ હેન્ડલ પરથી રાજ ઠાકરેએ કેન્દ્રની મોદી સરકાર પર નિશાન સાધ્યું અને નેશનલ ફિલ્મ એવોર્ડ્સને દિલ્હીથી ગુજરાત ખસેડવા પાછળનું વાસ્તવિક કારણ પૂછ્યું. વધુમાં તેમણે ભાજપના નેતૃત્વને "અસમર્થ" ગણાવતા લખ્યું કે જ્યારે કોઈ નવું સર્જન કરવામાં અસમર્થ હોય છે, ત્યારે તે લાંબા સમયથી ચાલી આવતી પરંપરાઓ, નામો અને સ્થળોમાં ફેરફાર કરીને ભ્રામક ઈતિહાસ રચવાનો પ્રયાસ કરે છે. 'એવોર્ડ સમારોહ મુંબઈમાં કેમ યોજાઈ રહ્યો નથી?' – રાજ ઠાકરેઆ ઉપરાંત, કોઈનું નામ લીધા વિના ઠાકરેએ લખ્યું કે સત્તામાં રહેલા બે નેતાઓને ડર છે કે તેમનો પ્રભાવ કદાચ માત્ર ગુજરાત પૂરતો જ સીમિત રહી જશે. પરિણામે, તે રાજ્યની ભવ્યતા અને મહત્વ દર્શાવવા માટે 72 વર્ષ જૂની પરંપરા બદલવામાં આવી.ઠાકરેએ સવાલ ઉઠાવ્યો કે જો એવોર્ડ સમારોહનું સ્થળ બદલવું જ હતું, તો તેને મુંબઈ કેમ ન લઈ જવામાં આવ્યું? જે રાજ્યમાં દાદાસાહેબ ફાળકેએ ભારતીય સિનેમાનો પાયો નાખ્યો હતો, ત્યાં આ પુરસ્કારો કેમ આપવામાં આવતા નથી ? મહારાષ્ટ્ર, તમિલનાડુ, કેરળ, આંધ્રપ્રદેશ કે તેલંગાણા જેવા રાજ્યોમાં કેમ નહીં, જ્યાં સૌથી વધુ ફિલ્મોનું નિર્માણ થાય છે?'તમામ મોટા રાષ્ટ્રીય પ્રોજેક્ટ્સ માત્ર ગુજરાતમાં જ કેમ થાય છે?'એટલું જ નહીં, શાબ્દિક પ્રહાર કરતા રાજ ઠાકરેએ કહ્યું કે ભૂતકાળના વડાપ્રધાનોએ ક્યારેય તેમના ગૃહ રાજ્યોનું કદ વધારવાનો પ્રયાસ કર્યો ન હતો. હવે આપણે જોઈએ છીએ કે કોમનવેલ્થ ગેમ્સ ગુજરાતમાં યોજાઈ રહી છે. 2023 ક્રિકેટ વર્લ્ડ કપની ફાઈનલ પણ ગુજરાતમાં થાય છે.  મુલાકાતે આવતા રાષ્ટ્રાધ્યક્ષોને ગુજરાત લઈ જવામાં આવે છે. ગિફ્ટ સિટી (GIFT City) પ્રોજેક્ટ મુંબઈથી ગુજરાત ખસેડવામાં આવે છે. આખરે નરેન્દ્ર મોદી અને અમિત શાહ શું સંદેશ આપવા માંગે છે?"

Read Full Story arrow_forward

calendar_today September 10, 2026

Jammu kashmir: સુરક્ષિત રહેઠાણ આપવામાં નહીં આવે તો કરીશું ભૂખ હડતાળ, કાશ્મીરી પંડિતોએ આપી ચેતવણી

