android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Jam Khambhaliyaના સલાયામાં રખડતા આખલાઓનો આતંક: જાહેર માર્ગ પર 3 આખલાઓ વચ્ચે જામ્યું યુદ્ધ
calendar_today June 13, 2026

Jam Khambhaliyaના સલાયામાં રખડતા આખલાઓનો આતંક: જાહેર માર્ગ પર 3 આખલાઓ વચ્ચે જામ્યું યુદ્ધ

દેવભૂમિ દ્વારકા જિલ્લાના જામ ખંભાળિયા તાલુકાના સલાયા શહેરમાંથી રખડતા પશુઓના આતંકની એક ચોંકાવનારી ઘટના સામે આવી છે. સલાયાના મુખ્ય અને વ્યસ્ત એવા શાક માર્કેટ વિસ્તારમાં અચાનક એકસાથે ત્રણ આખલાઓ વચ્ચે જબ્બર યુદ્ધ જામ્યું હતું. ધોળા દિવસે જાહેર માર્ગ પર આખલાઓ પરસ્પર આક્રમક રીતે લડવા લાગતાં આસપાસના ખરીદદારો અને રાહદારીઓમાં ભારે અફરાતફરી મચી ગઈ હતી. આખલાઓની લડાઈ એટલી ભયાનક હતી કે પોતાનો જીવ બચાવવા માટે લોકોએ આમતેમ નાસભાગ કરવી પડી હતી.આખલાઓનું રૌદ્ર સ્વરૂપ જોઈ લોકો ભયભીતસ્થાનિક સૂત્રો પાસેથી મળતી માહિતી મુજબ, શાક માર્કેટના મુખ્ય રોડ પર જ્યારે આ ત્રણેય આખલાઓ એકબીજા સાથે શીંગડા ભરાવીને આડેધડ લડી રહ્યા હતા, ત્યારે તેમનું રૌદ્ર સ્વરૂપ જોઈને આસપાસના દુકાનદારો અને સ્થાનિક રહીશો કંપારી ઊઠી ગયા હતા. આખલાઓ લડતા-લડતા લારીઓ અને દુકાનો તરફ ધસી આવતા મોટું નુકસાન થવાની ભીતિ સેવાઈ રહી હતી. આખલાઓને શાંત પાડવા અને છૂટા પાડવા માટે કેટલાક સ્થાનિક લોકોએ હિંમત બતાવીને તેમના પર બારીઓ અને ધાબા પરથી પાણીનો છંટકાવ પણ કર્યો હતો, છતાં પશુઓ લાંબો સમય સુધી લડતા રહ્યા હતા.રખડતા પશુઓની ગંભીર સમસ્યાથી સલાયાવાસીઓમાં ભારે આક્રોશઆ કોઈ પહેલી ઘટના નથી, સલાયા શહેરમાં રખડતા ઢોર અને પશુઓનો ત્રાસ દિન-પ્રતિદિન અસહ્ય બનતો જઈ રહ્યો છે, જેને કારણે સ્થાનિક પ્રજામાં નગરપાલિકા અને વહીવટી તંત્ર સામે ભારે રોષ જોવા મળી રહ્યો છે. અવારનવાર રસ્તા વચ્ચે પશુઓ આ રીતે લડતા હોવાથી વાહનચાલકો અને ખાસ કરીને વૃદ્ધો તેમજ બાળકોના જીવ પર જોખમ તોળાઈ રહ્યું છે. સલાયાના જાગૃત નાગરિકો હવે તંત્ર પાસે નમ્ર અપીલ અને ઉગ્ર માંગ કરી રહ્યા છે કે આ રખડતા પશુઓને ડબ્બે પૂરવા માટે વહેલી તકે કોઈ નક્કર અને કાયમી કામગીરી હાથ ધરવામાં આવે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ram Mandir Donation Row : તપાસ માટે SITની કરાઈ રચના, દાનની રકમની ગણતરી કરનારો કર્મચારી SOGની કસ્ટડીમાં
calendar_today June 13, 2026

Ram Mandir Donation Row : તપાસ માટે SITની કરાઈ રચના, દાનની રકમની ગણતરી કરનારો કર્મચારી SOGની કસ્ટડીમાં