Jammu kashmir: વડાપ્રધાનના રોજગાર પેકેજ હેઠળ કામ કરતા કાશ્મીરી પંડિત કર્મચારીઓએ બુધવારે શ્રીનગરમાં સુરક્ષિત રહેઠાણની માંગ સાથે વિરોધ પ્રદર્શન કર્યું હતું. તેમણે જણાવ્યું હતું કે જોકે તેમના કાર્યસ્થળો પર સુરક્ષા વ્યવસ્થા પર્યાપ્ત છે, તેમ છતાં આતંકવાદીઓ તરફથી મળતી સતત ધમકીઓ અને ડરના માહોલને કારણે તેઓ સુરક્ષિત રહેઠાણના અભાવને લઈને ચિંતિત છે.શ્રીનગરના 'પ્રેસ એન્ક્લેવ' ખાતે એકત્ર થયેલા વિરોધ કરી રહેલા કર્મચારીઓએ માંગ કરી હતી કે વહીવટીતંત્ર તેમને તાત્કાલિક ધોરણે તૈયાર થઈ ગયેલી રહેણાંક ઇમારતોમાં રહેઠાણની સુવિધા પૂરી પાડે. તેમણે વધુમાં ચેતવણી આપી હતી કે જો 30 સપ્ટેમ્બર સુધીમાં તેમને સુરક્ષિત આવાસનો કબજો સોંપવામાં નહીં આવે, તો તેઓ પોતાની માંગણીઓ મનાવવા માટે અનિશ્ચિત મુદતના ઉપવાસ આંદોલન શરૂ કરવાની ફરજ પડશે.આતંકવાદી સંગઠન દ્વારા નિશાન બનાવવાની ધમકીઓકાશ્મીરી પંડિત કર્મચારીઓનું આ વિરોધ પ્રદર્શન તેમને નિશાન બનાવવાની આતંકવાદી સંગઠનની ધમકીઓ વચ્ચે થઈ રહ્યું છે. 'યુનાઇટેડ લિબરેશન કાઉન્સિલ' નામના આતંકવાદી જૂથે આ વિસ્તારમાં કામ કરતા કાશ્મીરી પંડિત કર્મચારીઓ વિરુદ્ધ ધમકીઓ આપી છે. વિરોધ કરી રહેલા કર્મચારીઓના જણાવ્યા અનુસાર, આતંકવાદીઓએ સોશિયલ મીડિયા પર કેટલાક કર્મચારીઓના નામ અને ફોન નંબર પણ જાહેર કર્યા હતા.26 તૈયાર ઇમારતોમાં રહેઠાણની વ્યવસ્થા કરોપ્રેસ એન્ક્લેવ ખાતે વિરોધ કરી રહેલા એક કર્મચારીએ કહ્યું, "અમે અમારા કાર્યસ્થળો પરની સુરક્ષા વ્યવસ્થાથી સંતુષ્ટ છીએ. અમારી એકમાત્ર ચિંતા રહેઠાણની છે. વહીવટીતંત્રે 26 તૈયાર ઇમારતો કર્મચારીઓને ફાળવવી જોઈએ." તેમણે ઉમેર્યું હતું કે આવાસના મુદ્દે કર્મચારીઓને કોઈને કોઈ બહાને ધક્કા ખવડાવવામાં આવી રહ્યા છે.તેમણે સવાલ કર્યો, "આ 26 ઇમારતો માટે તમામ મંજૂરીઓ મળી ગઈ છે અને તેમાં લગભગ 400 કર્મચારીઓ રહી શકે છે. તો પછી તેઓ કર્મચારીઓને આ ઇમારતોનો કબજો કેમ નથી સોંપતા? અમે છેલ્લા 16 વર્ષથી અહીં કામ કરી રહ્યા છીએ, છતાં અમારી પાસે હજુ પણ સુરક્ષિત રહેઠાણનો અભાવ છે."વડાપ્રધાનનું રોજગાર પેકેજ 2008માં શરૂ કરાયું હતુંકાશ્મીરી સ્થળાંતરિતો માટે વડાપ્રધાનનું રોજગાર પેકેજ 2008માં જાહેર કરવામાં આવ્યું હતું. ત્યારબાદ, 2010માં આ યોજના હેઠળ ભરતી પ્રક્રિયા શરૂ થઈ હતી. તેનો ઉદ્દેશ્ય વિસ્થાપિત કાશ્મીરી યુવાનોને રોજગારી પૂરી પાડવાનો અને તેમના પુનર્વસનમાં મદદ કરવાનો હતો. આ યોજનામાં સરકારી નોકરીઓ સાથે 'ટ્રાન્ઝિટ એકમોડેશન' (કામચલાઉ રહેઠાણ)ની સુવિધા પૂરી પાડવાનો પણ પ્રસ્તાવ હતો.વિરોધ કરી રહેલા કર્મચારીઓ હવે રહેવા માટે તૈયાર હોય તેવા આવાસ એકમોની તાત્કાલિક ફાળવણીની માંગ કરી રહ્યા છે, જેથી તેઓ તેમના કાર્યસ્થળોની નજીક સુરક્ષિત રીતે રહીને કામ કરી શકે. તેમણે એવી ચેતવણી પણ આપી છે કે જો 30 સપ્ટેમ્બર સુધીમાં તેમની માંગણીઓ સ્વીકારવામાં નહીં આવે, તો તેઓ અનિશ્ચિત મુદતની ભૂખ હડતાળ શરૂ કરશે.આ પણ વાંચો: Bihar: ચીસાચીસ... બૂમાબૂમ... લાલગંજમાં નિર્માણાધીન પુલ માટેનું 'લોન્ચર' ધરાશાયી, 2 લોકોની હાલત ગંભીર

Read Full Story arrow_forward

calendar_today September 10, 2026

Ahmedabad News: આરોપીએ iPhone અને Androidની બેટરીથી બ્લાસ્ટની ધમકી આપી, જાણો ઈમેલમાં શું લખ્યું?