અયોધ્યાના રામ જન્મભૂમિ મંદિર ખાતે ભક્તો દ્વારા ચઢાવાયેલા દાન સાથે સંબંધિત નાણાકીય ગડબડના મામલે તપાસ તેજ બની છે. આ કેસમાં સ્પેશિયલ ઓપરેશન ગ્રુપ (SOG)એ એક વ્યક્તિને કસ્ટડીમાં લઈને પૂછપરછ શરૂ કરી છે, જ્યારે ઉત્તર પ્રદેશ સરકારે સમગ્ર મામલાની તપાસ માટે સ્પેશિયલ ઈન્વેસ્ટિગેશન ટીમ (SIT)ની રચના કરી છે.કર્મચારીની કસ્ટડી અને પૂછપરછ શરૂ કસ્ટડીમાં લેવામાં આવેલા યુવકનું નામ લવ કુશ મિશ્ર જણાવવામાં આવી રહ્યું છે, જે અયોધ્યાના રુદૌલી વિસ્તારના મીનાપુર ફગૌલી ગામનો રહેવાસી છે. પૂછપરછમાં તેની ભૂમિકા દાનપેટીઓમાંથી મળતી રકમની ગણતરી અને સંબંધિત કામગીરીમાં શું હતી તે જાણવા પ્રયત્ન થઈ રહ્યો છે. તપાસ દરમિયાન કેટલીક રોકડ રકમ પણ મળી હોવાની વાત સામે આવી છે, જોકે તેની સત્તાવાર પુષ્ટિ થઈ નથી. CCTV ફૂટેજ અને ટેકનિકલ તપાસ તપાસ એજન્સીઓએ મંદિર પરિસરના CCTV ફૂટેજને મુખ્ય આધાર બનાવ્યો છે. દાનની ગણતરી સાથે જોડાયેલા વિવિધ વિસ્તારોના વીડિયો વિશ્લેષણ કરવામાં આવી રહ્યા છે. સાથે સાથે અન્ય ટેકનિકલ અને ભૌતિક પુરાવાઓ પણ એકત્રિત કરવામાં આવી રહ્યા છે. યુપી સરકાર દ્વારા SITની રચના કરવામાં આવી છે. આ ટીમને પ્રાથમિક રિપોર્ટ 7 દિવસમાં અને અંતિમ રિપોર્ટ 15 દિવસમાં રજૂ કરવા સૂચના આપવામાં આવી છે. ટીમનું નેતૃત્વ લખનઉના મંડલાયુક્ત વિજય વિશ્વાસ પંત કરી રહ્યા છે, જ્યારે IPS કિરણ એસ અને નાણાં વિભાગના વિશેષ સચિવ નીલ રત્નને સભ્ય બનાવવામાં આવ્યા છે. ટ્રસ્ટ અને અધિકારીઓની પ્રતિક્રિયા ટ્રસ્ટના અનુરોધ પર આ તપાસ શરૂ કરવામાં આવી છે. ટ્રસ્ટના અધિકારીઓએ જણાવ્યું છે કે તેઓ નિયમો મુજબ જરૂરી કાર્યવાહી કરશે અને ભક્તોની આસ્થાને નુકસાન ન થાય તેની ખાતરી રાખવામાં આવશે. આ સાથે જ મંદિર નિર્માણ સમિતિના અધ્યક્ષે મંદિર પરિસરમાં ચાલી રહેલા નિર્માણ કાર્યોની સમીક્ષા કરી છે, જ્યારે કેટલાક અધિકારીઓએ સ્પષ્ટ કર્યું છે કે તેમનો મુખ્ય ફોકસ માત્ર નિર્માણ કાર્ય પર જ છે.આ પણ વાંચો : West Bengal : ભરતી કૌભાંડ મામલે ED એક્શનમાં, TMCના ધારાસભ્ય મદન મિત્રાના 7 ઠેકાણાઓ પર પાડ્યા દરોડા

Read Full Story arrow_forward
Himachal Pradesh : પ્રવાસીઓનો ધસારો હિલ સ્ટેશન પર, મનાલીથી લઈને ચમોલી સુધીની તમામ જગ્યાઓ હાઉસ ફૂલ
calendar_today June 13, 2026

Himachal Pradesh : પ્રવાસીઓનો ધસારો હિલ સ્ટેશન પર, મનાલીથી લઈને ચમોલી સુધીની તમામ જગ્યાઓ હાઉસ ફૂલ

મેદાની વિસ્તારોમાં પડી રહેલી ભારે ગરમીથી રાહત મેળવવા માટે મોટી સંખ્યામાં પર્યટકો હવે પહાડી વિસ્તારોનો પ્રવાસ કરી રહ્યા છે. મસૂરી, મનાલી, કુલ્લુ, લેહ-લદ્દાખ અને અન્ય લોકપ્રિય સ્થળોએ પ્રવાસીઓની ભારે ભીડ જોવા મળી રહી છે. મનાલી હાઈવે પર અનેક કિલોમીટર લાંબો જામ મંડીથી કુલ્લુ વચ્ચે આવેલા મનાલી હાઈવે પર વાહનોની લાંબી કતાર લાગી ગઈ છે. ભારે સંખ્યામાં પર્યટકો મનાલી તરફ જતાં ટ્રાફિક ધીમે ધીમે 'ગોકળ ગતિ'એ આગળ વધી રહ્યો છે. જેના કારણે મુસાફરોને ભારે મુશ્કેલીઓનો સામનો કરવો પડી રહ્યો છે. વિક એન્ડ અને શાળાની રજાઓના કારણે પર્યટકોની સંખ્યા સતત વધી રહી છે. ખાસ કરીને મસૂરીના મોલ રોડ, ગન હિલ અને કંપની ગાર્ડન જેવા સ્થળોએ ભારે ભીડ જોવા મળી રહી છે. હોટેલ, રેસ્ટોરન્ટ અને સ્થાનિક વેપારીઓના ધંધામાં પણ નોંધપાત્ર વધારો થયો છે. હોટેલોમાં 90%થી વધુ બુકિંગ સ્થાનિક હોટેલ વ્યવસાયીઓ મુજબ વિક એન્ડ દરમિયાન મોટાભાગની હોટેલોમાં 90 ટકા કરતાં વધુ બુકિંગ થઈ ચૂક્યું છે, જ્યારે અનેક હોટેલ્સ સંપૂર્ણપણે ફુલ થઈ ગઈ છે. પર્યટકોના વધતા પ્રવાહથી સ્થાનિક અર્થતંત્રને પણ મોટો લાભ મળી રહ્યો છે. ભીડને ધ્યાનમાં રાખીને પ્રશાસન ટ્રાફિક અને સુરક્ષા વ્યવસ્થાને સુચારૂ રાખવા માટે સતત કામ કરી રહ્યું છે. આગામી દિવસોમાં હવામાન અનુકૂળ રહે તો પર્યટકોની સંખ્યા વધુ વધવાની શક્યતા વ્યક્ત કરવામાં આવી છે. આ પણ વાંચો : Ram Mandir Donation Row : તપાસ માટે SITની કરાઈ રચના, દાનની રકમની ગણતરી કરનારો કર્મચારી SOGની કસ્ટડીમાં

Read Full Story arrow_forward