ગુજરાતમાં ફરીવાર બોમ્બની ધમકીઓ મળવાનો સીલસીલો શરૂ થયો છે. આજે અમદાવાદની સ્કૂલો, ગાંધીનગર કોર્ટ અને વિધાનસભાને બોમ્બથી ઉડાવી દેવાની ધમકી આપતો ઈમેલ મળ્યો હતો. આ ધમકીને પગલે પોલીસ અને સુરક્ષા એજન્સીઓ દોડતી થઈ ગઈ હતી. શાળાઓમાંથી બાળકોને રજા આપી દેવાઈ હતી. જ્યારે કોર્ટ અને વિધાનસભા પરિસરને ખાલી કરવામાં આવી હતી. પોલીસને તપાસમાં કંઈ જ નહીં મળતાં રાહતનો શ્વાસ લીધો હતો. આ ધમકી ભર્યો ઈમેલ કરનારા આરોપીએ ઈમેલમાં ચોંકાવનારી વિગતો લખી હતી.  આરોપીએ ઈમેલમાં શું ધમકીઓ આપી?અમદાવાદની શાળાઓને ઈમેલ દ્વારા મળેલી બોમ્બની ધમકીના મામલામાં ચોંકાવનારી વિગતો સામે આવી છે.ધમકીભર્યા મેલમાં શાળાઓમાં બપોરે 1.11 વાગ્યે બ્લાસ્ટ કરવાની ધમકી આપવામાં આવી હતી.આ ધમકી માત્ર અમદાવાદ પૂરતી સીમિત ન હતી પરંતુ મેલમાં બ્રિક્સ અને દિલ્હીના પ્રગતિ મેદાનમાં પણ વિસ્ફોટ કરવાની ધમકીઓ ઉચ્ચારવામાં આવી છે.આરોપીઓએ આતંક ફેલાવવા માટે આઈફોન (iPhone) અને એન્ડ્રોઈડ (Android) ફોનની બેટરીઓનો ઉપયોગ કરીને બ્લાસ્ટ કરવાની ધમકી આપી હતી.એટલું જ નહીં, મેલમાં ગુજરાત બોલશે અને ખાલિસ્તાન ઝિંદાબાદના સૂત્રોનો ઉલ્લેખ કરવાની સાથે એવી પણ ચીમકી આપવામાં આવી છે કે બ્રિક્સનો કોઈપણ દેશ ભારતની મદદ ન કરે અને જો કોઈ દેશ ભારતની મદદ કરશે તો તે સીધો તેમના નિશાન પર આવશે.ગાંધીનગર કોર્ટ અને વિધાનસભામાંથી કંઈ ના મળ્યુંપોલીસ અને બોમ્બ સ્કવોડની ઊંડાણપૂર્વકની તપાસ દરમિયાન વિધાનસભા તેમજ કોર્ટ પરિસરમાંથી કોઈ પણ પ્રકારની શંકાસ્પદ વસ્તુ કે સામગ્રી મળી આવી નહોતી. તમામ સુરક્ષા પાસાંઓની પૂરતી ખાતરી થઈ ગયા બાદ અફવાઓ પર વિરામ મુકાયો હતો અને વિધાનસભાનું કાર્યવાહી સત્ર પોતાના નિર્ધારિત સમયે જ રાબેતા મુજબ શરૂ થઈ ગયું હતું.ગાંધીનગર પોલીસ દ્વારા આ મામલે સત્તાવાર ફરિયાદ દાખલ કરીને વધુ તપાસ હાથ ધરવામાં આવી છે. પોલીસની પ્રાથમિક તપાસમાં ખુલાસો થયો છે કે આ ધમકીભર્યો ઈ-મેઈલ દેશની બહારથી મોકલવામાં આવ્યો હતો.આશરે 6 મહિના પહેલાં પણ આ જ પદ્ધતિથી ધમકી આપવામાં આવી હતી. સામાન્ય રીતે દેશ બહારથી જ આવા ફેક ધમકીભર્યા મેઈલ આવતા હોવાથી સાયબર ક્રાઈમ ટીમે ટેકનિકલ તપાસ હાથ ધરી છે.આ પણ વાંચોઃ Gandhinagar News: નેપાળ પૂર દુર્ઘટનામાં ગુમ થયેલા ગુજરાતીઓની ઓળખ માટે DNA સેમ્પલિંગ પ્રક્રિયા પૂર્ણતાના આરે

Read Full Story arrow_forward